ههههه رجعتونا للبداية ... روعة كانت
أيام كريم وحكيم وأمين وزينو..... كنت مشرف على القسم السياسي وكنت نحب النقاشات
وكنت نسهر بزاف في اللمة وخاصة في القسم السياسي للرد ..... دخلت للراتراباج على جال اللمة ههههه
ومرة في جوان ركبت الطائرة من قسنطينة إلى حاسي مسعود والسخانة كانت 42 .... صاحبي هرب وخلاني وانا قلت للطاكسيور اديني لسيبار أيمن في الحاسي واداني بــ 30 الف ....
رحت مالقيتش كريم تماك ...وبعدها وليت للمحطة وكنت راكب في الكوستير تاع ورقلة وقبل الانطلاق لحق كريم للمحطة........ههههههه سبحان الله الوجوه تتكلم قاعد يشوف في وجهي وانا استغربت شكون هاذا وانا ما نعرف حتى واحد في هاذ لبلاد......... تقدم بخطى ممتثاقلة....... قالي أنت كمال ....... لم اجب بسرعة...... وطرحت سؤال في راسي شكون هذا ومنين يعرف اسمي...هههههه مع السخانة نسيت بلي كنت في السيبار تاعهم...... المهم قلت له نعممم وانت شكون قالي كريمممم........ بالأحضان ياحبيبي وألح عليا انو نبقا معاه شوي..... لكن مع السخانة وماكنت هاز والو في يدي لانو صديقي مع السخانة هاذيك ماحبش يقعد في الحاسي وكي وصلت لورقلة اهدرت معاه في التلفون وشكرتوووا.......
الصور مازالها عندي وان شاء الله أضعها في القريب العاجل مع كامل الحكاية ......
آسف على الإطالة صح رجعتونا لفترة كانت الأحلا والأجمل .....
