اعطوني رايكم في هاد المسألة ماني فاهمة والو

nermina

:: عضو مُشارك ::
إنضم
2 فيفري 2010
المشاركات
256
نقاط التفاعل
1
النقاط
7
السلام عليكم و رحمة الله و بركاته
انشاء الله يكون الجميع بخير

هاد ليامات في الجامعة صرالي مشكل حتى وصل بيا الحال لوين تبهدلت و صرت انا اللي ماشي مليحة

دوك نحكيلكم واش صرى

تقرى معانا امرأة كبيرة علينا كامل في الجامعة حتى الناس يحسبوها استاذة تعرفت عليها العام الفايت كي دخلنا للجامعة
كانت تقرى معايا برك و كانت زميلةلينا كامل نحترمها و تحترمنا و نعاملوها كامل كيما امنا و حبيبتنا و صديقتنا
تساعدنا و نساعدوها تدي من عندنا و ندو من عندها و دايرينها مثلنا الاعلى في المدرج و في a group ديالنا

المهم راهي تقرى نورمال و حنا نقراو نورمال نقاش و ضحك و اجتهاد راكم عارفين حالة الجامعة
بصح بدات تتقرب ليا وحتى رجعنا صحابات انتيم و نعزها و تعزني بزاف ووليت حبيبتها نخدم معاها و تخدم معايا في البحوث توصلني في طونوبيل ديالها يعني اصدقاء بمعنى الكلمة
بصح وحدها واحد النهار تشنفت عليا مانيش عارفة علاش واش درتلها ما قلت عليها والو ما هدرت فيها جاتني حاجة غريبة رحت نهدر معاها راحت و خلاتني و كي خرجنا راحت و ما خبرتنيش عرفت بلي زعفت عليا بصح علاش ماعلاباليش

المهم حتى الناس انتبهو ليا بلي ماناش نتهادرو بيناتنا و بداو يحبو يقرعجو و يستفسررو و انا ما نحبش نرد عليهم و ما نحبش نهدر على الناس من ورى ظهرهم
و الشيء اللي حيرني اكثر ما كنتش نحسبها تكرهني لهاد الدرجة حتى انها حاسبت الاستاد تاع المادة عليا و قالتلو خدمت البحث انا و اياها و علاش اعطاني النقطة اعلى منها ما عجبهاش الحال كي ديت خير منها و خبرها الاستاد بلي درت بحثين في المادة و هي احتجت و قالت بانها وحدها اللي قدمت العرض في الحصة و الكل شاهد بلي كنت شاركتها في البحث و خدمنا كيف كيف
المهم انا تم طاحت بيا و غاضني الحال و خرجت من الحصة بكيت برى حتى الاستاد مالقى واش يقول لأنو كان شاهد على الحصة وواش صرى فيها

المهم بلا ما نكمل جامي تقعتها هكدا امراة كبيرة و دير هاد الشيء حتى الطلبة بسبب تصرفها قدام الاستاد قال انو تصرفها صبياني قريب ماتضربو على جال انو مدلي خير منها

قولولي واش ندير مانيش متخيلتها انها هي نفسها اللي كانت حبيبتي و صديقتي دارت عليا هكدا و صارت تكرهني دون سبب
 
سامحيها وخلاص المسامح كريم
انا اظن انها صادقتك من اجل مصلحتها فقط لذا انسيها ولاتهتمي بتصرفاتها الصبيانية
 
سامحيها وخلاص المسامح كريم
انا اظن انها صادقتك من اجل مصلحتها فقط لذا انسيها ولاتهتمي بتصرفاتها الصبيانية

و الله يا ختي و الله ما نرعف حبيتها و عزيتها كانت كيما يما و اختي و طاطا و خالتي و صاحبتي في نفس الوقت كيفاش غير خرجو النتائج وليت لاأحتمل عندها*
 
يا ختي بصراحة موقف يحير بصح كل شيء ممكن
انت راكي عارفة مدرتي والو خدمتي والاستاذ هو اللي ينقط غير تعرف بلي غلطت هي وحدها اللي ترجع ليك
 
يا ختي بصراحة موقف يحير بصح كل شيء ممكن
انت راكي عارفة مدرتي والو خدمتي والاستاذ هو اللي ينقط غير تعرف بلي غلطت هي وحدها اللي ترجع ليك

قالي الأستاذ كل واحد يدي حساب خدمتو و ما يظلم حتى واحد الحاجة اللي حرقتني العفسة اللي دارتهالي في لكلاصة حتى خرجت قدامهم كامل نبكي بهدلتني وليت انا اللي مانسواش واش قال هي كبيرة علينا و معارفها اكثر لازم تدي خير منا
 
يا اختي و انتي علاش راكي تعمري راسك بيها .. ياخي هي اللي بدات في البلا .. الله يسهل عليها .. ماديريش عقلك بعقلها

فكرتيني في وحد المراة كبيرة تقرا معانا .. كنا نعقبو فليقزامان كي كملنا البروف جا ينحيلنا الورق قلت للبروف دقيقة برك نكمل قالي ايه معليش .. دارت لعندي و قالتلو امالا رجعلي الورقة كي تكمل هي نعطيلك الورقة
قلتلها افففففففففففف تعيي يخي دراري يخي اكبري شوية :cursing:
هدا قاع قالتلي مديلي لي كور ندير عليهم فوطوكوبي و انا مامبا ماعنديش لي كور قاعدة نطلب في صحاباتي .. فهمتها بلي ماحبيتش نمدلها

شوفي هاد الوقت الناس ولات تاع مصلحة برك
 
السلام عليكم
نقولك لو كان جات تعزك وتبغيك تع الصح والله ماديري ديفوا كما ذاك
وعلى حسابها تحبك غير على مصلحتها
وانت مش خاسرة والو
خليها في حالها وخلاص
وهذا رأيي
ربي يوفقك ويكون معاك

السلام عليكم
 
شوفي اذا هي غلطت في لحظة معااااااك

فماتنسايش ليام لكثيرة اللي فاتو شباااااااااب عليك
 
يا اختي و انتي علاش راكي تعمري راسك بيها .. ياخي هي اللي بدات في البلا .. الله يسهل عليها .. ماديريش عقلك بعقلها

فكرتيني في وحد المراة كبيرة تقرا معانا .. كنا نعقبو فليقزامان كي كملنا البروف جا ينحيلنا الورق قلت للبروف دقيقة برك نكمل قالي ايه معليش .. دارت لعندي و قالتلو امالا رجعلي الورقة كي تكمل هي نعطيلك الورقة
قلتلها افففففففففففف تعيي يخي دراري يخي اكبري شوية :cursing:
هدا قاع قالتلي مديلي لي كور ندير عليهم فوطوكوبي و انا مامبا ماعنديش لي كور قاعدة نطلب في صحاباتي .. فهمتها بلي ماحبيتش نمدلها

شوفي هاد الوقت الناس ولات تاع مصلحة برك

هكدا قالولي مي مانيش حابة نآآآمن راهي تقرى خير مني و معلوماتها خير مني واش مصلحتها كي عاداتني الله أعلم
 
السلام عليكم
نقولك لو كان جات تعزك وتبغيك تع الصح والله ماديري ديفوا كما ذاك
وعلى حسابها تحبك غير على مصلحتها
وانت مش خاسرة والو
خليها في حالها وخلاص
وهذا رأيي
ربي يوفقك ويكون معاك

السلام عليكم

آآآمين...... يا رب يوفقنا اجمعين
 
شوفي اذا هي غلطت في لحظة معااااااك

فماتنسايش ليام لكثيرة اللي فاتو شباااااااااب عليك

قسما بالله يا خو ...استغفر الله غير تقول رجعت عدوتي و مالغري في السابق ربيت عليها الكبدة ...بصح واش تحب هادي هي الدنيا فيها حكايةو حكايات
 
الافضل ان تحاولي تحكميها وحدها وتساليها عن سبب التغير لترتاحي انت فقط بالاك يكون شخص اخر كدب عليها في شي او لا اعرف ربما يكون لديها سبب فان لم تبرر سبب تغيرها او كان سببا وهمي فقولي حسبي الله ونعم الوكيل فقط لانو كاين بزاف ناس هكدا فهاد امجتمع قرينا وعشنا وشفنا منهم الكتير والكتير واصبح تقريبا معظمهم متل بعض
 
و الله ماني عارف
 
c'est la jalousie
ana ndone hiya kanat mbayna bali rahi thabak w mane wrak mdaryra rayha wala balak tgoulak hadi sgira 3liya w tadi khire 3liya impossible pour tan darna albaht m3a ba3dana
ils y beaucoup des gens comme hadou normal-mon machi haka ba3da awwwwwww
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top