مشكلتي زواجي من رجل من ولاية اخرى

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
مشكلتي انه تقدم لي شاب من ولاية اخرى "عنابة" وانا من العاصمة، عند البحث في اخلاقه وجدناه والحمد لله شاب محترم متدين اي كما يجب ان يكون الزوج الصاح والحمد لله وقد اخبره والدي انه لا يمكن ان اسكن واعيش في عنابة وهو وافق انه لا يفكر في العيش بالاصل في عنابة وله عمل هنا في العاصمة منذ عام.
لكني خائفة من اختلاف العادات والتقاليد، اكلاتهم، افكارهم ... وكذا في ترتيبات العرس وصباح العرس يجب ان نذهب كلنا الى عنابة وهذا الذي لا يستطيع اهلي فعله مطلاقا، هل يوجد حل اخر يمكنكم اعطائه لي لكي لا يسافر أهلي
اضافة للذي لديه نصائح من اي جانب ارحب بها كثيرا فانا حقا تائهة، كيف اتعامل مع اختلاف الذي بيننا او لا يوجد اختلاف في الاصل؟
ومن ها تجربة مثل هذي اذكريها جزاك الله خيرا
بارك الله فيكم، كل كلمة تنصحونني بها اجرها عند الله مضاعفة
والسلام عليكم ورحمة الله وبركاته​
 
وعليكم السلام ورحمة الله وبركاته
أعتذر على التأخير
أختي إذا جاءك من ترضين خلقه ودينه فتزوجيه و لا تنسي صلاة إستخارة
وربي يهنيك حبيبتي^^
 
السلام عليكم ورحمة الله وبركاته

إذا كنت محتارة في أمرك بين القبول والرفض وكان القبول عندك مساوي للرفض أي 50 % لكلاهما فهنا أنت في حيرة والخيرة في الحيرة يعني هنا يمكنك الإستخارة لأن الإستخارة أصلها الحيرة .

بخصوص العادات والتقاليد يبقى اسمها عادات وتقاليد لماذا نقدسها لهذه الدرجة ! يوجد شيء اسمه حذف عادة بحكم الظروف بحكم البعد بحكم ... بحكم .... يعني لماذا تجعلين هذه العادات والتقاليد عائقا !

إضافة إلى هذا إذا كنت على يقين تام أنك لا تريدين العيش بعنابة فاعلمي أنه سيتحتم عليك في يوم ما التواجد هناك لظروف لا أعلمها ولا تعلمينها وقد ينتهي عمل هذا الخاطب بالعاصمة وسيجد نفسه محتم العودة إلى مسقط رأسه ! يعني لا تتوقعي أنك ستبقين بالعاصمة بعد زواجك وإن حتمت ذلك عليه ستكون أنانية منك .

الأولى هنا تحديد أولوياتك ! هل هذا الشخص يستحق حقا القبول به أو رفضه. هل قبوله سيرافقه قبولك بالتواجد في عنابة في يوم ما أو لا. أو هل التواجد بعنابة والعيش فيها شيء مستحيل بالنسبة إليك !

فكري بهذا المنطلق وستجدين الإجابة ونصيحتي لك إذا كنت لا تقبلين بالعيش هناك وولي أمرك يرفض هذا أيضا فالأولى هنا الرفض من الأول لأنكم بهذا تفرضون شيئا قد يكون متاح الآن لكن قد يستحال مستقبلا وستقعون في فخ " ما تفاهناش هكذا ! "

بالتوفيق ولي فيه خير ربي يقدمو ويبارك فيه .
 
السلام عليكم
اختي العادات وتقاليد ماشي سبب مقنع باش ترفضي خاصة إذا كان الشاب مليح كيما راكي تقولي
وتبقي كل واحد وعادتو وأهلك علاش مايقدروش يروحو مع بنتهم ؟؟؟
المهم اختي استخيري و وكلي أمرك لله وأن شاء الله لي فيها الخير ربي يكتبهالك
سلااام حبيبتي. ..
 
السلام عليكم...
فتح باب الخير ان شاء الله..
اذا كان ممن ترضين دينه وخلقه وخِلقته فبارك الله لكِ وله لما تحسبين لأشياء قد تعميك عن الجميل وتريك وساوس الشيطان
؟؟؟
أي نعم وجب التفكير لكن ليس لدرجة خوفك من العادات والتقاليد والترونسبور؟؟؟
اين خوفك من سعادتك وتوافق العقليات واقتناعك به ودخوله قلبك وافكاره وتوافقها مع افكارك؟؟؟
ماتفكرين فيه تحصيل حاصل ، واقصد العادات والتقاليد انك ستكونين فردا من عائلته وتقدري اديري عرسك وعاداتك مع اهلك واحبابك ويكون معاك هو وكي تروحيلهم يعاودو يديرولك عاداتهم وتتعرفوا عليهاولازم تتقبليها لانك صرتي وحدة منهم وزيد واش راه تفرق ؟؟؟ مش لدرجة التعجيز ..وزيدي السفر نتاع اهلك تتفاهمو عليه قبل قال لازمك غير اشخاص معينين معاك وجهازك وتشوفو حل ولا تتعاونو راكي مرتو وقتها..
يبقى السكن في ولايتك او ولايته ننصحك نصيحة اخت متزوجة انتي حابة تتزوجيه وعاجبك؟؟ وتحوسي يسكن معاك وماتبعديش اهلك؟؟ علاه هو يبعد على اهلوا واميمتو اللي كبراتو وولى راجل وجاك جاهز؟؟
يعني نظن اهلك مش راح يخمموا وينهم اهلك؟ ولا من ايام العرس انتم في حالكم وانا وابنكم في حالنا؟؟
مش هكا تتبنى العلاقات واهلوا مهما كان راح تشوفيهم وتروحيلهم وممكن في افراحهم واقراحهم لا قدر الله تسافريلهم ديما وقادر يتحول مكان عملوا ويرجع لولايتو وياما ناس صراتلهم وراهم هانيبن عااادي ولات التكنولوجيا تقرب لبعيد ..خممي في حياتك مليح وادي قرارك بعد الاستخارة والدعاء اهلك مدام تزوجتي انسي قرب دارهم راح تجيبي اولاد لازمهم اهلهم واكتافهم من جدودهم واعمامهم كيما حقهم من اخوالهم ...
علاه الرفض لولاية اخرى ؟؟ ربي طرح براكتو في كل الاماكن ومدام الرجل طيب واخلاقو مليحة اسكني معاه وين يديك راكي حلالو وعرضو وراح يحميك ويصونك ويوفرلك الهناء انشالله...
لازم تتناقشي معاه بعقلانية برك مش تصدي وتسكري كلش قدامك ..كاين اهلك اعطيهم رأيك واسباب خوفك وقلقك راح يتبينلك الصح من الخطأ...
البنت لازمها الزوج الصالح وليس المكان من يحققه...
اسعدك الله وحقق رجاؤك في زيجة هنية وعيشة رضية وعائلة مرضية...
 
سلام عليكم
اولا أختي سقسيتو على الراجل عاقل ومتدين وخدام واش تحوسي أكثر لو كل واحدة تخاف من عادات وتقاليد واحدة ما تتزوج لالا عادي حاجة باينة العرس يروح لأهلو او ديرو العرس هناك وتجو وعادي هنا ظيري عرسك على عادتك وهناك تبعيهم وتتعلمي مافيها والو الماكلة راه خدم هنا وياكل ماكلة هنا وتتعلمي مع الوقت ويوالف ماكلتك وعادي هذا ماراهش عذر نورمال بالموالفة توالفي عادتو ويوالف عادتكم وعادي جدا .
واهلك علاه ما يروحوش لعنابة ناس ماشاء الله كرم الضيافة وهايلين وانت لو تتزوجي براجل آخر ما يروحوش ثاني معاك هذي أول مرة نسمع بيها لالا أختي
انا ننصحك تقبلي وتقنعي اهلك خاصة لو كان راجل مليح وغير تتخطبي تعرفي على عادتو هو خليك من عنابة ووهرن وسطيف تعرفي على عادة راجلك واش يحب واش يكره راح تعيشي معاه هو وأهلو راح مرة على مرة تروحيلهم ضيفة يعني مش مضطرة تتعلمي كل شي وهوما عارفينك من ولاية أخرى مش رايحين يفرضو عليك حاجة
موفقة
 
laa konti 9abla bih w khayfa ghir men had swaleh normaal hadja khfifa mat3amrich rassek
yaa khti wech ngoulek rana kamel des algeriens mayhemech l makla w ta9alid maais dima dima 3andna nafss l 3a9liya w dem, w zid koun f adrar wala peut etre yetbedel 3lik l climat mais kiif kif annaba w alger l umidité win trohi :)
khayfa 3la l 3erss ?? sabohi ?? 9liiil li mazalhom b hed l 3adat ,, ana na3ref bnet li zewdjou b3ed ydirou 2 fetes, youm ydirouh 3and tofla la habet l henna et tt w ydjou m3a radjel les proches bark apres yrawho mba3da yweli apres smana yediha men darhom direct l dar wala hotel treposi apres troh t3aress f dar radjel w tetssader et tt w yroho m3aha khwatatha w les proches bark w baaass le3chiya yrawho ness darha w hiya troh voyage w y3ichou fi hanaaa
mat3amrich rassek b had les details, sah f radjel ki ykoun mlih fi dinou w 3a9liyto w khademto
 
ببساطة من هدرتك استنتجت
مراكيش حابة تخرجي من العاصمة مابيك لا خاطب لا دار لا سكنة لا عادات لا تقاليد
راك حابة تبقاي تسكني في العاصمة هاد الي مخوفك
 
السلام عليك
وعلاش أهلك ميروحوش لعنابة يحضرو عرسك وعرسها كيما اهلك يحضرو عرسك هو تاني أهله يحضرو عرسه
ومافيها والو هذو تقاليد بلاد وحدة
 
تضعي العصا بالمقصله وتوجدي مشكله من لامشكله ...
مدحتيه ومجدتيه واشدتي بأخلاقه ثم اعبتي عليه مدينته ومقر سكناه ..
كونك لاتريدي الخروج من العاصمه فأنتِ حره كما له الحق ان يعود لمحافظته ويعيش بين اهله وجماعته وناسه ..ولو بعد حين ..
لذلك عليكِ ان تحسبي حساب انه سيعود يوما هناك وهذا مؤكد فإن لم تكوني مستعده للعيش مع زوجك في اي مكان يكون فأرفضيه
لأن شرطك عمل العرس بالعاصمه بعيدا عن اهله واصدقائه وناسه بمثابة اختطاف ... بس .
 
السلام عليكم
تقولين مشكله لا ارى ان هناك اي مشكله ما دام شابا خلوقا ومثالا للزوج الصالح .ويعجبك...
اما مراسيم العرس فهي اسبوع ع الاكثر فلما تصعبين الامر اختاه و هي مجرد شكليات بالنظر الى كونه رجلا متدينا
اما ان كان مقصدك العيش, في بيئه مغايره لبيئتك صحيح هو امر صعب التأقلم معه ولكن بما انك قبلت به زوجا فوجب عليك مسايره الوضع ولا اظن بانك تريدين منه ان يتخلى عن اهله .ويكفيك انه خلوق وذو دين
 
السلام عليكم
اسمحيلي اختي مي منك بصح هذي مشكلة!!!
جاك راجل مسقم وباقيا تقولي مشكل التقاليد وما علاباليش واش مدام هاذا بانلك مشكل تسكني في ولايته قلتي لا تروحو لثما بانتلك بيزار نتي صلي استخارة وراجعي نفسك وخلي ولد الناس يشوف حياته ما تشديهش وزيد بالزيادة قلتي دين وخلق والواجب انو زوجة تبع زوجها وين يعيش صح التعود صعب بصح مع الوقت توالفي ونوورمال كاين لي من صحرا سكنت العاصمة والعكس وراهم هانيين
نوصيك باستخارة واستعيذي بالله من الشيطان هو لي يبدا يوسوس هكا
 
خلاصو غليك ولاد العاصمة مثلا ...(ابتسامة حزينة )

حنايا عندنا كي يكون واحد صعيب بزاف نسموه لعنابي ...



امزززززح


اذا كان رجل صاحب دين و خلق فربي يكمللكم بالخير
اصلا الصعوبة راح تكون عليه ايضا .. لانو اذا سكن في العاصمة يرجع هو لي يتعب في الذهاب و الاياب اذا اراد رؤية اهله
هذه الامور تقدر تنجح في العادة مع الرجال
اتمنى ان يكون خيرك فيه و خيره فيك
نصييييييحة
اذا اعترض والداك و ليس لهما ان يعترضان على امر دنيوي في الرجل ..لكن اذا اعترضا عليه خااااصة والدتك .. فخذي اعتراصاتها على محملالجدية
و ندعو الله لك بالخير و الصلاح و الفلاح و التقى و النجاح فلاتني دعاءا لربك و بالحاح ...
تفبلووومروووري
 
لو يعلم خطيبك بان والداك لا يحبون الذهاب لعنابة سيفسخ الخطوبة ويتركك لأن عدم تقبل والداك الذهاب لعنابة هو اهانة لأهل زوجك ولهذا انصحك ان تحاولي تفهميهم بالذهاب واذا كان السفر لا يستطعون عليه اتفهامو مع بعضاكم شكون لي يروح معاك وهكذا يتم العرس اذا عندك عم او خال هوما لي يروحو معاك دمتي بخير
 
و علاه اختي انت راكي رايحة للموزنبيق اختلاف عادات و تقاليد
ناس العاصمة مثل ناس عنابة كامل يحبوا الكسكس و الحريرة و الشوربة
اذا الخاطب في المستوى اتكلي على ربي
 
وعليكم السلام ورحمة الله وبركاته
انا من مزوجة براجل ماش من ولايتي انا من الشرق وهو من الوسط والحمد لله
كاين امور سهلناهم لبعضانا وقت الخطبة والزواج يقدرو اهلك كي يجو معاك يكرو في لوتال كان عادت دار شيخك معندهمش واين يبيتوهم مانشوفش فيها مشكل خلاه
انتي جابلي ربي اهلك من ناس العاصمة لي يحبو بنتهم تتزوج وتجيب الراجل يسكن في العاصمة
وتجيهم انورمال يخليوها تبدل الولاية .
اسمحيلي نقولك هادي هنا بعد ماهياش
انتي يخي راح تتزوجي بالراجل يعني الراجل ها\ا تعي شي معاه حسب ظروفو ماش حسب ظروفك انتي
وشغل راكي دايرة حاجز عادات وتقاليد وعنابة واهلك ومعرف واش

كان عدتي تحبي الراجل ه\ا الصح راكي راح تكوني معاه دار عائلة حسب واش ينص عليه الاسلام والاخلاق والتربية هي الاهم قبل العادات والتقاليد
وباه يكون في علمك عنابة راهي هايلة متستغريهاش
زيني نيتك يسهلك ربي
وكان عالطياب تاع الشرق كسرة وكسسكي وشخشوخة ونعمة وووو متنوع وفووور لاباس بيه
وانتي كي تتزوجي لازم تتعلمي تطيبي لراجلك كلش
انا درك تعلمت طياب اهل راجلي يعني نطيب طيابي وطيابهم نورمال هادي
تدي من عاداتهم وعاداتكم
كان عدتي حابة صح هاد الانسان وتعيشي معاه وتتعايشي مع اهلو
وزيد الراجل او بماليه حبيبة
غير كان حبيتي تدي راجل بلامواليه ها\ي حاجتك

ربي يسهلك ان شاءالله
 
لا أجد سببا مقنعا لرفضك
بسطي الأمور تكون بسيطة
العادات عادي مكاش مشكل تتعلمي نورمال
استخيري لله وربي يسهلك
 
الجهوية ضربت في الاعماق لتصل إلى الجيل الجديد ..:rolleyes:
ياو توكلي على ربي
نتوما عرب وهوما عرب
نتوما مسلمين هوما مسلمين
نتوما جزائريين هوما جزائريين
نتوما ولاد تسعة هوما ولاد تسعة
عدي على اصابعك أوجه الشبه
وعدي أوجه الاختلاف
ستربح كفة أوجه الشبه
إذا ....

ربي يهنيكم
مبروك عليك مسبقا
وما تنسايش الڤاطو ...

ما اجمل تمازج الشرق مع الغرب والشمال مع الجنوب ليكونوا أروع جيل مسلم عربي جزائري

احترامي وتقديري​
 

السلام عليكم و رحمة الله و بركاته
...
اولا و حسب ما قرأت في مشكلتك
المشكلة تتمحور في امرين ... الامر الاول هو اختلاف العادات و التقاليد بينكم يعني عادات العاصمة و عادات الشرق الجزائري
و المشكل الثاني هو نهار العرس و التعب تاعو و ما الى ذاك
بسم الله ...
بالحديث عن المشكل الاول ... الي هو العادات و التقاليد نقولك يا اختي ماكيش رايحة تعيشي مع قبيلة من قبائل افريقيا الوسطى
و لا مع قبيلة هنود حمر كيما بوكاهنتس ...
راكي رايحة تعيشي مع ناس جزائريين ... مسلمين ... يعرفو ربي و الرسول عليه الصلاة و السلام
و ايضا راكي قلتي بلي السيد راح يسكن في العاصمة ... امالا المشكل من هذي الناحية ماكاش ...هذي نقطة
و بالرجوع للمشكل الثاني " كلمة مشكل مبالغ فيها "
نرجع و نقولك هي قضية نهار و السلام عليكم ... نهار و لا نهارين اديرو فيهم العرس و يروحو داركم و يتعبو شوية و هي فرات
السيد كيما راكي تقولي دين و خلق و ما الى ذلك ... اذا كان الامر كيما هاك ... ما نظنش قضية سفر تاع نهار و لا زوج رايحة تخليك تغيري رايك
و تشوفي جيهة اخرى
امالا اذا كان السبب في التردد تاعك حاجة اخرى .... هذيك العلم لله
و ربي يكون معاك و يسهلك الي فيها الخي
و
شكرا

 
آخر تعديل:
حياتك هي زواجك
واول شروط نجاح الزواج
قناعة الاختيار للشريك وطريقة العيش مع الشريك ذرة شك واحد
ذرة تردد واحدة قادرة تنحرف بالزواج لذا
اذا شفت روحك واهلك مستعدين لهذا الزواح والتضحيات الي تتبعه فربي يهنيك اما اذا لا فلا ..والله اعلم
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top