الله يهدي ماخلق ...هادا واش نقولو

اماني بشرى

:: عضو مُتميز ::
إنضم
6 أوت 2008
المشاركات
902
نقاط التفاعل
6
النقاط
37
العمر
30
1ac3960a425b0e9da4468a802d28062e.gif


وشراكم ناس اللمة ؟؟ لا باس ؟؟ ايا الحمد لله
اليوم حبيت نشاركم فحاجة صراتلي بزاف المرات

مانطولش عليكم بالهدرة و ندخل في صلب الموضوع


وحد نهار كنت في المسيد , سمعت جماعة تع البنات يهدرو على الفيلم الجديد 2012 , انا جامي شتو , قلت نسمع عليه و ش راهم يهدرو ( ماكنتش نتصنت كنت معاهم بصح ساكتة ماهدرت والو ) وحدة قالت يوم القيامة كيفاه راح تقوم !! تخوف ( الله يسترنا شافت يوم القيامة هاذي ..وين؟؟) قاتلي ماشفتيش الفيلم , دارو ويكتاش راح تقوم تان و وحد الهول ( و امنتي ؟؟ منك صح !!!! ) انا لازم نبدا نصلي , ردت لخرا و انا ندير حجاب ( ايا هاد الفيلم جاب فايدة , راهم حابات يتوبو )

دخلنا للقسم , كانت عندنا شريعة بدينا نهدرو على الاسراء و المعراج , هاديك الجماعة كانو قاعدات قبلي و بداو ( على الرسول ) مكاش منها كيفاه طلع هذا تقعدو بينا ( الله اكبر ) كذاب بالاك كان يتخيل ( استغفر الله )

و زادو فوقها نادو يتمسخرو ب ابي هريرة قالك عليه هاذاك الاسم كيفاه عامل , قاتلهم الاستاذة الرسول عليه الصلاة و السلام هو اللي يعيطلو هك و ش قالك علابيها ( اللهم استر ) و ابن ماجة صار ابن جاجة ..

و بزاف حاجات , سكت سكت ماقدرتش نشد ( الله غالب كلاني قلبي عليهم ) نضت قتلها ماتحشميش الفيلم امنتيه و الكافرين امنتيهم و الرسول تكذبي فيه و الممثلين اسمواتهم هايلين كي لحقت للصحابة جاتك bizard كي اسمهم هكا

و قتلها ماعندك حتى ذرة ايمان في قلبك

و الطفلة تطرطق بالبكا , خلعتني و ليت نقول يا ربي واش نطقني اوكان سكت خير لي

و بدات كلاسة قع نتي اللي مزيرة روحك تحرمي و تحلي وحدك ( هادي خاطكش قتلهم الغنا حرام ) عيشي حياتك كيما قالو هوما live your life ( لاه راني ميتة ؟؟ ) و ماحبوش يهدرو معايا غير كي درتلها هكاك ..



تعيشو قولولي برك اذا غلطت فحقها ؟؟ و وعلاه الناس ولاو كي تنصحهم يردوك ماشي مليح و يولو زعما هوما ينصحو فيك و انت اللي مزير ماشي هوما اللي خارجين طريق ؟؟
 
الله يهدي ما خلق واش تحبي

انا نقولكــ مكنتيش غالطة بالعكس لوكان مدرتيش هكا راح تتحاسبي عند ربي

و يقولك الساكت عن الحق شيطان أخرس و واش درتيه ربما أضعف الإيمان

مي هدوا لبنات وين عايشيين ؟؟؟؟؟؟؟ اتحب تسمع الغنا ربي يسهل ادير واش ادير مي تكدب صوالح على الرسول و تتمسخر بأسماء الصحابة ؟؟ وين صرات
خليك منهم بالعكس انتي لي أجبدي منهم بيسك هوما الغالطين ماشي انتي
و كانت تبكي ماشي على لي ضميرها أنبها و لا حاجة خاطر غاضتها عمرها عيطتي في وجهها في وسط الجماعة

ربي يخليكــ مرسي على الموضوع
 
لا ماكيش غالطة خلاااص راكي ف الصواب
بصح وش ديري هدو هوما ..... تنوي تنعتيلو صلاحو يفهمها بالغالط هه
ربي يسترنا برك
 
اختي والله بكيتيني كي قريت الموضوع عندك حق في كلش وخليتيني نندم على حوايج درتهم
صح مش لهاد الدرجة انا ما نتقاعدش بالاسلام انا مسلمة نامن بربي متحجبة ونصلي وما نخلي حتى فرض
بصح احنا في الليسي تاعنا شويا نحبوا نتقاعدوا بالبنات لي نسميوهم المتدينات لي يقولولنا الغناء حرام واي عمل نقوموا بيه يقولوا حرام ونبقاو نتمسخروا بيهم ونقولولهم معقدين
انا والله ندمت
اخواني نتمنى واحد ما ينوض فيا وتبداو تقولولي حوايج يجرحوني علابالي نص ليجان يديروا هكا
الله غالب حنا شويا في سن المراهقة نتبعوا برك وننساو حوايج بزاف
مشكوووووووورة اختي بارك الله فيكي خليتيني نحس بغلطي
 
غلطتي معاها كون راكي عطيتيها كف قليل واش درتي تستاهل وهذاك البكا راه غير تسيتيت كي شافت روحها غلطت صح وحرقتيها قدام الغاشي كامل حبت ترد اللوم عليك ربي يهدي ماخلق مارسي ختي ... سلالام
 
هذا أبشع موضوع قريتو من حيث المحتوى .....هي تبدى هكذا استهزاء بالدين يجلبهم مزمار الشيطان غناء وعشق ووقاحة زايدة من بعدها يتمردو على الدين يفطرو رمضان ..يكونو علاقات محرمة يتباهو بعدد ها يربحو الباك....اهلهم يزيدولهم في المصروف والحرية من بعد سجارة حبوب مهلوسة ومن بعدها الولوج لعالم الدعارة والاجرام .......الأب في حكم الدين ديوث والأم بقرة حلوب ..المدرسة قاعة انتظار والجامعة ملهى والبيت مقبرة ...
ربي يهديهم وأهلهم ونوكلو ربي على الدولة وحكامها الكلاب لي من مصلحتهم اعم الفساد في المجتمع هكذا يسيرو مصالحهم ومصالح اسيادهم ماما امريكا واسرائيل .​
 
لاحول ولا قوة الا بالله العلي العظيم
انا مانكدبش عليك نسمع لغنا بصح مش ديما
وبديت نقلل الحمدو لله
بصـــــــــح تاع يهدرو على خير خلق الله محمد عليه الصلاة والسلام وصحابته الكرآم ياو هاذو راهم يسبو في الديــــــن تاعنا
لوكان اان نضربها كف هاذي الطفلـــــة اللي هدرت هاكا
يفحالو يبكيو كي يشوفو لقطة رومانسية في الفيـلم
وكي يسمعوا بالسيرة العطرة لخير خلق الله ينوضو يضحكو
ويصدقو هذاك الفيلم اللي راهو يهدر على حاجة داخلة في غيب الله
استغفر الله استغفر الله استغفر الله استغفر الله
والله عيــــــب كبيـــــر
ربي يهديهم ان شاء الله
مالقيتش واش نهدر
 
ههههههههههههههههههههههههه
والله حالة

أختي بينك وبين روحك مليحة ؟؟
اما لي ديحت أدموع تروح تاكل راسها هههه
يخي حالة
 
هههههههههههه2012 في يدكم عامين ههههههههههه
يا خي ياخي يموتو بالضحك مرسي على الميضوع
 
هي كي تتفرجي الفيلم ما تقدريش تفيقي بلي مشي صح

و هادا راجع لدرجة تقدم التكنولوجيا إلا أنه ألي يأمن و يتأثر بيهم

إنسان ضعيف في شخصيتوا و إيمانو بالله ناقص بزاف :busted_red:

و أنا نظن أنك انت الغالطة كي هدرتي كون خليتيهم في عماهم خير ههههههه

تقبلووو مروري
:glare:
 
الله يهدي ماخلق هادا ما نقول الغرب يلهوا في الناس بهادوا لحوايج واحنا غير نتبعوا الله يستر
 
يا بنت كل واحد عيش حياتو كيما راهو شيفها في راصو و ناس مراحاش تبدليهم بين ليلة و نهار رسول صلى الله عليه و سلم جاب 13 سنة باه قدر يقنعحم ياختي كي تنصخي أنصحي بلويونة ماشي بخوشونة وا هاذي نصيحة لوجه الله
 
الله يهدي ما خلق واش تحبي

انا نقولكــ مكنتيش غالطة بالعكس لوكان مدرتيش هكا راح تتحاسبي عند ربي

و يقولك الساكت عن الحق شيطان أخرس و واش درتيه ربما أضعف الإيمان

مي هدوا لبنات وين عايشيين ؟؟؟؟؟؟؟ اتحب تسمع الغنا ربي يسهل ادير واش ادير مي تكدب صوالح على الرسول و تتمسخر بأسماء الصحابة ؟؟ وين صرات
خليك منهم بالعكس انتي لي أجبدي منهم بيسك هوما الغالطين ماشي انتي
و كانت تبكي ماشي على لي ضميرها أنبها و لا حاجة خاطر غاضتها عمرها عيطتي في وجهها في وسط الجماعة

ربي يخليكــ مرسي على الموضوع

شكرا على ردك اختي , و الله غير طلعتيلي المورال , من هاذ الناس وليت نحس روحي انا اللي غالطة

مشكورة على المرور
 
لا ماكيش غالطة خلاااص راكي ف الصواب
بصح وش ديري هدو هوما ..... تنوي تنعتيلو صلاحو يفهمها بالغالط هه
ربي يسترنا برك

انشا الله ربي يسترنا و يهديهم لصواب

مشكور على ردك خيو
 
اختي والله بكيتيني كي قريت الموضوع عندك حق في كلش وخليتيني نندم على حوايج درتهم
صح مش لهاد الدرجة انا ما نتقاعدش بالاسلام انا مسلمة نامن بربي متحجبة ونصلي وما نخلي حتى فرض
بصح احنا في الليسي تاعنا شويا نحبوا نتقاعدوا بالبنات لي نسميوهم المتدينات لي يقولولنا الغناء حرام واي عمل نقوموا بيه يقولوا حرام ونبقاو نتمسخروا بيهم ونقولولهم معقدين
انا والله ندمت
اخواني نتمنى واحد ما ينوض فيا وتبداو تقولولي حوايج يجرحوني علابالي نص ليجان يديروا هكا
الله غالب حنا شويا في سن المراهقة نتبعوا برك وننساو حوايج بزاف
مشكوووووووورة اختي بارك الله فيكي خليتيني نحس بغلطي

ماتخافيش ختي واحد مايتمسخر بيك , انتي غلطتي و كي تصحي خطاك هاذاك هو الصح

مشكورة على ردك
 
غلطتي معاها كون راكي عطيتيها كف قليل واش درتي تستاهل وهذاك البكا راه غير تسيتيت كي شافت روحها غلطت صح وحرقتيها قدام الغاشي كامل حبت ترد اللوم عليك ربي يهدي ماخلق مارسي ختي ... سلالام

انشا الله , شكرا على تفاعلك معنا اختي
 
هذا أبشع موضوع قريتو من حيث المحتوى .....هي تبدى هكذا استهزاء بالدين يجلبهم مزمار الشيطان غناء وعشق ووقاحة زايدة من بعدها يتمردو على الدين يفطرو رمضان ..يكونو علاقات محرمة يتباهو بعدد ها يربحو الباك....اهلهم يزيدولهم في المصروف والحرية من بعد سجارة حبوب مهلوسة ومن بعدها الولوج لعالم الدعارة والاجرام .......الأب في حكم الدين ديوث والأم بقرة حلوب ..المدرسة قاعة انتظار والجامعة ملهى والبيت مقبرة ...
ربي يهديهم وأهلهم ونوكلو ربي على الدولة وحكامها الكلاب لي من مصلحتهم اعم الفساد في المجتمع هكذا يسيرو مصالحهم ومصالح اسيادهم ماما امريكا واسرائيل .​

اسفة اذا ماعجبككش الموضوع و جاك بشع اختي :blushing:

وو شكرا على تفاعلك و ردك
 
لاحول ولا قوة الا بالله العلي العظيم
انا مانكدبش عليك نسمع لغنا بصح مش ديما
وبديت نقلل الحمدو لله
بصـــــــــح تاع يهدرو على خير خلق الله محمد عليه الصلاة والسلام وصحابته الكرآم ياو هاذو راهم يسبو في الديــــــن تاعنا
لوكان اان نضربها كف هاذي الطفلـــــة اللي هدرت هاكا
يفحالو يبكيو كي يشوفو لقطة رومانسية في الفيـلم
وكي يسمعوا بالسيرة العطرة لخير خلق الله ينوضو يضحكو
ويصدقو هذاك الفيلم اللي راهو يهدر على حاجة داخلة في غيب الله
استغفر الله استغفر الله استغفر الله استغفر الله
والله عيــــــب كبيـــــر
ربي يهديهم ان شاء الله
مالقيتش واش نهدر

شكرا على مشاركتك اخية , ربي انشا الله يهديهم
 
ههههههههههههههههههههههههه
والله حالة

أختي بينك وبين روحك مليحة ؟؟
اما لي ديحت أدموع تروح تاكل راسها هههه
يخي حالة

انا صراحة حسيت بالذنب كي درتلها هكاك , و ليت نقول جرحتها و بهدلتها , و غلطت معاها خاصة كي شفت التلاميذ وقفو في صفها

شكرا على الرد و المشاركة
 
هههههههههههه2012 في يدكم عامين ههههههههههه
يا خي ياخي يموتو بالضحك مرسي على الميضوع

العفو اختي , شتي بقالنا عامين و احنا رانا نستناو ف 2014 ههههههههههههه

مشكورة على المشاركة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top