في عالم كله ؟؟؟؟ ماعرفتش أش نقول

قال أفراح الجزائر:

السلام عليكم ورحمة الله

و عليكم السلام اختى​

علاش الانسان يصلي وهومايعرفش ربي ؟

ركزيلى على هاذى اختى لى نتمنى يقراها وحد البشر معانا هنا فى المنتدى
كاينة ناس دايرة الصلاة كطريق للنفاق لا اكثر و لا أقل

أنا رانى نشوف بلى الناس هاذى لى حكيتى عليها هم أكبر المنافقين ، يسمى يمشى بالمظاهر الخداعة و ما أكره أن تخدع الناس بمظهر الطيبة و انت العكس
يسمى كاينة ناس تصلى Pub برك باش يقولو عليهم راهم يصلو هذا ما كان ، بصح مع ربى و مع أنفسهم و مع الناس ما راهمش صافيين
ربى يهدى ما خلق
مرسى عليك اختى
تقبلى مرورى المتواضع

​

​

إضغط للتوسيع...

قال أفراح الجزائر:

السلام عليكم ورحمة الله


انشاءالله تكونو لباس وعلى خير وبمناسبة شهر الحصاد نقولو ألف مبروك لكل الناجحين ولي مانجحش مايتقلقش باسكو ماشي نهاية


العالم لكن انشاءالله يتعلمو من هده التجربة


أول مرة يتربط لساني ومانعرفش أش نحكي... غير أني نطرح


استفهامات في دنيا الاستفهامات


علاش الانسان عاد يصلي وقلبو معمر حقد ؟


علاش الانسان عاد يصلي وقلبو ناقم لنعمة ربي ؟


علاش الانسان يصلي وفي جيبو مال حرام؟


علاش الانسان يصلي وهومايعرفش ربي ؟


علاش سماوها اللمة والناس قلوبها مبعثرة ؟


وعلاش نكتبو مواضيع وحتى واحد مايدي منها العبرة ؟


وعلاش تكتب وتقول الشي لي ماطبقوش ؟


وعلاش عندك زوج وجوه ونت كرمك رب العالمين وفي أحسن


صورة خلقك ؟


علاش الانسان لي يقادرك تعميه ولي يعميك تقبل رجليه ؟


علاش الانسان رجع يخاف من كلشي في هده الدنيا ومايخافش ربي؟​

مرة كنت نتفرج في حصة على الرسول عليه الصلاة والسلام عنونها


"لو كان بينكم "


بديت نتخيل كان جا بيناتنا ...

يجمع و يندب على حال الأمة لي رجعة غمة ...بكل صراحة واش
راح يصلح في عباد يعرفو الدين وماشاء الله حافظينو لكن
؟؟؟؟؟؟؟
هدا الكلام مانيش نقولو باسكو المورال تاعي راهو 000 لالا
الحمدولله راني في أحسن أوقاتي وماراح نخلي حتى انسان يهبطلي المورال :sneaky2:...مي واش شفتو حتم عليا نكتبلكم هده الكلمات البسيطة جدا لعلى وعسى الفاهم يفهم ويعتبر هده المرة ​

إضغط للتوسيع...