منتدى اللمة الجزائرية - تعرف على الجزائر من أهلها  
ناس ملاح
العودة   منتدى اللمة الجزائرية - تعرف على الجزائر من أهلها > الأقسام الإداريـة > أرشيف المواضيع المكررة والمخالفة

الملاحظات

أرشيف المواضيع المكررة والمخالفة خاص بكل المواضيع المخالفه لقوانين المنتدى والأقسام أو المكرره , بحيث يتم نقلها الى هنا مع إيضاح سبب النقل من قبل المشرف . لذا نتمنى أن يتم الاطلاع على القوانين وإستخدام البحث حتى لايكون موضوعك في هذا الأرشيف بلا جدوى وفائده .

اختار وا بوقالة من1 إلى 40 وشوفوا الفال

  #1   
قديم 04-05-2010, 06:32
الصورة الرمزية الإفتراضية
:: عضو منتسب ::
حمرة الورد غير متواجد حالياً  
افتراضي اختار وا بوقالة من1 إلى 40 وشوفوا الفال


السلام عليكم
اليوم حبيت انقوم معكم بلعبة البوقالات حيث اي واحد ولا وحدة يدخل يختار رقم من1 و 40 وينوي اما على نفسو او على شخص اخر ويشوف فالو

باسم الله بديت ..و على النبي صليت ...

1_يا مالكتني بزينك يا زايد في عذابي في الليل نومك وفي النهار نترجاك أعطيني كلمة يرحم اللي رباك
2_فاطمة يا فطوم على مولات الحاجب المقرون عليها نخلي بلاد دزاير ونزيد بلاد الروم.

3_في الساقية يغسل في طريفاتو بالمسك العالي وكحل في عويناتو نطاب ربي العالي خليه لميمتو وعالي شانو.

4_أحمد يا أحمد أرواح تشوف حالي راني كالحزين ما عندواالوالي حن عليا وزيني حالي.
5_نحبك قد عسل وأحلاه وقد ذهب وغلاه وقد إسم وعلاه.

6_حنا يا حنا يا معطرة بروايح الجنة جيتي بالسيرة والسنة لخبلك في يدو تهنى

7_دارنا دوار منديل بابا يحب زين ويما تحب التين وأنا نحب شاب مزروق العينين

8_باب مقابل باب وتاقة مقابلة تاقة والعين ومقابلة العين وقلوب مشتاقة

9_يدي في يد خويا ويد خويا بالحنة اليوم سعدوا هو وغدو سعدي انا

10_أهبطت قاع البحر صبت ثلاثة خطابة واحد فارس فرسان والثاني كاشف أحلام والثالث يتمناك اليوم من الأيام.

11_إذا أنت جنان أنا وردة فيك وإذا أنت البحر أنا حوت فيك إذا تحبني أنا نموت عليك

12_جايز على الباب درنا سكران ويترامى قالي أعطيني قطرة ماء أعطتلو كاس ماء ووردة وسيسان أعطني طبق فيه خزخ ورمان.

13_ماني طبسي نتكسر ماني وردة نذبال راني خاتم من ذهب في يد سيدي رجال.

14_شجرة عند الباب وطرف أخصانها من ذهب ناديت على لحباب
15_لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.
16_هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

17_طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

18_رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

19_مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .

20_يما يما ديريلي تويقة في وسط الحديقة باش نشوف زهرى كي تجيبو ذيك الوريقة.
21_ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

22_عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.

23_الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.

24_خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .

25_الناس تنده بالرجال و الوالي ، وانا ننده بربي العالي .

26_حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

27_كلام على كلام و الكلام على سقيلة ، العين في العين و الدّعوة مقبولة.

28_يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

29_محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

30_لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَى يكلمني .

31_قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.

32_جزت على جنية ، قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت قولي لي .

33_جايز على باب دارنا ، لابس تلمساني ، قتلو يا شيخ بالاك تنساني ، قاللها والله ما ننساك ، ونصيبك على ربي جاه و سلطاني.

34_امّنت بالله ، و المنام رؤية من عند الله ، حمامة بيضا جات ترفرف عليّ ، معاها حصان توقّف بين يديّ .

35_نبعث لكم دموعى في مشوار ازرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.

36_سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

37_خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .
38_خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.
دارنا في الجبل ، مقابلة مكة ، *****ها من ذهب ، يشعل ما يطفي .

39_نسول عليك يالحبيب وسوال خير من ألف هدية ساعة على ساعة نتفكر زمان ونقول علاش اللي تمنتوا ما هو ليا.

40_يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

كل وحدة وفالها:yahoo:
تحياتي:حمرة الورد

رد مع اقتباسإقتباس
قديم 04-05-2010, 06:46   #2   
:: عضو مشارك ::
الصورة الرمزية الإفتراضية
اماني 2007 غير متواجد حالياً
افتراضي


9_يدي في يد خويا ويد خويا بالحنة اليوم سعدوا هو وغدو سعدي انا
شكرا علي الطرح


  رد مع اقتباسإقتباس
قديم 04-05-2010, 07:03   #3   
:: عضو متميز ::
الصورة الرمزية الإفتراضية
Soumia_Sétifienne غير متواجد حالياً
افتراضي


11_إذا أنت جنان أنا وردة فيك وإذا أنت البحر أنا حوت فيك إذا تحبني أنا نموت عليك

هذه بوقالو ولا بطل هااااااااااااااااااااايلة
مشكوووووووووووووووووووووووورة


  رد مع اقتباسإقتباس
قديم 04-05-2010, 16:49   #4   
:: عضو بارز ::
الصورة الرمزية THE GNAWIE
THE GNAWIE غير متواجد حالياً
افتراضي


8_باب مقابل باب وتاقة مقابلة تاقة والعين ومقابلة العين وقلوب مشتاقة
والله هاذيك هي الوحش قتلني
يعطيك الصحة
شكرا


شهادة شرفية
  رد مع اقتباسإقتباس
قديم 04-05-2010, 16:52   #5   
:: عضو مشارك ::
الصورة الرمزية الإفتراضية
ab hadjer غير متواجد حالياً
افتراضي


10_أهبطت قاع البحر صبت ثلاثة خطابة واحد فارس فرسان والثاني كاشف أحلام والثالث يتمناك اليوم من الأيام


  رد مع اقتباسإقتباس
قديم 05-05-2010, 19:23   #6   
:: عضو متميز ::
الصورة الرمزية الإفتراضية
رانيا ميسي غير متواجد حالياً
افتراضي


_يدي في يد خويا ويد خويا بالحنة اليوم سعدوا هو وغدو سعدي انا
شكرا لك بوقالات ولا احلى يعطيك الصحة


  رد مع اقتباسإقتباس
قديم 05-05-2010, 19:28   #7   
:: تاجرة معتمدة ::
الصورة الرمزية هــــيلدا
هــــيلدا غير متواجد حالياً
افتراضي


23_الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.


:oi-o: قاتلي لالات النسا:like_1::like_1:

امين يا ربي:yahoo:


  رد مع اقتباسإقتباس
قديم 05-05-2010, 19:32   #8   
:: عضو متألق ::
الصورة الرمزية الإفتراضية
fahima m غير متواجد حالياً
افتراضي


6_حنا يا حنا يا معطرة بروايح الجنة جيتي بالسيرة والسنة لخبلك في يدو تهنى


  رد مع اقتباسإقتباس
قديم 06-05-2010, 06:24   #9   
:: عضو منتسب ::
الصورة الرمزية الإفتراضية
حمرة الورد غير متواجد حالياً
افتراضي



*******************


  رد مع اقتباسإقتباس
قديم 06-05-2010, 18:50   #10   
:: عضو متميز ::
الصورة الرمزية الإفتراضية
نكهة مطر غير متواجد حالياً
افتراضي


_فاطمة يا فطوم على مولات الحاجب المقرون عليها نخلي بلاد دزاير ونزيد بلاد الروم.


  رد مع اقتباسإقتباس
إضافة ردإضافة رد جديد

العلامات المرجعية

اختار وا بوقالة من1 إلى 40 وشوفوا الفال


أدوات الموضوع
طريقة عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] : متاحة
كود HTML : معطلة
المراجع : معطلة
التنبيهات : متاحة
المصادر : متاحة

 


الساعة معتمدة بتوقيت جرينتش +1 . الساعة الآن : 17:31.
التعليقات المنشورة لا تعبر عن رأي منتدى اللمة الجزائرية ولا يتحمل أي مسؤولية حيال ذلك ، (ويتحمل كاتبها مسؤولية نشرها).

Powered by vBulletin® Version 3.8.8.
Copyright ©2000 - 2014, vBulletin Solutions, Inc.
SEO by vBSEO 3.6.1 ©2011, Crawlability, Inc.
جميع الحقوق محفوظة ©2005 - 2014, شبكة فور ألجيريا - منتدى اللمة الجزائرية
!-- / thread rate -->