رمضان يجمعنا في احلى لمة 2014

[الحلم الوردي]

صحا فطوركم كامل
ماشاء الله عليكم كامل فطوركم يشهي
فطورنا نتاع اليوم تانيك ماصورتش
درنا شربة فريك_مطلوع_لحلو _طاجين زيتون_سلاطة _مقلوبة سورية
الحمد لله على كل نعمة انعمها الله علينا
​

 

[ام ايناس]

الله يسلمك جهاد تعيشي لعقوبة للزينون انشاء الله
بصحتكم لبنات واش فطرتو

​

 

[fatima der]

السلام عليكم
صح فطوركم
افطار يوم امس​

 

[ام ريهام]

السلام عليكم
دليلة مبروك على بلال ولعقوبة لزواجو ان شاء الله

 

[روعة2005]

صحا فطوركم تقبل الله منا ومنكم الطاعات
منكذبش عليكم جابني شوقي ليكم توحشت اخوات جمعني بيهم فور الجيريا في يوم من ليام كنا نصومو ونتسحرو ونقصرو ونعبدو ربي مع بعض كنا في المقدمة منلحقوش نشكرو كامل الاخوات من كثرت الموائد للي تتحط كانت لي تتلفها تطل هنا تلقى واش يسعدها كنا لي تحير في عفسة سخف عليها راجلها ولا باباها ولا خوها تجي هنا متكملش كلمت ساعدوني حتى تلقى الف يد تمدتلها كنا وكنا مانيش عارفة واش تبدل بصح توحشت ذوك ليامات توحشت نفطر معاكم مع العفوفات مع شريفة هيبة مع دلولة رقية حدة فيفي وتسنيم عيشوش صومو ندوش ووووقد تخوني ذاكرتي بصح كامل راهم في قلبي مطبوعين بااخلاقهم وطيبتهم توحشتكم
جبتلكم شوي مما طيبت في شهر الفضيل طبعا الماكلة مش تفوت راهو غير الدلاع والقازوز لي يمشو عندي ههه

​

 

[روعة2005]

هده في ليلة نصفية عند اهلي ربي يحفظهم ويطول عمرهم
هذه مايدة الرجال طبعا مايدة النساء مع لولاد حووسة كبيرة ولي تخطفت كثر من لي بقات ههه الحمد لله

هذه النصفية لما روحت ابو الشباب قال دريري رشته وحدهااااااا قتلو ونعم الطلب هههه بيناتنا هناني

الجوزية هدية من ناس قسنطينة ممممم بارك الله فيكم

​

 

[بنت الجسور المعلقة]

اييييه يا عفوفة مالفين في شهر نفتحو زوج أجزاء هادي المرة في شهر و رانا في 43 صفحة المهم الصحة ولهنا و زيان الحال

توحشت طياب ولمة مع أم ندوووش ونتي وتسنيم وايمان 27 وراجية العفو وذهبية ولالجيرواز وميس سوسو وكوثر وسيرين و و وو وبزاااااف عباد والله
طيابك يشهي
ربي يطرح البراكة عليكم ♥

​

 

[روعة2005]

شفتي ياكوكيتا والله عندك الحق وبربي ترجع لمة زمان وان شاء الله كل لي ذكرتيهم يكونو باصحة فريدة الوهرانية وسمورة ولهنا ولويزة تكون رتاحت من ظهرها وميمي الزينة وشهرا الغالية واسومة تكون مهنية في بيت راجلها هدا رمضان لول ليها وبسومة ودهبية يادرى الازوجت وووو ربي يهنيهم كامل
====
ام ايناس مبررررررررررررررروووووووووووووووك لبلال الطهارة ربي يشافيه ويفرحك بيه:$​

 

[انريس]

السلام عليكم
صحا رمضانكم كااااامل كامل غلابالي بلي راهي متاخرة بزاف الله غالب
كان الميكرو فاسد كنت ساعة ساعة ندخل للفيس غير بالبورتابل وانا نديقوتيه منحبش نكوناكتي بيه عليها مكنتش ندخل هنا
المهم راني ضربت طلة وعجبوني بزاااااف بزااااف طياباتكم والله روعة المهم راني سرقت من عندكمواش ندير للفطور اليوم ههههه
دلول مبروك عليك طهارة بلال مع اني كونتر طهارة رمضان هههههههههه

 

[ام ريهام]

صباح الخير للجميع
اسماء راكي هنا روحي للفيس نختاجك
وللجميع بصحتكم كلشي راه يشهي

 

[shahrazad]

السلام عليكم
صح كان حاكمني العجز باش نحط بصح كي قريت كلام روعة والله غير جيت نجري
يخرب بيت المشااعر هههه
كي العادة فوفة طابلة مقيومة ومتحوفة والعين تاكل قبل الفم يعطيك الصحة
دليلة اختي الف مبروك لبلال عقبال ماتشوفيه عريس
خبز كوشة ..لي كيش بالباذنجال والفروماج ..مقارون الكوكياج فارسي ..المدربل ..عصير الدلاع..لقيمات القاضي..تارت القارص
وصح فطوركم

​

 

[عفاف الجزائرية]

redwa raj3a bel3arbya n3abar chwya
saha ftorkom w sehourkom w redwa 3andi klam likom
allah yhanikom ya rab

 

[الحلم الوردي]

حالياً الأعضاء النشيطين الذين يشاهدون هذا الموضوع : 27 (12 عضو و 15 ضيف)
‏ملاك25, ‏3afaf.dz+, ‏نور الحبوبة+, ‏ام رحاب+, ‏انريس, ‏خديجة التقية, ‏labed93, ‏nina usma, ‏روعة2005, ‏sarah11, ‏shahrazad, ‏
ziassia
صحا سحوركم
​

 

[fatima der]

السلام عليكم
الله يبارك شهرزاد وروعة موائدكم تحفة وان شاء الله لمتكم ترجع كيما كانت
صح فطور الجميع وربي يعونكم فالقاطو
افطار اول امس وامس​

 

[روعة2005]

السلام عليكم
الله يبارك ياشهرا الزينة ويسلمو مجاااايبك كلش فن ربي يكثر الخير
ملاك اختي الله يسلمك والله دخلت البارح من والضوء راح من ههههه عليها بقيت مسجلة دخول ومشاركتش
فاطمة الله يبارك اختي كل فطور يشهي في لي قبلو يسلمو دياتك وربي يكثر الخير

عفوفة واش راكي لحبيبة راني نستنى في طيابك العزيز مممممم
========
فطوري ليوم سوب فرماج وغرتان سلق بالفيوند ومطلوع طاجين والحمد لله


اللهم انصر اهل غزة وتقبل شهدائهم وصبر احبابهم على فراقهم وثبت اقدام المقاومة وانصرهم نصراااا كبيرااا يارب
​

 

[روعة2005]

شهرا الزينة طيابك اغراااء نطلب منك غوسات تاع لافارس تاع الكيش وخبز الكوشة ولقيمات هههههه علبالي كثرت عليك مي طيابك لايقاوم​

 

[الحلم الوردي]

السلآم عليكم والرحمة
واش راكم يالبنات والسيدات الكريمات
ان شاء الله راكم ملآح
معليش اختي روووعة 2005
بصحتك لفطور
اللهم انصر اخواننا في غزة
والهم ذويهم الصبر والسلوان
​

 

[روعة2005]

الله يسلمك ملاك وانتي زاده الحبيبة
اللهم اميييييييييييييييييييييييييييين​

 

[هدوء المطر]

السلام عليكم ورحمة الله
وآش راكم يا لبنات إن شاء الله راكم بخير
قولولنا كآشما بديتو في القآطو ولا مزال؟ وواش راكم معولين ديرو إن شآء الله
صحآ فطوركم
​

 

[shahrazad]

سلام عليكم
فطيمة يعجبني طيابك هااااايل بصحتكم
فوفة غالي والطلب الرخيس
خبز كوشة درتو بالفرينة وهاهي الوصفة جبتاهلك كيما راهي
المقادير : حسب افراد العائلة انا درت 4 طبسي تاع شربة فرينة فقط يعني صغير شوية مع 3 ملاعق خميرة العجين و ملح و ملعقة سكر و نبلل العجين فقط يعني نلمو فقط يجي شوية يابس ثم نبدا نضيف حوالي كاس كبير تاع ماء و ندبز بيدي و نقلب العجين للاسفل و نزيد ندبز من الجهة الاخرى حتى يبقى شوية ماء فقط و ندلكو كيما سفنج ندخلو لهوا حتى يشرب الماء كله ثم نضيف كاس ماء كبير للمرة الثانية كما في المرة الاولى لكن هذه المرة بعدما ندبز ما ندلكوش مباشرة بل نخليه في الجفنة حوالي 10د و بعدها نلقاو العجينة شربت الماء كله و ريحت راح تحسي بيها رطبة يعني ملساء.بعدما تدلكيه حوالي دقيقتين لان الفرينة تندلك وحدها ما تعبيش روحك معاها السر تاعها انها ترتاح فقط.و بعد ما نلموها نخلوها ترتاح للمرة الثانية حوالي 10د بعدها نضيفلها شوية زيت و نلمها للمرة الاخيرة و نخليها تخمر.

ممبعد تقرصيهم خبزات وترمديهم فالسميد رقيييق وتخليهم يزيدو يخمرو
الكوشة هي المهمة هنا لازم تكون سخوووونة وشعلتلها من الفوق والتحت وسخنتها بيها بالسنيوة تاعها ممبعد كي يطلع الخبز نقيس الخبزات فهاديك السنيوة كي يطلع ويتنفخ بلخف لازم تعسيه طفي من الفوق

القيمات
3 كيسان فرينة+1/3 كوب لحظة+2/3 كوب نشا+1بيض+1/3 كوب زيت +1 ونصف خميرة+1 ونصف سكر+زاست القارص+كوب ونصف ماء تخلطيهم كامل مع بعض حتى تتحصلي على عجينة تكون جارية شوي كيما تع السفنج تخليها تخمر ممبعد تحطي مغرفة صغيرة فالزيت وتحكمي العجينة بيديك تعصري عليها حتى تخرج من الفوق الكويرة تكون صغيرة الحجم تنحيها بالمغرف وتقيسيها فالزيت لازم تبقاي تقلبي فيهم باش يجو لون واحد ممبعد فالعسيلة باردة

لافارس تع لي كيش من راسي
نخدم صوص طوماط بيان ممبعد نقطع الباذنجال قطع طغيرة ونفورهم مع الملح رااه بلخف يطيب ممبعد نكون حطيت في مقلة شويةبصل رابي وثوم يتقلاو ممبعد نقيس عليهم الباذنجال ونقلب شوية ممبعد نفرغ لاصوص ونقطع عليها المعدنوس ادا حبيتي
وبالفرشيطة نكرازي الباذنجال.. تحبي تزيدي شوي هريسة زيدي
ومن الفوق لي كيش درت مغرفة مغرفة بيشاميل خفيفة وفروماج
ولابات عجبتني بزاااف خفيفة لان مانحبش هاديك بريزي لي تتفتت ادا حبيتي جربيها
pâte semi levée
250غ فرينة+مغرفة كبيرة خميرة خبز+مغرفة كبيرة زبدة تكون طرية+مغرفة سكر+1/2 كيس خميرة قاطو+ملح وماء دافي حسب الحاجة
تخلطي الكل مع بعض وتبسسي الفرينة بالزبدة مليح ممبعد تلمي بالماء وتخليها تخمر غير شوي برك
​