اولا تنظفي القناوية مليح
ومن بعد تقطعي حبة بصلة كبيرة على شكل جوانح وفي طنجرة على النار تدبلي البصلة مع شوية زيت وملح وقطع لحم اللي عندك
ومن بعد تضيفي الفلفل اكحل + فلفل حار احمر + شوية راس الحانوت
وتقلي مليح ومن بعد تزيدي حبة طماطم رابي + طماطم مصبرة شوية برك وتقلي مليح
وتمرقي وتغلقي طنجرة الضغط حتى يطيب اللحم ومن بعد تزيديلهم القناوية وتخليها تطيب لمدة ربع ساعة وفي الاخير تطفي عليها
ان شاء الله تجربيها وتعجبك