سهرة الثانية......... قهوة وتاي

رد: سهرة الثانية......... قهوة وتاي

السلام عليكم اختي صحا فطورك
لا والله الدعوة عامة مرحبا بيكم كلكم
هنا راهي سهرة وكل ليلة عندنا ضيف ونتوما تشاركو السهرة هذي نحكو فيها مع العضو ذا بكل حرية وتسقسو اللي تنفحلكم
شاركي وتفرجي او سقسيه البيت بيتك منورة

وعليكم السلآم أختي

وي علآبآلي رآني غير نتمسخر أختي :p

أوكي أختي :)
 
رد: سهرة الثانية......... قهوة وتاي

راني وليت
اجمل بلد او ولاية زرتها ؟

هل تؤيد الزواج العاطفي ام الزواج التقليدي ؟ ولماذا ؟
.ماهو اجمل اسم لولد واجمل اسم لبنت من وجهة نظرك؟

.عضو نشيط... ( )
.عضو تحسه واثق من نفسه ... ( )
.عضو تتمنى تلقتي به ... ( )
.عضو معجب بطريقـة ردوده ... ( )
.عضو طموح ... ( )
.عضو محبوب

-جــريمــة تتمنـــي لـــو تستطيـــع ارتكابهــــا؟!؟

-حمـامة زاجـــل حاملـــة رســالة لـك,,,من من تتمنـى ان تكــون؟
أعضاء تنطبق عليهمـ هذهـ الأسماء من وجهة نظرك ... :p
الشاعري
المسالمـ
الخلوق
المميز
خفيف الدمـ
العنيد
لي عودة
:)

 
رد: سهرة الثانية......... قهوة وتاي

السلآم عليكم رآيحة نبدا نسأل ~باسم الله ~


مآ الدآفع من التسمية بهذآ الإسم؟؟


أطرف موقف حدث لك ولآ زلت حينما تتذكره تضحك؟؟


مآ هي الأكلة التي لآ يمكنك الإستغناء عنهآ في رمضآن؟؟


هل بدأت تحقق أهدآفك أم لآ زآل الطريق طويلآ؟؟



أيآ خسآرة رآهم نوضوني برك ~ للأسف البآك مخلآ فينآ وآلو

سلآم​
 
رد: سهرة الثانية......... قهوة وتاي

السلام عليكم
جماعة الاحباب اهلا وسهلا نورتونا
كانت سهرة خونا القرصان روعة الشي اللي غاضني انو هرب من الكاميرا كاشي لانو اللي بعثتولو السي مالك فسدنا كل شي اه يا ربي هذا اللي تكل على السي سكر يبات للندى
مي مازال الموضوع ويا درا خونا هشام زعمى راح يهرب من الكاميرا ما ظنيتش
نورتونا يا جماعة ونشكركم بزاف على المشاركة
 
رد: سهرة الثانية......... قهوة وتاي

والله يعطيك الصحة مريومة ختي موضوعك اكبر من روووعة عجبني بزاف نتمنى يداومو عليه الاعضاء حتى اخر يوم من رمضان
مي سكر علاه ديري ليه هكاك مسكين اني قتلو في بلاصتك منخليلهاش هادي لي طبع فيك على راسك
وي عارف ادعوا كامل ربي يشافي اختنا زهرة الزئبق رغم المرض ومشاكلها تجي هنا وتتعب وتحب تضحكنا والله ما كان الكلمة لي نجم نقولهالك
غير دعوة كل مرة ندعي بلاك ربي يستجاب لينا
ربي يشافيك ختي الغالية
اتهلاي في روحك

اهلا وسهلا ضيفي راك جايبها
والله سكر دارها بيا واش نقولك ما يوالمش جورناليست هو حاول معليش مي كيفاه تحرش فيه وتقول طبع فيك على راسك هذي ماكانش منها انا طلببت طلب ياو يا ريتو فراها راه جا قالي من كلمة راه قال كاميرا كاشي ههههههههههههه وياخا مقلب دار عليا
امين خويا الله يحفظك يا رب ويشفي كل المرضى
يتهلى فينا العالي ان شاء الله
نستناوك ترجع مازال موضوعك شكرا
 
رد: سهرة الثانية......... قهوة وتاي


راني وليت
أكمل الفراغات التاليه : :p
عضو تتمنى تشوف شكله هو .........
عضو تلقبه زعيمـ أو زعيمة المنتدى .......
عضو بتقوله الله يعطيك العافيه و جزاك خير .........
عضو بتقوله ماتوقعتها منك ويجي منك أكثر ..........
عضو تحس انه طيوب وعلى نياته ........
عضو شعبيته كبيرة و محبوب عند غالب الأعضاء ..........
( الثقل و الرزانه والهدوء والفرفشه ) تجتمع في العضو ........
عضو ذووويق .........

هل أنت شخص نستطيع الإعتماد عليه وقت الضيق و الحاجة ؟
ماهو مشروعك في المستقبل ؟:$
أعطيلي نصيحة:d
هل تؤمن أن طريقة كلام الأعضاء في المنتدى تعبر على شخصياتهم الحقيقية؟:up:


ان شاء الله برك اسئلتي خفاف
هكدا خونا القرصـــآن
:sport02:
 
رد: سهرة الثانية......... قهوة وتاي

السلام عليكم
وعليكم السلام مرحبا بخونا جليلوس اركاتيتوس من بلاد الاغريق -_-
نهاركم مبروووك وصحا رمضانكم وكل عام وانتم الى الله اقرب
الله يسلمك خويا ربي يتقبل منا ومنكم ان شاء اللخ
خويا هشاااام مزينها قعدة اليوم معااااك .... خسارة فاتتني اللمة لبارح مادخلتشعندك الزهر
كووووون قشرتك :p هههههههه .... ليليا خبريه خبريه =D
هههههههههه ايه ما تجوش ومبعدا تظهروا بلي سبوعة
ليليا او كيما قالك انقلب السحر على الساحر سقسيها تقلك
ههههههههههه عجبتني ردودك واجاباتك يعطيك الصحة بورك فيك
الله يسلمك خويا جليل وقسك بركة
حقاااا كنت بانسقسيك ونسيت ..... خلى كي نتفكر نوليلك قبل مايغلقو الموضوع
خيك جليلوس
جليلوس اركاتيتوس كان باغي يسقسيني ومبعدا دوخو رمضان نسى ههه مليحة هادي
ايه كي تتفكر ولي قبل ما نبلعو وقت الفطور -_-

جليلوس حتى انا تمنيت تكون حاضر معانا مي معليش المهم اك قلت نولي في انتظار خويا .. وصح رمضانك
 
رد: سهرة الثانية......... قهوة وتاي

راني وليت
مرحبا بيك ايه ناس لي تنوض نص نهار صباح الخير -_-
اجمل بلد او ولاية زرتها ؟

ما خرجتش من دزاير مي عشت ودرت في ولايات ياسر وتبقى اجمل فترة قضيتها في بجاية كان عام ولا اروع
من كل النواحي منطقة تستحق الاحترام
هل تؤيد الزواج العاطفي ام الزواج التقليدي ؟ ولماذا ؟
والله انا كنت نقول واحد الوقت هاك كي ما صلحتش وليت نقول هاك المهم لقيت روحي في مفترق الطرق ههه
مي انت سهلتي عليا قلتي الزواج العاطفي يعني هادو كانو متفاهمين ومبعد وصلو الحل اللي هو الزواج المشكل لو ما توصلش فهمتي عليا يعني الانسان ادا فات فيه بدا علاقة عاطفية جدية احسن شي ان يكملها بالزواج ولكن مش بالضرورة زواج ناجح لأن عادة لما يدخلو في الروتين تاع الحياة الزوجية تتغير معطيات كثيرة
الزواج التقليدي تاع روح جيب هادي وتديها منحبوش انا لأن الانسان ديما يحس نفسو مش القرار تاعو هو يعني الزواج التقليدي منحبوش في حالة وين يكون فيه الاكراه اما اذا كان التراضي
بصراحة ختي نتمنى لو نجح معايا العاطفي لآن التقليدي عادة تلقاي المشاكل وتدخل العايلة ووو
ويبقى رايي
.ماهو اجمل اسم لولد واجمل اسم لبنت من وجهة نظرك؟
ولد : شهاب
بنت : ألاء الرحمان
.عضو نشيط... ( انت ملاك )
.عضو تحسه واثق من نفسه ... (نجيب )
.عضو تتمنى تلقتي به ... (ههه الكل ان شاء الله )
.عضو معجب بطريقـة ردوده ... (زهرة الزئبق )
.عضو طموح ... (جيهان جوجو )
.عضو محبوب حكيم

-جــريمــة تتمنـــي لـــو تستطيـــع ارتكابهــــا؟!؟

هههه جريمة حابتني نولي كريمينال حاب نقتل البأس
-حمـامة زاجـــل حاملـــة رســالة لـك,,,من من تتمنـى ان تكــون؟
حمامة زاجل اتمنى انت تكون من حظي يقولي يا ودي اني جيتك طااااااير هههه
أعضاء تنطبق عليهمـ هذهـ الأسماء من وجهة نظرك ... :p
الشاعري ..
المسالمـ فيولا
الخلوق كامل ما شاء الله
المميز هبة الحبوبة
خفيف الدمـ سكر
العنيد ام راس يابس
لي عودة
ههه اوي
:)

ههه وش هذا ملاك ختي نسميه انا القصف بالثقيل .. في نتظار عودتك يعطيك الصحة
 
رد: سهرة الثانية......... قهوة وتاي

السلآم عليكم رآيحة نبدا نسأل ~باسم الله ~
وعليكم السلام مرحبا بيك اختي تفضلي

مآ الدآفع من التسمية بهذآ الإسم؟؟
الدافع سبق وقلتو في رد على الاخت أشواق19 وهو شغفي الكبير بالقراصنة مش عارف يعجبني نمط الحياة تاعهم البائسة والهبال وكلش هه

أطرف موقف حدث لك ولآ زلت حينما تتذكره تضحك؟؟
اممم موقف كي نتفكرو نضحك ههه والله مش متذكر بالتحديد مي واحد المرة في بدايات تلفونات وين كانت كاينة الميل صون ايا واحد صاحبي في بلاصة اسمي كتبتلو رقم تاع الجيزي 077000006 ايا وعيطتلو وبدلت صوتي وقتلو معاك مدير شركة جيزي وراك فزت معانا في القرعة بمناسبة 10 سنوات بالجزاير وفزت بسيارة وراك معروض في 5 جويلية تستلم الجايزة بحضور شخصيات .. ههه المهم ودومنديت عليه كامل المعلومات حتى اسم امو ووو وهو كي البهلول صدق .. ومبعد كي كملت الهدرة معاه طلعت نستنى يحكيلي السيد ضرب النح ههه خبى عليا .. غدوة عيطتلو على اساس انا رئيس شركة تانيك هه ايا وياك كنت مبدل البيس ومش عارف وبقيت نحكي معاه بصوت المدير هههههه هو تشوكا وانا لعبتها درتها بالعاني قتلو تربح 10 جنون يهزوك هههههههههه لدوك منين نتلقاو نقلو عليها ونضحك

مآ هي الأكلة التي لآ يمكنك الإستغناء عنهآ في رمضآن؟؟
الشربة اي باينة سيدة المائدة ما فيهاش حكاية والبوراك منفرطش فيه خلاص

هل بدأت تحقق أهدآفك أم لآ زآل الطريق طويلآ؟؟
والله نقول الحمد لله قطعت شوط كبير وصعيب دوكا اني درجة درجة عندك لا طيح هه اني جاي وحدة وحدة ربي يوفقنا كامل ان شاء الله


أيآ خسآرة رآهم نوضوني برك ~ للأسف البآك مخلآ فينآ وآلو
معليش ختي ربي يكون معاكم جماعة الباك زيدو فورصيو وخلاص معليش
موفقة اختي
سلآم​

يعطيك الصحة ختي نورتي الموضوع .. ايه عارف هلكوكم انتوما جماعة الباك ربي يكون في العون برك كوراج وكوراج حتى لتماك
صح فطورك ختي .. تحياتي

 
رد: سهرة الثانية......... قهوة وتاي

اووووووو تبدل الكولار تاعي ولا فيولي اخخخخخخخ ما عرفتش روحي ردولي لوني ردوووووولي لوني لوني لوني الاخضر
 
رد: سهرة الثانية......... قهوة وتاي

اووووووو تبدل الكولار تاعي ولا فيولي اخخخخخخخ ما عرفتش روحي ردولي لوني ردوووووولي لوني لوني لوني الاخضر
ههههههههههههههه
بصحتك خويا اللون الفيولي

:thumb_up02:
 
رد: سهرة الثانية......... قهوة وتاي

اييييييييه مرحبا بيك ختي فيولا نورتي سهرتنا نتمنى تعجبك
مي عندي ليك سؤال ديما منين ندير ليك اقتباس يجي رد تاعك مقرقش ما فهمتش المشكل وين
-_-

أولا بالباراكة عليك الكوستيم الفيولي خخخخ كي شغل المازوني ربي يذكرو على خير هههه و لا سليم الشاوي ههه

بالنسبة للاقتباس المقرقش راه بسبة هاك ال ".." لي في اسمي -_- اذا عندك معريفة فالادارة قلهم ينحوهم :p

العشية ان شاء الله اني نجيبلك شوي أسئلة و حبة قلب اللوز :d ياك مزالت السهرة اليوم ثان ؟؟؟
 
رد: سهرة الثانية......... قهوة وتاي

السلام عليكم وعليكم السلام اهلا مريومة
جماعة الاحباب اهلا وسهلا نورتونا
كانت سهرة خونا القرصان روعة الشي اللي غاضني انو هرب من الكاميرا كاشي لانو اللي بعثتولو السي مالك فسدنا كل شي اه يا ربي هذا اللي تكل على السي سكر يبات للندى
هاهاهاها انقلب سحر على الساحر ايه الدورة لولى قتلو يا سكر اي باينة خدايم زهرة الزئبق ايه طبعي فيه على راسو شفتيه ناس ملاح هههه
مي مازال الموضوع ويا درا خونا هشام زعمى راح يهرب من الكاميرا ما ظنيتش
ايه اذا قدرتو تحكموني وعلاش لالا كيما حكمتوني قبلها -_-
نورتونا يا جماعة ونشكركم بزاف على المشاركة
على السلامة ختي مريومة والله موضوعك هذا قمة واصلي واصلي
 
رد: سهرة الثانية......... قهوة وتاي


راني وليت
أكمل الفراغات التاليه : :p
عضو تتمنى تشوف شكله هو مزال ما خممتش ههه
عضو تلقبه زعيمـ أو زعيمة المنتدى صاحبة القبعة الحمراء
عضو بتقوله الله يعطيك العافيه و جزاك خير انت ملاك
عضو بتقوله ماتوقعتها منك ويجي منك أكثر .مكانش ههه
عضو تحس انه طيوب وعلى نياته شاعرة الامل ربي يشافيها ان شاء الله
عضو شعبيته كبيرة و محبوب عند غالب الأعضاء حكيم
( الثقل و الرزانه والهدوء والفرفشه ) تجتمع في العضو هادو كامل في هاديك لي يسموها اميرة روباص رورو المدعو زورو -_-
عضو ذووويق عفاف

هل أنت شخص نستطيع الإعتماد عليه وقت الضيق و الحاجة ؟
ايه وفي وقت الشدة على كتافي نرد جبل ههه وش بيك نلعبو غير دراهم اخطوني منهم -_-
ماهو مشروعك في المستقبل ؟:$
اممم حاليا خاصني شوي امور نكملها قبل ما نتزوج .. وان شاء الله تكون في مشاريع في ميدان العمل اي في راسي دوك رب يوفقني ليها ان شاء الله
أعطيلي نصيحة:d
ههه والله انت عضوة هايلة من نهار كنت جديد هنا وانت تبعيني وتشجعيني بزاف لدرجة كون منلقاش دعمك نقول وش بيها هبلت هادي ههه
والله طيوبة وخلوقة ومعزتك كبيرة نصيحتي ليك كملي كيما راكي هاك ما تخلي حتى واحد يطيح ليك المورال اكي فووور
هل تؤمن أن طريقة كلام الأعضاء في المنتدى تعبر على شخصياتهم الحقيقية؟:up:

ايه نؤمن بيها لكن ليس الكل وما اكثرهم متصنعين لأن وراء الشاشات تتبدل العقلية لكن في كثير لي متأكد ورا الشاشة ولا في الشاشة نفس الشي
ان شاء الله برك اسئلتي خفاف
هكدا خونا القرصـــآن
:sport02:
ههه وانت خليتي حاجة فاتاتك يعني راكي نشفتيني قطرة ما مكانش
مشكورة ختي ملاك والله لتشرفت بيك كثير في سهرتي هادي نورتيني .. ربي يهنيك
 
رد: سهرة الثانية......... قهوة وتاي

ههههههههههههههه
بصحتك خويا اللون الفيولي

:thumb_up02:
اخخخخ يسلمك بكري كنت خير نحب اللون الاخضر
راح نعلن حداد لمدة ثماني ايام
 
رد: سهرة الثانية......... قهوة وتاي

السلام عليكم من السكات باينة لحالة خاوية ديما زهري مسود هههههه مانلحقش يالماء كي يكون يغلي حتى تنشف الحالة هههههه
خويا قرصان الساحل متشرفة بيك عرفنا عليك أمور الله يبارك ومرحبا بيك هنا اللمة لمتنا كامل
نتمنى تشوف منا غير لخير
وصراحة وانا نقرى فالردود قتلتوني بالضحك
اختك دارهم صوطات هاذي 3 ايام سلامة ويفي جارتي نديباني بيه بالاك نسلفو خيط ونرجع نكونيكتي عادي
الله غالب الكونيكسيو ثقيلة
نتمنى نتلاقاو فمواضيع اخرى
فهمت من شخصيتك انسان ماشاء الله وكيما نقولوها حنا فحشوش بخفة دمك تجبد بزاف الناس ليك
ربي يحفظك
صح رمضانك وصح فطورك
 
رد: سهرة الثانية......... قهوة وتاي

أولا بالباراكة عليك الكوستيم الفيولي خخخخ كي شغل المازوني ربي يذكرو على خير هههه و لا سليم الشاوي ههه

بالنسبة للاقتباس المقرقش راه بسبة هاك ال ".." لي في اسمي -_- اذا عندك معريفة فالادارة قلهم ينحوهم :p

العشية ان شاء الله اني نجيبلك شوي أسئلة و حبة قلب اللوز :d ياك مزالت السهرة اليوم ثان ؟؟؟

الله يبارك في عمرك شفتي وش دارولي كون دريت هكا منطلعش في عدد المشاركات ونبقى اخضر خير من المازوني اولطرالفولطا ونشرب في فونتا يخي
ما عنديش حتى معريفة معاهم شفتي هادوك التيكيات لي ما نحبهمش رحت مرة شكيت بدلولي اسمي من هاديك ما نعرفهم ما يعرفوني هههه
شوفي ينحولك هذا المشكل او قلقني صينو راني نقلبها الواحد من صباح صايم اوووو
هههه اواه نظن من بعد يجيكم ضيف تاني انا من بعد شوي تخلاص سهرتكم معايا
عام الجاي لحب ربي هههه
تحياتي

 
رد: سهرة الثانية......... قهوة وتاي

مساء الخيــــٍر
وش جاك راح تفطر هنا واقيل هه
اولا بصحتك الكوستيم الفيولي خرج عليك حطة ههه
ثانيا : " ( الثقل و الرزانه والهدوء والفرفشه ) تجتمع في العضو هادو كامل في هاديك لي يسموها اميرة روباص رورو المدعو زورو -_- "

احم احم حشمتني الحق خخخخ
بصح برك زورو وش دخلو لا علاقة لي بيه ههه

كاين برك سؤال كلاسيكي منعرف ادا سقساوك ولا لا حتى ادا سبق وجاوبت عليه عاود جاوب معليش راني فاشلة باش نرجع نحوس فالصفحات ههه

كيفاش تعرفت على اللمة ؟؟ زاد شفتك دخلت ديراكت تمنشر وكلشي ملا شكيت فيك من متابعي كوكب اللمة من بكري خخخ


 
رد: سهرة الثانية......... قهوة وتاي

شحــــــــــــــــــآل في عمرك ؟
شحـــــــــــــال حاب يكونوا عندك الذراري ؟
واش تحب تسميهم ؟
مواصفات الزوجة المستقبلة ؟​
 
رد: سهرة الثانية......... قهوة وتاي

ايا صحا مالا سؤال واحد برك و راحت عليك حبة القلب اللوز :p

لوكان جا كاين منك واح آخر ..بالعربية الفوطو كوبي تاعك تتلاقاه اسكو تقبل تولي صاحبوا ؟؟

هههه كي شغل السعيد هيب هوب خخخ لي شافها يدير جام سون سمير :d

المهم تجاوب بالصحة و الهنا و صح فطورك

تحياتي أخي الكريم :regards01:

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top