المدرسة الوطنية التحضيرية لدراسات مهندس (ملف متجدد من اعدادي)

راني غالطة :scared: :scared: :scared:
ههههههه
طبعااااا غالطة :closedeyes:
هههههههه

ياخويا نعرف بزاف اللي هربو من المدرسة هدي .. و قراو معايا في باب الزوار و راهم ماجور دو برومو :like_1:
:scared: هربوا ؟؟؟؟ لهذي الدرجة ههههه
صح مانكذبش عليك كاين بزاف اللي يخافو من هاذي المدرسة خطراش نضامها عسكري وكاين اللي مايتحلملوش باش يباقو محبوسين داخلها ..خاصة اللي ساكنين فالعاصمة وبومرداس...الخ
وكاين اللي مايجيبوش العام ثاني يخرجوهم ..خطراش مش مسموح يالاعادة فالمدرسة..

وأكيد اللي يروح لباب الزوار يولي ماجور دو برومو :wink:

سقسيتهم علاش ماقراوش في المدرسة هدي قالولي راحو و عجبهم الحال ..بصح كي لحقت للكونترا اللي لازم يسينيوها جبدو رواحتيهم .. قالي 15 و لا 25 سنة و هوما شاديني يتسمى راح المستقبل :thumb_down:

لا كلامهم مش دقيق يا ختي
شكون اللي طلب منهم يمضو كونطرا؟؟
أنا مثلا كملت وتخرجت ومارانيش مرتبط بالجيش بحتا كونطرا
عطاوني دبلوم قائد فصيلة واستفدت من تخفيض في مدة لخدمة الوطنية وكملت في الحياة المدنية خارج الجيش ..مثلك تماما


اللي مايختارش الجيش يعطولو دبلومين، واحد علمي وواحد عسكري وهذا هو دبلومي العسكري رفعتو بالسكانير ...وفيه ملاحظة في الأسفل حطيت عليها سطرين تقول انه يعفى حامل هذه الشهادة من التدريب العسكري في اطار الخدمة الوطنية يعني نستفيد من 6 أشهر تخفيض في الخدمة الوطنية..


72862659.gif



الاختيار بين الحياة العسكرية والمدنية كان ممكن في العام اللي تخرجت فيه أنا ... أما اذا لغاو اختيار الحياة المدنية بعدي ..مانيش عارف

راني نهدر هكدا ماشي معنتها راهي مدرسة ماشي مليحة بالعكس .. فيها افونير مليحة
و كل واحد حر واش يدير في المستقبل تاعو :music_whistling:
هههههههههههههه المدرسة نتاعي خير :music_whistling:
و بالنسبة لجامعة هواري بومدين لا تعليق :no_1: .. راهي كانت الاختيار تاعي الاول :tears: .. راهو مصبرني الديبلوم تاعها كي مليح :tears:
تحيات متبادلة
لا والله جامهة هواري بومدين هايلة
بالصح بلاك بالنسبة ليك أنت خطراش مقيمة فالعاصمة
أنا فالحقيقة عاجبتني بالصح ضروف الاقامة، النقل ..الخ مش مليحة
أنا كملت بعدها فالمدرسة الوطنية متعددة التقنيات تاع الحراش ضروف الأقامة تاعها أحسن شوية
 
آخر تعديل:
شكرا لك على هده المعلومات وانا تاني نتمنى نتصل مع اي واحد يقرا في هاد المدرسة maisمالقيتش المهم راك مشكور على خاطر عاونتني بزاف نتمنالك1000 خير و صحة سحورك
العفوووووووووو
أذا كنتي من عنابة فكاين بزاااف عنابيين في هذي المدرسة

أنا تخرجت من زمن طويل هههه واغلب مطبوعاتي وكراريسي ضاعو وماعنديش نسخ الكترونية للأسف :tears:

صحا سحووورك
 
آخر تعديل:
سلاااااااااااام عليكم


انا راني رحتلها وعقبن الكونكور بصح ياخاه في جيش عظيم تقريب 4000 طفل اوو 300 بنت والله السنا بزااااااااااااف خلاااص طاحلي مورال منها مستحيل نضمن بلاصتي

زيييد خويا لافار هديك نتاع تخير مابين مدني ولا عسكري مكانش منها صح كانت بكري
مي حاااليا نحاااوها لازملك تكمل نظام عسكري 100%

وراهم عندي الاسئلة ادا حبيتو نحطهم 2010
والله فيه خير يجيبو ربي ان شاء الله
انا نصحوني صحابي انو نكمل قرايتي خييير معا العلم راني وقاية وامن صناعي وماانعرف

مرسي علييييييييييييك خووويا لعزيز درت موضوووع فووور صح

 
سلاااااااااااام عليكم


انا راني رحتلها وعقبن الكونكور بصح ياخاه في جيش عظيم تقريب 4000 طفل اوو 300 بنت والله السنا بزااااااااااااف خلاااص طاحلي مورال منها مستحيل نضمن بلاصتي

زيييد خويا لافار هديك نتاع تخير مابين مدني ولا عسكري مكانش منها صح كانت بكري
مي حاااليا نحاااوها لازملك تكمل نظام عسكري 100%

وراهم عندي الاسئلة ادا حبيتو نحطهم 2010
والله فيه خير يجيبو ربي ان شاء الله
انا نصحوني صحابي انو نكمل قرايتي خييير معا العلم راني وقاية وامن صناعي وماانعرف

مرسي علييييييييييييك خووويا لعزيز درت موضوووع فووور صح


وعليكم السلام
صحيح هي في مرة يزيدو فيها المترشحين، بالصح نح من بالك باللي كاين فيها معريفة ... اذا خدمت مليح فالمسابقة مبروك عليك

أما الأختيار بين الحياة المدنية او العسكرية اللي قلت باللي نحوه فانا منيش عارف ..ربما تكون هاذي جديدة ..أنا لما تخرجت كانت عندي حرية مطلقة فالأختيار

وبالنسبة لأسئلة 2010 اتمنى منك ان تضعها لنثري يها الموضوع

واختصاصك اللي درتو "وقاية وامن صناعي" ثاني هاايل...ربي يوفقك فيه

وألف شكر أخي على المرور وبالتوفيق في المسابقة
 
آخر تعديل:
طبعااااا غالطة :closedeyes:

هههههههه
ايهيه غالطة ههههه
شوف الاخ ملتحت واش قالك .. بكري كان الاختيار بين النظام العسكري و النظام المدني
روح عاود دير ميزاجور للمعلومات تاعك :tongue_3:
راني نقصر برك



:scared: هربوا ؟؟؟؟ لهذي الدرجة ههههه
صح مانكذبش عليك كاين بزاف اللي يخافو من هاذي المدرسة خطراش نضامها عسكري وكاين اللي مايتحلملوش باش يباقو محبوسين داخلها ..خاصة اللي ساكنين فالعاصمة وبومرداس...الخ
وكاين اللي مايجيبوش العام ثاني يخرجوهم ..خطراش مش مسموح يالاعادة فالمدرسة..

وأكيد اللي يروح لباب الزوار يولي ماجور دو برومو :wink:

ايه باش تشوف طلبة خلاو المدرسة هدي و راحو لجامعة هواري بومدين اعرف بلي راهم هربو
و صح كاينة منها .. بزاف اللي مايساعدهمش النظام العسكري . يحسو رواحتيهم مربوطين

لا كلامهم مش دقيق يا ختي
شكون اللي طلب منهم يمضو كونطرا؟؟
أنا مثلا كملت وتخرجت ومارانيش مرتبط بالجيش بحتا كونطرا
عطاوني دبلوم قائد فصيلة واستفدت من تخفيض في مدة لخدمة الوطنية وكملت في الحياة المدنية خارج الجيش ..مثلك تماما

شوف خويا حكاية الكونترا هدي ماعلاباليش مامبا كيفاش خادمة .. قالولي بلي لازم يسينيو كونترا كي يدخلو يقراو .. بالاك حبو يكملو للبعيد و كي شافو الحكاية تاع 15 او 25 سنة جبدو رواحتيهم هيهيهييييي

اللي مايختارش الجيش يعطولو دبلومين، واحد علمي وواحد عسكري وهذا هو دبلومي العسكري رفعتو بالسكانير ...وفيه ملاحظة في الأسفل حطيت عليها سطرين تقول انه يعفى حامل هذه الشهادة من التدريب العسكري في اطار الخدمة الوطنية يعني نستفيد من 6 أشهر تخفيض في الخدمة الوطنية..


72862659.gif

:scared: :scared: :scared:

الله يبارك الله يبارك .. ديبلوم الله الله .. هامليك لي ديبلوم تاع الصح كيفاش خادمين :cool:
بصحتك الاعفاء اللي ديتو
لوكان تشوف لاتيستاسيون تاعي :crying:.. الدمعة قريب ماطاحتلي نهار رحت نجيبها
مايشقاش نسكانيها خير :tears:

الاختيار بين الحياة العسكرية والمدنية كان ممكن في العام اللي تخرجت فيه أنا ... أما اذا لغاو اختيار الحياة المدنية بعدي ..مانيش عارف

ايه راهم قلبو الفيستة دوكا :closedeyes:


لا والله جامهة هواري بومدين هايلة
بالصح بلاك بالنسبة ليك أنت خطراش مقيمة فالعاصمة
أنا فالحقيقة عاجبتني بالصح ضروف الاقامة، النقل ..الخ مش مليحة
أنا كملت بعدها فالمدرسة الوطنية متعددة التقنيات تاع الحراش ضروف الأقامة تاعها أحسن شوية

صح ايه ظروف الاقامة ماتساعدش قاعتيك .. يقراو معايا من ولايات اخرى مساكن راهم يتمرمدو
و جامعة هواري بومدين مليحة في الدبلوم تاعها برك .. حاجة اخرى مانهدرش عليها
صحيت خويا عالرد .. و اسمحلي راني هدرت بزاف
 
انا تاني شاركت بالكونكور
بصح في بالي ماشي جيش 100%
كنت حاسبة دراسة مهندس عادي مي تحت ايدي الجيش
بصح مين خرجت فيها هاك وكي جوزنا الليلة تم عرفت صوالح بزاف عليها
وانا تاني راني ناوية نكمل دراستي رياضيات واعلام الي
ونهني راسي
ماكانش علابالي بلي جيش
 
صحيت خويا عالرد .. و اسمحلي راني هدرت بزاف
الله يسلمك ... ومكانش مشكل ..أهدري بزاف شكون اللي شكى منك؟؟؟

وقيلة راني نحتاج ميزاجور كيما قلتي :tears:
راني تخرجت من مدة طويلة ...وماكنتش عارف باللي الاختيار المدني لغاوه
رايح نزيد نتأكد
صدقيني هذي فيها ضلم كبير ...خطراش اللي يدخل سنة أولى يكون عندو مثلا 17 عام..مايكونش يعرف مليح صوالحو ...يعني مثلا أنا فالأول كنت باغي ندخل فالجيش وكنت جاهز باش نمضي 70 سنة مش فقط 25 سنة مع الجيش ...بالصح مبعد (كبرت شوية ههه) وغيرت رأيي في السنة الثالثة وخرجت للحياة المدنية ...ومانيش نادم خطراش الحمد لله خطراش كملت وخدمت في أكثر من بلاصة

وصحابي اللي اختاروا الجيش ثاني راهم راضيين ولاباس عليهم .. بالصح كل واحد وقناعاتو وضروفو

اما حكاية الكونطرا تاع 15 أو 25 فرايحة تلقايها في كل بلاصة ...والضغط تاع الخدمة تلقاي فالجيش والحياة المدنية كيف كيف

ماكنتش عارف باللي قلبو الفيستا في المدرسة تاع الرويبة لازم نتأكدو ههههه

وجامعة هواري بومدين هايلة ودبلومها لا يعلى عليه....وزيد اختيارك اللي أخترتيه انت RO (راني شفتو في موضوع آخر هههه) هايل وعاجبني بزاف وكنت راح نختارو بالصح قالولي صعب بزاف ... أنت ياختي تصعبي بزاف ..الله يعينك....كاش ماتحتاجي حاجة رانا هنا بالصح مانقدروش نعاونوك ..ندعولك برك ...انت هي اللي تعاونينا :tears:
 
انا تاني شاركت بالكونكور
بصح في بالي ماشي جيش 100%
كنت حاسبة دراسة مهندس عادي مي تحت ايدي الجيش
بصح مين خرجت فيها هاك وكي جوزنا الليلة تم عرفت صوالح بزاف عليها
وانا تاني راني ناوية نكمل دراستي رياضيات واعلام الي
ونهني راسي
ماكانش علابالي بلي جيش

ان شاء اله تربحي ...ومنيش عارف أنا ثاني حكاية جيش 100%
راها ختنا أمينة تقول باللي لغاو الاختيار المدني وولات جيش 100% ...
اما الدراسة فمايدرسوكش اساتذة من الجيش أبدا ...يدرسوك أساتذة مدنيين من جامعة باب الزوار والمدرسة الوطنية المتعددة التقنيات، وجامعة بومرداس ... مكانش فيهم جيش

وماتحكميش على المدرسة من ليلة المسابقة، انا ثاني والله في ليلة المسابقة حلفت مانرجع ليها حتى لو ربحت :tears:....ومبعد قريت فيها ولقيت روحي غالط :yahoo:

والتخصص اللي أخترتيه (رياضيات واعلام آلي) ثاني هايل مش مجاملة ربي يوفقك فيه
 
الله يسلمك ... ومكانش مشكل ..أهدري بزاف شكون اللي شكى منك؟؟؟
ايعيشك
و غير ماتحليش العين راني كي نبدا نهدر مانسكتش .. بالاك برك تندم هههه


وقيلة راني نحتاج ميزاجور كيما قلتي :tears:
راني تخرجت من مدة طويلة ...وماكنتش عارف باللي الاختيار المدني لغاوه
رايح نزيد نتأكد
ايه لازم لا ميزاجور :closedeyes:
و مادابيك تتاكد .. انا قالولي برك بالاك ماعرفوش يستفسرو .. و تعودو تحصلوها فيا و تقولو امينة قالت :tears:
صدقيني هذي فيها ضلم كبير ...خطراش اللي يدخل سنة أولى يكون عندو مثلا 17 عام..مايكونش يعرف مليح صوالحو ...يعني مثلا أنا فالأول كنت باغي ندخل فالجيش وكنت جاهز باش نمضي 70 سنة مش فقط 25 سنة مع الجيش ...بالصح مبعد (كبرت شوية ههه) وغيرت رأيي في السنة الثالثة وخرجت للحياة المدنية ...ومانيش نادم خطراش الحمد لله خطراش كملت وخدمت في أكثر من بلاصة
ايه صح كاينة منها .. و انا كي جبت الباك كنت معولة على طيار :smoke: .. كي رحت نسقسي و نماركي حطمولي الحلم تاعي :tears: .. و حصلت فلي شوا :surrender:.. كنت حابة حاجة علمية بصح ماشي ميدسين و لا فارماصي :no_1: .. و كنت فور في اللغات بصح ماكنتش حابة حاجة ادبية :no_1: .. و تشربكت
شفت روحي حابة نقرا في باب الزوار قلت ندير علوم و تكنولوجيا بروميي شوا .. و بوساني خويا في حكاية اللغات درتها دوزيام شوا .. و كي سعدي مسود بعتوني بروميي شوا :tears:
و كملت خلطتها رحت سبيسياليتي مات ههههههه . و في التروازيام اني كنت حاصلة مع وحد ال module théorique شافني بروف تاع اونقلي قالي واش راكي تديري في باب الزوار .. اقراي حاجة ساهلة :closedeyes:
ياعيني خلا 3 سنين جازو باش مد الراي تاعو :glare:
مالقري تو لا سبيسياليتي هدي ماندمتش عليها .. ماشي اللي جا يقدر يقراها هيهيهييييي

وصحابي اللي اختاروا الجيش ثاني راهم راضيين ولاباس عليهم .. بالصح كل واحد وقناعاتو وضروفو

اما حكاية الكونطرا تاع 15 أو 25 فرايحة تلقايها في كل بلاصة ...والضغط تاع الخدمة تلقاي فالجيش والحياة المدنية كيف كيف

لارمي مليح .. بصح لازملو طولة البال
و الشبيبة تاعنا بسلامتهم مايصبروش قاعتيك :surrender:

ماكنتش عارف باللي قلبو الفيستا في المدرسة تاع الرويبة لازم نتأكدو ههههه
مليح يقلبو الفيستا مين داك .. لازم ينوعو مين داك
:fish:​

وجامعة هواري بومدين هايلة ودبلومها لا يعلى عليه....وزيد اختيارك اللي أخترتيه انت RO (راني شفتو في موضوع آخر هههه) هايل وعاجبني بزاف وكنت راح نختارو بالصح قالولي صعب بزاف ... أنت ياختي تصعبي بزاف ..الله يعينك....كاش ماتحتاجي حاجة رانا هنا بالصح مانقدروش نعاونوك ..ندعولك برك ...انت هي اللي تعاونينا :tears:

و هديك هي المعضلة تاع حياتي مانعرفش نخير حاجة ساهلة :tears:
و R.O ماشي صعيبة .. حتى حاجة ماصعيبة .. الواحد يقرا ينجح
فيها رياضيات و شوية انفورماتيك .. و هاد الزوج يساعدوني
و مادام كنت وحد لي موديل فليقزامان ندي فيهم 0.5 و 2.5 و كنت نخرج العام نورمال نورمالمون نقدر نقراها هههههه
و مع نميتريزي qlq langages informatiques ان شاء الله تكون ساهلة
راني متفائلة :showoff:

و كاشما نحتاج تاع الصح كي نسقسيكم .. و بيانسور نعاونكم بالشي اللي نقدر عليه

وقيل خرجنا عالموضوع :yaw: ههههه
ايا صحا فطوركم
 
اصبرو عليا برك رني صورتهم مزااال ماحطيتهمش ف النت

بدراع باه لقيتهم​
 
ايعيشك
و غير ماتحليش العين راني كي نبدا نهدر مانسكتش .. بالاك برك تندم هههه

اهدري..وش رانا خاسرين :music_whistling:

ايه لازم لا ميزاجور :closedeyes:
و مادابيك تتاكد .. انا قالولي برك بالاك ماعرفوش يستفسرو .. و تعودو تحصلوها فيا و تقولو امينة قالت :tears:
ههههههههه درتي علينا؟؟
ممكن صح يكون عندك الحق
ايه صح كاينة منها .. و انا كي جبت الباك كنت معولة على طيار :smoke:
باغية تولي "طيارة" يعني هههه

سبحان الله هذا قع كان حلمنا :tears:
.. كي رحت نسقسي و نماركي حطمولي الحلم تاعي :tears: .. و حصلت فلي شوا :surrender:.. كنت حابة حاجة علمية بصح ماشي ميدسين و لا فارماصي :no_1: ..
و كنت فور في اللغات بصح ماكنتش حابة حاجة ادبية :no_1: .. و تشربكت

شفت روحي حابة نقرا في باب الزوار قلت ندير علوم و تكنولوجيا بروميي شوا .. و بوساني خويا في حكاية اللغات درتها دوزيام شوا .. و كي سعدي مسود بعتوني بروميي شوا :tears:
هههههههههههه علاه مسود ..والله عندك الزهر اللي بعثوك لشوا لول...
انتي لوكان كملتي لغات وش رايحة تديري؟؟ اللغات ياختي أمينة ماتوكلش خبزة.. صدقيني ...خلي اللغات هواية برك وزيد راكي رايحة تحتاجيها مبعد في تخصصك


أخخخخخخخخ لوكان جيت أنا نسلكها شوية برك انجليزية :tears: ......راكي عفستي على الجرح بلا ماتقصدي يا امينة ختي

و كملت خلطتها رحت سبيسياليتي مات ههههههه . و في التروازيام اني كنت حاصلة مع وحد ال module théorique شافني بروف تاع اونقلي قالي واش راكي تديري في باب الزوار .. اقراي حاجة ساهلة :closedeyes:
ياعيني خلا 3 سنين جازو باش مد الراي تاعو :glare:

ايه بالصح بلاك هو قالها خطراش انت فور عندو فاللونقلي الله يبارك......ماشافكش فالمواد لخرى

مالقري تو لا سبيسياليتي هدي ماندمتش عليها .. ماشي اللي جا يقدر يقراها هيهيهييييي
صح والله عندك الحق تفرحي وتزوخي علينا
الله يبارك سبيسياليتي هايلة


لارمي مليح .. بصح لازملو طولة البال
و الشبيبة تاعنا بسلامتهم مايصبروش قاعتيك :surrender:
خاصة الشبيبة الللي عندكم ثما فالحومة هههههه
والعاصمة عموما
يكرهو لارمي


بالصح لارمي هايل ماخصو والو :wink:
مليح يقلبو الفيستا مين داك .. لازم ينوعو مين داك
:fish:​
ههههههههههههههه
جيش وضايقة روحو :fish:

و هديك هي المعضلة تاع حياتي مانعرفش نخير حاجة ساهلة :tears:
و r.o ماشي صعيبة .. حتى حاجة ماصعيبة ..
انت بيك الله يبارك طيارة ..وليتي تشوفي كل حاجة ساهلة

الواحد يقرا ينجح

فيها رياضيات و شوية انفورماتيك .. و هاد الزوج يساعدوني
و مادام كنت وحد لي موديل فليقزامان ندي فيهم 0.5 و 2.5 و كنت نخرج العام نورمال نورمالمون نقدر نقراها هههههه

طيااااااااااااااارة هههه
ماكتبلكش ربي باش تطيري فالجو بالصح كتبلك ربي تطيري في لـ usthb


و مع نميتريزي qlq langages informatiques ان شاء الله تكون ساهلة
راني متفائلة :showoff:

حنا من الـ pascal مازدناش :tears:

و كاشما نحتاج تاع الصح كي نسقسيكم ..

هههههههههه سقسينا الدعاء

و بيانسور نعاونكم بالشي اللي نقدر عليه


نحتاجوك حنا طبعا

وقيل خرجنا عالموضوع :yaw: ههههه
لا والله والو رانا في صلب الموضوع
بالاك نفيدوا ناس كانت معولة على المدرسة تاع رويبة ومبعد تقلبها usthb ...
ولا ناس تهرب من عندكم وتجي لرويبة..ولا بالاك يقراها واحد لغات نطيحولوا المورال ومايقراش قع :yaw:
ايا صحا فطوركم
الله يسلمك وصحا فطورك انت ثاني
 
آخر تعديل:
اصبرو عليا برك رني صورتهم مزااال ماحطيتهمش ف النت

بدراع باه لقيتهم​
الله يخلييييييييك ..ألف ألف شكر
وبارك الله فيك
 
هاااني رجعت نبدااو على بركة الله
 
1 - الرياضيات



dsc00391cn.jpg

 
تابع للرياضيات


dsc00390i.jpg

 
2 - الفيزياء

ساح عليها vitaju هه المهم تبااان

dsc00389mv.jpg

 
تابع للفيزياء

dsc00388u.jpg

 
كيمياء


dsc00387eb.jpg


 
البيان


dsc00386v.jpg

 
الفرنسية



dsc00385ui.jpg

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top