غير انتم واحنا علاش لالا .......*****فريق نجوم اللمة*****

الحالة
مغلق ولا يسمح بالمزيد من الردود.

sama-h

:: عضو مُتميز ::
إنضم
29 ديسمبر 2007
المشاركات
674
نقاط التفاعل
3
النقاط
17


9.gif


كيف احوالكم ان شاء الله تكونو بخير
المهم حبيت نطرح موضوع ولنجعله للنقاش او ابداء الاراء
-اكيد كلنا لاحظنا او غالبيتنا شفنا و في المجال الرياضي وفي غالبية بل جميع البلدان الاجنبية وبعض الدول العربية وجود حواء في ملاعب كمتفرجة ومشجعة وداعمة لفريق ما.
ومثلا في المباراة الاخيرة التي جمعت بي فريقنا الجزائري والفريق المصري كلنا شاهدنا وشجعنا ودعمنا فريقنا ولو بدعاء له وطبعا في البيت؟
اما ادم فكان حاضر في البيت والملاعب .
سؤالي هو ها ترى هذا منصف لحق حواء وطبعا نرى الان ان وجودها في جميع الميادين والمجالات اصبح ضروري وناجح.
المهم رايكم وهل عدم وجودها راجه ل:
-مكانتها في الدين وعدم الاختلاط؟
-لانه مجتمع ذكوري ويمنع تواجدها؟
-لان لاحق للمراة في ذلك؟
-بسبب تربيتنا وتفكيرنا؟

المهم اعطوني رايكم
kHS35566.jpg

اختكمsama-h
 
وعليكمـ السلام ورحمـ الله ـه تعالى وبركاتهـ
--------
أكيد هذا الأمر منصف 1000 / 100 :thumbup1:
اذا ولت عندنا في الدزاير ثاني المرأة تروح للماتشات غير خلات :laugh:
كي راهي باقية هكا يعني راهي مكرمـة فوق اللآزم لازم عليها تحس بالكرامة الي راهي فيها وهي بعيدة عن هذه المظاهر
فالملاعب مكان مختلطـ ولا شكـ في ذلكـ :mellow:
والاختلاط عواقبـه معروفهـ :bored:
--------



 
هادا واش يخص باغيين تروحو لسطاد والله غير حاجة شابة الى روحتو نتوما لسطاد انا نلبس الحجاب وفرات افطنو راكم فالجزائر ماكمش فالوروب واش رايح نقولك الى قادين تدخلو لسطاد مرحبا بكم الدخلة دخلتو والخرجة منين واش راكم حابين خليناكم تروحو تقراو تروحو للمارشي تروحو للحمام تروحو الكوافوز تروحو للحفلات واش واللفتو باغيين تروحو حتى السطاد هادي غير ماتحلموش بيها وانساوها اطلاقا كيما يقول المثل عطيتو صبعي اخد دراعي نقولقم حاجة يالبنات هادي غير محوها من لاميموار نتاعكم ولا فورماطوها
ياخي بنات ياخي كولونا كولونا الدوميل ناف المحنى والزعاف
ياو الي ماعندهش النيف يخلي خته تروح لسطاد
والسلام عليكم
 
السلام عليكم

أختي درك نحكيلك شوية على الستاد وأنتي أحكمي بنفسك اذا تقدري تروحي ولا لا
نبداو من الستاد لي حطيتيه هذا الستاد تع عنابة علابالك بلي الأغلبية لي في الستاد كلهم هازين تحتهم نوع من السلاح هههه تgول في حرب لي هاز موس هاز ولي عندو pompa و روح وروح ......
وبلا مانزيد نحكيلك على الكلام الزين لي ينطقوه في الستاد
حا شاك ناس مش متربية....وزيد نصارحك في الستاد الناس ولات تجيب معاها الشراب وزيد الزطلة ويشيخو لتما.....
نبقاو مع الستاد تع عنابة الصورة مأخوذة من الفوق نقولك كاين وحايد وش يديرو وهاذي شفتها بعيني يهزو القراعي تع الزجاج ويطيشوهم على لي قاعدين لتحت ....ولي راسو تحل جات فيه ...
واذا ناضت عركة راهي خلاة في الستاد لي هارب هارب. واحد يجري بسيف ...المهم تشوفي غير لعجب
وكي يفض الماتش يجي وقت les agréssions لي يشوفوه وحدو يدورو بيه يايدي فيها ضربة بالموس والا يمد دراهم والا
ا لبورتابل
قوليلي درك أختي واش مازلتي حابة تروحي للستاد !!!!!
 
:laugh::laugh:
ايه خلوها معززة مكرمة:wink: ادا حبت تشوف الماتش تشوفوا في دارها
كيما حالتنا :mad:
وادا حبت تتفاعل اكثر وتحس بالمقابلات
تشري تلفاز géant
و تجيب النساء تاع الجيران وتروبلها:w00t: ههههههههه راني نظحك برك.
عند راي جميع الاسباب الي دكرتها مقنعة :thumbup1:
فكرة الموضوع مميزة :001_tt1:شكراا لك .​
 
السلام عليكم


أختي درك نحكيلك شوية على الستاد وأنتي أحكمي بنفسك اذا تقدري تروحي ولا لا
نبداو من الستاد لي حطيتيه هذا الستاد تع عنابة علابالك بلي الأغلبية لي في الستاد كلهم هازين تحتهم نوع من السلاح هههه تgول في حرب لي هاز موس هاز ولي عندو pompa و روح وروح ......
وبلا مانزيد نحكيلك على الكلام الزين لي ينطقوه في الستاد
حا شاك ناس مش متربية....وزيد نصارحك في الستاد الناس ولات تجيب معاها الشراب وزيد الزطلة ويشيخو لتما.....
نبقاو مع الستاد تع عنابة الصورة مأخوذة من الفوق نقولك كاين وحايد وش يديرو وهاذي شفتها بعيني يهزو القراعي تع الزجاج ويطيشوهم على لي قاعدين لتحت ....ولي راسو تحل جات فيه ...
واذا ناضت عركة راهي خلاة في الستاد لي هارب هارب. واحد يجري بسيف ...المهم تشوفي غير لعجب
وكي يفض الماتش يجي وقت les agréssions لي يشوفوه وحدو يدورو بيه يايدي فيها ضربة بالموس والا يمد دراهم والا
ا لبورتابل
قوليلي درك أختي واش مازلتي حابة تروحي للستاد !!!!!
لالا تووووووووووووووووووووووبة
 
لالا تووووووووووووووووووووووبة
هههههههههههه مالا مابقيتوش تعاودو ...ونحيو الفكرة من راسكم :tongue_smilie::tongue_smilie::tongue_smilie:
 
وعليكمـ السلام ورحمـ الله ـه تعالى وبركاتهـ
--------
أكيد هذا الأمر منصف 1000 / 100 :thumbup1:
اذا ولت عندنا في الدزاير ثاني المرأة تروح للماتشات غير خلات :laugh:
كي راهي باقية هكا يعني راهي مكرمـة فوق اللآزم لازم عليها تحس بالكرامة الي راهي فيها وهي بعيدة عن هذه المظاهر
فالملاعب مكان مختلطـ ولا شكـ في ذلكـ :mellow:
والاختلاط عواقبـه معروفهـ :bored:
--------




نوافق محمد الراي
هذا انصاف حنا رانا نساء و لازم الاحترام عندنا شغل خلاف بلما نسيبورتيو البالو ........والله كيما قال عمار اذا حنا نروحوا لصطاد هما يلبسوا الحجاب
من رايي هذا جد منصف
و اشكرك اختي على طرح الموضوع
هههههههه.....مانقدرش نتخيل في روحي نعيط و نسيبورتي مع طابيعتي نحب الهدوء
ههههههه.....والله كاين حوايج عندنا حدود و اسمحيلي اذا
كنا نمشيو بفكر
المراة = الرجل = انسان
راهي فكرة غالطة ربعطاش نالف في المئة
ههههه......
والله كون هكك راه خلقنا ربي كل كيفكيف
لالا راه كل واحد في بلاصته
و هذه كرامة لينا كيما قال محمد
مارسي سما:laugh:
 
اقعدو فدار اكم لاباس

الشي لي يصرا في السطاد يعلم بيه غير ربي سبحانو

شكرااا
 
أختي الكريمة أشكرك على قدرتك وجرأتك في طرح موضوع من هذا النوع وأقول لك إن للمرأة عزة وكرامة وقدسية تريد أن تمحيها بأيديها وتقول للرجل لماذا لا يحترمني أو يعاملني هكذا وما نشاهده من تجاوزات في حق الأنثى الضعيفة أغلبها راحت ضحية الفتيات الذين يدعون إلى سياسة المساوات بين الرجل والمرأة وهذه السياسة ربما ضعاف العقل يشعرون بأنها حرية وإنفتاح لكن من لديهم كرامة يدعون الله أن تبقى الأمور كما كانت إن للمرأة مكانة لا تعلم بها ومهما وصفتها لن أعطيها حقها لكن للأسف أصبحت تفقد مكانتها مع مرور الوقت وهي تساهم بقسط وفير بذلك ولا تشعر أختي الفاضلة لاأحدثك من الجانب الشرعي أي ديننا الحنيف والإسلام وموقفه من هذه الأمور لكن أحدثك بلغة العقل هناك فئة هرب بها الزمان وفقدت مكانتها في المجتمع وتريد أن تظم إليها العديد من أمثالها لماذا جواب بسيط لأن هذه الفئة أصبحت تعرف نفسها أكثر من غيرها بأنها أخطأت لكن حتى تختفي أخطأها يجب أن يكون الأغلبية من أمثالها إننا كرجال أصارحك بكل ماتحمله الكلمة من صدق ندهب لى الملعب ولدي فريق أشجعه حتى النخاع ولما أدهب إلى الملعب هناك فئة خارجة عن كلمة بشري وهناك فئة أخرى مشجعة حقا ولا أقول كما قال الذي سبقني أنهم قليل التربية حتى لا نجرح ممن يرفضون هذه الأمور ليس كل من في الملعب قليل التربية لكن مع الأمور الذي تحدث في الملعب يختلط عليك كل شيء فلا تصبح تميز الخبيث من الطيب لأنه لو تبقى طيب في تلك اللحظات تدفع الثمن غاليا أما من ناحية التشجيع فحدث ولا حرج والذين يقطنون أمام الملعب أصبحو يلعنون اليوم الذي سكنو فيه هناك .
حافظو على مكانتكم وعلى قدسيتكم بأنفسكم ومن أعطى الإحترام لنفسه أعطته الناس له
مرة أخرى أقدم لك تحيتي الخالصة على الموضوع القيم وتقبلي مروري




ros043.gif
 
وش قااااااااااااااااااااااااااااالوا كامل صح اختي وانا متاكدة بلي الستاااد للرجااال مش للبنااااااااااااااااات
ودج اتروحي للستاد وتروحي لداركم 11 ولا 12 نتاع الليل هذي مش مليحة في حقك اختي
ويخي تفرجناااااااااه في داااااااااارنا معززين مكرمين خير من الستاااااااد نتهااااااانوا برك وتطيح كرمتنا
 
يا اختي سماح
والله موضوع جريئ
لكن الامر مايستاهلش لاننا احنا اصلا من طبايعنا والفنا العادات والتقاليد تعنا
وبطبيعة الحال الطفلة عمدها حوايج باينين تعملهم واخر حاجة تفكر فيها انها تروح للصطاد
اصلا مانقدروش نكدبو احنا فالمارشي ماسلكناش زعمة راح يتفهمو فالصطاد
خلوووووووووونا
ياو رانا فدزاير
مانقدرش نزيد نكمل اكتر حنونة
والله القصة باينة وضوح الشمس
وكيما تقول ماما مانقدروش نغطو الشمس بالغربال
 
هي في الحقيقة مشي مليح تروح المراة للستاد بسبب الاختلاط هذا سبب رئيسي و تانيا للكلام الي ينقال في الستاد
و لا حبيتي تتشوفي الماتش ما عليك غير اتجيبي كليكة تاع نسا و ترولبيها في الدار هادا ماكان :eek:hmy::eek:hmy::eek:hmy::eek:hmy::eek:hmy::eek:hmy:
 
السلام عليكم:
أولا سارة نشكرك على الموضوع
وصح كاينة بلدان عربية كثيرة النساء مسموح لهن الذهاب إلى الملاعب
بالصح كون نرجعو للمنطق
الملاعب وخاصة في الجزائر تقال فيها ألفاظ غير لائقة أبدا وتنشب فيها صراعات كثيرة تصل حد القتل أحيانا فلا أحد سليم العقل يرضى على أخته أو أمه أو زوجته التواجد في مثل هذا المكان
ناهيك عن الإختلاط إن أصبحت الفتيات تذهبن إليها ثم هل تصرخ البنت عند تسجيل هدف؟؟؟؟؟ أليس صوت المرأة عورة؟؟؟؟
أصلا ماذا سنفعل هناك ههههه أنا لاأتخيل الأمر
دعونا نشاهد المباريات الحاسمة في بيوتنا أفضل أما باقي المباريات فلاعلاقة لنا بها هههههه
وما أكثر القنوات الرياضية ههههه
 
صراحة نشكركم على ردودكم واسمحولي نقولكم انو الموضوع كان مجرد نقاش وابداء للاراء وانا اكيد ضد هاذ الشيء على العكس انا نحب المراة البيتوتية ومراة انتاع الصح اولا احنا مانديروهاش وزيد انا ندعم الرياضة بشكل عام وليس لي اهتمام كبير فيها . ونرفض لانو الدين يمنع واخلاقياتنا وتربيتنا تمنع كذلك وحتى اهتماماتنا على العموم نشكركم على ردودكم واراكم شرفتوني بهااااااااااااااااااااا
 
وش قااااااااااااااااااااااااااااالوا كامل صح اختي وانا متاكدة بلي الستاااد للرجااال مش للبنااااااااااااااااات
ودج اتروحي للستاد وتروحي لداركم 11 ولا 12 نتاع الليل هذي مش مليحة في حقك اختي
ويخي تفرجناااااااااه في داااااااااارنا معززين مكرمين خير من الستاااااااد نتهااااااانوا برك وتطيح كرمتنا


لالا اختي انا ضد الفكرة اكتبت الموضوع باه نشوف اراء اعضاء وعضوات اللمة وديجا انا اصلا مراة متزوجة ومانرضهاش لغيري اكيد ولا النفسي ويالوكان تجي ليا ندير المراة فدار تراعي زوجها وولادها خير لها لاعمل لا تحواس لا والو حابة تخرج تخرج مع امها او زوجها لا صحابات لا والو عندي لافمي ديالا يكفوها على العموم مشكورة اختي .
 
لالا اختي انا ضد الفكرة اكتبت الموضوع باه نشوف اراء اعضاء وعضوات اللمة وديجا انا اصلا مراة متزوجة ومانرضهاش لغيري اكيد ولا النفسي ويالوكان تجي ليا ندير المراة فدار تراعي زوجها وولادها خير لها لاعمل لا تحواس لا والو حابة تخرج تخرج مع امها او زوجها لا صحابات لا والو عندي لافمي ديالا يكفوها على العموم مشكورة اختي .


انا قلت راكي حابة مزيد من الحرية:eek:hmy:..
على العموم مارسي اختي:cool:....انا مانحبش نروح السطاد:001_tt2:..نحب نعمل شوبينغ برك:thumbup:
 
اذا تحسبي اختي ومفهومك هذا للحرية نتاسف لالا راكي غالطة انا عندي الحرية والحمد لله للان لم اسؤ استخدامها على العموم نورتي الموضوع.
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top