همبرغر البادنجال فكرة روووووووووووووعة

الحالة
مغلق ولا يسمح بالمزيد من الردود.

رورو الجزائرية

:: عضو مُشارك ::
إنضم
17 أكتوبر 2009
المشاركات
330
نقاط التفاعل
0
النقاط
6
العمر
38
24235235.gif

lov111.gif

انا اول مرة اشارك في هدا الركن لكن حبيت انوريلكم طريقة من اختراعي للهمبرغر حبيت شويا انبدل على اطريقة المعروفة الي باللحم فخيرت البادنجال الي انا انحبو بزاف مع انو اخاوتي ميحبوهش لكن بهادي الطريقة الكل ولا يحبو جربوه و اكيد راح تدعولي و ماشي راح تندمو ابدا

lov111.gif

0bO7v-KaY7_167396758.jpg

lov111.gif


v3H21-UomV_524261192.jpg

lov111.gif

الخبز
تقدرو تعملو الطريقة الي موالفين بيها لكن انا انحب هدي الطريقة الي اتجي الخبز خفيف و هايل خير ملي تشريه منطولش عليكم و هاكو طريقتي
-كاس حليب سائل
-2 ملاعق كبار سكر
-ملعقة كبيرة خميرة خبز
-ملعقة صغيرة مملوئة ملح
-2 مغارف كبار زبدة لينة
-2 مغارف كبار زيت
-بيضة + بياض بيضة
-الدقيق
*نخلط كاس الحليب الدافيء مع السكر و الخميرة ثم نضيف الملح و الزبدة و الزيت و البيض ثم نضيف تدريجيا الدقيق حتى تتكون لنا عجينة لينة
نصيحة حاولو تتعاملو مع العجين كانو عجينة قاتو يعني متعجنوش بزاف باه ايجيكم الخبز خفيف و يدوب في الفم
*نضع العجين يتخمر لمدة ساعة ثم نفرغ الهواء الي اتكون فيه و نشكله على شكل كريات صغيرة نضعها في صينية مدهونة و نتركه ترتاح نصف ساعة بعدها ندهن بصفار البيض الي تبقالنا و نرش الجلجلان و ندخلها الفرن ربع ساعة راح اتكون جهزت

lov111.gif

البرغر
-2 بادنجال كبير
-2 حبات طماطم متوسطة
- 2حبات فلفل حلو
-ملعقة هريسة
-خبز يابس مرحي
-2 بيض
-ملح و بهارات
-فصين ثوم
-قسبر و معدنوس
*نقشر البادنجال و نقطعه مربعات صغيرة ثم يقلى نفس العملية مع الطماطم و الفلفل الحلو نخاط المكونات مع بعظ حتى تمتزج و تتداخل ثم نضيف لها المكونات الاخرى المتبقية
*نسخن مقلى غير قابلة للالتصاق نضع كمية من البرغر و نقليه من الجانبين
نصيحة
استعملو الحلقات الخاصة بالحلويات حتى تكون حبات البرغر شكلها متساوي و جميل
ضعو الحلقة في المقلى ثم ضيفو كمية البرغر بعد دقيقة انزعو الحلقة و تركو البرغر يكمل نضجه
*احشو الخبز بهدي البرغر و ضيفو اوراق سلطة خضرا
شهية طيبة و انشالله تعجبكم و اتجربوها
lov111.gif

dsfsdfsdfs.gif
 
جزاك الله عنا خير الجزاء انا احب الباذنجال اما خبز الهمبورغر انا موالفة نديرو ان شاء الله نجرب الباذنجال شوقتني شكرا لك رورو الجزائرية
 
يعطيك الصحة تستحقي تقييم
شكرا
 
جزاك الله عنا خير الجزاء انا احب الباذنجال اما خبز الهمبورغر انا موالفة نديرو ان شاء الله نجرب الباذنجال شوقتني شكرا لك رورو الجزائرية
شكرا اختي شرفتيني بمرورك انشالله تنال اعجابك و متندميش
 
شكرا لك اختي على الوصفة و هده كيفية لاءستهلاك البادنجان هايلة
 
thank'sssssssssssssssssss
 
روووووعهـ الله يعطيكـ الصحة حبيبة رورو
مـآ شـآء الله عليكـ
 
يعطيك الصحة
 
هااااااااااااااااااااااايل
شكرا لك اختي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top