واه مانشوفش باب الحارة

lounaa

:: عضو مُشارك ::
إنضم
29 أوت 2009
المشاركات
342
نقاط التفاعل
0
النقاط
16
العمر
31
السلام عليكم
وكيراكم مع رمضان والصيام
والله غير والفناه وراه قريب يروح :tears:

المهم
اليوم جاية نهدرلكم على باب الحارة لي داير حالة
معلاباليش الولاد يلا يشوفوه بصح البنات نجم نقول قاع الله يبارك

بصح انا الله غالب ماتفرجت ولا جزء منوا
ماتنخلعوش كيما لخرين برك هههههههه
انا كنت حاسبتها حاجة نورمال بصح مبعد عرفت بلي لا رجعت حاجة بيزار
صراتلي شحال من خطرة
رانا قاعدين نهدروا جماعة شيرات وهوما برك يجبدوا على باب الحارة ونقلهم مانتفرجوش
نهار اللول يسرطوها شوي ومبعد تسقسيك وحدة منهم بصح شفتي الجزء اللول والزاوج ومبعد زعما ماكملش لخرين
كي نقلها لا
كاين لي تخزر فيا خزرة:blink: تحسب راني جاية من المشتري ولا الزهرة
ولا كاين لي تحل فمها:scared:
مالقري انا نبغي الدراما السورية
بصح هاد المسلسل ماجبدنيش
ودرك قولولي ناس اللمة
كاين لي ماتفرجش ولا جزء منوا كيما انا
وتاني شاهي الحاجة المميزة فيه لي تخليك تبع 5 اجزاء

وصح فطوركم
 
الحقيقة
انا ماتبعتش الاجزاء الاولى في رمضان
بصح خطرة شفتوعند بيت عمي عجبني
وليت تبعت كامل الاجزاء وعودتهم
الطريقة نتاع حياتهم وكيفاه عايشين هي لي جدبتني ليه
 
انايا باب الحارة ماا كنتش متبعاتو...

و امبعد عاودت الجزء الاول و الثاني مع بنت خالتي
عجبني على عكس ما توقعتو..
و هاكدا ما حبيتش نراطي الجزء الخامس


 
المسلسلات رجعت كيما لادروق عند لبنات ربي يستر انا ما تفرجتوش باب الحارة و مانيش نتفرج فيه حاليا نشوف لقطات من برك هكدا ما نهترف بمسلسل و لا نظل نهدر عليه

بلا ما تنخلعي ختي راكي نورمال ماشي بسيف تبعي مسلسل ما عجيكش علاجال الناس


صح فطورك
 
انا متبعتو خمس سنين وانا نتفرج فيه
كبرت معاه عشت صغري معاه هههههههههههه
 
5 سنين و انا نتبع فيه
مالحلقة 1 للحلقة 30
 
الحقيقة
انا ماتبعتش الاجزاء الاولى في رمضان
بصح خطرة شفتوعند بيت عمي عجبني
وليت تبعت كامل الاجزاء وعودتهم
الطريقة نتاع حياتهم وكيفاه عايشين هي لي جدبتني ليه

انا تاني قلت بالاك طريقة العيش هي لي جبدت الناس ليه
لانوا 5 اجزاء بزاف يعياو مايقوا في الاحداث بصح تصماط
شكرا لك على المشاركة وصح فطورك
 
آخر تعديل:
المسلسلات رجعت كيما لادروق عند لبنات ربي يستر انا ما تفرجتوش باب الحارة و مانيش نتفرج فيه حاليا نشوف لقطات من برك هكدا ما نهترف بمسلسل و لا نظل نهدر عليه

بلا ما تنخلعي ختي راكي نورمال ماشي بسيف تبعي مسلسل ما عجيكش علاجال الناس


صح فطورك

شابة هادي تاع مانهترف بيه هههههه
لا لا اختي انا راني مخلوعة فالناس لي راهي مخلوعة فيا كي مانشوفوش هههههه
ومارسي وصح فطورك انت تاني
 


آتشيواي واي وا :yahoo:

مزية كاين واحد ماتفرجش باب الحارة

انا اختي ماتفرجت ولا جزء منه و راني كيفك

البنات مين يحكو عليه و نقولهم مانعرفهش يحلو فامهم

و الله ماعلابالي شاراه فيه حتى الصغير ، الكبير ، الرجال و النسا كامل متبعينه

المهم انا نقولك ماهيش بيزار على خاطر البيزار مين قاع الناس متبعينه

مرسي أختي و صحا فطورك

:heh:
 
اليوم 18:04 adraa
انايا باب الحارة ماا كنتش متبعاتو...

و امبعد عاودت الجزء الاول و الثاني مع بنت خالتي
عجبني على عكس ما توقعتو..
و هاكدا ما حبيتش نراطي الجزء الخامس
انا متبعتو خمس سنين وانا نتفرج فيه
كبرت معاه عشت صغري معاه هههههههههههه
اليوم 18:18 bonoise 5 سنين و انا نتبع فيه
مالحلقة 1 للحلقة 30

ههههههههههههههههه
الله يعاونكم
على حساب الشوفة
رجع جزء مالعايلة والتاريخ تاعها
ادعوا ربي مايزيدوكمش بجزء سادس
ههههههههههه
نتمسخر برك
وصحيتوا على المشاركة وصح فطوركم لبنات
 
مع انو يعجبني بصح ما نتبعوش شكرا و صح فطوركم
 
انا يا اختي جامي تفرجتو ما يعجبنيش ما نعرف علاه ناس كل يعجبها ولنقولو ما نتفرجوش يقول لي انتي راك مريضة ههههههه
 
مــانــتبــعــوش
مــي مــايــجــيش كــيمــا وادي الذئــاب
مــســـتحــيــل
 
5 سنين وانا مووراه

مسلسل ولا اروع

 
السلام عليكم

صحا فطورك اختي

بالنسبة لباب الحارة مكنتش نتبعو فالاجزاء الوالا

لكن من بعد تفرجت الجزء الرابع عجبني بزاف طريقة حياتهم تعجب بزاف واش نقولك حرمة وزيد وزيد

والله نتمى نعيش فمحتمع بكون كما هاكدا

ايا سلام
تحياتي
 
أنا ماشفتش الأجزاء الثلاثة الأولى
و كنت نقول علاه كي منتفرجش هاد باب الحارة عيب
بصح كي شفتو عجبني بزاف و عاودت الأجزاء لي راحولي​
 
انا تبعتو من الجزء الأول حتى للخامس مسلسل ملييييييييح بزاااااااااف
واللي عجبني فيه هو الشهامة والرجولة والشجاعة وبزاف من الصفات الرائعة ......
شكرا ليك على هاذ الطرح المميز
 
عادي أختي أنا تفرجت غير الجزء 2 وهذا الجزء بديت نتفرج من الحلقة 16 نعقب بيه الوقت هذا مكان
صحة فطورك​
 
5سنين و أنا نتبع فيه و مشي غير متبعاتو
عاودت الجزء الأول و الثاني زوج مرات
و الجزء الثالث عاودتو مرة
يا أختي مسلسل هايل و بطولي ثوري و محافظ على القيم و المبادئ
و زيد من ذاك يتوشي معاناة الفلسطينين في جمع السلاح و الاحتلال
يعني يجننننننننننننننننننننننن
مشكورة أختي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top