(بالمهل تزيان الرحبة)

مسامعية

:: عضو مُشارك ::
إنضم
15 مارس 2009
المشاركات
433
نقاط التفاعل
9
النقاط
17
العمر
34
من روائع الراحل دحمان الحراشي


بالمهل تزيان الرحبة والا بغيت دير الصحبة
كل واحد عندو لعبة غير ميز و شوف قبالك
بلاك تامن قوم النصبة غير اللي يحكيلك خطبة
توليلك لحدورة عقبة دير عقلك هو ميزانك

تبت عقلك من هاد القوم بلاك تنعس بلاك تنوم
لازم تعرف كيفاش تعوم ورد بالك قوم النصبة
تبت عقلك في كل يوم كونك فاهم كونك مخدوم
بلاك تحسب الصغر يدوم ما تسلك غير الهربة
غير اللي يقولك واش تكون باش يصيبلك كاشي سبة

تبت عقلك يا سي فلان رد بالك هدا الزمان
رد بالك كاين عديان يقابرو في باب الدخلة
تبت عقلك ميز وشوف رد بالك تدخل الكنوف
شحال فاتو قبلك ألوف شحال جازو قبلك طلبة
شاور قلبك يعطيك خبار خود رايي غير أتخبى

تبت عقلك يا المجرب بلاك تسافر و تغرب
ترجع في حالك معدب يعود خيالك فيه الرهبة
تبت عقلك كون مأدب ما تتقلق ولا تزرب
مايجيك صدع ما تشوف عجب ما تتكسر بيك الشطبة
اطلب ربي الحي القيوم وقول بركاني من الغربة

قرا كتابك وافهم الحروف تبت عقلك بلاك تحوف
ياك الناقص فعلو مكشوف هداك عمرو ما يتربى
تبت عقلك قيس و خمم واين ماشي واين تزدم
بلاك خير تولي مندم وما تفيدك حتى دربة
شاور عقلك يعطيك خبار وبلاك تقول هدي كدبة

بالمهل تزيان الرحبة و الا بغيت دير الصحبة
كل واحد عندو لعبة غير ميز وشوف قبالك
بالاك تامن قوم النصبة غير لي حكيلك خطبة
توليلك الحدورة عقبة دير عقلك هو ميزانك
 
امممممم كلمات رائعة ......
 
هدرة في الصواااب مرسي ليـــك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top