سؤال للبنات .........عاجل والجواب عاجل

الحالة
مغلق ولا يسمح بالمزيد من الردود.
L

lamilam88

:: عضو مُتميز ::
إنضم
12 سبتمبر 2009
المشاركات
809
نقاط التفاعل
4
النقاط
17
السلام عليكم واش راكم صح عيدكم
الموضوع هو يا البنات إذا قريتوه جاوبوني بكل صراحة

مثلا أنتيا كنت في علاقة عاطفية جادة تفاهمتي فيها مع الشريك تاعك تكملو لبعيد من بعد ربي ماكتبش و تفارقتو و الديفو منو لاخاطر كتشفتي فيه حقيقة ماشي مليحة ........

من بعد فترة تجيك طفلة علابالها بالعلاقة اللي كانت بيناتكم تسقسيك على الشريك تاعك لاخاطر خطبها و ناويين يكملو لبعيد
واش حيكون الرد تاعك لهاديك الطفلة
تشكريه و تباركيلها و تنصحيها تكمل
أو تقوليلها الحقيقة تاعو و تنصحيها تبعد عليه

أنتظر منكن الردود
و شكرا على المرور و
نتمنى ما تبخلوش بشوية حروف تكتبوهم مالكلاvيي تعبروا بيهم عن الرأي تاعكم

صح عيدكم كل عام و أنتم بخير
 
لازم ننصحوها باش ما تنخدعش هي تاني و نكونو احنا السبب في تعاستها
 
انا جامي و لا راح نفضحو.....ملقري كنت نحبو و لا مزالني نحبو مي نقولها ربي يكملك و خلاص
و بلاك بعد الزواج ينحي هاديك العادة السيئة الي فيه؟؟ الله اعلم
اذن مانقولها حتى حاجة.
و شكرا على موضوعك الباهي حنونة....و مادابيك تنحي الصورة هادي باسكو راني مدايرتها انا قبلك باش يكون التنوع في اللمة ديالنا.


صح عيدكم و كل عام و انتم بالف خير.
 
ana nkoulha rabi ikamalak m3ah hada makan manakdarch nafadhou mouhim merci khti bazzzzef ou saha 3idkoum:angel_not::angel_not::angel_not:
 
ههههههههههههههه
خليها تروح لدريس
ههههههههههههههههههه
 
اسمحيلي manel 2009 ماعلباليش باللي شريتيها بالدراهم ويلا شريتيها بالدراهم قوليلي شحال باه نخلصك
و ديجا ماهي تاعي ماهي تاعك وعلاه يغيضك الحال
هههههههههههههه
أصلا هي ماشي مليحة بزاف
صح عيدك ختي
 
انا نشوف ادا كانت العادة موش مليحة بزاف نقولها خير حرام عليا نخليها وادا حاجة شويا شويا ندير النية ونقول بلاك يتبدل وندعيلو بالهنا وربي يكمللهم
شكررررررررررررررررا لك على الموضوع
 
اول شيء نعتذر على الدخول

مي نحب نوصل شيء فقط و لي هو

انو في كل شيء


احفظ الميم تحفظك

يعني لازم الحرف الميمي في الكلمة الاولى و احفظها زين

مسمعتش - معلاباليش . منعرفش . مشفتش . مدخلنيش
 
شكرا على المرور أخي مرحبا بيك فكل وقت
و صح عيدك و شكرا على رأيك
بصح ماشي دايما يخرج عليك
 
ختي خمي logiquement
قادر هو يبدل هاذي الحاجه الي ميش مليحه فيه
"دوام الحال من المحال"
و قادره هي تكون متقبلاتو كيما راه و حابه تكمل معاه
يعني ياداخل بين البصله و قشرتها ماينوبك غير ريحتها
ماتخسريه ماتخسريها ربي يسهل خليهم يعومو بحرهم
ياخي كبار و يعرفو صلاحهم ماكيش résponsable عليهم
اوكي حنونه
صحا عيدك
​
 
مستحيل نعيش حاجة مشابهة
ربي يبعدنا
 
اذا كان راكي تحكي عليا انا والله غير في خاطرك راح نبطل هذي العادة السيئة مع اني لم ابداها ابدا ولا اعرف هذه العادة ونولي ليك عمري وان شاء الله ارجوكي سامحيني ووافقي
 
أنا واش راح نقوللها يمكن هديك الحاجه ميشي خارجه عليا و تخرج عليها متعجبنيش وهي عندها عادي نقليلها ربي يسهللكم وخلاص
شكرااا
 
نقولها واش الديفو ليلقيتو فيه
وهي واش تحب بلا تقبل بيه
المباركة مانبركلهاش منقدرش نكذب على روحي
 
كل وحدة وكفاه

ربما الحاجة الي كانت السبب فرفضي تقبلها هي

وكلش بالمكتوب

شكرا على الطرح



​
 
وعلاه مسكينة نخليها تتعلق كتر بيه

ادا كان ماشي مليح لازم عليا ننصحها و نقولها لازم تبعدي عليه

و بالاك تلقى واحد خير منو ,, هدا رأيي

تقبلي مروري و صح عيدك ختي ​
 
هي كي تجي تقولي يعني راهي تغيض فيا زعما بصح انا نكون خير منها
نخليها تفوت و تتهنى ربما انا الشي الذي لم يعجبني فيه هي تتقبله عادي مالزمش الانسان يكون
ما يربح ما يخلي الناس تربح و هذه الدنيا حظ و مكتوب
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top