ممكن كل واحد يقولنا شحال يتكلف العرس في منطقتهم وكيفاه راه يخمم باه يجيب حق العرس

الحالة
مغلق ولا يسمح بالمزيد من الردود.

oussama1546

:: عضو مُشارك ::
إنضم
14 سبتمبر 2008
المشاركات
176
نقاط التفاعل
0
النقاط
6
حبيت نشوف وشي الاختلاف في اعراس القطر الجزائري انا معظم اصدقائي قطعو الامل في الزواج لانه قريب من المستحيل علاش ؟
المرا تحب شرطها من 10 ل 15 مليون
وزيد الذهب على الاقل لازمها بارير ب 10 ملاين بلا منحكو على النبايل ولحوايج الاخرا
الشمبرا وحدها على الاقل ب 10 ملاين
مصاريف العرس الفور ولكرا نتاع الصالة ووووووو
معناها على الاقل 60 والا 70 مليون
60 نديرو بللي راك تخدم ومترسم وتخلص 4 ملاين كانسان راح تصرف 2 ملاين في الشهر معنماها لازمو 3 سنوات باه يبجيب حق عرس عادي
والمرا للي تطلب الدار والطوموبيل وش راح نديرو معاها وكل عام يقلك العزوبية زادت على الاقل بنسبة 10 % في الجزائر
معليش كل واحد (ة) يشرحلي معنى الزواج في راسو
 
انا صراحه ادا كان الي نحبو هو الي راح نديه ما نشرط والو وما يخسر عليا والو ماكلاه الا حب حتى عرس نديروه كما نتاع بكري وطبعا ادا كان مش الي نحبو نشرط عليه و نطلب اغلى حاجه
شكرا ليك على الموضوع
 
شكرا اختي على مرورك ربي يخليلك من يحبك ان شاء الله ويجمع بيناتكم بخير
 
ان شاء الله
اميييييييييييييييييييييييييييييييييييييييييييييين من فمك لربي مع اني منظنش بصح بالاك تنسى ادعيلي ربي يخليهلي ليا برك مع وحده اخرا لالا اوكي؟
مرسي و ربي يخليك و انت تاني تلقا الي تحبك كما مانحبو انا والا يخليك ادا عندك
 
يعطيك الصحة خويا على الموضوع لى يستحق النقاش

أنا رايح نقولك كيفاه الشروط فى عنابة على خاطر أنا عنابى

عندنا هنا المهر أو الشرط كما يقال يتراوح ما بين 4 و 8 ملايين سنتيم + مقياس من 6 ملايين فما فوق يعنى الأرخص ثمن يعمل 6 ملاين سنتيم + الصوف من قنطار فما فوق حسب التعاون و التفاهم بين الأهل و التسهيلات بين الزوجين

أما بخصوص العزوف عن الزواج ترجع لعاملين رئيسيين وهما الشرط الزائد عن المعقول و الخبزة الصعيبة فى بلادنا

ونشكرك مرة ثانية أخى على موضوعك الرائع وتقبل مرورى المتواضع













 
يعطيك الصحة اخي موضوعك مهم فعلا ان شاء الله تلقى التجاوب من الذكور الزواج راهو غير يصعاب على هادي كثرو العزاب بصح فكرتني في وحد الحكاية كانت جداتي في الحافلة مع بنت عمتي و قاعدة تقصر مع واحد الشاب و مبعد بداو يهدرو على الشرط و الزواج قالتلو احنا ما نشرطو والو على بناتنا نشرطو غير الهنا مع ان بناتنا الزين و التربية و القراية و الخدمة تاع الدار قريب تقلوا ادي برك راي باطل هههههههههههه بنت عمتي مسكينة قريب رمات روحها من الطاقة تاع الطرام ههههههه شكرا على الموضوع اخي
 
شكرا على مروركم اخوتي ربي يفرج على كل مؤمن ويقدرنا على الصلاح
لا تبخلونا بدعائكم
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top