السهرة الثالثة....... قهوة وتاي

رد: السهرة الثالثة....... قهوة وتاي

أيها الحاضرون الساهرون خفافيش رمضان اني من على لؤلؤتي السوداء ادعوكم إلى أن تحكموا هادي المدعوة الحلم الوردي وتشنشفوها بالأسئلة نشفولها ريقها اسألوها حتى على البوانتير تاع سباطها .. كلولها راسها لازم غدوة تموت بالعطش وتندم على النهار لي سجلت فيه هنا ندعو كل المحاربين للمشاركة خاصة زورو وفيولا وسكر والعسل وهديل والزئبق ما يدير والو يبقى غير يعس فيا شربت لبن قارس ولا كليت مقرونة بالحليب
وكاينة وحدة في نصكم يسموها سكون الفجر اي تقرعج برك انت تاني ادخلي معانا في الحرب نوريولها القراصنة كب عاملين ببساطة علخاطر حنا قاوووووين نيهاهاهاها
ولى لونو فيولي راح ياكلنا كون يولي زرق ولا حمر يقعد فيها وحدو وقيل .. ببغائي يتحدث
لآحشدن لكي جيشا عظيما ايها الفهد الوردي ولا متعرفينيش انا شكون

روبن هود واشبيك داخل قاوي يرحم بوك قولنا برك واش كليت مع المغرب راني قتلك سور اللبن مع التمر واللبن راه فاسد وقارص
انا من رايي ما تشريش منو غدوة هه
زيد يا خونا داخل تحراش فتحراش على ضيفتي وفهد وردي ياخي البارح كنت عاقل واش صرالك اليوم
ياو اسمع انا ماشفتش هبالي لما يجي شفت راك قرصان فالبحر ياو تنوض تسونامي ما تبقى لا قرصان ولا قارص
وينو جيشك هذا شكون الدبور سكر افندي هههه او حكيم واقيل مسكين راه راقد
جيشك يا روبن هود جيش راقد روح نوضهم من الرقاد ومن بعد ربي يحلها

 
رد: السهرة الثالثة....... قهوة وتاي

اه جابوك يا ملاك صحا البارح ما خليتييش فيا جابك ربي بين اليدين صحا فطوركم لا ما ننسى
صحا فطورك خويا هشام
جابوني ونتاع الصح راك حاب ترجع واش درت انا فيك
والله عادي خويا
ايه راكي عند ليليا اليوم ههه دار الاشباح هادي
واشنو واشنو دار الاشباح
عمبالك اكبر خوافة انا وانت زدت كملت خلاص
نجي نسألك أنا
اتفضل خويا
ملاك علاه انت عاقلة صح ولا تلعبيها برك ؟؟
نقولك الصح الصح عاقلة لدرجة ماتصورهاش
مانلعبها ماوالو
مي لعقالة نتاعي الى واحد خرب فيا بلا مادرتلو حاجة
نتحول لحاجة خلاف
قلتي بلي انت عشتي كي الرحالة ابن بطوطة متنقلة بين ولايات الوطن بكل صراحة وينها الولاية لي توقفتي عندها وتمنيتي تكملي فيها ومكان لاه تقولي قسنطينة صونجيلنا الحديث هذا ؟
تقريب حياتي كامل في الترحال
والله نتاع الصح كي ابن بطوطة كل مرة في بلاصة
صراحة الولايات كامل ملاح خاصة تيبازة وتانيك وهران
باسكو عشت فيهم هكداك 5 سنين
قسنطينة بلادي وماعشتش فيها كي شغل ضيفة برك

جاوبي على هادو ومبعد نوليلك نخلف فيك ضربتي هههه
تحياتي


ايه
اخلف ضربتك
ولي راني نستاك خويا
هههههه
نورت السهرة

 
رد: السهرة الثالثة....... قهوة وتاي

جماعة الاحباب هذا هو الوقت نروح نحفظ شوي قرآن وندعيلكم معايا
شكرا لكل من شارك شكرا للاخت ملك فعلا سهرة هايلة
ونكملو غدوة ان شاء الله
شكرا وصحا سحوركم تصبحو بخير
 
رد: السهرة الثالثة....... قهوة وتاي

آآلوغ :d هاني جبتلك شوي دي كيستيون باه تتسحري بيهم :p:p
اهلين بيك
اولا ملاك يغلبها رمضان و لا نو ؟؟
مايغلبنيش رمضان


نتي طيبي كلش كلش في رمضان و لا تتعاونو فالدار ؟؟
ماشي كل شيء مي قاسمة انا واختي نتعاونو
واش راكي تبعي فالتيليفيزيون ؟؟
نتبع الطبخ وتانيك كاميرا كاشي ونسيبتي لعزيزة
حاجة مستحيل تتبدل فيك ؟؟
الطيبة
كمليلي شوية الفراغات هاذو و نروح :d:p

أنا فخورة أني اختتم بالقبك يا والدي...؟؟

شعور راائع أن ...تكون عائلتي بالف خير....؟؟

أنا محظوظة لأنو عندي .اخت حنونة.؟؟

يا فيولا انت انسانة ...عزيزة وتدخل للقلب..؟؟ ( من غير راائعة و لا كوول منقبلش باش نتفاهمو خخخ:p:p)

ايا خيتو انا نقولك صحا سحورك صحا سهريتكم :)

سلاام

الله يسلمك
وانت تانيك صحا سحورك
حنونة نورتي السهرة بتواجدكي

 
رد: السهرة الثالثة....... قهوة وتاي

حالياً الأعضاء النشيطين الذين يشاهدون هذا الموضوع:
17 (8 عضو و 9 ضيف)
سعيدة بتواجدكم في السهرة

الحلم الوردي, ‏"viola", ‏assinat, ‏hadil2044, ‏جيهان جوجو, ‏Mafia-beo16, ‏Skor m@k, ‏قرصان الساحل

السهرة مليحة بتواجدكم
صحا سحوركم اخوتي
نلتقي غدا بحول الله
الى الملتقى

 
رد: السهرة الثالثة....... قهوة وتاي

يعطيكم الصحة راكم قايمين بالواجب
راهم قايمين بيا الله يبارك
هادو اسئلتك ورجعتهملك هههه
ههههه معليش
أكمل الفراغات التاليه :
عضو تتمنى تشوف شكله هو ..روقية..
عضو تلقبه زعيمـ أو زعيمة المنتدى ...لا يوجد....
عضو بتقوله الله يعطيك العافيه و جزاك خير ...قرصان الساحل......
عضو بتقوله ماتوقعتها منك ويجي منك أكثر ..........
عضو تحس انه طيوب وعلى نياته ....شيماء....
عضو شعبيته كبيرة و محبوب عند غالب الأعضاء ....زهرة الزئيق......
( الثقل و الرزانه والهدوء والفرفشه ) تجتمع في العضو .....حكيم ستوري,اميرة رورو ,سارة كوكو,.جليلوس...
عضو ذووويق ..
لؤلؤة قسنطينة.......

ملاك وين راكي مقيمة حاليا ؟

ولاية اام البوآقي
في عين مليلة /
نورتي اختي
:love01:

 
رد: السهرة الثالثة....... قهوة وتاي

أيها الحاضرون الساهرون خفافيش رمضان اني من على لؤلؤتي السوداء ادعوكم إلى أن تحكموا هادي المدعوة الحلم الوردي وتشنشفوها بالأسئلة نشفولها ريقها اسألوها حتى على البوانتير تاع سباطها
واش خويا هشام راك دير جماعة ضدي وكيفاش ههههههه
يحكموني يشنشوفوني ياك كيما هاك
كاش ا بقى ريقي نشف وكمل هههههههههههه
مام لبوانتير وماسلكتش منكم

.. كلولها راسها لازم غدوة تموت بالعطش وتندم على النهار لي سجلت فيه هنا ندعو كل المحاربين للمشاركة خاصة زورو وفيولا وسكر والعسل وهديل والزئبق ما يدير والو يبقى غير يعس فيا شربت لبن قارس ولا كليت مقرونة بالحليب
وكاينة وحدة في نصكم يسموها سكون الفجر اي تقرعج برك انت تاني ادخلي معانا في الحرب نوريولها القراصنة كب عاملين ببساطة علخاطر حنا قاوووووين نيهاهاهاها
املا جايب جماعتك وراك تحلف فيا
تعسوني في كلشي هههههه
ايه نتاع القراصنة شنشفوني ونشفولي ريقي
ههههه راكم قاويين
عجبيتني الضحكة هديك

نيهاهاهاها
ولى لونو فيولي راح ياكلنا كون يولي زرق ولا حمر يقعد فيها وحدو وقيل .. ببغائي يتحدث
لآحشدن لكي جيشا عظيما ايها الفهد الوردي ولا متعرفينيش انا شكون
صافي هد اللون الفيولي وليت كيما هاك والى تبدل كيفاش
املا الهربة تسلك
على حسابك راك حالف
ههههههههههه
ايه الله يبارك على هداك الحشد الكبير
وكملتها بالفهد الوردي
ههههه
خويا هشام راني نستناك هكا
:sport02:
 
رد: السهرة الثالثة....... قهوة وتاي

يبدو اختي راك تحسست من سؤالي
انا لماعلقت على ردك ماقصدتش انك اخطأت او انقاص من شخصك
بل مناقشة الفكرة
اوكي اسمحلي

موفقة
لالا متحسستش انا
جاوبت عادي
لالا بالعكس نتاع الصح انا خلطه شوية
لا مكان حتى حاجة اختي
بالعكس تشرفت بيك
ومام انت ناقشتي الفكرة
الله يخليك
نورتي
:regards01:
 
رد: السهرة الثالثة....... قهوة وتاي

جماعة الاحباب هذا هو الوقت نروح نحفظ شوي قرآن وندعيلكم معايا
شكرا لكل من شارك شكرا للاخت ملك فعلا سهرة هايلة
ونكملو غدوة ان شاء الله
شكرا وصحا سحوركم تصبحو بخير
ايه اكيد اختي
ربي يثتنا على القرآن
اللهم آمين
كل الشكر لكي ولكل من شاركني هنا
في انتظار البقية
:love01:

 
رد: السهرة الثالثة....... قهوة وتاي

السلام عليكم
جماعة الخير نهاركم مبروك سهرة الاخت مزالت مستمرة
وينو قرصان الساحل هذا هرب هو وجيشو العرمرم هههه
 
رد: السهرة الثالثة....... قهوة وتاي

السﻻم عليكم
ايا الظاهرة انا لي نشفت ماشي انت يا الحلم الوردي من صباح في طريق مسافر دوك وبن ندخل من التلفون وجماعتي لي راه يسقسي عليهم عندهم مسؤوليات اخرى -_-
مﻻك انا خاصني شوبة بياس ديطاشي قالولي غير هو في عين مليلة المشكل مزال ما شريت طومبيل اني ناوي مي قلت قبل ما تطيح قرقاشتي نكون موجد تاويلها ههه
مﻻك نسألك دوك قبل ما طيح البارتي -_-
مﻻك حاب نشوفك منارفيا حاب نلقاك مقلقة وتاكلي في روحك وش ندير باه نشوفك هكدا ؟؟
ايه الظاهر انك مصممة بارعة في الفوطوشوب وش حكايتك معاه وكيفاه حتى تعلمتيه ؟
ولو كان في يوم ويطلب منك القرصان تصميم وش يكون ردك ؟
 
رد: السهرة الثالثة....... قهوة وتاي

وواش تقترحي عليا كتصميم في التوقيع ؟
وعﻻه غيرتي اسمك ملكة زماني وﻻ جات لطايراتك من بﻻصتك ووﻻت ملكة زمانها ؟

ههه شفتي سامط باﻻسئلة تمنيت نخرجك من عقلك عندك الزهر اليوم نهاري كامل في طريق وزيد داخل بالتلفون
صح فطوووووووووووووورك مﻻك .. والله سهرة هايلة معاك
تحيااااتي
 
رد: السهرة الثالثة....... قهوة وتاي

السﻻم عليكم
وعليك السلام والرحمة
ايا الظاهرة انا لي نشفت ماشي انت يا الحلم الوردي من صباح في طريق مسافر دوك وبن ندخل من التلفون وجماعتي لي راه يسقسي عليهم عندهم مسؤوليات اخرى -_-
ايه على خاطرش انت الي بديت تقولي دور نشولها ريقها
وفي التالي انت الي نشف ريقك
ايه مع هد السخانة ربي يكون في العون
علاسلامتك
مﻻك انا خاصني شوبة بياس ديطاشي قالولي غير هو في عين مليلة المشكل مزال ما شريت طومبيل اني ناوي مي قلت قبل ما تطيح قرقاشتي نكون موجد تاويلها ههه
ايه في عين مليلة بياس ديطاشي كاين غير هو
ان شاء الله برك كي تشري طومومبيل
وهداك لبياس ديطاشي ساهل

مﻻك نسألك دوك قبل ما طيح البارتي -_-
ايه اكيد خويا اتفضل
مﻻك حاب نشوفك منارفيا حاب نلقاك مقلقة وتاكلي في روحك وش ندير باه نشوفك هكدا ؟؟
ههههه عندي صبر في كل شيء
وعاقلة عاقلة
مي لواحد انا مادرتلك والو وانت تتبلاني تماك مانولي نعرف والو
وصراتلي البارح
والمشكل انا في روحي كالم بزاااف والى تقلقت الهربة تسلك مني
ههههههههه

ايه الظاهر انك مصممة بارعة في الفوطوشوب وش حكايتك معاه وكيفاه حتى تعلمتيه ؟
ههههه صح حبيت نتعلم الفوطوشوب مي راني مبتدئة فيه
وراني حابة نتعلمو اكتر مي لازملو صبر وقعدة بزااااف
وانا دوركا مشارجيا نتاع الصح
والى قصدك على التوقيع
صديقة صنعتهولي

ولو كان في يوم ويطلب منك القرصان تصميم وش يكون ردك ؟
ايه
نديرلك تصميم وين راه المشكل
مي حتى نتعلمو مليح

نورت خويا هشام
كل الشكر لتواجدك
ربي يحفظك

 
رد: السهرة الثالثة....... قهوة وتاي

وواش تقترحي عليا كتصميم في التوقيع ؟
هدي من بعد ونقولك حتى نخمم فيها
وعﻻه غيرتي اسمك ملكة زماني وﻻ جات لطايراتك من بﻻصتك ووﻻت ملكة زمانها ؟
ماش وحدة داتلي بلاصتي بالعكس كل واحد بلاصتو راهي باينة
ملكة زماني هدي حكايتو زمان نتاعي واحد معاش كيفو وزيد بيه نتفكر الاحزان نتاعي
على هديك حبيت نبدى باسم جديد حلم جديد


ههه شفتي سامط باﻻسئلة تمنيت نخرجك من عقلك عندك الزهر اليوم نهاري كامل في طريق وزيد داخل بالتلفون
ههههههههههه لالا بالعكس اسئلتك خفاف
كيما خفة ظلك خويا
املا عندي الزهر ههههههههههه

صح فطوووووووووووووورك مﻻك .. والله سهرة هايلة معاك
تحيااااتي
الله يسلمك خويا
الله يخليك
بوجودك السهرة كانت احلى
صحا فطورك
كل الشكر لتواجدك
 
رد: السهرة الثالثة....... قهوة وتاي

اه راكي هنا -_- ماﻻ نزيدك هادي الحزمة تاع اﻻسعلة لخفيفة كيما تقولي ونروح نرقد حتى للمغرب

نعطيك 5 كلماات وكل كلمة بواش تدكرك المهم ديري عليها تعليق
الخيانة .. الصدق .. الكدب .. الوفاء ... الحب

هل انت راضية على نفسك ؟؟
وش هي الحاجة لي تشوفيها سلبية في مﻻك ؟؟
نعطيك رصاصة في راس من تكون ؟
نعطيك وردة لمن تكون ؟


هههه هاني نبروفيتي مدامك هنا .. اﻻن اتجاه النوم من هنا >>>>>>>>

صحا فطورك مﻻك .. وخليلي حبة بوراك وﻻ زوج وﻻ ربعة>
 
رد: السهرة الثالثة....... قهوة وتاي

اه راكي هنا -_-
راني هنا
ماﻻ نزيدك هادي الحزمة تاع اﻻسعلة لخفيفة كيما تقولي ونروح نرقد حتى للمغرب
ايه اتفضل ههههه اوكي
حاجة باينة خفاف

نعطيك 5 كلماات وكل كلمة بواش تدكرك المهم ديري عليها تعليق
ايه
الخيانة .. الصدق .. الكدب .. الوفاء ... الحب
الخيانة لي يظربني في ظهري والله جامي ننساهالو
الصدق للصديقة الي توقف معايا في كل الاوقات الشدة وفي الفرح
الكدب الي هادوك يلعبوها يحبولي صلاحي وهوما يكدبو عليا في ابسط حاجة
الوفاء للناس الي ماتنساش واش دير على جالهم
الحب يفكرني باهلي ربي يحفظهم تالمو ابي فارق الحياة مي حبو مزالو في قلبي
ربي يرحمك يا اعز انسان

هل انت راضية على نفسك ؟؟
راضية في كل شيء مي مزالني نية وطيبة زيادة عن اللزوم
وش هي الحاجة لي تشوفيها سلبية في مﻻك ؟؟
هههه نسامح بزاااف
نعطيك رصاصة في راس من تكون ؟
الي يكرهوني
نعطيك وردة لمن تكون ؟
لكامل الناس الي نعزهم ونحترمهم

هههه هاني نبروفيتي مدامك هنا .. اﻻن اتجاه النوم من هنا >>>>>>>>
ههههه ايه
مرحبا بيك خويا
في اي وقت
بصحتك الرقاد


صحا فطورك مﻻك .. وخليلي حبة بوراك وﻻ زوج وﻻ ربعة>

الله يسلمك
ايه نخلييلك ربع بوراكات
صحا فطورك خويا
:regards01:
 
رد: السهرة الثالثة....... قهوة وتاي

jmx98366.gif



ضيفتي وصلنا لآخر فقرة

0xu98366.png



الكلمة الختامية


هاته مساحة لك لتقدمي كلماتك الاخيرة
قولي واش تحبي واش عجبك وواش ما عجبكش واش تقترحي كتعديل للموضوع واش سلبياتو
وكلمتك للاعضاء وكملي سهرتك معاهم
شكرا لانك قبلت دعوتي وشكرا على روح التآخي اللي فيك
وهذي مش غريبة على ناس قسنطينة

شكرا الف مرة والسلام خير ختام
ونشكر كل من شارك في هاته السهرة
استمتعت كثيرا باسئلتلكم
بارك الله فيكم
حبيت نقول حاجة برك رانا هنا خاوة الله يبارك
ومن كل ولايات الجزائر
تعرفنا على اشخاص ماشاء الله ربي يحفظهم ان شاء الله
وقفو معايا في الحلوة والمرة
وكيما يقولو لواحد راهو هنا يجيء نهار وميوليش كاين
المهم مكاش قد الاحترام والتقدير
الي تعبر على شخصيتك
وحبيت نقول لشيء ناس قاسوني بلا منديرلهم حاجة
ربي كاين وخلاص
وزيد لواحد الي واثق من روحو مكاش جبل يزعزو
وحاجة باينة التربية والاخلاق هي الي تمثلني
ان شاء الله عرفتو ولو جزء قليل
عن مــلآك بنت الجسور المعلقة
:sport02:
حبيت نشكرك اختي زهرة بزااااف:love01:
ونحييك على هد الموضوع التوب
ربي يحفظك ويخليك ان شاء الله
ونشكر كل الاخوة الي حلاو السهرة بتواجدهم
ربي يحفظكم ويسعدكم
دنيا وآخرة
:regards01:
 
رد: السهرة الثالثة....... قهوة وتاي

السلام عليكم اختي ملاك
انا بداية نشكرك بزاف على أخلاقك الرفيعة نشكرك على تواضعك ورحابة صدرك
تقبلتي الكاميرا مني وتقبلت الدعوة وطلبي ما رفضتيهش رغم ما نعرفوش بعضانا والحمد لله تعرفت عليك مليح من خلال الموضوع
وكيما قلت كل واحد اخلاقو تعبر عليه وكل واحد آذى الثاني راه ربي يشوف لانو هو الصح
نشكرك بزاف على كل شي
والموضوع توب بيكم
نشكر كل اللي شاركو كل واحد باسمو وننتقلو للسهرة الرابعة وضيف اليوم
شكرا ليكم وصحا فطوركم
 
رد: السهرة الثالثة....... قهوة وتاي

السلام عليكم اختي ملاك
وعليكي الســلآم والرحمة
اختي ليليا
انا بداية نشكرك بزاف على أخلاقك الرفيعة نشكرك على تواضعك ورحابة صدرك
الله يخليك هداك من ذوفك حنونة
الحمد لله
تقبلتي الكاميرا مني وتقبلت الدعوة وطلبي ما رفضتيهش رغم ما نعرفوش بعضانا والحمد لله تعرفت عليك مليح من خلال الموضوع
هههههه كانت كاميرا روووعة اكيد اختي بلامزية
والحمد لله ركي عرفتني في موضوعك

وكيما قلت كل واحد اخلاقو تعبر عليه وكل واحد آذى الثاني راه ربي يشوف لانو هو الصح
اكيد اختي مكاش قد التربية والاخلاق
انا مع ربي صافية ونتمشى بنيتي والحمد لله الي رباوني
ربي هو الكفيل بكل شيء
نشكرك بزاف على كل شي
والموضوع توب بيكم
انا تانيك نشكرك بزاااااف ختيتي
نشكر كل اللي شاركو كل واحد باسمو وننتقلو للسهرة الرابعة وضيف اليوم
ونشكر كامل الاخوة الي شاركوني السهرة:)
وعلى راسهم الاخ قرصــآن الســآحل:up:
شكرا ليكم وصحا فطوركم
صحا فطورك اختي
:love01:

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top