أنا فتاة في حيـــــرة كبيرة من أمري يرجى المساعدة من كل عضــو .......؟

الحالة
مغلق ولا يسمح بالمزيد من الردود.
ن

نتــــــــــاشا

:: عضو منتسِب ::
إنضم
11 سبتمبر 2009
المشاركات
55
نقاط التفاعل
1
النقاط
3
68.gif



Q82_24.gif


السـلام عليكم ورحمة الله وبركاته


اخوتي اخواني


أرجوكم أفيدوني وجزاكم الله خيرا في هذا الشهر الفضيل.

الحقيقة أنا اخترت شعبة الأداب في الثانويةوصراحة لا أدري أي شىء عنها.
لأن اخوتي كلهم درسوا شعبة العلوم الطبيعية * التجريبية*

وأي شخص منكم يملك ولو أدنى معلومة اتمنى منه ان يفيدني بها .
مثلا :
- كيف هي شعبة الآداب؟
- هل هي سهلة أم صعبة مقارنة بشعبة العلوم؟
- وكيف هي السنة الأولى والثانية والبكالوريا ؟
يرجى أن تفيدوني وجزاكم الله خيرا وجعله في ميزان حسناتكم.


وشكرا


​
 
يا اختي انا نقرا علوم تجريبيه
خاطيني الاداب
بصح مادامك اخترتيها الاداب
لازم تكوني تعرفي اساسياتها
لغة عربيه فرنسيه انجليزيه
و ربي ينجحنا نشالله​
 
شكرا ليك أختي بصح نتمنى من أي شخص درس الأداب يدخل ويفيدني والله راني في حيرة كبيرة من أمري .
 
السلام عليكم

اختي لو كان وضعتي الموضوع في قسم المرحلة الثانوية ممكن يساعدك الكثير

والحمدلله انا درست اداب وتوفقت ونجحت وانا الان الجامعي
شعبة الاداب اسهل بكثير من شعبة العلوم لانها موادها تعتمد على الحفظ ما عدى المواد العلمية وهي ليست معقدة مثل مايدرسها اهل الاختصاص العلمين
المهم
سنة اولى اسهل عام ثم السنة الثانية يجب عليك الاختيار بين تخصص الفلسفة او اللغات
يعني اداب وفلسفة او اداب ولغات
وانصحكي ان تدرسي جيدا اللغات الفرنسية والانجليزية فهم يعتبروا مواد محورية والتفوق فيهما سعيطيك فائدة كبيرة في الباك

اذا ما فهمتي راح اوضحكلك اكثر وانت قولي الشي غير مفهوم
وفقك الله
 
مساء النور ختي
الحقيقة أنا مادرستش آداب بصح نعرف بزااااااااااااف لي قراوها طبعا في السيستام لقديم
وعلى حد علمي ساهل ...
السنة الأولى تدرسي جذع مشترك آداب..عادي من حيث المواد مثلا فيزياء علوم رياضيات عربية اجتماعيات .... ومعامل المواد الأدبية طبعا يكون مرتفع
في السنة الثانية تتفرعو
آداب وعلوم انسانية: المواد الأساسية هي الفلسفة واللغة العربية = لها أكبر معامل ممكن 5 ومبعد تجي الاجتماعيات واللغة الاجنبية الأولى معامل 3 ومبعد اللغة الاجنبية الثانية والرياضيات والعلوم ... يكون معاملها صغير 1 ولا 2
والسنة الثالثة يعني البكالوريا تتنحى العلوم والفيزياء وتبقى الرياضيات بمعامل 1
ولاكان اخترتي آداب ولغات أجنبية رح تكون اللغات الأجنبية هي المواد الأساسية مثل الفرنسية والانجليزية وربما الاسبانية...والله لا أعرف بالضبط...والباقي مثل اللي قبلها
أما اذا اخترتي آداب وعلوم شرعية رح تكون مادة التربية الاسلامية هي المادة الأساسية وتدرسي بقية المواد كالفلسفة .... الخ عادي

نتمنى نكون أفدتك مع ملاحظة اني درست في النظام القديم ومانعرف وش الجديد درك
سلااااااااااااام​
 
ياأختي أنا درست بالنظام القديم ، ولكن لابأس شوفي:
عليك أخذ كل الدروس بعين الاعتبار و مراجعتها لأنك تحتاجينها طوال مشوارك الدراسي حتى الجامعة
محاولة حفظ أكبر قدر من القواعد و الأبيات الشعرية
الاهتمام باللغات الأجنبية استيعابها سهل ، حاولي اعتماد الدروس الخصوصية
العلوم و الفيزياء و الرياضيات ليست معقدة و انما من أسهل مايكون
بالنسبة للسهولة و الصعوبة فلا توجد صعوبة للطالب الذي يراجع دروسه مباشرة بعد تلقيها
البكالوريا هي خلاصة تلك السنوات اضافة لشوية حظ
بالتوفيق لجميع الطالبات والطلبة الجدد ...
 
ان شاء الله توجدي من يفيدك

و الشعبة في الثانوية مرتبطة بالجامعة

يعني لو تختاري اداب الان راح يكون عليك من الصعب انك تختاري الطب او الصيدلة او الشعب الجامعية الاخرى

الادب للادبيين ..يعني اذا كنتي تحبي اللغات والادب العربي فاكيد راح توجدي راحتك .. في الجامعة عادة يكون عندك الحق في شعبة الحقوقو و مختلف اللغات .. و في الاخير راح تكون مهنتك اكيد هي التعليم لان هذاك واش بقى في بلادنا

راح ننقل الموضوع لقم المرحلة الثانوية و ان شاء الله يفيدوك الاعضاء بمداخلاتهم
 
أنا تمنيت نقرى آداب بصح اله غالب
آداب هي الساهلة
تبازي على العربية و الحفاضة مليح و قليل لي ماينجحوش في الآداب العام لول و تاني
مبعد تجي الفلسفة تاني و حوايج خرين
نعرف وحدة قرات لاتخ درك نبعتلها تدير رد تفهمك فيه
 
ربي يخليكم والله درتو فيا مزيـة بنصاحكم واجاباتكم.
وجعله الله في ميزان حسناتكم.
وأي شخص يعرف أكثر على هاذ العبة يزيد يقولي وربي يجازيكم
الف خيـــــــر.​
 
السلام عليكم

اختي بالنسبة للشعبة شوفي نتي واش حابة و اسكو تقدري تحفضي و قاوية في العربية و اللغات لوخرا

انا كنت سيونستيفيك و الصراحة ماكانش قدها بيها تقدري ديري واش حبيتي في الجامعة و الأدب خياراتك معدودة
و درك انا خير بسيكو عكس الشعبة تاعي خلاص مي راني نحاول نتأقلم معاها
واش ننصحك اختي شوفي نتي واش حابة ديري في المستقبل و على هادي شوفي اسكو تخرج عليك الآداب ولا لا

في أمان الله
​
 
في الحقيقة راني حابة ندير بسيكولوج .
بصح ماعلاليش وش من شعبة لازم ندير باش نقرى بسيكولوج.
وشحال لازم لاموايان.
اذا تعرفي قوليلي أختي.
وصحيتي​
 
الله غالب اسمحيلي ختي انا علوم تجريبية
 
اختى كما شرحتلك الاخت سندريلا وماتخافي ماوالو

شعبة الاداب سهلة بالنسبة للعلوم التجريبية

اول ثانوي لازمك تقراي مليح باش يفرعوك كما حبيتي نتي ومبعد كلش ساهل المواد لي فيها معامل كبير تكون لغة عربية وفلسفة غالبا


اتمنى لك التوفيق
 
قال نتــــــــــاشا:
في الحقيقة راني حابة ندير بسيكولوج .

بصح ماعلاليش وش من شعبة لازم ندير باش نقرى بسيكولوج.
وشحال لازم لاموايان.
اذا تعرفي قوليلي أختي.

وصحيتي​
إضغط للتوسيع...


السلام عليكم

نعم الادابين عندهم البسيكولوج ولهم الحق الاكبر في اختيار هذا التخصص والمعدل هو 10فقط
 
اختي المشكل انتاعك كيما انا
انا تاني نعميت ودرت ادب رغم اني اعرف الرياصيات والعلوم وضعيفة في اللغات والحفظة بصح الله غالب اخت كانت تجوز الباك هذاك العام في العلوم وخوفتني منها حتى وصلت لليسي صبت روحي نقرا ابي نقللك الصح كرهت القراية سيرتو كيفيها للونغ بزاف وانا مانعرفش وحبيت نعاود وندمت بزاف الي اخترت اداب وكنت ناوية نعاود العام باش ندير علمي بصح ربي اختارلي عذي الشعبة وبلاك فيها الخير هذا العام الباك والله غير راني خايفة
وربي يوفق الجميع
 
..........................................................
 
saha ftorek ma soeur j vé te dire une chose ida raki melkarayin wkon tdiri science jibi le bac avec monsion bach diri une branche mliha diri science khir
wila kan niveau ta3ek moyen diri lettre khire omoin tasuré lbac 3lik w3la lhfada en plus ba3d lla midecine wla pharmacie ijiw lé branche li takedri tkari bihom parcek hada makayen yosleh ana jété scientifique jété éxcelente mé nhar lbac maditech une bonne moyenne dertz lenseignement wmandemtech wech nkolek khti lazmek tbazi 3la le français é l'englais .rabi iwafkak
 
السلام عليكم وصح فطوركم .
انا حبين نقول للي راه يقولي كاين فرنسية وانجليزية صعيبة فلاداب .
انا مارحش ندير لغات يعني رح نتخصص ادب وفلسفة في السنة الثانية انشاء الله.
واللي يعرف اي معلومة على الادب والفلسفة يقولي اذا ساهلة .
وربي يوفقكم ويوفقنا آمين اجمعين يارب.
 
اختي نا تشا انا اداب وراني قتلك من قبل واش صرالي بصح ان اظن ان انتي عندك ميول للاداب والاداب كي توصلي للباك راهي الادب والفلسفة هي كلش يعني 5 المعامل في زوج انا منعرفش اللغات بصح الحمد الله يعني ربي وفقني السنة اولى ساهلة بصح الزاوجة شوية صعيبة والباك الله اعلم ويكذب عليك الي يقلك الادب ماعيش قراية ياسكو فيها التحضير كثر من العلمي
هذا راي وشكرا
 
الله يخليك أختي شهنوزة وكل شخص رد على تساؤلاتي .
بصح يا أخت شهنوزة قلتلك أنا مارحش ندير لغات كيما انت أنا رح ندير أداب وفلسفة انشالله.
وأي شخص جوز الباك تاع أدب وفلسفة ولا قراها يقولي رأيوو وشكرا ليكم كامل.
 
الحالة
مغلق ولا يسمح بالمزيد من الردود.

المواضيع المشابهة

angegardienretour
فتاوى لفضبلة الشيخ علي بن حسن بن علي الحلبي الاثري
المشاركات
0
المشاهدات
3K
angegardienretour
angegardienretour
N
الموسوعه الشامله للأحاديث الضعيفه والادعيه والقصص الباطله والموضوعه ...
المشاركات
1
المشاهدات
4K
سفيان اسلام
سفيان اسلام
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top