كرواسون حصريا من مطبخي

جزائرية واعشق بلدي · 3 سبتمبر 2010

السلام عليكم ورحمة الله تعالى
واش راكم ياناس اللمة ؟
رمضان كريم
وعيد سعيد مسبقا وصح سحوركم وفطوركم
المهم انا الحمد لله تعلمت بزااااااف صوالح من اللمة وناسها ونظن باللي حان الوقت باش انا نوريلكم
جبتلكم اليوم كرواسون صالي بدون عجينة مورقة بصح واش نقولكم حاجة هايلة وبالشرح الممل
مانطولش عليكم
اولا المقادير
العجينة
انا استعملت عجينتي السحرية واللي تتكون من

-2 كيسان ونص فرينة
-علبة ياوورت ناتورال (طبيعي)
-مغرف وشوية خميرة تاع الخبز
-ربع كاس زيت
-نص كاس حليب
-قرصة ملح
-3 مغارف كبيرة سكر
نخلطو gاع المكونات مع بعض

ونلموهم حتى نتحصلو على عجينة

نعجنوها مليح راهي تعود تلصق شوية بصح ماعليش ديري في يديك شويا فرينة وطميها بيها ماتكتريش باش ماتيبسش

ديري في يديك شويا زيت

وادني بيه لعجينة

وزيدي اعجنيها شويا

من بعد لميها

وزيدي ادهنيها بشويا زيت

من بعد غطيها بساشي

وخليها ترتاح ربع ساعة

جزائرية واعشق بلدي · 3 سبتمبر 2010

بعد ربع ساعة جيبي لعجينة

واقسميها على زوج

وعلى سطح مفروش بالفرينة

حطي النص اللي قسمتيه

وبداي حليها

عاشقة عاشق الوحدة · 3 سبتمبر 2010

مرررررررررررررررررسي روعة

جزائرية واعشق بلدي · 3 سبتمبر 2010

ديريها قرص كبير بسمك 1 سم

وبالجرارة اقسميها مثلثات كيما البيتزا

احمي مثلث وزيدي حليه شويا بالحلال

وحطي في الطرف قطعة فرماج (اي نوع انتي وظروفك )

جزائرية واعشق بلدي · 3 سبتمبر 2010

وابداي لفيه كيما الشاراك

وهكذا مع gاع الحبات والنص التاني ديريه بنفس الطريقة الاولى

ادهنيهم بالبيض وخليهم يرتاجو لمدة ربع الى 20 دقيقة حسب الجو

دخليهم الفرن حتى يحمارو من الفوق
وبصحتكم

جزائرية واعشق بلدي · 3 سبتمبر 2010

جزائرية واعشق بلدي · 3 سبتمبر 2010

قال عاشقة عاشق الوحدة:
مرررررررررررررررررسي روعة

انتي اللي روعة يالغالية نورتي

الجمرة الخبيثة · 3 سبتمبر 2010

روووووووووووووووعة
يعطيك الصحة حنونة والله فوووووور
مي عجبوني يديك منحكيلكش هههههههه
نتي باينا gوشيا ياخي هههههههه
مشكووووورة
صح فطورك

جزائرية واعشق بلدي · 3 سبتمبر 2010

قال الجمرة الخبيثة:
روووووووووووووووعة
يعطيك الصحة حنونة والله فوووووور
مي عجبوني يديك منحكيلكش هههههههه
نتي باينا gوشيا ياخي هههههههه
مشكووووورة
صح فطورك

يعطيك الصحة ختي على الرد وصح فطورك

احساس طفلة · 3 سبتمبر 2010

الله يبارك ناهو كل صبع بصنعة ....يعطيك الصحة
على فكرة خاتمك شباب هههههههه علابالي ماعرفتينيش انا ايمان

واثقة من نفسها · 3 سبتمبر 2010

اييييييه لالة كبرت و ولات تعرف اطيب ههههههههههه
يعطيك الصحة .. مبعد نجيك و حطيلي حبة ولا علميني
-----------
اسمعي انا sarah emo لا ما عرفتينيش
راهم حظروهالي هاذيك ههههههههه -طوايشية-

حورية الجزائر · 3 سبتمبر 2010

بارك الله فيك لكي جزيل الشكر اختي الغالية في انتضار جديدك وان شاء الله يكون متبوع بالصور كما هادو

صح فطورك

جزائرية واعشق بلدي · 3 سبتمبر 2010

قال احساس طفلة:
الله يبارك ناهو كل صبع بصنعة ....يعطيك الصحة
على فكرة خاتمك شباب هههههههه علابالي ماعرفتينيش انا ايمان

لالا عرفتك غير انتي اللي نعرفك ههههههههه نهار تكوني رئيسة الدولة مانعرفكش
الخاتم مارانيش رايحة نبيعو فهمتي غير ماتطمعيش :tongue_1::tongue_1::tongue_1::tongue_1::tongue_1::tongue_1::tongue_1:

قال واثقة من نفسها:
اييييييه لالة كبرت و ولات تعرف اطيب ههههههههههه
يعطيك الصحة .. مبعد نجيك و حطيلي حبة ولا علميني
-----------
اسمعي انا sarah emo لا ما عرفتينيش
راهم حظروهالي هاذيك ههههههههه -طوايشية-

ارواحي سارة انا راني متوحشاتك بزاااااااااااف ان شالله نشوفك فالعيد رانا ولينا نتشاوفو غير فالمناسبات
انا من بكري كبيرة (اسكتي ماتفضحيناش)هههههههه
صح فطورك وحظروك ياه الله يبارك راكي نشرفتينا بزاف يالطوايشية
صح فطورك

قال حورية الجزائر:
بارك الله فيك لكي جزيل الشكر اختي الغالية في انتضار جديدك وان شاء الله يكون متبوع بالصور كما هادو

صح فطورك

ان شالله انتظرو كل ماهو جديد باذن الله وراح يكون بالصور تاني لعيونكم يالغاليين

mayamaya · 3 سبتمبر 2010

يعطيك الصحة ختي وصح فطورك

جزائرية واعشق بلدي · 3 سبتمبر 2010

قال mayamaya:
يعطيك الصحة ختي وصح فطورك

الله يسلمك يالغلا وانتي زادة

واثقة من نفسها · 3 سبتمبر 2010

قال جزائرية واعشق بلدي:
ارواحي سارة انا راني متوحشاتك بزاااااااااااف ان شالله نشوفك فالعيد رانا ولينا نتشاوفو غير فالمناسبات
انا من بكري كبيرة (اسكتي ماتفضحيناش)هههههههه
صح فطورك وحظروك ياه الله يبارك راكي نشرفتينا بزاف يالطوايشية
صح فطورك

:sheer: :sheer: :sheer:
نهار العيد نشالله نجيك -كان ما تفنينتش و قعدت فالدار-:tongue_1:

اسكتي اسكتي يا طفلة غير نتي لي نفظحك هنا :showoff:
مع سارة و الكل يتشرف :lol:

اياا صحا سحووورك

وردة رمال الذهبية · 3 سبتمبر 2010

بارك الله فيك لكي جزيل الشكر اختي الغالية في انتضار جديدك وان شاء الله يكون متبوع بالصور كما هادو
تسلم ايديك يا شطورة ننتظر جديدك ياغالية
صح فطورك

جزائرية واعشق بلدي · 4 سبتمبر 2010

قال واثقة من نفسها:
:sheer: :sheer: :sheer:
نهار العيد نشالله نجيك -كان ما تفنينتش و قعدت فالدار-:tongue_1:

اسكتي اسكتي يا طفلة غير نتي لي نفظحك هنا :showoff:
مع سارة و الكل يتشرف :lol:

اياا صحا سحووورك

ايه ارواحي وبركاي من التفنيين
بالاك تجي اصيل هاكدا يتلم الشمل ههههههه
صح فطورك

قال وردة رمال الذهبية:
بارك الله فيك لكي جزيل الشكر اختي الغالية في انتضار جديدك وان شاء الله يكون متبوع بالصور كما هادو
تسلم ايديك يا شطورة ننتظر جديدك ياغالية
صح فطورك

العفو حنونة وان شالله انتظرو كل ماهو جديد

نجـStarــمة · 4 سبتمبر 2010

وعليكم السلام
رائعة حبيبتي شكرا لكي
يعطيك الصحة
في إنتظار الجديد دومي
تحيآآآآتي لكي...

جدوسة · 4 سبتمبر 2010

يعطيك الصحة شهيتينا

كرواسون حصريا من مطبخي

:: عضو مُشارك ::

:: عضو مُشارك ::

:: عضو مُشارك ::

:: عضو مُشارك ::

:: عضو مُشارك ::

:: عضو مُشارك ::

:: عضو مُشارك ::

:: عضو بارز ::

:: عضو مُشارك ::

:: عضو مُتميز ::

:: عضو مُشارك ::

:: عضو بارز ::

:: عضو مُشارك ::

:: عضو مُتميز ::

:: عضو مُشارك ::

:: عضو مُشارك ::

:: عضو بارز ::

:: عضو مُشارك ::

:: عضو بارز ::

:: عضو منتسِب ::

المواضيع المشابهة