ارواحو نحكيلكم على وحد القصة

روعة إنسآنه

:: عضو بارز ::
أحباب اللمة
إنضم
6 مارس 2009
المشاركات
1,519
نقاط التفاعل
7
النقاط
157
السلام عليكم
واش راكم اليوم
( بما نه أول موضوع لي انافي هذاالقسم متحكموش عليا في طريقة الكتابة راني مزلت نتعلم في قسمكم تقبلوني فيه ولالا )
اليوم حبيت نقلكم على وحدة القصة صارتلي اليوم
كنت جاي من المدرسة القرانية على الساعة 9.30 ورايح إلى الدار كنت كل يوم نرجع انا والبنات غير اليوم هذا جيت وحدي:eek:_o: كنت نمشي كاين من وراي اثنان شباب هنا بدات القصة كاين واحد منهم كاين يقول في كلام :showoff:( راكم عارفين واش يقول..... ) حاسب روح راهو راجل هو مكاين والوا سمعت قاله شووف شووف راهي تو طيح :cursing: والله غير صح طحت في الشارع عاد يضحك قاله شفت كيما قتلك :unsure: وانا من الحشمة معرفتش لانبكي لانضحك ........ وقفت وقلت نوكل عليك ربي
وكنت نمشيء شفت من وراي نلقها هو طاح( ربي بردلي قلبي :thumb_up2::thumb_up2:) قاله صاحبه خرجت فيك دعوة الطفلة
والعبرة من هذه القصة :
( ربي مينسى عبادو )

سؤال ليكم يالبنات :
كون صارلكم موقف كيما انا واش راح ديرو ؟
وانتم يا شباب :
واش رايكم في هذا الشاب ؟
سلام


 
حرزي تدعي عليا هههههههههه
والله غير ضحكتيني
 
انا كي يديرولي هكدا ليجان مانردش (مي نهار نكون منارفيا يا ويلو)
مرسي..

 
هههههههههههههه
يعطيك الصحة بنت بلادي
قصه والله غير تحيير
او مام تو انتي طحتي وهوطاح
سبحان الله
ونا في رايي هاد الشاب عقليتو عقليه تع زوز دورو

مزيد من التالق بنت بلادي

 
مسكين مايستاهلش ،
واقيلا كان ناوي الخير ، ههههههههههههههه

يعطيك الصحة ،
سوفية و نستعرف بيك
مي المرة الجاية اللي يغلط يخلص
رأيي في هذا الشاب هو :

ماكانش عندوا حق القهوة باش يشريها ولا يتلغبب على الناس
كاشما يصدقوا عليه كلمة شر

.... مرسي على الموضوع ....
 
كون صارلكم موقف كيما انا واش راح ديرو ؟
--------
صرالي موقف بالتقريب هك هههههه
كنت مرة انا وختي نمشيو جاي ورانا واحد وبدا يلوح ف الهدرة وكي ما قيمتوش قال ربي يعطيك خبطة ان شا الله ياربي تطيحي هنا ماكملش هدرتو سمعنا "طططططططططططططراااااااق" هو اللي طاح وقريب تكسرو كرايمو الشح فيه ههههه
تسلمي عالموضوع ختي

 
هههههههههههه
مالا انا طحت في حفرة قدام الليسي هههههههههه
 
انا من ردلهمش منعبرهمش خلاص
 
أنا ما نرد لا كحلة لا بيضة يعياو يعياو و يروحو إيلا هدرتي تحصلي
 
يا حـــياة هناء وش الحالة ختي
شكرا على الموضوع
 
الطيحة للمرأة مليحة
 
هههههههههههه والله غير دعوتك مستجابة
 
انا من رايي و الله ما نرد عليه
نعتبره كلب حاشاكم
 
انا منردش عليهم لا طابت ولا تحرقت خليهم ينبحو كي لكلاب (حاشاكم) ومن باعد يعياو ويروحو
 
كل يوم تجيني المواقف هادي
وانا كل ما نعدي منحكيش معاهم
يحكيو وحدهم كاين الي يتبعوني وندور في الشوارع يعياو مني يروحو هههه نورمال
 
مشكوووووووووووورة
 
كي نكون نورمال راني منردش نمشي طول
بصح كي نكون منارفيا يولي يشوف الجنون قداموا
 
دعوة المضلوم مستجابة ونتيةmerci عليك
 
ههههههههههههههههههه ضحكتيني .
لكن من المفروض ماتروديش عليه هدا مكان .والله يمهل ولا يهمل.
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top