باك بكري والباك تاع درك

نقاء الروح

:: عضو مُتميز ::
إنضم
18 ماي 2008
المشاركات
549
نقاط التفاعل
2
النقاط
17
السلام عليكم
اولا انهىء الحاصلين على شهادة البكالوريا
ودرك ندخل في الموضوع
يا جماعة احنا شفنا العام هادا ولا العام الي فات الناس بزاااااااااااااااا ف دات الباك وماشي هكا برك بصح بمعدلات مليحة الي تسمع يقول ديت ب12- 13 -14 15 وصلت حتى يديو ب17 -18
علاش واشي هو الفرق بين الباك تاع درك يعني النظام الجديد والباك تاع قبل النظام القديم
زعما هادو كل ولاو علماء وقراييين ولا ديفو في تاع قبل كانوا ما يقراوش
انا والله ما فهمت والو ........... دزاير هادي تجي تفهم ادوخ

ارجو التفاعل مع الموضوع
 
ياو قراو نصف البرنامج برك،ويزيدو يحددولهم من فوق، اكيد راح ينجحو كامل،
 
افقت على الموضوع

الفرق هو بن بوزيد

بكري كونا لي يجيب معدل 15 يشوف روحو وصل
مي دورك جماعة راهي في 18.77
ماوش عدل خلاه قلبو الباك سيزيام

المهم هادا واش راني قادر نقولو
 
ايه ختي يعطيك الصحة على الطرح
فكرتيني بكري جارتنا تقرى موصيبة جابت الباك ب12 حرنا فيها شكون كان يجيب الباك ب12 ودارت طبيبة ايييييييه بكري الله غالب شكون كان يسمع بالأنترنيت والمراجع قلال شكون يلحق عليهم...والحالة فالعسة مزيرة بزاف مي دركا طورت الحالة محسوب الانترنيت في كل دار والمراجع كاينة بلا مانحكيو على الزوم والكيت ولي زوبسيون تاع الموبيل والقراتوي...وخلي بزاف حوايج نشفى المركز اللي فوت فيه ف2007 كان الاستاذ اللي يدخل يقولنا ديرو رايكم...بلا لمعارف اللي يشريو الاسئلة لولادهم...هاد الفرق
 
تعرفي ريحة لباك تاع زمان هديك لمليحة راحت
 
يا جماعة نجحت وااااااااااااااااااااااااااااااي


الفرق السنا راه ساهل خلاااااااااااص

حدولنا الدروووس
 
عاندونا و ما تحسدوناش =) .. راني نضحك معاكم برك

كيما قالت إسراء , الباك تاع السنة باين واش رايح يجي يعني الدروس شوية

و من جيهة حابين يبينو باللي نظام الإصلاح الجديد نجح

و الحمد لله على كل حال .
 
باك هـــــــــاد لعــــــــــــــام جا شوية ساهل راكم عارفين باش يقولو نجح النـــظام
بصح أنـــــــــــــــا راني نشوفه كيفكيف كي بكري كي درك من ناحية الرغابات مثلا لي دا المعدل 12 في باك لقديم كان ينجم يدير ميدسين ايا و دروك وقيلة يطلع حتى 15
 
اييييييييييه صح والله لي تسم بيه دا غير با المعدل المليح
كيما قالو لي قبلي الدروس محدودين وزيد اول دفعة اصلاح قرات سبع سنين
باالبركة عليهم
والعام الجاي اكثر من هاكا قالك اخر عام تع بن بوزيد راح ينجح اكثر من العام هذا اللي باغي يعود ودير حاجة بيه
احا نغنلكم تع الي باغي يكسي مرتو يشريلها الكتان ههههههههههه
اللي باغي يدير طبيب يعقب العام الجاي
 
هذا العام كان الباك ساهههههههههل بلبزاف قراو نص البرنامج و زيد حدولهم كيفاش ميدوهش .مبقاش الباك نتاع زمان راح بلباراكة على صحاب الباك هدي السنة الله يوفق .شكرا الله يعطيك ألف عافية .
 
ياو قراو نصف البرنامج برك،ويزيدو يحددولهم من فوق، اكيد راح ينجحو كامل،

اسمحيلي اختي
انا وحدة من الناس قريت البرنامج كل
وتقولي حددولنا
صح مي حدولنا في 26 ماي
يعني برنامج كامل تقرى و تحفظ

و مكاش باك ساهل
خلعتو اكتر منو

لي جاب 14 و 15 و 16
تعب عليها ليل مرقدوش
وتجو في لاخر تقولو الباك ساهل​
 
ياو الباك تع السنة ساااااااااااااااهل وبالزيادة حدودلهم الدروس كيفتش ما ينجحوش وما يجيبوش 18 لعقوبة لينا لعام الجاي يا ربي يجينا ساهل برك
 
وي الباك تع بكري كان واعر مي مش مستحيل
نعرف عباد جابو 15 و 16​
 
نحيتونا الفرحة التاعنا تاع الباك....واحد فيكم ما قال مبروك عليهم
صح سهلو راني معاكم ...وكاين بزاف عباد ماكونتش نستنا فيهم يديو الباك بكل صراحة
بصح ما عليش المهم فرحوا الاهالي
ونعرف ناس قراو ومداوهش هدا العام ...كيما بنت خالي
 
خلا ختي ااااااااااااااااااااللللللللللللللللللللللللللللللف مبروك يويويويوي
 
انا المهم فرحت تاع الدار
13.37 جبتها بذراعي لا زووووم و لا تنقال و لا هم يحزنون
 
يــــــــــاو لفات ديـــــتو لباكـ
مبـــــــرووك عليكم نشــــالله كـــامل
لعـــــقووبا لشهـــادات العليا نشالله
 
الزيلة العام الجاي
الضرب راه واعر
ربي يستر​
 
ايه عندك الحق يا خويا بكري غير اللي تسمع بيه جاب 12 في الباك راه ماكانش كيفو و ديجا بداو الناس يحسدو فيه
وظرك غير اللي تسمع بيه جاب 14 والفوق الله يبارك
و الفرق بين بكري وظرك هو ( بن بوزيد ) هاذا واش عندو
وفي النهاية الف مبروك للناجحين و ربي يدوم الفرحة
 
واش خصو باك ضرك؟
الله يبارك عليه ربي يحفظو من العين
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top