فكرة تننظر الموافقة

حنين الروح+

:: عضو بارز ::
أحباب اللمة
إنضم
24 ديسمبر 2007
المشاركات
2,821
نقاط التفاعل
18
النقاط
157
السلام عليكم ورحمة الله

اخوتي واخواني الاعضاء

حبيت اليوم نقترح عليكم فكرة ممكن خطرت على بالكم وممكن لا .....
انا راهي في بالي فكرة حبيت تتجسد هنا
بمى انو في ركن افرغ واش كاين في قلبك
كاين ناس عندها مشاكل وهموم حبت تحلها ولا تلجىء الى ناس عندهم خبرة باش يورولهم واش يعملو باش يرتاحو ولا قليلا من المشاكل الاجتماعية ولا عاطفية ولا مشاكل الاسرة....
والفكرة هيا واش مارايكم نجيبو طبيب او طبية نفس او مستشارة اجتماعية تكون هنا في المنتدى ونكتبو ليها مشاكل والهموم هنا في القسم وهي او هو يجاوبنا ويعاونا عليها..:angel_not:
سواء بالرسائل الخاصة او بالمواضيع ونستفادو منها
الحق هاذي فكرة مليحة بالصح شكو ن يطورها
الفكرة تنتظر موافقة الادارة اولا والاعضاءبالاخص
ومشكورين:biggrin:
 
فكرة مليحة
ميـ وينـ اهيـ الطبيبة؟؟

تحياتيـــــــــــ..
 
هي فكرة مليحةبصح مش لازملها طبيبة نفسية مليحلها ناس راجحا فالعقل و لا مجربين
عندي خبرة لابأس فيها فالحيات نقدجر نعلج بعض المشاكل و كاينين أعضاء أخرين من ردودهم باينين بلي يقدرو كيما عبيدو

ممكن نختارو أعضاء و نرشحوهم و عبر الردود نختارو واحد فيهم قادر و نديرو هنا مستشار اللمة في الأمور العاطفية و لا نفسية .
فكرة مليحة في إنتضار الردود و في إنتضار الترشيحات
كيما يختارو الأعضاء ناس لي تقدر
نديرولهم ترشيحات و لا والعضو لي مختار بين الأعضاء مرشحين عبر الإستطلاع رايح يبدى الفكرة و يفتح موضوع مخصص
فكرة مازالت خام بعد التفكير و ملاحضات الأعضاء و زيادة الأفكار أخرى رايحا تكون
حتى أنا فكرت ففالفكرة هادي من قبل لكن ماقمتش بيها
 
انا عجبتني الفكرة خاطر كاين مواضيع تحتاج النصح من اختصاصيين و مش مجرد تعاطف و اراء من الاعضاء
و كاين مواضيع اخرى ممكن نجاوبو عليها على حسب الخبرة نتاعنا
اعتقد انها فكرة ممتازة
 
بطبع فكرة ممتازة

لاكان جبتكم الإضافة تاعي فالفكرة نضن رايحين تتختارو اعضاء مناسبين ترشحوهم انهم يكونو عوض الإطباء النفسانيين
وبعد إختيارهم رايح يكون إ‘ستطلاع بيه نختارو عضو واحد قادر
 
بطبع فكرة ممتازة



لاكان جبتكم الإضافة تاعي فالفكرة نضن رايحين تتختارو اعضاء مناسبين ترشحوهم انهم يكونو عوض الإطباء النفسانيين
وبعد إختيارهم رايح يكون إ‘ستطلاع بيه نختارو عضو واحد قادر
لانو كاين امور صعبة جدا تحتاج غير لطبيب
اخي انا علبالي بلي كاين ناس ها عندهم خبرة في الحياة ويلجاو ليهم ناس لحل مشاكلهم
مي الطبيب او المستشار اجتماعي يكون خبرتو اكثر من اي واحد وشايف حوايج بالزاف عدات عليهم
والدليل انا كانت عندي مشكلة وسقسيت ناس ياسر عليها وكان رايهم واحد
وعد كي سقسيت طبيبة بسيكو قاتلي راي اخر ومختلف جدا جدا
 
طبيب النفساني يعاود يقولك الشي لي علابالك بيه بطريقة أخرى تكون معقدة و يقدر يقنعك
هاذا هو الفرق
طبيب نفساني يعطيك المشكلة تاعك بمفهوم آخر
ممكن يقدر يريحك نفسيا بصح مستحيل يعطيكط حلول لمشاكلك
 
طبيب النفساني يعاود يقولك الشي لي علابالك بيه بطريقة أخرى تكون معقدة و يقدر يقنعك
مش اي طبيب كل واحد وعقليتو وطريقة حلو للمشاكل

هاذا هو الفرق
طبيب نفساني يعطيك المشكلة تاعك بمفهوم آخر
مي هو يوسعلك الحكاية تاعك ويفقمك مليح
ممكن يقدر يريحك نفسيا
هاذي صح
بصح مستحيل يعطيكط حلول لمشاكلك
كل واحد ومشكلتو كاين لليها حل ووكاين الي تديوقت
وزيد متنساش تعامل الشخص كاين شخص يحب يحل مشكلتو ويعاون الطبيب وكاين واحد يتهاون ويياس
ولاز الثقة تكون مابين الطبيب والشخص كبيرة
 
كل واحد ومشكلتو كاين لليها حل ووكاين الي تديوقت
وزيد متنساش تعامل الشخص كاين شخص يحب يحل مشكلتو ويعاون الطبيب وكاين واحد يتهاون ويياس
ولاز الثقة تكون مابين الطبيب والشخص كبيرة

كل المشاكل ليها حل فعلا كاين لي يتهاون و يأس بصح كي يكون كاين توجيه من عند واحد آخر ماوش فالمشكلة
معنتها يحس للمشكلة بصح يحاول أكثر على خاطر مادامو ماوش هو لي واقع فيها علبالو بلي مايهربش ماعندو مايصرالو
كاينة ثقة أكثر مابين أصدقاء من ثقة فالطبيب
و ثقة تكون بطرق عدة
كيما حتى فاللمة عالم إلكتروني معنتها مانعرفوش شخصية الحقيقية لي وراء الإسم ماعندوش علاه يخاف
على خاطر أكثر مايعرف عليه هو إسم مستعار
فقط
 
نعرف عضوة تدرس علم نفس لكن مانضنش توافق ولا تقدر تكون مستشارة هنا
 
مي لازم تكون عندها خبرة على الاقل باش تفيدنا
 
كل المشاكل ليها حل فعلا كاين لي يتهاون و يأس بصح كي يكون كاين توجيه من عند واحد آخر ماوش فالمشكلة
معنتها يحس للمشكلة بصح يحاول أكثر على خاطر مادامو ماوش هو لي واقع فيها علبالو بلي مايهربش ماعندو مايصرالو
كاينة ثقة أكثر مابين أصدقاء من ثقة فالطبيب
و ثقة تكون بطرق عدة
كيما حتى فاللمة عالم إلكتروني معنتها مانعرفوش شخصية الحقيقية لي وراء الإسم ماعندوش علاه يخاف
على خاطر أكثر مايعرف عليه هو إسم مستعار
فقط
لانو الانسان الي تكون عندو مشكلة وميقدرش يحلها يكون مترردد حتى ومعاه الطبيب لازم كي يكون معاه الطبيب لازم يكون مرتاح ليه ومطمن وتاكد بالي هاذا هو الي يحل المشكل تاعو
وننا في المة اذا جبنا طبيب لازم يكون معروف على الاقل يعني يعرفو واحد ويخليه يتعرف عل المنتدى واعضائو هكا باش نقدرو نسيرا امورنا ولا لا
 
السلام عليكم

الفكرة جميلة جدا

وانا اقترح اذا مكانش طبيبة نحاول نتصل بطلبة يدرسون علم النفس ويكون من هواة النت
وندعوهم ان يكونو معانا

شكرا وفقكم الله
 
اي مليحة الفكرة م على الاقل يكون دارسين اكثر من عامين ومستوعبين القراية ويكونو من المممتازين
 
لانو الانسان الي تكون عندو مشكلة وميقدرش يحلها يكون مترردد حتى ومعاه الطبيب لازم كي يكون معاه الطبيب لازم يكون مرتاح ليه ومطمن وتاكد بالي هاذا هو الي يحل المشكل تاعو
وننا في المة اذا جبنا طبيب لازم يكون معروف على الاقل يعني يعرفو واحد ويخليه يتعرف عل المنتدى واعضائو هكا باش نقدرو نسيرا امورنا ولا لا

كاينة حالة أخرى
هو أنو لي عندو مايحبش يحلها
كل ما تعطيلو حل يعطيك سبب مقنع او غير منقع باه تبقاي تهتمي و تخممي معاه
معنتها حاب المشكل يبقى و بالعكس يحاول يصعبو
ممكن يحب باه يهتمو بيه ممكن يحب يقو بلي راو إنسان ذو مصاعب و مشاكل و هادي تلقايها عند المراهقين أكثر فالمنتدى هادا كينين غير المراهقين

و كاين لي هو يخلق المشكل و مايحبش يحل المشكل تاعو
كاين لي يدير معادلة و يثبت على الراي الخاطئ و كل ماتناقشيه و تعطيه الصحيح يقولك لا
هكا لازم تعطيلو الغالط باه هو يطيح فالصحيح

 
فكرة تاع لي يدرسو ومازالو مافوتوش سطاج هادي ماتصلحش على خاطر نعرف ناس قراو برك و بكلامهم يقولو مستحيل
 
فكرة هايلة صح
مي كيما قال الاخ عادل مايش شرط يكون طبيب لا طبيبة
كاين عندنا اعضاء واعيين وعندهم طريقة ينصحو بيها العضو خير من اللول تاع الاطباء النفسيين تاعنا
وانا مع الاخ كي قال نفتحو موضوع جديد ونرشحو عضو.
 
ارى ان كل المشاكل مقتصرة حلولها على الخبرة في الحياة

و ليس بالضرورة طبيب نفسي . . . . .

و اقصد المشاكل المطروحة هنا في هذا القسم . . .

حب . . . خطوبة . . . زواج . . . . علاقات اخرى بين الناس . . .

يعني مافي داعي لطبيب نفسي . . .

و الاعضاء و الله كلهم اطبة نفسانيين فانهم يسعون دائما للمساعدة و حلول مشاكل

الاعضاء الاخرين . . .

بارك الله فيكم
 
راني نشوف بلي وجود الاخصائي النفسي أفضل لان هناك اشياء واسرار
لا تكتسب بالخبرة فقط بل تأخذ عن طريق الدراسة و التعلم ...
والأفضل من ذلك ان يتوفر الاثنان معا الخبرة والعلم
يعطيك الصحة على الفكرة الجميلة والمميزة merciiiiii
 
طبيب النفساني يعاود يقولك الشي لي علابالك بيه بطريقة أخرى تكون معقدة و يقدر يقنعك
هاذا هو الفرق
طبيب نفساني يعطيك المشكلة تاعك بمفهوم آخر
ممكن يقدر يريحك نفسيا بصح مستحيل يعطيكط حلول لمشاكلك


السلام عليكم

اخي الكريم
اردت فقط ...من خلال قراءتي للموضوع وللردود ....ان صاحب الموضوع لديه فكرة وتوجه ..ان يكون المسؤول عن الاستشارات شخص مختص ....وانا اوافقه الراي
لكن انت تصر على ان يكون احد او مجموعة من الاعضاء .....وانا لا أخالفك الراي
اردت فقط ان اقول لك ..ان لا تضغط على صاحب الموضوع لكي يبدل فكرة موضوعه والتي على اساسها كتب الموضوع ...لدينا الحق في النقاش والتشاور ...لكن اصرارك او ضغطك ممكن يفقد صاحب الموضوع احقيته و اولويته في ادارة موضوعه .....
وشكرا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top