منتدى اللمة الجزائرية - تعرف على الجزائر من أهلها  
العودة   منتدى اللمة الجزائرية - تعرف على الجزائر من أهلها > أقسام الصور ومقاطع الفيديو والتسلية > منتدى الترفيه والتسلية > ركـن الألغـاز

الملاحظات

ركـن الألغـاز [ يمنع فتح مواضيع الألعاب و الدردشات ]

اجمل البوقالات الجزائرية


موضوع مغلقموضوع مغلق
 
LinkBack أدوات الموضوع طريقة عرض الموضوع
  #1   
قديم 28-06-2010, 19:14
الصورة الرمزية الإفتراضية
:: عضو مشارك ::
faresjsms غير متواجد حالياً  
اجمل البوقالات الجزائرية


بوقالات رائعة
باسم الله بديت ..و على النبي صليت …وعلى أصحاب الأسماء ألي تبدأ بالتاء هذى البوقالة نويت…

لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.

و حكمتكم :تجنب شؤم الهزل ، و نكد المزاح.



باسم الله بديت ..و على النبي صليت …وعلى أصحاب الأسماء ألي تبدأ بالثاء هذى البوقالة نويت…
طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

و حكمتكم : ثمرة العلوم العمل بالمعلوم.



باسم الله بديت ..و على النبي صليت …وعلى أصحاب الأسماء ألي تبدأ بالجيم هذى البوقالة نويت…

رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

و حكمتكم : جد بالكثير ، واقنع بالقليل


باسم الله بديت ..و على النبي صليت …وعلى أصحاب الأسماء ألي تبدأ بالحاء هذى البوقالة نويت…

مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .

و حكمتكم : الحازم من كتم سرّه



باسم الله بديت ..و على النبي صليت …وعلى أصحاب الأسماء ألي تبدأ بالخاء هذى البوقالة نويت..

يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

و حكمتكم : الخَرَسْ خير من الكذب .


باسم الله بديت ..و على النبي صليت …وعلى أصحاب الأسماء ألي تبدأ بالدّال هذى البوقالة نويت..

ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

و حكمتكم : دُل على الجميل بجميل خلالك



باسم الله بديت ..و على النبي صليت …وعلى أصحاب الأسماء ألي تبدأ بالراء هذى البوقالة نويت…

عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.

ربما أراد الأحمق نفعك فضرّك


باسم الله بديت ..و على النبي صليت …وعلى أصحاب الأسماء ألي تبدأ بالزّاي هذى البوقالة نويت…

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.

وحكمتكم : زين النّطق الصّدق .





باسم الله بديت ..و على النبي صليت …وعلى أصحاب الأسماء ألي تبدأ بالسين هذى البوقالة نويت…

خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .

و حكمتكم : سرور الدنيا كأحلام النائم .







باسم الله بديت ..و على النبي صليت …وعلى أصحاب الأسماء ألي تبدأ بالشين هذى البوقالة نويت…

الناس تنده بالرجال و الوالي ، وانا ننده بربي العالي .

وحكمتكم : الشكاية سلاح الضعفاء .





باسم الله بديت ..و على النبي صليت …وعلى أصحاب الأسماء ألي تبدأ بالصاد هذى البوقالة نويت…

حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

و حكمتكم : صداقة الجاهل تعب .





باسم الله بديت ..و على النبي صليت …وعلى أصحاب الأسماء ألي تبدأ بالضاد هذى البوقالة نويت…

كلام على كلام و الكلام على سقيلة ، العين في العين و الدّعوة مقبولة.


و حكمتكم : ضالة الكريم حسن الثّناء.





باسم الله بديت ..و على النبي صليت …وعلى أصحاب الأسماء ألي تبدأ بالطاء هذى البوقالة نويت…

يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

و حكمتكم : طوبي لمن شغله عيبه عن عيوب الناس .





باسم الله بديت ..و على النبي صليت …وعلى أصحاب الأسماء ألي تبدأ بالظاء هذى البوقالة نويت…

محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

ظلم الضعيف أفحش ظلم .





باسم الله بديت ..و على النبي صليت …وعلى أصحاب الأسماء ألي تبدأ بالعين هذى البوقالة نويت…

لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .

وحكمتكم : العين بريد القلب .





باسم الله بديت ..و على النبي صليت …وعلى أصحاب الأسماء ألي تبدأ بالغين هذى البوقالة نويت…

قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.


و حكمتكم : الغفلة غرور.



باسم الله بديت ..و على النبي صليت …وعلى أصحاب الأسماء ألي تبدأ بالفاء هذى البوقالة نويت…


جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .
وحكمتكم : الفقه جيش لا يهزم .






باسم الله بديت ..و على النبي صليت …وعلى أصحاب الأسماء ألي تبدأ بالقاف هذى البوقالة نويت…

جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.

وحكمتكم : القريب من قَرُبَ نفعه.







باسم الله بديت ..و على النبي صليت …وعلى أصحاب الأسماء ألي تبدأ بالكاف هذى البوقالة نويت…

امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .

وحكمتكم: كرام الناس أسرعهم مودّة.






باسم الله بديت ..و على النبي صليت …وعلى أصحاب الأسماء ألي تبدأ باللام هذى البوقالة نويت…


نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.

وحكمتكم : لين الكلام قيد القلوب.




باسم الله بديت ..و على النبي صليت …وعلى أصحاب الأسماء ألي تبدأ بالميم هذى البوقالة نويت…


سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

و حكمتكم : المشقة كلها في تأديب الجاهل .




باسم الله بديت ..و على النبي صليت …وعلى أصحاب الأسماء ألي تبدأ بالنون هذى البوقالة نويت…

خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .

و حكمتكم : النفس مولعة بحب العاجل .




باسم الله بديت ..و على النبي صليت …وعلى أصحاب الأسماء ألي تبدأ بالهاء هذى البوقالة نويت…

خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.

وحكمتكم : هيهات من نصيحة عدوّ.



باسم الله بديت ..و على النبي صليت …وعلى أصحاب الأسماء ألي تبدأ بالواو هذى البوقالة نويت…

دارنا في الجبل ، مقابلة مكة ، *****ها من ذهب ، يشعل ما يطفي .

قديم 29-06-2010, 14:50   #2   
:: عضو متميز ::
الصورة الرمزية parkour14
parkour14 غير متواجد حالياً
افتراضي


شكرا لك اخي على البوقالات

جا صيف تجي معاه البوقالات

هههه شكرا لك


 
قديم 29-06-2010, 17:39   #3   
:: عضو مشارك ::
الصورة الرمزية الإفتراضية
بعشق ترابك يا شام غير متواجد حالياً
افتراضي


شكرااااااااااااااااااااااااااا ااااااااااااااااا


 
قديم 29-06-2010, 19:42   #4   
:: عضو مشارك ::
الصورة الرمزية فجر المحبه
فجر المحبه غير متواجد حالياً
افتراضي


بوقالات هايلين

يعطيك الصحة
اختي


شهادة شرفية - مسابقة ملك الألغاز 2014
 
قديم 29-06-2010, 19:44   #5   
:: عضو ملكي ::
الصورة الرمزية Lovely ღ smile
Lovely ღ smile غير متواجد حالياً
افتراضي


باسم الله بديت ..و على النبي صليت …وعلى أصحاب الأسماء ألي تبدأ بالنون هذى البوقالة نويت…

خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .


و حكمتكم : النفس مولعة بحب العاجل .


merci bcp


يآ رَب هُوَ أبٍي حَبٍيبٍي .. وَ هٍيَ أُمٍّي جَنّتٍي

اللهم لآ تَحنٍي لَهُمآ ظَهرآ، وَ لآ تُعَظّم عًلَيهٍمآ أمرَآ

يَآ رَب أسعٍدهُمآ وَ أطٍل فٍي عُمرٍهٍمآ وَ أبعٍد عَنهُمآ كُلّ أذَى


شهادة شكر وتقدير
 
قديم 30-06-2010, 13:43   #6   
:: عضو متألق ::
الصورة الرمزية الإفتراضية
etoo14 غير متواجد حالياً
افتراضي


مشكور اخي الكريم


 
قديم 30-06-2010, 22:26   #7   
:: عضو شرفي ::
الصورة الرمزية الإفتراضية
sami19280 غير متواجد حالياً
افتراضي


رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

فوووووووووور يعطيك الصحةةةةةةةةةةة


 
قديم 01-07-2010, 11:48   #8   
:: عضو مشارك ::
الصورة الرمزية الإفتراضية
douhq غير متواجد حالياً
افتراضي


merciiiiiiii


 
قديم 01-07-2010, 13:47   #9   
:: عضو بارز ::
الصورة الرمزية الإفتراضية
im£ne غير متواجد حالياً
افتراضي


مشكووووووووووووور


 
قديم 06-07-2010, 15:47   #10   
:: عضو فعال ::
الصورة الرمزية Sanaa-Antar
Sanaa-Antar غير متواجد حالياً
افتراضي


بوقالتي الرابعة ... شكرا


if we could only have this life ,one more day .. if we could only turn back time ..
 
موضوع مغلقموضوع مغلق

العلامات المرجعية

اجمل البوقالات الجزائرية


أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] : متاحة
كود HTML : معطلة
المراجع : معطلة
التنبيهات : متاحة
المصادر : متاحة

 


الساعة معتمدة بتوقيت جرينتش +1 . الساعة الآن : 15:30.
التعليقات المنشورة لا تعبر عن رأي منتدى اللمة الجزائرية ولا يتحمل أي مسؤولية حيال ذلك ، (ويتحمل كاتبها مسؤولية نشرها).

Powered by vBulletin® Version 3.8.8.
Copyright ©2000 - 2014, vBulletin Solutions, Inc.
SEO by vBSEO 3.6.1 ©2011, Crawlability, Inc.
جميع الحقوق محفوظة ©2005 - 2014, شبكة فور ألجيريا - منتدى اللمة الجزائرية
!-- / thread rate -->