^^لازمني قهوة Facto راسي وجعني من اليــــــتيمة^^

kamou

:: عضو بارز ::
أحباب اللمة
إنضم
10 مارس 2008
المشاركات
1,743
نقاط التفاعل
1
النقاط
37


السلام عليكم ورحمة الله وبركاته
كيف الاحوال
اولا مبارك عليكم شهر رمضان المبارك
ويدخل عليكم بمزيد من الاجر والتواب

بدون اطالة
لازمني قهوة facto
قالك قهوة مركزة وبنينة
وياااااااااااااااااااااااه شحال هايلة هد القهوة
:u_pc:
stop
stop
stop

خلاصت
la pub

نرجعو للصح درك

وش رايكم ف le programe
تع اليتيمة ؟؟؟
كاين اللي راح يقول مليح وكاين اللي راح يقول مدرح؟؟

انا راح نكوفيرميلكم بلي ماكان لا بروقرام لا منبدة
كاين اشهارات برك

الصباح كي تنوض تشعل تيليفيزيون تقول اوه خلينيا من الحصص تع النيميرك ندير دزاير ارحم
ماكان لاعايزة أطلق ..لا طاش باطاش...........لاهم يحزنون:music_whistling:
تشعل وفجاة وش تلقا فالقناة تعنا.نقصد قنواتنا الله يبارك
.اشرطة وثائقية woooow
اشرطة تع بحر...................رملة.................حيوانات
عيبــــــــــــــــــاد من مختلف الاجناس

وكي تقرب 6 تع لعشية يديرومسلسل تع الشناوة .واااااااااااااااش هدا رمضان والشناوة gch gch gch:santa_1::santa_1:

وياااااااااااااااااااه كي يأدن المغرب الله الله الاشهار تع المغرب..نرجعو لقهوة فاكتو
هدك التعيس اللي يدير فالاشهارزعمة راقد وجعو راسو لابس بيجامة حمرا وبنتو تنوض فيه ويغني وفرحان قهوة فاكتو قهموة فاكتو وتلقاها هي المدرحة فالقهاوي
انا كي يبدا مانعرف نضحك مانعرف بنكي من الجياحة تع هاديك la pub
ياااااااااااو

مانكدبش بلي راهم دايرين حصص دينية ومسلسلات شابين امتال مصطلفى بن بولعيد
لكن مانوفقوش على روحنا هاداك ماشي وقتهم يديروهم ساعة قبل المغرب الناس قع تكون لاهية
نس فالكوزينة ونس توجد وناس برا ....ويخلوك غير تجري لقطة تشوفها ولقطة تسمعها


وزيد وزيد وزيد

قناتنا تقول راهم يلعبو لداخل فيها العيباد كاشكاش

يغمضو عينيهم وويخترعوااا



ربي يخلينا فرسان القرأن

وجعفر قاسم

ابار سا ماكان والووو
:busted_red:

واللي رااهم دومنوندي هاد اليامات
حمود بوعلام وعيش la vie

ان شاء الله تكونو فهمتوني
صح فطوركم
 
ما عدناش يتيمة , عدنا منكوبة يا لطيف ,, لي عودة إن شاء الله .
 
و عليكم و السلام و رحمة الله و بركاته
هههههههههههههه ملي بدا رمضان ما شفتش اليتيمة خلاااااص
حاكة باب الحارة و عايزة اتجوز و بسسسسسسسس
من بكري هادي هيا التلفزة تاعنا
 
عندنا تع الخيط برك تسمعي غير خشخشخش
كانت عندنا وراحت حتى النيميريك كره منها جابها برى
انا هاد رمضان ماتبعت والوووو نفطر ونغسل الماعن ونجي لهنا كي نعيا نروح نرقد
ماكان لا ييمة لا محقورة
مرسي..
*صح فطورك*


 
ما عدناش يتيمة , عدنا منكوبة يا لطيف ,, لي عودة إن شاء الله .


وشمن منكوبة
احنا الغلطة تعنا
زعمة قيمونا وحطونا فالنيميرك
يااااااااااو zaaaaaaaaaaapi
مع دزاير الحاجة اللي تنفع
اطفي التيليفيزون ولا رجعوmute

و عليكم و السلام و رحمة الله و بركاته

هههههههههههههه ملي بدا رمضان ما شفتش اليتيمة خلاااااص
حاكة باب الحارة و عايزة اتجوز و بسسسسسسسس

من بكري هادي هيا التلفزة تاعنا

هوما عندهم باب الحارة 5
واحنا عدنا طريق السد تدي ماترد
يعني باب نحو الغمة
تع اتفرج وماعليه ادا مافهمتش
المهم انك تتفرج برك

عندنا تع الخيط برك تسمعي غير خشخشخش
كانت عندنا وراحت حتى النيميريك كره منها جابها برى
انا هاد رمضان ماتبعت والوووو نفطر ونغسل الماعن ونجي لهنا كي نعيا نروح نرقد
ماكان لا ييمة لا محقورة
مرسي..
*صح فطورك*



تهنيتي
توجعي مخك برك

:heh:
 
اخطينا من جياحة نتاع التمثيل الجزائري 0×0 الناس مع باب الحارة والسوارة ونتي تقوليلنا مانيش عارفة اسمو يتيمة ولا بوالديها (الجزائريين عندهم التمثيل في نتاع الثورة وخلاص والباقي مانكملش خير........)
 
السلام عليكم
القناة الجزائرية كانت تجمعنا في رمضان
مالغري هي فبقية العام ماكان ماكان مي موالفة في رمضان تجيب حوايج فور وتتجمع العائلة حولها
مي العام هذا والله مايصلح فيهلا شي أبار فرسان القرآن وذاكرة الجسد اللي لحد الآن ماعلاباليش على قداه يجيبوها
يتيمتنا الميتمة لا برامج تصلح ولا أوقات مناسبة خرطي في خرطي
وكيما قال الاخ هشام عندنا منكوبة
بالصح على بالك الخلل وين
الخلل يكمن ي أنهم يخدمو الناس بالبيسطو والمعارف
والله يا ختي كامو عندنا مخرجين وممثلين وتقنيين فور خلاص كون يمدولهم أنصاف فرص مش فرص يديرو العجب مي الله غالب حاميها حراميها
شكرا كامو ختي
ورمضانك مبارك أنت والعائلة الكريمة وصح فطوركم
 
احنا اليتيمة عندنا قريب تلحق والديها ملي نديروها او هي تخرخش
 
السلام عليكم
القناة الجزائرية كانت تجمعنا في رمضان
مالغري هي فبقية العام ماكان ماكان مي موالفة في رمضان تجيب حوايج فور وتتجمع العائلة حولها
مي العام هذا والله مايصلح فيهلا شي أبار فرسان القرآن وذاكرة الجسد اللي لحد الآن ماعلاباليش على قداه يجيبوها
يتيمتنا الميتمة لا برامج تصلح ولا أوقات مناسبة خرطي في خرطي
وكيما قال الاخ هشام عندنا منكوبة
بالصح على بالك الخلل وين
الخلل يكمن ي أنهم يخدمو الناس بالبيسطو والمعارف
والله يا ختي كامو عندنا مخرجين وممثلين وتقنيين فور خلاص كون يمدولهم أنصاف فرص مش فرص يديرو العجب مي الله غالب حاميها حراميها
شكرا كامو ختي
ورمضانك مبارك أنت والعائلة الكريمة وصح فطوركم
الله يرحم هذاك الفم كلامك100%:tears:صح كلش بالمعارف:surrender:
 
والله غير صح ماشفتش اشهار جايح كيما تع فاكتو
قهوة فاكتوووووووو احلى كااااااافي
ههههه
نشوف في اليتيمة غير المسلسل تع الذكرى الاخيرة عجبني انتيك

وباب الحارة في نسمة بررك

صح فطوركم
 
هههههههههه هاديك لا pub نتاع فاكتو صاااااااااااااااامطة تقتل
الحاجة لي عجبتني في اليتيمة هو المسلسل نتاع الدكرى الاخيرة وجحا هادا ماكان ابار سا ماكان والو
تفكرت كاين واحد الشريط وثائقي زعما يديرو فيه غير يعاودو فيه وسمو على خطا زرياب تفرجتو 3 مرات غير باش مانتفرجش المسلسلات نتاع ...........
صح فطورك
 
الرومنسي الجاد، تم حظره "حظر دائم". السبب: مخالفة القوانين

يتيمة غضت الاسلاك باسقة . . سواد ما بعده سواد

أفلام رعب هنا و هناك . . كأنما نزل عليها السواد

حقيقة . . كي نسمع باليتيمة تاعنا .. و الله نهبط راسي .

ملي يطلع النهار و هوما عقاب إزيس و الزيت . . تقول حالين سوبر ماركت . .
معندناش و مخصناش و ماعليناش . .
ينحوها خير
 
هههههههههههههه
ياختي متبعتهاش
خلاص جايبتها غير عقاب السوري والمصري
 
اخطينا من جياحة نتاع التمثيل الجزائري 0×0 الناس مع باب الحارة والسوارة ونتي تقوليلنا مانيش عارفة اسمو يتيمة ولا بوالديها (الجزائريين عندهم التمثيل في نتاع الثورة وخلاص والباقي مانكملش خير........)


تع الصح اخطينا .............اخطينا وطفي علينا
:u_pc::u_pc::scared:
بصح وش ديري ؟؟؟
انا تغيظني عمري بزاف بزاف ياااااااااااااو رانا روطار
ني ديكور ..ني حوار
كلشي هف في هف

السلام عليكم

القناة الجزائرية كانت تجمعنا في رمضان
مالغري هي فبقية العام ماكان ماكان مي موالفة في رمضان تجيب حوايج فور وتتجمع العائلة حولها
مي العام هذا والله مايصلح فيهلا شي أبار فرسان القرآن وذاكرة الجسد اللي لحد الآن ماعلاباليش على قداه يجيبوها
يتيمتنا الميتمة لا برامج تصلح ولا أوقات مناسبة خرطي في خرطي
وكيما قال الاخ هشام عندنا منكوبة
بالصح على بالك الخلل وين
الخلل يكمن ي أنهم يخدمو الناس بالبيسطو والمعارف
والله يا ختي كامو عندنا مخرجين وممثلين وتقنيين فور خلاص كون يمدولهم أنصاف فرص مش فرص يديرو العجب مي الله غالب حاميها حراميها
شكرا كامو ختي

ورمضانك مبارك أنت والعائلة الكريمة وصح فطوركم

الاداعة اللي يخدم فيها غير اللي عندو كتاف تلقاه ماقاريش اعلام واتصال ويقدم الاخبار
شفت هدك تع النشرة تع الليل 00.00
والله خطرة من كترة ما قلقني حكمت ورقة وقعدت نحسبلو فالاخطاء الاملائية تعو
واحد الاخطاء يقول ايا ماكانش قع اللي راه يشوف فيا الناس كل تكون راقدة ولا لاهية فحوايج واحدخرين ويبدا...........يخلط حرف يرفعه وحرف يكسره وجملة يشوهها ماتعرف فالبدية ولا فاللخر.ربي يستر
فيكتاش نشعل التيليفييون ونلقا حصة بالطبع عندها معنى..ونتهنى من الجايحة تع ترى ماترى :tears::tears: ترى الجياحة وي
ربي يستر شكرا على مرورك اخي
 
هههههههههه هاديك لا pub نتاع فاكتو صاااااااااااااااامطة تقتل
الحاجة لي عجبتني في اليتيمة هو المسلسل نتاع الدكرى الاخيرة وجحا هادا ماكان ابار سا ماكان والو
تفكرت كاين واحد الشريط وثائقي زعما يديرو فيه غير يعاودو فيه وسمو على خطا زرياب تفرجتو 3 مرات غير باش مانتفرجش المسلسلات نتاع ...........
صح فطورك

ونوجدك من درك راح تزيدي تشوفيه وتشوفيه وتشوفيه وكي يسقسوك انتي تمديلهم السيناريو ..هادي هي عقلية اليتيمة dz تحب دخلنا مخنا فالارشيف

يتيمة غضت الاسلاك باسقة . . سواد ما بعده سواد

أفلام رعب هنا و هناك . . كأنما نزل عليها السواد

حقيقة . . كي نسمع باليتيمة تاعنا .. و الله نهبط راسي .

ملي يطلع النهار و هوما عقاب إزيس و الزيت . . تقول حالين سوبر ماركت . .
معندناش و مخصناش و ماعليناش . .
ينحوها خير

اللي مايشتري يتفرج
انا لوكان نبدا نهدر مانسكت
بدينا بفاكتو وكملنا بomo
ولا مايطلبه المشاهدون واعطي تحياتك
لامي وابي وعمت ابي وجد جد وعمتي في فرنسا واخي الدي خرج ولم يعد
وخالاتي زكية في بلجيكا وفليفلة في روما وزبيدة في اندونيسيا
:music_whistling::music_whistling::music_whistling:
الخ الخ الخ الخ...
 
هههه انا مرة من النهارات في رمضان مكانش الماء وانا الله يبارك نبدر الماء وقت الغسيل تاع الماعن يخي اختي الكبيرة قاتلي روحي خليني نكمل انا ههه وقتها معجزة
رحت تفرجت اليتيمة طحت في برنامج مليح
 
يا اختي انا عندي ما نمنشر في اليتيمة
بالصح ماشي الان
ريقي راه ناشف
خلي نفطر ونرجعلك
بعد مانشرب قهوة فاكتو
ههههههههه
صحا فطوركم
 
هههه ختي قتلتيني بالضحك فكرتيني في حكاية واحد الخطرة تكسرلنا البرابول قعدنا 15 يوم باليتيمة بابا كره حياتو
وماما قريب هبلت ولا بابا يقولنا طفيو التليفيزيون و ماتتفرجوش اليتيمة
 
هههه انا مرة من النهارات في رمضان مكانش الماء وانا الله يبارك نبدر الماء وقت الغسيل تاع الماعن يخي اختي الكبيرة قاتلي روحي خليني نكمل انا ههه وقتها معجزة
رحت تفرجت اليتيمة طحت في برنامج مليح

راهو باني عندك الزهر سور شفتي السيدة بوجامد :scared:

يا اختي انا عندي ما نمنشر في اليتيمة

بالصح ماشي الان
ريقي راه ناشف
خلي نفطر ونرجعلك
بعد مانشرب قهوة فاكتو
ههههههههه

صحا فطوركم

صح فطورك انتي تاني
نصيحة افطري وارواحي
علاخطرش ادا بديتي تمنشري ..صيامك ماشي مقبول
اه اه نسيت روحي :scared:
هههه ختي قتلتيني بالضحك فكرتيني في حكاية واحد الخطرة تكسرلنا البرابول قعدنا 15 يوم باليتيمة بابا كره حياتو
وماما قريب هبلت ولا بابا يقولنا طفيو التليفيزيون و ماتتفرجوش اليتيمة

الحمد لله سلامات
مالقري وش رانا نمنشرو ونحطو حدانا
بصح انا من جيهتي نستعرف بلي القناة تعنا هي الوحيدة اللي نقدرو نشوفوها مع العايلة
والحد يتهنى ويخلي التيليكوموند طرونكيل ويدو مرخوفة
 
La yatima la walou
ani ma3 bab el hara w bas
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top