لبنات بليز دخلو نحتاج رايكم

ن

ندى22

:: عضو منتسِب ::
إنضم
30 مارس 2010
المشاركات
60
نقاط التفاعل
1
النقاط
7
سلام عليكم راني محيرى وما ذابيا كون تقولولي واش ندير سغتو لبنات علابلي تقدرو تحسوا بيا الموهيم ما نطولش عليكم انا عندي حنوني راني معاه هذو عامين نحبوا بزاف ونرمامو هو فاني يحبني ويخاف عليا بزاف وناس لكل عارفا بلي نحبو بعضانا بزاف ....حتى لضروك عادي بصح كاين عندي مشكل هو طفلة لي يشوف يكلمها يعني بالعامية(يكحل):cool:بديت نجينى منو سغتو كي بدى يدموندي لبنات ويمشي معاهم بصح كي يسمع بلي عرفة يبطل .حكمتو زوج مرات وسمحتلو وحلفلي بلي مايزيدش يعاود زاد عاودها .واش ندير:confused1:نسمحلوا فاني واش يضمنلي بلي مايعاودهاش ...صوالح بزاف في بالي راهو غير يعيطلي نكوبي عله وكي نشوفوا كلي ما شفتوش لازم نلقى حل يا نرجعلو ونغمض عينيا :sleep:يا نبطل معاه :scared:ونهبل بليز قولولي واش ندير:confused1:
 
ياختي انتي ادرا بيه وعلاباليك بيه مادام حكمتيه خطرة وزوج وحلف ولا خان العهد تاعو اسمحيلي على هاد الكلمة مي هاد ماهوش سيريو في رايي انا اعطيلو فرصة اخيرة لا غير ادا زاد عاودها قوليلي باي باي وربي يخلف عليك وفالاخير القرار يرجع ليك ونت صاحبة الامر
 
أختي ندى
أرجوا أن تقبلي نصيحتي كأخت لكـ تخاف على مصلحتكـ و تحب أن تراكـ نقية طاهرة
إن هاتهـ العلاقات كلها مصدر ألمـ و أذى فهي لا تدفع الانسان إلا للحزن و الاكتئاب و لله في خلقهـ شؤون
أنت بشخصك قلتي أنهـ يصاحب بنات اخريات و هذا خير دليل على تلاعبهـ
فإن كان رغمـ السنتين التي قضيتهما معا يلتفت لبنات اخريات
فما الذي يضمن لكـ أنت بأنهـ لا يتلاعب بكـ ايضا مثلهمـ
أختي أنصحك بالابتعاد عنهـ فالألمـ الذي قد يدوم لشهر أو شهرين سنة أو سنتين و حتى و إن كان العمر كلهـ رغمـ أنهـ مستحيل فسيكون أهون من غضب الله عز و جل و سخطهـ

كان الله في عونكـ
​
 
اسمحيلي ختي زوج مرات خيانة واسمحتيلو لهاذ الدرجة انتي ضعيفة قدامو؟دارها خطرو يديرها زوج وثلاثة وينها كرامتك؟؟انا لو كنت فمكانك باين بلي زغاد وتاع بنات مادامو يكحل واش تستناي منو؟؟؟انا نعرف اللي يحبني يكون معايا سيريو ويحلني غير انا ومايقيسنيش ومايخدعنيش اذا خدعني مايحبنيش وماحلا فراقو
وانتي دبري راسك يالغالية اتهلاي فروحك وعندك اطيحي على راسك
 
خسارة عليك ختي .................
سامحني مي كرامتك مسحتيها
رخستي بروحك قداموا مهوش عطيك اي قيمة غير يتمسخر هذا ؟؟؟؟؟؟؟؟؟
ربي يهدي والله غير ظاهرة تحبسك من راسك
نقولك نتي تاني ديريلوا السكارة هذا هو حل هذ لعبد
يخي حالة يخي
​
 
مارسي على ارائكم كلها كانت صح شكرااااااااااا
 
اختي كي دارها مرة يديرها الف مرة اخرى و ماتفيقيلوش ام الرجال ماشي تمسخير فكك منو نصيحة مني ليك تعياي و ينسيك الزمان فيه كيما لي قبلك
لي فيه صنعة امبوسيبل يتبدل
 
يا ختي لوكان جيت منك نخليه

و كي نشوفو تســـgـــم مليح نوليلو

هادا باين يحب التخلاط بزاف

وزوج مرات ماشي حاجة قليلة
​
 
والله أرى الناس يستعملون كلمات الخيانة و و و ،هو يخون فيك نتي راكي تخوني في والديك وخاوتك الرجال وتمرغي الشرف تعهم في الأرض ،أنا حبيتنكون صريح خاطر العالم ربي كان شاركت راني داير بنات المنتدى مثل أخواتي،إنك تعصين الله وتدمرين نفسك ...ونصيحتي لك أن تبتعدي فما تفعليه حرام ومن يحبك يقصد أهلك وليس يلهو معك ...الحب مسؤولية وتضحية وليس تسلية يا الأخت
 
اختي ندى اخطيك من هاد الصوالح
يجيبوا غير المشاكل ​
 
شدي فيه وخليه يلعب بلوخرين
مي اعرفي كيفاه تشدي فيه
رأي رجل
​
 
ننصحك يا ندى قوليلي على عمرك من فضلك
باش نقدر نعاااااونك
..........
........
......

​
 
كيما خانك مره و2 يخونك 10 و20 هذا اللي راه معاك من عامين وقاعد يكحل ويمشي مع بنات خرين غير خطاك منو مافيهش الخير وماراح تهبلي موالو بلاك تهبلي يوم يومين شهر ومبعد صاي تنسايه ننصحك تفوتيه
 
اخ دييقو انا عمري19 لعام لي فات جوزت لباك وربحت وسنى راني في الجامعة
 
المثل يقول:
*الي يخونك مرة عيب عليه و الي يخونك 2مرات عيب عليك*
الي يحبك مايبدلك.. هادا قلبو parking
علاه انتي وش خصك حتان يبدلك بوحده و زوج ووو هادا واحد خلاط مايملا عينو غير التراب تاخدي من رايي خليك منو..كيما قدرتي تحبيه تقدري تنسايه..صدقيني..ميستاهلكش ​
 
ندوش حبيبي هادا شير ماشي تاع الحب غير خطيك منه لقيتيه زوج مرات وحلف ورجع لسابق عهدو لالالا خليك منه هدا ميسحقش انو تبغيه وانت تعرفي خيتي .
 
مارسي على نصايحكم سو غتو اخت خديخة انا ماعنديش اخت تنصحني يعني انا وحدي و صحابا تي كي نسقسيهم يقولو صبر وانا عييت ما نصبر ما رسي عللي عطيتوني من وقتكم
 
انا نفضل نهبل ولا طيح كرامتي لرض
يا ختي خطيك ودعييلو بالهداية
ودار باباك راهي قدامو
 
خطيك منو سي ميو باسكو مين دارها مرة يقدر يعاودها الف مرررررررررررة​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top