بوقالات رمضان و السهرة مع لحباب

[amira style]

مارسييييييييييييييييييييييييييييييييييييييي عليك نحب بوقالات
​

 

[تسنيم الهناء]

11

أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .

يعطيك الصحة للبوقالة و لاتاي
:wink:
​

 

[assoma]

قالك المؤمن يبدا بروحو
نويتها على روحي
ههههه
يعطيك الصحة امينة حنونتي
وصحا فطورك وسحورك

10 علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .


​

 

[amina-02]

مشكورين على الردود

 

[محاربة صحراء]

15 أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور .

 

[وردة الروح]

السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها .


​

 

[SALSABILE10]

09 فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا

أنا خيرت هدي و صح لأختي

 

[imaah_h]

07 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .







انموت عليهم البوقالات:yahoo:


شكرا لك

 

[naGam]

05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .​

 

[lona1991]

19 دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .
يعطيك الصحة

 

[Mafia-beo16]

16 جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .

يعطيك الصحة ختي

 

[وردة الروح]

دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .
شكرا لك

​

 

[madridista]

ام بقلاوة

 

[madridista]

دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .

 

[himina]

شكرا ديما يجي زهري نفسو

 

[وردة الروح]

اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .​

لكل أهل اللمة الكرام
صح عيدكم



​