الطفلة هربت من دار اماليها

Sârsoùra L'mkàlChà

:: عضو بارز ::
أحباب اللمة
إنضم
29 نوفمبر 2009
المشاركات
1,854
نقاط التفاعل
3
النقاط
37
sltttt
وشراكم ليزامي ؟ sava ؟

علابالكم راني وليت نحير في عقلية المراهقين تع ذكا و سيرتو لبنات


تلقا الطفلة 15 - 17 سنة كي يضربها باباها ولا يعيط عليها خوها تحكم كابتها و تخرج تهرب من الدار ( الطفلة سونسيبل يااسر )

و مبعد تلقاني نخمم ؟؟ :heh:
هاذي الطفلة كي هربت وين تروح ؟؟ وين تقعد ولا عند من ؟؟
و شكون اللي يعيشها ؟؟

و الهردة :
كــي تعود راجعة لدارهم ما تخممش فالعواقب ؟؟؟
والله يا خوها ولا باباها كون ترجع والله ما يطلقوها حية
يذبحوها و هي تخزر فيهم


آآآيا قولولي نتوما وش رايكم في هاد لبنات ؟؟؟
و ايماجينو معايا برك لوكان ختك تهرب ؟ و ش اديرلها ؟ و كي ترجع وش ردة فعلك ؟؟ :scared:

تشــــــــاو تشـــــــــــاو
 
صح هاذا مشكل كاين عند المراهقات غير يعيط عليها باباها الكابة و القدام و يغيب من بالها بلي رايحة لعالم الضياع بلاك طيح في واحد يمرمدها و لا تنحرف
و في حالة ما اذا صرات الغلطة و رجعت انا شخصيا مع استقبالها و نعاود نحللها الباب على خاطر جل من لا يخطأ و ما نعالجوش غلطة بغلطة

ربي يسترنا

 
شكرا على طرح الموضوع mais هاد الظاهرة راهي عند المجتمعات الاجنبية بزاااف انا حتى الان مازااال مانسمع بلي كاين طفلة متربية بنت عايلة هربت من دار باباها
 
هذا كامل من مسلسلات
يتبعولي في نارمين و و و
تزعف شويا تخمم تروح لحنونها ؟



احنا لي رجال ونهربو من الدار ونرجو ليها
خلي يا نتوما بنات ..
 
راكي قلتيها
تشاو تشاو ~.. تشاو تشاو للطفلة كي تهرب
انا جامي و لا سمعت بوحدة هربت من دارهم
تروح تزعف عند جداتها و لا خالتها اوك
مي باه ترفد كابتها و تروح
هادي نشوفوها غير فلي فيلم كيما توايلات و جماعته
و لا فالمجتمعات الاجنبية

يعطيك الصحة حنونة
موضوعك و طرحك راهم فالقمة

 
آخر تعديل:
قال sahiko:
هذا كامل من مسلسلات
يتبعولي في نارمين و و و
تزعف شويا تخمم تروح لحنونها ؟



احنا لي رجال ونهربو من الدار ونرجو ليها
خلي يا نتوما بنات ..


راني معاك انوا لبنات تاثروا بالمسلسلات التركية بزاااف ونساو اهم شيء تملكه البنت وهو شرفها وكرامتها
خاصة في مجتمع عربي اسلامي
 
لبنات اليوم تلقايهم يقلدو في الافلام والمسلسلات
وكي يهربو من دارهم
وتقابلهم الحقيقة
تضربهم لحيوط ولتم صح باه يفيقو بواش دارو
وهادي مانقولوش شايعة بزاف في لبلاد بصح راها تصرا مرة على مرة نسمعو بيها
شكرا اصرصورة تحياتي
 
لا لا اختي سامحيني مانقدرش نتخيل.
شكرا على الموضوع.
 
حاسبين رواحهم يمثلوا سبحان الله هاد الشي كامل سبابو المسلسلات نتاع الهم ربي يهدينا
 
تمهبيل تبالها راهي في مسلسل تاع 250حلقة وفي الحلقة اللخرة يولي كلشي نورمال ههه

ربي يهديهم
 
راني معاك انوا لبنات تاثروا بالمسلسلات التركية بزاااف ونساو اهم شيء تملكه البنت وهو شرفها وكرامتها
خاصة في مجتمع عربي اسلامي


ههههههههههههه
كون جات المسلسلات يجرو على الشرف راهم يديرو كيفهم
المسلسلات الشرف مش حاسبينو خلاص
يقصرو قبل الزواج و و و و


خلوني ساكت راني قبيح :santa_1:
 
تمهبيل تبالها راهي في مسلسل تاع 250حلقة وفي الحلقة اللخرة يولي كلشي نورمال ههه

ربي يهديهم
eeeh oui
صح عندك الحق في كلش

بالصح حنوونة وين لقيتي هاد البابيش لي في توقيعك
ما تقوليليش برك دومونداك و قبلتي ... راكي غيرتيني
:yahoo::yahoo::yahoo:
 
ههههههههههههه
كون جات المسلسلات يجرو على الشرف راهم يديرو كيفهم
المسلسلات الشرف مش حاسبينو خلاص
يقصرو قبل الزواج و و و و


خلوني ساكت راني قبيح :santa_1:

ههههههههه
عارفينك قبيح اسكت برك
لوكان ما جيتش قبيح كون عضويتك ما حذفوهاش
:surrender::scared::yahoo::yahoo::yahoo::scared::surrender::yahoo::yahoo:
 
صح هذا اكل من المسلسلات التركية ولا كلش نو رمال حتى الهربة من الدار صح الذراري معليش قادرين يسلكو راسهم مي للبنات ماهيش مليحة عفسة بايخة
 
اسناااااو القايلة ولا العشية نر عليكم

 
صح الطفلة حساسة وووووو
بصح مش لدرجة تهرب من الدار
وكي يعيط عليها باباه وين راه المشكل ياك على جال فايدتها
اذا هربت راهي طفرت في روحها في رايكم شكون رايح يتلاقاها فالشارع
ناس ملاح يقومو بيها ؟ اكيد رايحة تخسر كلش برا.
***********************************************
ملقيتي ماتفاولي يا صارة
هذاك الفال صباح ربي :glare:

ههههه
صباح النور عادل
وش تحب هاذا في واش راهم يخمو لبنات ما يقولوش وين راهي فايدتنا

و هاذا ما لقيت موضوع درتو البارح *راسي راه مصروع من عياط الذر*
:yahoo::busted_red: :music_whistling: :yahoo:
و الابارح قاعدة نهاور بيه هاد الموضوع
شكون لي ردلي و شكون لي ما قيموش
الحصول البارح كووووووووشمار
 
راكي قلتيها
تشاو تشاو ~.. تشاو تشاو للطفلة كي تهرب
انا جامي و لا سمعت بوحدة هربت من دارهم
تروح تزعف عند جداتها و لا خالتها اوك
مي باه ترفد كابتها و تروح
هادي نشوفوها غير فلي فيلم كيما توايلات و جماعته
و لا فالمجتمعات الاجنبية

يعطيك الصحة حنونة
موضوعك و طرحك راهم فالقمة

صح عندك الحق حنوونة
لبنات فسدو تاني غير من ال télé

و شكرا على المرور و الرد اللي فالقمة
 
صح هاذا مشكل كاين عند المراهقات غير يعيط عليها باباها الكابة و القدام و يغيب من بالها بلي رايحة لعالم الضياع بلاك طيح في واحد يمرمدها و لا تنحرف
و في حالة ما اذا صرات الغلطة و رجعت انا شخصيا مع استقبالها و نعاود نحللها الباب على خاطر جل من لا يخطأ و ما نعالجوش غلطة بغلطة

ربي يسترنا

:surrender::surrender::scared:
يعني تخليها ترجع ؟؟؟؟

:scared::scared::scared:
هاذي مش عقلية dz
 
شكرا على الموضوع المهم
هذه الظاهرة ولات شايعة
بصح عندي انا نقول هذوا كامل من المسلسلات وكي تكون الطفلة ضعيفة ايمان
نحكيلكم على واحدة نعرفها
كان في عمرها 15 سنة كي هربت من الدار كان ذاك الوقت تتفرج على المسلسلات الأجنبية والمكسيكية كانوا مازال ما هدفوش التركية المهم
ناضت الصبح باش تروح تقر ما بان عليها والوا راحت للمدرسة ما دخلتش وكي ولاو قريب يدخلو عيطت لاختها من الشباك قاتلها بقاي على خير قولي لماما تسمحلي اختها الصغيرة ما فهمت والو قالت هذي واشبيها وراحت تقرى على 8 وكي خرجت على 12 راحت للدار يماها قالتلها وراهي ختك ما جاتش معاك قاتلها ماشفتهاش بالاك راهي مع صحبتها وكي ولات تفطر طولت ختها قالتلها يماها نوضي شوفيها تالمو ما داتهاش في بالها قالتلها ماما صباح عيطتلي من الشباك وقاتلي قولي لماما اسمحيلي ثم عرفت يماها بلي كاين حاجة وعيطت لبابها وفتشو صابها ادات الدراهم وشوي حوايج وراحت الحمد الله عندها عمومها ناس قادرين حوسوا عليها ما خلاو حتا مكان سقساو كل واحد حتى واحد قالهم شفتها في القطار والحمد الله في 5 أيام صابوها

المغزى ان البنت كانت عايشا لاباس عليها وعمرو بابا ولا يماها ما ضربوها ولا قالولها كلمة بصح من الافلام ادات شخصية اخرى
المهم نصيحة للوالدين أنهم يعسوا ولادهم واش يشوفو واش يصاحبو

طولت عليكم اسمحولي
تقبلي مروري
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top