( الحـــــلقة الثـــــانية ) راديــــــو الفـهــــــــــامــة ... و القعدة عـــــــلامة ...

الحالة
مغلق ولا يسمح بالمزيد من الردود.

Rochdi.dz

:: عضو بارز ::
أحباب اللمة
إنضم
22 جانفي 2009
المشاركات
3,623
نقاط التفاعل
1,691
النقاط
356
محل الإقامة
هنا برك
الجنس
ذكر


Entete.png

Fassil%252520salalm%252520copy.png

راديو الفهامة و القعدة علامة
Arkan%252520el3adad02%252520copy.png

[FONT=&quot]
مرحبا بيكم في حصتكم المعروفة راديو الفهامة ونقولولكم صح رمضانكم [/FONT]


[FONT=&quot]كيما تعرفو حصة الفهامة كل مرة تحكي على ميضوع من الميضوعات و الميضوع نتاع السهرة هادا هو
الكذب و النميمة
ملاحظة : - و الله نص الموضوع مخدوم بزربة غير العشية هدي الله غالب الا مايضحكش
المهم الميساج يوصل برك ههههه
-

S-Rochdi%252520copy.png

[/FONT]
او واش راكم و على قداه راكم وفي قداه راكم
و الله راني خايف عليكم يخي تعرفوني نحبكم
هاو الدعوة ولات ماتتأمن من القنابل المسيلة للعاب
يا سيدي و الله تحير من عباد اخر زمان وش يطيح و واش يطيَح
الهدرة بالكذب و التقطاع ولات سبور للفم من ينوض على
الثمنية و هو هباتيتي هباتيتي كاشما دارو كاشما قالو
فمو من التمنشير ولا ماشوار نتاع بيت بوول
نهار طول وهو بالكذب و فلان دار و فلان قال
و الله يا كي يبدى يطلق في الكذب دفعة دفعة تشوف تقول بني آدم
بصح من داخل كاينة لفعة وكي تجيه النفحة يبدى يمنشر و يخرب
يقطع في الغاشي و السم خارج من فمو كي العقرب يا لطيف
هاز الحقد للناس كامل مايحب الخير لحتى واحد خدمتو
العسان و يموت على الحساب....عينيه اللهم عافنا نتاع حساد عندو لاصيد
في نص اللسان و ماهو طالق حتى انسان
ياو كون غير جاو يقولو شوي حق نقولو ماعليش مي المشكلة
راهم يخرجو حكايات ماتغزيزتيش معارف منين يجيبو في السنايروهات
و المشاكل و يطبقوهم باه يفرقو بين فلان و فلان
بين الصحاب و الحباب... بين لي فامي و الجيران
على جال الدعايات هدي صراو مشاكل كبار
سيرتو من جيهة النسا راهم ناس ياسر وصلو للطلاق
و وصلت مام عايلة وحدة يداقو في بعضاهم وهو اكل
سبابها ستوت منيه ...
المهم ربي يبعد علينا البلا رمضان رمضان
....


Howa%252520Hia%252520copy.png

هو : باللون الازرق
هي : باللون الوردي


يا مرا ارواحي ترا
واش ثاني هاني جيت هيا هات من لخر
نجيب من لخر؟اوكي
علابالك وش لقاو في أخر الدراسات
واش لقاو ثاني ازرب اهدر راح تخلص نور
قالك النسا اللي يمنشرو ياسر هوما اكثر صحة و سعادة خير من لخرين
يعني كي تمنشري بيان تنقص صحتك و او مام طون تحسي بسعادة كبيرة
كي شغل ديفولي على روحك


آآآآآآآآه ...هههههه ايا روح قيلني بركا ماتخرف
علاه تضحكي راني نحكي صح
قالك النميمة تنشط هرمون البروغيستيرون هو اللي ينقص القلقة و لاطونسيون
ياي روح برك قالو سعادة و صحة؟و هرمون و سترون؟
هاو انا توجور نمشر مع حباباتي
و علاه مازالني سمينة؟و جامي لا كنت سعيدة مع رهطك

ايه نتي ماكيش بروفيسيونال في التمنشير الله غالب
لازملك تتعلمي تمنشري خيرلك من لايروبيك

هههه حتى التنمشير لازم نتعلمو؟
ايه تعلميه ..نقلك اقعدي مع جارتنا سميرة هديك قالو طياحت لرقاب
سمعت بلي توجور تخرج في الدعايات و خلات قاع العايلات

ايمالا بروفيتي منها خيرلك من الدواوات اللي راكي تاكلي فيها
وماطاح منك حتى غرام راني نشوف فيك زايدة غير تسماني
و انت شكون حكالك عليها؟
حكاتلي عليها كريمة مرت الطاهر بن ختي
و كريمة وين تعرفها يخي تسكن بعيدة منا؟
بلاك كاشما قالتلها كاش منشارة يخي نتم النسا
توصلو الاخبار خير من النشرة و الجرنال
ايه يعني انت في بالك النسا كامل كيف كيف؟؟
لالا حاشا لله مي من ليوم نعود نعرف درجة التمنشير على حساب
وزن المرا و الضحكة نتاعها
لوكان نشوف وحدة رقيقة وديما زاهيتلها نعرفها اكبر منشارة
في الكارطي
هههههههه
مالا من ليوم تعود تظل تعس في النسا؟وتخزر فيهم
ايه خلي نشلل عينيا و مام طون نعرف شكون هي اكبر منشارة في الحارة
ايه ديرها و تشوف؟وزيد يعودو يقولو عليك برقاق عينيك يخرجو
و تولي انت هو اكبر وقاب في الحارة

خلي يقولو وقاب..يخي مومونتانيومون برك
مابين غسلت عينيا مليح آ عرفت المنشارة شكون هي و نحبس
او انت؟؟يااااااي وش نقلك الله يهديك برك

Bokalat.png

ركن البوقالات راه تقدمولكم العضوة
la_safa
:: عضو فضـي ::
star2.gif
star2.gif
star2.gif
star2.gif
star2.gif
star2.gif


البوقالات بالحرف الاول من إسمك

أ -
ارمي الشبكة في بحر كبير يجيك فيها خير كثير ، ترش الورد و تتغطى بالحرير
ب-
فرشت فراشك بيدك و عفستيه برجليك و اللي غاب وراح و نساك راه ناوي يولي ليك
ت-
عيطت على سيد الملاح صبت الناس رقود زعزعت الدالية طاح منها العنقود خلي لحباب تعود و كلشي بالمكتوب
ث -
إذا قنديلكم من الريح أنا قنديلي ضاوي و سعدي مليح كل ما تبنوا ساسكم يطيح و ساسي أنا سجالي الناس تشد في العبد و أنا نشد في ديما في ربي العالي
ج -
بالبشارة بشرتوني و بالجنة زرتوني على الغالي إن شاء الله تهنوني
ح -
اسمعت قر الحمام، في قاعة السجنة، لا من طاه الما، لا من اسقاهاللفط، يا قمر الحمام، يعيا يحن الحنين، او تتعمر اقبوشه بالما، وانعودوالزمانا كيما كنا
خ -
جزت على باب دارنا، صبت الناس الملاح ارقود، اتنهدت الذالية،واتخلخل العنقودن قال: الهلال تكشف قالوا: النجوم ذنوب، جيلو القلوب تهنا،هاذ الشي بالمكتوب
د-
خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
ذ -
حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة و حكمتكم : صداقة الجاهل تعب.
ر-
جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.
ز-
خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .
س-
سيدي مسافر و الشمس لاقاتوا يا شمس كوني مظلاتوا و يا حجرة كوني مونساتو سيدي مسافر و أنا مستنياتو
ش -
البقلاوة:جزت على قوس لمجلجل و اعراف النعناع دلاية معاه الياسمين و النرجس و الشمس الفوق علاية إن شاء الله ربي يوصل و يقلب من دعاية
ص-
قدك عاجي و خدك زجاجي لقيت سيد الملاح في زنقة الماجي صوتك يا لالة ينحي عليا الغبينة و يناجي
ض -
ساعة ورى ساعة و شهر ورى شهر و عام ورى عام يتبدل التخمام لكن أنا قلبي راسي على الحباب مالوا تبدال
ط -
رديت بابي دفعة على دفعة و طويت فراشي لفة على لفة و أنا حبي ليك شمعة ما تطفئ
ظ -
إذا أنت بحر أنا حوت فيك و إذا أنت شجرة أنا وريقة فيك و إذا أنت السماء أنا سحابة فيك
ع-
قطعت اللحم بيدي، واعملتوا بزاروا، واسمعت الكلام بوذني، و اعرفتمن قالوا، يا قوال الكلام الله لا يجعلك تربح، انا في جرتك و الكلاب تتنابح هودت القاعة الجنان،
غ -
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد . و حكمتكم : جد بالكثير ، واقنع بالقليل
ف-
محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا
و حكمتكم : ظلم الضعيف أفحش ظلم
ق -
قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.
و حكمتكم : الغفلة غرور
ك -
دارنا في الجبل ، مقابلة مكة ، مفتاحها من ذهب ، يشعل ما يطفي
ل -
زينة الشعور و كحلة العيون ... نديها لوكان نخسر عليها 30 مليون
م -
مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .
ن-
خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .
حكمتها : النفس مولعة بحب العاجل

هـ-
خرجت من الفاس، دايره الداح و مقياس و ازويجه ملخراص، هددت وذنيها الليعندو نقش الريال ايجي يديها، واللي ما عندوش يقعد يقابل فيها
و-
اللي راهو في بالها هو في بالك و اللي تبغيها راهي على جالك و العدو بإذن الله راهوا هالك و اللي يخاف ربي راهوا ديما سالك
ي -
أتوكل على ربي و دير الملزوم و نوي نية بالقلب المهموم شملك بيهم ملموم

Noket%252520copy.png


ركن النكت يقدمولكم العضو
youcef29
:: عضو ذهبـي ::
star2.gif
star2.gif
star2.gif
star2.gif
star2.gif
star2.gif
star2.gif


قبل ما يبانيديوه هههه

-قالك مرة واحد دائما يخلطها مع مرتو ماكاش نهار لاباس:
ايا لحق رمضان مصابش واش يهدر معاها راح شرا 4 حبات بيض:
ايا مين لحق المغرب حطتلو 2 مقليين و2 مغليين:
بدا يخزر فيها ومن بعد قاللها اللي نورمالمو تغليهم قليتيهم
واللي نورمالمو تقليهم غلتيهم.

.............................. .............................. ............
مزطووووووووووووووووول
.خرجلو جن فالليل و هو ماحافظ والو مالقرآن بدا يغني
إلا صلاتي ما أخليييييييييييها.

.............................. .............................. ............
مرأه قالت لراجلها
كون تزوجت بليس خير منك
.قالها راجلها
شرعا حرام تتزاوجي خوك.

.............................. .............................. ............
واحد راح على عيد ميلاد صاحبو البخيل
لقى بابين
باب النسا و باب الرجال
دخل من باب
لقى بابين مكتوب عليهم القرايب و الاصحاب
دخل باب الاصحاب
لقى بابين واحد مكتوب عليه بهدية و باب من غير هدية
دخل باب من غير هدية
لقي روحو في الشارع.

.............................. .............................. ............
واحد قال لصاحبوا: مرتي ماتت اليوم، حاب نبكي مي ماقدرتش
صاحبه قالوا :ساهلة تخيلها رجعت.

.............................. .............................. ............
حوار بين إمرأتين بعد وفاتهما
إنتي كيفاش متّي؟-
الثانية: متّ متجمّدة!-
و انتي
سكتة قلبيّة-
كنت شاكّة فراجلي يخوني وحد نهار قتلو نروح عند يمّا نجي حتى لعشيّة
بعد ساعة زدمت عليه في الدار، لقيتو قاعد مرتاح يتفرّج
رحت نحوس فلبيوت مالقيت والو.هبلت و دخلت لبيتي نلوم فروحي حتى جاتني الجلطة
يعني إنتي كون لقيت وحدة معاه راكي عايشة ؟-
بيانسوغ!-
ربّي يهديك!كون حوستي فالفريجيدار كون رانا لزوج عايشين...

.............................. .............................. ............
قالك مره راجل كان يسوووق في سيارته ومعاه زوج من مراته
يعني زوج من زوجاته وحده مثقفه و وحده مبلعه من راسها
في الطريق حبست اللوطو
نزل الراجل يشوووف واش صرا للوووطووو
قالتله المثقفه
شوف بالاك الموتوور راه ضايع
المره الجاهله غارت منها...قالت في نفسها ما نعرفش ف اللواطا بصح والله نقوول حاجه
قالته يا راجل شوووف بالاك نسيت الpارمي......

.............................. .............................. ............
وحده شابه لاقات شيخ كبير رافد قفه ثقيله
قاتلو هات نعاونك يا بابا
ممبعد دعاها بالخير
قالها
...الله يرزقك بولد الحلال
......قاتلو مسكينة
حتى ولد الحرام ماعليش.
المهم نزوج
مساكيييييييييييييييييييييييييي يين هههه,,,

.............................. .............................. ............
زوج مهابل هربوا من مستشفى المجانين ركبوا سيارة الاول قال الثاني دور على اليمين
قالوا الثاني
؟.دور انت راني نسوق...

.............................. .............................. ............
طبيب غرفة الطوارئ بمستشفى .. يقول لرجل : زوجتك عملت حادث سيارة خطير
و لدي أخبار سيئة و أخبار جيدة .. الأخبار السيئة أنها لن تستطيع
استخدام أي من ذراعيها أو رجليها مرة أخرى .. و أنها ستحتاج
الى مساعدة في الأكل والشرب و الذهاب الى الحمام مدى الحياة!
فقال: يا الهى .. و ما الأخبار الجيدة ؟
الدكتور :أمزح معك.. ماتت,,,,,,

Araae%252520copy.png

[FONT=&quot]و أون فان خلصت اليوم راني نقصت شوي في السوجي....
[/FONT]
[FONT=&quot]هدا الركن لخر نتاع سبر الأراء نخليوهولكم نتم تعطيونا رايكم في الظاهرة هدي[/FONT]
[FONT=&quot]رانا نتلاقاو بإذن الله
في الحصة الجاية في السمانة الجاية و كاشما نزيدو نمنشرو[/FONT]




سلااااااااااااام
 
آخر تعديل:
صح فطورك مازال ماقريتيش بصج عجبتني هذي
............... .............................. ............
مزطووووووووووووووووول
.خرجلو جن فالليل و هو ماحافظ والو مالقرآن بدا يغني
إلا صلاتي ما أخليييييييييييها. فففففففففور خوا يعطيك صحة
 
ربي يوفقكم
شكرا لكم
 
صح فطورك مازال ماقريتيش بصج عجبتني هذي
............... .............................. ............
مزطووووووووووووووووول
.خرجلو جن فالليل و هو ماحافظ والو مالقرآن بدا يغني
إلا صلاتي ما أخليييييييييييها. فففففففففور خوا يعطيك صحة

الله يسلمك

مزال مارديتيش بصح عجبني ردك
ههههه
 
ارجع زيد دير اقتباس للرد :tongue_3: هههه

°°°°°

والله يا رشدي قتلتني ضحك على هو و هي
يعطيك الصحة
:yahoo:
لولة ضحكت عليها هاذاك النهار :eek:i-o:

و اختي صفصوفة يعطيك الصحة على البوقالات هايلين
سيرتو تاعي تقول درتيها ليا سبيسيال
:music_whistling: هههه

ص- قدك عاجي و خدك زجاجي لقيت سيد الملاح في زنقة الماجي
صوتك يا لالة ينحي عليا الغبينة و يناجي


و يوسف والله يا النت لي جبتهم وحدهم تاع الصح ههههه
مالقيت مانخير كلهم عجبوني :showoff:

 
آخر تعديل:

ديما فور شوشو
هذي حاجة قاوية ربي يبارك



قتلتوني بالضحك اشايب


بوقالتي

هههههههههههههه
م -
مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .

 

ديما فور شوشو
هذي حاجة قاوية ربي يبارك



قتلتوني بالضحك اشايب


بوقالتي

هههههههههههههه
م -
مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .


و ديما فايف ميزو
صح فطورك

الله يخليك ا الكبيدة منور


 
تسجيل حضوووووووووووووووووووووووور من بعد نرد
رشدي أسمي كي صرااااله هههههه​
 
تسجيل حضوووووووووووووووووووووووور من بعد نرد
رشدي أسمي كي صرااااله هههههه​

اهلا يوسف صح فطورك

اسمك ماعجبهمش الكولار لزرق
قالك نجربو نردوه غري بلاك يخرج عليه
ههههه

 

اهلا يوسف صح فطورك

اسمك ماعجبهمش الكولار لزرق
قالك نجربو نردوه غري بلاك يخرج عليه
ههههه


هههههههههههههههههه
اسمي شاب ليله و رجع ههههههههههه
الحمد الله سلكتها على خير
 
خ -
جزت على باب دارنا، صبت الناس الملاح ارقود، اتنهدت الذالية،واتخلخل العنقودن قال: الهلال تكشف قالوا: النجوم ذنوب، جيلو القلوب تهنا،هاذ الشي بالمكتوب
راك ديما فور خويا عزيز نعطيك تقيم لانك ديما تعطينا جديد ربي
 
هههههههههههههههههه
اسمي شاب ليله و رجع ههههههههههه
الحمد الله سلكتها على خير

ههههههه
الحمد لله

مي كي تقعد ابعثلي رسالة قلي علاه بانيداوك؟



 
خ -
جزت على باب دارنا، صبت الناس الملاح ارقود، اتنهدت الذالية،واتخلخل العنقودن قال: الهلال تكشف قالوا: النجوم ذنوب، جيلو القلوب تهنا،هاذ الشي بالمكتوب
راك ديما فور خويا عزيز نعطيك تقيم لانك ديما تعطينا جديد ربي

الله يحفظك ختي خديجة
مرسي منورة الله يخليك

 
وعليكم السلاام

اسنى نحكم البلاصة خويا رشدي ومبعد نرد ههههه

 
اضحك رشيدي قريت من تحت وطلعت نصف ثم فوق
هك فهمت موضوع راني نفهم غير من تحت
هو : باللون الازرق
هي : باللون الوردي


يا مرا ارواحي ترا
واش ثاني هاني جيت هيا هات من لخر
نجيب من لخر؟اوكي
علابالك وش لقاو في أخر الدراسات
واش لقاو ثاني ازرب اهدر راح تخلص نور
قالك النسا اللي يمنشرو ياسر هوما اكثر صحة و سعادة خير من لخرين
يعني كي تمنشري بيان تنقص صحتك و او مام طون تحسي بسعادة كبيرة
كي شغل ديفولي على روحك


آآآآآآآآه ...هههههه ايا روح قيلني بركا ماتخرف
علاه تضحكي راني نحكي صح
قالك النميمة تنشط هرمون البروغيستيرون هو اللي ينقص القلقة و لاطونسيون
ياي روح برك قالو سعادة و صحة؟و هرمون و سترون؟
هاو انا توجور نمشر مع حباباتي
و علاه مازالني سمينة؟و جامي لا كنت سعيدة مع رهطك

ايه نتي ماكيش بروفيسيونال في التمنشير الله غالب
لازملك تتعلمي تمنشري خيرلك من لايروبيك

هههه حتى التنمشير لازم نتعلمو؟
ايه تعلميه ..نقلك اقعدي مع جارتنا سميرة هديك قالو طياحت لرقاب
سمعت بلي توجور تخرج في الدعايات و خلات قاع العايلات

ايمالا بروفيتي منها خيرلك من الدواوات اللي راكي تاكلي فيها
وماطاح منك حتى غرام راني نشوف فيك زايدة غير تسماني
و انت شكون حكالك عليها؟
حكاتلي عليها كريمة مرت الطاهر بن ختي
و كريمة وين تعرفها يخي تسكن بعيدة منا؟
بلاك كاشما قالتلها كاش منشارة يخي نتم النسا
توصلو الاخبار خير من النشرة و الجرنال
ايه يعني انت في بالك النسا كامل كيف كيف؟؟
لالا حاشا لله مي من ليوم نعود نعرف درجة التمنشير على حساب
وزن المرا و الضحكة نتاعها
لوكان نشوف وحدة رقيقة وديما زاهيتلها نعرفها اكبر منشارة
في الكارطي
هههههههه
مالا من ليوم تعود تظل تعس في النسا؟وتخزر فيهم
ايه خلي نشلل عينيا و مام طون نعرف شكون هي اكبر منشارة في الحارة
ايه ديرها و تشوف؟وزيد يعودو يقولو عليك برقاق عينيك يخرجو
و تولي انت هو اكبر وقاب في الحارة

خلي يقولو وقاب..يخي مومونتانيومون برك
مابين غسلت عينيا مليح آ عرفت المنشارة شكون هي و نحبس
او انت؟؟يااااااي وش نقلك الله يهديك برك

Bokalat.png
تعرف نمموت على تمنشير كي نبدا مانسكوتش ههههههههه راني نضحك والله موضوعك قمة ورعة
 
و تققيــــــــــــــــــــــــــــــــــــــم ل la_safa
مي كملولي اليوم ....غدوه نفليكسيلك تقييم ههههههه :sheer:
شكرااا لك​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top