سهرة 19 .........قهوة وتاي

رد: سهرة 19 .........قهوة وتاي

السلام عليكم

وعليكم السلام ورحمة الله وبركاته
صباح الخير مريومة ولا مسا الخير كما تحبي ههه
مساء النور امورة هههه هيه نخليوها مساء احسن او قريب المغرب ههه

قلتي رواية يتيليشارجيتها ؟ وينها راه الميكروو عندي كلو روايات متيليشارجيين هههه
ولا تقصدي e.s.p المهم ادا هي اقريها راهي تهبل الادراك لافائق للحواس مممم مشوقة
حتى انا مع اني من مدة صغيرة من لي بديت نقرا بصح كلما نلقى نتيليشارجي ههه جهلت
هيه هي نفس الرواية راني مخبيتها كي بإذن الله هاد الصيف نقراها

وقلتي تاني تتفرجي شكون هو الشاف هههه شفتي ربح حكيم ههه وشفتي راه خو قاواواوي لي كان يلعب مع ليكيب ناسيونال
انا نهار شفت الللقب ديالو والاولاية عرفتو خوه يشبهلو "استنتاج عظيم علابالي " هههه
هههههههههه والله نفس الشي هههه مع قريت اللقب قلت لختي خوه مافيهاش اصلا نفس الخليقة ههههه هادا فاه فالحين حنا غير في الاستنتاجات، ويستاهلها حكيم اكيد كنت نتمنى يديها واحد من ولايتي بصح حكيم يستاهل ماشاء الله شاف وعليه الكلام وحصة روعة ان شاء الله يكملوها العام لجاي لأنها تستاهل المشاهدة
هدرت بزاف هههه
معليش راكي مع اكبر ثرثارة احكي كيما تحبي ههههه

شحال كان عمرك كي بديتي تصومي ؟ما تقوليش نسيت كما ايمان تقول فيها الزهايمر
والله نسيت حتى انا ههههههه انا عشا البارح نسيتو حتى نتفكر الصيامن بصح بديت صغيرة تقدري تقولي 7 ولا 8 سنين ماشفيتش مليح وكنت نصوم نهار كامل مانخيطوش ههههه
وش الطبق المشهور في قسنطينة ؟
كاين بزاف .. كاين شباح الصفراء يعني اللحم الحلو
وكاين التريدة كاين بزاف

حضرتي الاحتفالات تع العميد قبل لبارح ولا والو ؟هههه
لا ماحضرت حتى احتفال هههه

يادرا مسلككتها مع الفوتوشوب لي قلتي ؟
اسكتي برك راني كل يوم نخربش وحدي ههههه مازال اكيد مالحقتش لمستواكم
بصح راني لاباس في تحسن

هادو اسئلة فيولا خطفتهملك وزدت فيهم ههه
هههههه معليش ماش مشكل
وش رايك فزواج النت تامني بيه ؟
درك المشكل ماش في زواج النت، لو نقولو شخص عجبتو وحدة في النت كيفاه يلحقلها؟
لازم يشوفها برا ساع اذا تعجبو ولالا لازم يعرف دارها يعني شوي واعرة
كن مثلا كاين شخص يتوسط مثلا يعرف الطفلة هادي في الواقع ويساعد الشخص الثاني
بمعلومات عليها بالاك تصلح بصح ماكانش قد زواج لي يجي قدقد ومن باب الدار

تفضلي الزواج التقليدي ولا الجديد هه يعين عن حب ؟
كيما قلت في الجواب السابق نحب لي يجي مباشر ومن الباب يعني كيما قلت من قبل
يكون تقليدي وين واحد شاف وحدة عجبتو يروح لباباها يديرو رؤية شرعية ويتوكلو على ربي
خاطر صدقيني كاين لي حبو بعضاهم زعما وعشرة 7 و 6 سنين وفيا لاخير تطلقو من اول نهار

ماش نعمم ولا بصح نفضل الطريقة التقليدية احسن

كامل نعرفو بلي البنت تميل لباباها ملا قولي الصح تدبزي انتي وختك على باباك ؟ههه
والله عادي اصلا انا قريبة لماما كتر نحب بابا بزااف بصح الام تلقايها حنينة بزيادة على الاب
وانا واختي عادي مانتقابدوش عليه هههه

عندك صديقة مقربة فمقام اخت ولا اختك هي اختك وصديقتك وكلشي؟
والله تقدري تقولي مصطلح الصداقة مازال ماعشتوش
في الليسي تعرفت على طفلة كانت مقربة ليا بزاااف وبعد عامين تزوجت وتقطعو اخبارها
وكانت الصديقة الوحيدة لي عرفتها، بصح درك عندي غير ختي هي لي مقربة مني ولا بنات خالي
تاني مهابل كتر عليا ههههه نتفاهم معاهم تاني
وعندي تاني خوالاتي بمقام الام والصديقات وكلشي يعني تقدري تقولي العايلة اقرب من الصداقة
الاقسام لي تعجبك فاللمة ؟
اممم واش راك تهدر اكيد وفرغ واش كاين في قلبك خاطر يتطلبو هدرة بزاف وانا نمووووت على الهدرة هههههه كاين تاني قسم المدونات وليت مدمنة عليه ههه وتاني قسم التصميم بديت نهتم بيه هاد اليامات وتلقايني ندور في كامل ارجاء اللمة هههه ماعنديش مشكل
ايه وكفاش تعرفتي عليها هه؟
هي اللمة قاتلي عليها وحدة من العائلة وسجلت فيها في 2011 بعضوية مختلفة نسيت حتى اسمها والرقم السري كنت ندخل نشوف واش اللمة هادي بصح ماكنتش نشارك كنت نتوقب برك هههه ومن بعد ماعدتش ندخل ونسيت المودباس وليت في 2013 عاودت شاركت فيها وراني معاكم

برصاوية ولا مدريدية ؟
والله لا برصاوية ولا مدريدية هههههه اعتزلت الكرة من زماان هه
ووش رايك كي اعتزل ميسي اللعب الدولي بعض المصيبة لي دارها مع الارجنتين؟ ههه
هههههه البارح قاتلي اختي عليه قلتلها عندو الحق يعتزل شبع دراهم هههه

الولايات لي زرتيهم ؟
اممم زرت العاصمة .. سطيف .. بسكرة .. باتنة .. جيجل .. البويرة زيارة خفيفة .. سكيكدة .. نظن هادو برك حسب واش نشفى خاطر نصهم رحتلهم كي كنت صغيرة بصح متمنية نزور الغرب
كيما تلمسان ووهران المهم الجهة تاع الغرب خاطر راني حاكمة الشرق برك هههه

وش رايك فليtrisomique تتحبيهم ولا لا علاقة ليك بيهم ؟
نمووت عليهم والله العظيم براءة تامة وعندهم اخلاق بالاك ماعندناش حنا
الاسم المشهورة بيه فعايلتك؟
مريومة وبنت خالي تقولي ماري هههه وخوها يقولي مريهام ههه
رجعوني هندية وانجليزية وكلشي ههههه
ممم اسم شخص عزيز عليك ؟
ماكانش اعز من الأم

راني كترت عليك ههه
يعطيك الصحة موفقة

ههههههه شكرا امورة اسئلة ولا اروع
ربي يحفظك حبيبتي وربي يهنيك
وبالعس ماكترتيش عليا راكي جايبتها طووب
صحيتي الزينة

 
رد: سهرة 19 .........قهوة وتاي

واشوا هادا يا فيولا خربشتيلي الذاكرة ههههههه
المشكل راني عارفتهم بصح نسيت وين شفتهم هههههه
نجاوب على اسئلتك ونولي لرحلة البحث عن المجهول قصدي عن المدونات ههه

 
رد: سهرة 19 .........قهوة وتاي

ههه نسيت مادرتلكش الاسئلة تع فيولا هادو هما

المهم حاجة خفيفة : لي تعجبك قوليلي on و لي متحبيهاش قولي off اوكي ؟ اوكي هههه


*القهوة

*رمضان

*الضياف

*السهرة

*الفيس بوك

*بن غبريط ههههه بلعقل عليها هاذي

*اللمة

*sport

* المسلسلات

*فيولاا

* أميــرة :d
والسؤال كلاسيكي وش رايك فامورة ؟ووش تنصحيها :d
يعطيك الصحة على رحابة صدرك زهينا معاك
وراني في متابعة التحدي
موفقة غاليتي

 
رد: سهرة 19 .........قهوة وتاي



ههههههه شكرا للتذكير خخخ
ههههههه هاهو الزهر ابتسملنا شوي وبديت نجاوب شوي على الاسئلة

معليش نخليلك شوية أسئلة خفااف هاك اذا جات الكونيكسيون اكي تجاوبي و اذا مجاتش اكي تجاوبي ههه
هههههههههه راني نجاوب بالفاسيليطي (الله يبارك على الفرونسي الباهي ههه)

*مادام البارح درتيلنا هذاك الموضوع تاع المااكلة هههه كون جيتي ماكلة نتي وش تخيري تكوني ؟؟:p
علاابلك نسيت عليه خلاص ههههه لدرجة تلهيت مع السهرة نسيت موضوعي تاع المهبول والمهبولة
مممم زعما شكون انا؟ ماشكيتشا لفريت هاديك ماتحشمش على روحها زاهيتلها الدنيا هههههه واقيلا مقرونة سباغيتي ههههه هي لي تبان عاقلة شوي:p

*كون جيتي قاطو ثان ؟ وش تخيري تكوني ؟؟
نكون طمينة اللوز بيضاء البشرة تقول روسية ههههه وزينونة وعزيزة وقيمتها كبيرة في الصينية :d

*نحطوك في مختبر و عندك قااع الوسائل باه تختارعيلنا حاجة .وش تختارعي و بوغكوا خخخخ
ممممم نخترع عطر كي ديريه تختفي تولي شفافة هههههه نهبل بيه الغاشي
اتخيلي تتقابدي مع عباد وتروحي وتخليهم ومن بعد تجيهم ونتي شفافة تسمعي واش يهدرو عليك :p
شريرة انا في افكاري


*كي تجي راحا تزوجي ديري ليماش في عرسك خخخ بصراحة يعني ههه
لا مانحبش ليماش نكرهم في الدم، اصلا عروسة شعرها كحل وطويل ورطب كن ديرلو كوافير باهية تجي بوبيبة
تروح هي ترجعو صفر وهي سمراء المشكل يولي يبان تقول بيض تاع عجوزة وزيد يبان حرش :tongue02:
حنا في جيهة خالاتي وحدة لا دارت ليماش في عرسها من ماما وهبط وتشوفيهم كي خرجو عرايس تقول قمر الله يبارك
وانا نحب لون شعري الحقيقي وبربي ان شاء الله نفس اللون يقعد مانبدلوش

*آخر سؤال سيريو هذا ..اعطيني نصيحة :-r
بركايك بلا شغب وحبستي حياة المافيا ههههه
غير نضحك فيولا ننصحك بطاعة الوالدين وصلاتك هادو اهم حاجة في الدنيا
طاعة الوالدين ديرلك ضلالة تحميك وين مارحتي وصلاتك هيا لخيط لي يربك بربي سبحانو
ولي يقرب لربي سبحانو مستحيل يخليه


شكرا ختيتي و آسفة انتقمت منك برك هههه

ههههههههه اذا كان الانتقام حلو هكا معليش انتاقمي وقت ماتحبي هههه
هيا درك نصوطي للحصلة لي حطيتيهالي
ياك ماش مدونات تاع عام فلنستون الانسان الحجري هههه ياك جبتيلي لي هنا هنا برك
خاطر علابالي نغرق هههه

 
رد: سهرة 19 .........قهوة وتاي

السلام عليكم

بففف روطاار كالعاادة المهم اهلا وسهلا مريومة الغالية
واش راكي اليوم ان شاء الله مليحة وغاية

معليه ماشي كي طولت نجي بلا اسئلة ههه
متفرحيش خخخخ نقسر برك

اسئلتي
اعطيني كلمة في

الصداقة ؟
الحب ؟
الامان ؟
اللمّة ؟
العائلة ؟

و
طبعا كارلآ ههه

ياسر حالياا وان شاء الله لي عودة حبوبتي اخخخ

صحا فطوركْ
 
رد: سهرة 19 .........قهوة وتاي

ههه نسيت مادرتلكش الاسئلة تع فيولا هادو هما

هههههه معليش هاتي اسئلة راني واجدة :sport01:

المهم حاجة خفيفة : لي تعجبك قوليلي on و لي متحبيهاش قولي off اوكي ؟ اوكي هههه
اوكي درك نأونيهم كامل هههههه

*القهوة off

*رمضان on

*الضياف on و off كي يكونو ضياف صامطين نأوفيهم هههه

*السهرة on

*الفيس بوك هادي on/off ساعات يحلالي نقعد فيه وساعات نكره منو

*بن غبريط ههههه بلعقل عليها هاذي والله مانديرلها لا اون ولا اوف لي دارتو مليح كتر خيرها ولي دارتو ماش مليح ربي يهديها

*اللمة oooonnnn

*sport هادي نص بنص ساعات تجيني اون وساعات تجيني اوف هههه

* المسلسلات off

*فيولاا onnnn

* أميــرة :d onnnn
والسؤال كلاسيكي وش رايك فامورة ؟ووش تنصحيها :d
امورة بنت عاقلة طيبة ذكية (تستنتج اخ قاواوي بكل سهولة ههههه) غير نضحك، ومتربية وعندها حتى هي شوي روح الفكاهة
بدينا نعديوك يدهرلي ههههه ماتزيديش تقربي لمسابقة مهبولو مهبولة الحالة ماتعجبش هههه
امورة طيبة ماشاء الله ومن جواهر اللمة الله يبارك
ربي يحفظك ويحميك من كل سوء
ونصيحتي ليك نفس نصيحة فيولا طاعة الوالدين والصلاة
طاعة الوالدين ودعواتهم توصلك لوين حابة ان شاء الله وصلاتك هي الخيط لي يربطك بربي سبحانو
على هادي حافظي عليهم فيزوج وتنجحي بإذن الله
يعطيك الصحة على رحابة صدرك زهينا معاك
وراني في متابعة التحدي
موفقة غاليتي


الله يحفظك امورة وربي يهنيك حتى نتوما ماشاء الله كانت السهرة بوجودكم رااائعة
والتحدي هاداك اي شيبتني بيه فيولا ههههه اصلا قلت نجاوب على الاسئلة ونوليلها :sport01:
شكرا امورتي وابقاي في المتابعة

 
رد: سهرة 19 .........قهوة وتاي

ههههههههه اذا كان الانتقام حلو هكا معليش انتاقمي وقت ماتحبي هههه
هيا درك نصوطي للحصلة لي حطيتيهالي
ياك ماش مدونات تاع عام فلنستون الانسان الحجري هههه ياك جبتيلي لي هنا هنا برك
خاطر علابالي نغرق هههه


هههه يحلي ايامك ختيتي

ههههه و الله نسيت منين جبتهملك ههههههههههه دبري راسك و خلاس هههه
 
رد: سهرة 19 .........قهوة وتاي


شوفينا فارس هذا كان عندو خوه وديجاااااااا واااااااع لالا راه من تيارت وانا نحوسو شاوي وفحل يموت وما يحملش الذل قول والله ما لحنتيها هههههه


هههه واش هدا يا ختي مانسمحلكش تهدري على التيارتي ولا الوهراني والتلمساني ولا الغربي بصفة عامة
راهم حتى ولاد الغرب فحولا ورجال يموتو ومايقبلوش الذل ورجال بمية راجل اختي
ربي يبارك فيهم ويحفظهم
سمحيلي مريومة عالتدخل :love01:
 
رد: سهرة 19 .........قهوة وتاي

اول تدوينة من مدونة الزهرة الحمراء "فتاة عشرينية بداخلها عجوز خمسينية"
الصفحة 6

ثاني تدوينة من مدونة حكيم ستوري "كوكب وجع"
الصفحة 50

ثالث تدوينة من مودنة فيولا "ولتكن في الحانة"
الصفحة 3

رابع تدوينة من مدونة لؤلؤة قسنطينة "انثى تحمل قلب طفلة"
الصفحة 5


بصراحة مع قريتهم وتمعنت معاهم قلت ماجدة .. حكيم .. فيولا .. ومريم ههه
اصلا نعرف اسلوب كل واحد
وصراحة رحت طول للمدونات المطلوبة يعني مارحتش لمدونات خلاف
بقاتلي غير الصفحات حصلت ههههه وزيدلي الكونيكسيو وليت هكا -_-
وخاصة مدونة خويا حكيم شنشفتني هههه يكتب بزاف الله يبارك مايجيت نلحق للصفحة بالسيف
وزيد المشكل عديت عليها ومشيت وراها ب 30 صفحة وعاودت رجعت هههه
وخلصت درك دوري هاهاهاها
 
رد: سهرة 19 .........قهوة وتاي

بيييييييي ...شاطرة ماشاء الله الله يحفظك مالعين :bravo01::bravo01:

هاو حقك مريمتي :regards01:
 
رد: سهرة 19 .........قهوة وتاي

السلام عليكم
وعليكم السلام ورحمة الله وبركاته

بففف روطاار كالعاادة المهم اهلا وسهلا مريومة الغالية
واش راكي اليوم ان شاء الله مليحة وغاية
اهلا بالشابة تاعي
لالا كارليتا ماراكيش روطار اصلا البارح فليل بدات السهرة وليوم فليل تخلص
الحمد لله حبيبتي ونتي لاباس شوي؟


معليه ماشي كي طولت نجي بلا اسئلة ههه
متفرحيش خخخخ نقسر برك
هههههه مرحبا بيك وبالاسئلة تاعك تنوريني في اي وقت
اسئلتي
اعطيني كلمة في

الصداقة ؟ مع اني ماعشتهاش هي روحين في جسد واحد يعني نتي وصديقتك
تضحكو في نفس الوقت وتبكيو في نفس الوقت


الحب ؟ هو اساس الحياة، اذا ماكانش حب بين الام واطفالها وبين الزوج وزوجتو وبين الصديق وصديقو
معناها الدنيا تولي غابة وتولي بلا معنى


الامان ؟ شعور اساسي في الحياة حنا عندنا في الاقتصاد نقراو هرم ماسلو زعما نرتبو فيه الحاجات الاساسية تاع الانسان
من بينها الحاجة للأمن او الامان

اللمّة ؟ البيت الثاني بكل بساطة

العائلة ؟ هي تجمع كل لي ذكرتيهم من قبل من أمن وحب طمأنينة وكلشي


و
طبعا كارلآ ههه
كارلا بلا ماتهدري راهي حبيبة القلب غابت شوي اللمة تقبت هههه قريب رحنا لكل شيء ممكن ههههه
والله نعم البنات ربي يحفظك من العين ويخليك لوالديك ان شاء الله

ياسر حالياا وان شاء الله لي عودة حبوبتي اخخخ

صحا فطوركْ

الله يسلمك حبيبتي ونتي زادا
ربي يهنيك ويوفقك
وشكرا على طلتك المميزة فرحتيني بمرورك

 
رد: سهرة 19 .........قهوة وتاي

راني جيت
نوصعلك هاد التدوينات ونروح نخليلك الوقت حتى مابعد الفطور هههه

رايحة نسهلك شوي علابالي رمضان رمضان ههههه مانشنشفكش بزاف في الصفحات
وباه نزيد نساعدك كي تجي تبحثي ابداي من آخر الصفحات واطلعي


مازالت بساتين الياسمين’ تخجل أمآم ابتسآمتك

فَلتَعلَم يَآ صَغٍيرٍي أنّ أحلآمٍي أكثَرُ صٍدقََآ مٍن وَآقٍعٍي . .

وَ حُلمٍي لَيلَةَ أمسٍ لَم يَكُن مُطمئِنآ البَتّة !


تبعثرت خطواتي من على سارية علمي..
واغرورقت صفحات الجراح بدمي
حينما التوت مشاعري ولم إسقي حلمي..
وحينما سكبت قطرات اساي.. المي..

نسيت من اكون
...انت يا نبض الفؤاد تمهلي..
يا ويلتي.. مالي نسيت حالي!!

تجولت في أروقة الشلل!!
وبكيت ونثرت شكواي بلى زغردات البلبل!!

ما بال عبير الورود تالمت.. ونزفت شكوى.. آآآه يا خجلي

.. توقفي يا ساعة.. فلعلي صرت لا أفقـه أمرا عن الامل..
ان الحروف التي اكتبها تخرج من صميم القلب ولبه وليس بينها وبينه اي مسافة ان الحروف التي اكتبها لا تعبر عن حاضر ولا عن مستقبل بقدر ما تعبر عن حوادث في الماضي لا تزال بعض آثار نكستها تحاول التعكير على مزاجي الجيد دائما ..

هيا نخليك معاهم وبعد الفطور نتفاهمو ان شاء الله هههههه
صح فطوركم كامل

 
رد: سهرة 19 .........قهوة وتاي

اول تدوينة من مدونة sissina gilina " _______ وجع قلبي ___ م.أ ____"
الصفحة 8


ثاني تدوينة من مدونةLovely ღ smile "ﻣ̝̚ﮃۆﻧة ﺂُﻧﭥـﮯ ﻏُ̣̐ژﻟت ﻣ̝̚ﻧ ﺧُﯾۆﻁْ آﻟﻗ̮ـَِِِ̃ﻣ̝̚ړُ"
الصفحة 33

و لي بقاو انا استسلم خخخ و الله مقدرت ...يعطيك الصحة

اكي ربحتي بصحتك
 
رد: سهرة 19 .........قهوة وتاي

اول تدوينة من مدونة sissina gilina " _______ وجع قلبي ___ م.أ ____"
الصفحة 8


ثاني تدوينة من مدونةLovely ღ smile "ﻣ̝̚ﮃۆﻧة ﺂُﻧﭥـﮯ ﻏُ̣̐ژﻟت ﻣ̝̚ﻧ ﺧُﯾۆﻁْ آﻟﻗ̮ـَِِِ̃ﻣ̝̚ړُ"
الصفحة 33

و لي بقاو انا استسلم خخخ و الله مقدرت ...يعطيك الصحة

اكي ربحتي بصحتك

صح فطورك امونة
وصحيتي الفحلة راكي جبتيهم معليكش وعلابالي صعيبة
انا كن ماكانوش مرو عليا من قبل ماكنتش نفيق بيهم
التدوينة الثالثة كانت تاع عبير "توينكل" والتدوينة الثالثة
تاع خونا حكيم بما انو مودنتو يزوروها كامل الناس قررت نهز منها وحدة،
شكرااااا حبيبتي على مشاركتي التحدي كان تحدي ممتع الله يبارك
ربي يحفظك حبيبتي
 
رد: سهرة 19 .........قهوة وتاي

do.php




كلمة ختامية

0xu98366.png


ضيفتي انا نشكرك بزاف على الحضور ولو اني ما خبرتكش لانك كنت غايبة
لكن هاكا نتاع الغفلة راهي حلوة
نشكرك على وقتك وعلى السهرة ولو متأخرة لانك كنت مبرمجة لاول عدد مي معليش
ان شاء الله نتوفق ونعرض كل اللي فبالي
وانا نشكر كل رواد السهرات والمشرفين كلهم
وغدوة اذا حب سيدنا ربي نتلاقو فسهرة اخرى مع ضيف جديد
نقولكم تهلاو فصحيحتكم وصحا سحوركم

في امان الله

السلام عليكم
وصح فطوركم كامل
نظن وصل وقت هاد الفقرة لي كونجيلتها هههه
اولا نشكر ختي ليليا لي عرضتني لهاد السهرة الممتعة نقولها الله يحفظك وبارك الله على الفكرة المميزة
نشكر كل من مر بالسهرة سواءا خلا سؤال ولا خلا اعجاب ولا حتى اكتفى بالمراقبة
ربي يحفظكم جميعا وربي يهنيكم، نتمنى تكون سهرتي جازت خفيفة ومانكونش تقلت عليكم
وربي يدوم هاد الجمعة ان شاء الله وربي يوفقكم كامل
وصح سحوركم مسبقا
احبكم في الله :love01:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top