نصائح وارشادات (1): اذا راح تختار فالزواج بين وحدة أدبية ووحدة علمية أختار العلمية...أدخل نقولك علاه

الحالة
مغلق ولا يسمح بالمزيد من الردود.

mir@cle

:: عضو بارز ::
أحباب اللمة
إنضم
20 سبتمبر 2009
المشاركات
1,106
نقاط التفاعل
62
النقاط
37
[FONT=&quot]السلام عليكم[/FONT]

[FONT=&quot]أنا كيما تعرفوني عضو كبير فالسن ..وبما أني كبير فانا من واجبي ننصح الشبيبة الصغيرة فالسن والأجيال القادمة ونعطيهم بعض النصائح والإرشادات بحكم خبرتي فالحياه[/FONT]

[FONT=&quot]البنت الأدبية والبنت العلمية[/FONT]

[FONT=&quot]انتو بالاك الشبيبة الصغيرة تقولو البنت الأدبية او العلمية كيف كيف وهات اللي جات وراهم قع بنات....الخ

[/FONT] [FONT=&quot]أنا -والعياذ بالله من كلمة أنا- في هاذا الموضوع رايح نتثبت بالدليل والبرهان باللي مش كيف كيف[/FONT]

[FONT=&quot]وباللي البنت العلمية أحسن من البنت الأدبية بالنسبة للراجل طبعا هذا إذا كان راح يختار بينهم[/FONT]
[FONT=&quot]
تقولو علاه
[/FONT]
[FONT=&quot]البنت العلمية مسكينة يكون مخها قبل الزواج معمر بالرياضيات والفيزياء والإحصاء والإعلام الآلي ..مكانش فراغ كبير في مخها[/FONT]
[FONT=&quot]والشكل التالي يبين مخ وحدة علمية قبل الزواج[/FONT]


[FONT=&quot]
72373257.jpg
[/FONT]

[FONT=&quot]
[/FONT]
[FONT=&quot]البنت الادبية فالمدرسة والجامعة ماتقراش برنامج صعيب ويكون عندها فراغ كبير في مخها كيما راكم تلاحظوا يا اخواني في الشكل المبين أسفله[/FONT]
[FONT=&quot]وهاذا الفراغ هو اللي حنا الرجال نخافو منو[/FONT]
[FONT=&quot]الشكل لموالي يبين مخ وحدة ادبية قبل الزواج[/FONT]

76311738.jpg


[FONT=&quot]شفتوا هاذاك الفراغ اللي في راس الأدبية يا اخواني ؟؟

هاذاك هو اللي أكيييد ماراكمش دايرين حسابو [/FONT]


[FONT=&quot]
Danger-logo.PNG
[/FONT]


[FONT=&quot]أنا بفضل الله رايح ننوركم ونبينلكم المخاطر تاع هذاك الفراغ[/FONT]

[FONT=&quot]بعد الزواج ..البنت الأدبية رايحة تملي هاذا الفراغ بالحاجات اللي نخافوا منها (شوفوا الشكل الموالي)[/FONT]


46932701.jpg



[FONT=&quot]طبعا أنت رايح تخلص هاذاك الفراغ غالي...اما العلمية مسكينة ماعندهاش أصلا فراغ في راسها كبير ...يعني حتى اذا تعمر ماتخلصش عليه بزاف[/FONT].


[FONT=&quot]الطبـ[/FONT]ــــــــــــــــــخ
48638841.jpg

[FONT=&quot]البنت العلمية قرات الرياضيات والفيزياء وقرات الأحجام والمقاييس والأس والتربيع... كي تجي راح تطبخ تحطلك المقادير بالحساب والميزان وبالورقة والستيلو..وماتزيدش غرام وماتنقصش غرام....البنت الأدبية تحط بالبركة .. انتا وزهرك...[/FONT]
[FONT=&quot]وزيد العلمية قرات كيمياء يعني كل يوم تبدى تخلط فالطبخ وتخترعلك طبخة جديدة وماتخليكش تمل ..يعني ممكن تألف كتاب تاع طبخ على ضهرها نورمال وتبيعو.[/FONT]

[FONT=&quot]حتى فالتسياق تاع الدار البنت العلمية بيها الله يبارك قرات المساحات وقرات المربع والمستطيل وشبه المنحرف يعني كي تجي راح تسيق الدار تدير عملية حسابية في راسها تقدر تحدد كمية الاومو والجافيل اللي تكفي فالتسياق ..اما الأدبية مسكينة تفرغلك الاومو والجافيل كلو في تسياقة وحدة وغدوة منذاك تقولك زيد اشريلي.[/FONT]
[FONT=&quot]
[/FONT]
[FONT=&quot]
64251031.jpg
[/FONT]

[FONT=&quot]
[/FONT]
[FONT=&quot]المصـــــــــروف
68651966.jpg
[/FONT]

[FONT=&quot]البنت الادبية مسكينة ماتسلكهاش رياضيات..خطراش قرات شوية متتاليات وحبست فالدالة العددية ...تعطيلها دراهم تاع مصروف الدار يخدعوها الحوانت ويخدعوها ولادك بسهوووولة فالحساب وتجيك في نص الشهر تقولك زيدلي الدراهم ماكفاتنيش

[/FONT] [FONT=&quot]البنت العلمية ماحبستش فالاعداد الطبيعية كيما الأدبية ...هي كملت وقرات الاعداد العشرية والحقيقية وقرات الدالة اللوغارتمية والاسية والجذر والتربيع ......تعطيها دراهم تاع مصروف الدار تخليلك نصهم في آخر الشهر والبركة فالجبر والتحليل اللي قراتهم.[/FONT]
[FONT=&quot]
[/FONT]
[FONT=&quot]البنت الأدبية قرات فلسفة
78657951.jpg
[/FONT]
[FONT=&quot]ماتنساوش اخواني الاولاد باللي البنت الأدبية طيبوها فلسفة وحلل وناقش .. والفكرة العامة والافكار الجزئية والعاطفة الجياشة والبحر الطويل...البنت الادبية تحكم البورطابل وتبدا تتفلسف وتحلل و تناقش..وانت يا عزيزي هو اللي يفليكسي تروحلك دراهمك قع في هدرتها[/FONT]
[FONT=&quot]البنت العلمية قرات علوم طبيعية وكلش عندها عملي ماتهدرش بزاف ..يعني كي تحكم البورطابل تهدر الحاجة اللي فيها فايدة وتكوبي بعد دقيقة .. افليكسلها مية الف في شهر العسل وريح العمر كلو[/FONT].
[FONT=&quot]
[/FONT]
[FONT=&quot]البنت الأدبية قرات شعر
88662468.jpg
[/FONT]

[FONT=&quot]البنت الأدبية قرات شعر وقرات نزار قباني والمدح والغزل، يعني والفت بهذاك التبلعيط ولا ماياكلش معاها ..يعني ماتقدرش تخدعها يا عزيزي الولد...العلمية مسكينة ماقراتش شعر ولا نثر ..تقدر يا خويا تجيبلها ساعة على ساعة بيت من عند نزار قباني وتقولها انا اللي ألفتو عليك تصدقك نورمال المسكينة وتولي تزوخ بيك قدام أهلها وتقولهم راجلي الله يخليهلي هرب رومنسية لدرجة ولا يألف شعر على جالي :luve_1:[/FONT]
[FONT=&quot]
[/FONT] [FONT=&quot]اذا قدر الله وصار دواس
98664287.jpg
[/FONT]

[FONT=&quot]اذا قدر الله وصار دواس مع وحدة ادبية هي تقدر تغلبك بالهدرة وماتستسلمش أبدا خطراش قرات الفلسفة وقرات يا أخي وحد الحاجة فالفلسفة (الله يبعد الشر علينا) اسمها المقالة الجدلية يعني تهدر معاها تبدا تجادل فيك وكل رأي تقولو انت تروح هي تدرلو نقد ورأي معارض وزيد ماتنساش ... اذا راحت غضبانة لدارهم باللي راها قرات التعبير كتابي والأسلوب البليغ يعني تروح تبهدلك ثما في دارهم وممكن تروح تدخل للأنترنت وتدير عليك خواطر فالمنتديات تبهدلك وتولي فضيحتك عالمية[/FONT]
[FONT=&quot]اما العلمية مسكينة فماقراتش تعبير كتابي ولاتعرف تكتب خواطر ..اذا دوست معاها تبقى ساكتة وتدعي عليك في قلبها.. وحتى اذا راحت غضبانة لدارهم ماتعرفش تعبر مليح خطراش خاطيها التعبير فما تقدرش تقنع اهلها ويقولولها ارجعي لدارك الله يهديك ..وتجيك بلا ماتعيي روحك..وحتى اذا دخلت للمنتديات ماتقدرش تكتب خواطر ضدك خطراش طول تلقاها دائما مسطالية في منتديات الرياضيات والبحث العلمي ماتدخلش لمنتدى الخواطر والأشعار[/FONT].

[FONT=&quot]اذا وقعت الفاس فالراس
108665807.jpg
[/FONT]

[FONT=&quot]باللنسبة للأولاد اللي خلاص طفرت فيهم وارتبطوا بوحدة أدبية فما يقلقوش رواحهم خطراش (ماخلق الله من داء الا خلق له دواء) ..انت حاول يا أخي ماتخليش هذي الأدبية تشغل هذاك الفراغ اللي في راسها يالحوايج اللي حكينا عليهم.. اشريلها موسوعات تقراهم وديرلها قنوات تاع أشرطة علمية تتفرجهم كيما مثلا قناة (ابو ظبي انترناشيونال جيوغرافي) وساعة على ساعة حفضها في جدول الضرب ولا علمها شوية فيزياء واربح فيها أجر. [/FONT]
[FONT=&quot]وجامي تآمن الأدبية وتخليها وحدها خطراش اذا خليتها وحدها ممكن تجبد الدفتر وتكتب خاطرة تبهدلك انت وأهلك فيها.[/FONT]

[FONT=&quot]
والى نصائح وأرشادات أخرى أستودعكم الله
[/FONT]

لا تنسوا الردود والتقييم اذا أعجبكم الموضوع
 
ههههههههه على حساب هدرتك الادبيات رايحين يعنسو

وكيما انا قريت فاليسي علمي والجامعة ادبي كيفاش تكون الحالة ؟

هايلة يعطيك الصحة
 
اشهاد الموضوع ياخي ماشي حشومة عليك كتساعد في انتشار العنوسة على الفتيات الادبيات ههههههههههه
اوا مقلتيش لينا نصائح وارشادات : اذا راح تختار فالزواج بين واحد ادبي وواحد علمي فاختار ماذا هههههههههههههههههههه

شكرا اخي الفاضل على الموضوع
 
والله ياخويا ميراكل ونعمة النصائح ههههههههه
درك لبنات الأدبيآت يبيروا الوحدة تلوى الأخرى
[font=&quot]اذا قدر الله وصار دواس مع وحدة ادبية هي تقدر تغلبك بالهدرة وماتستسلمش أبدا خطراش قرات الفلسفة وقرات يا أخي وحد الحاجة فالفلسفة (الله يبعد الشر علينا) اسمها المقالة الجدلية يعني تهدر معاها تبدا تجادل فيك وكل رأي تقولو انت تروح هي تدرلو نقد ورأي معارض
عجبتني هاذي أنا كي نتهاوش مع أختي قرآت ادب تهبلني
هههههه
أيآ صحيــــت +تقيــــــم
[/font]​
 
يا عيني على النصائح
اذا قدر الله وصار دواس مع وحدة ادبية هي تقدر تغلبك بالهدرة وماتستسلمش أبدا خطراش قرات الفلسفة وقرات يا أخي وحد الحاجة فالفلسفة (الله يبعد الشر علينا) اسمها المقالة الجدلية يعني تهدر معاها تبدا تجادل فيك وكل رأي تقولو انت تروح هي تدرلو نقد ورأي معارض

عندك الحق في كلش غير في هادي لالا
انا علمية بصح الي يداوس معايا ما يسلكش
مرسي على الموضوع

+ تقييم
 
آخر تعديل:
ههههههههههههههههههههههههههههه
 
ههههههههههه
انا علمية mais لساني طويل
 
..هههههه والله غير ذيك هي أخويا..
..امالا علاجالك غادي نشوف لروحي وحدة علمية..
..يعطيك الصحة على الموضوع..
..ومننساوش التــقييم راك تستاهلو..
..ايا ســـــــلام..
 
ههههههههههههه والله موضوعك روعة بصح حرام عليك علي جالك راح يعنسو الادبيات
اخي لو خيرونا بين واحد ادبي وعلمي شكون ندي ههههههههه
 
و عليكم و السلام
اووووووووووووووووووووو يا رضا وش هادا :scared::scared:
هههههههههههههه ما تصورتكش دير خدمة كيما هادي:shiny: :schmoll: :sheer: :yaw: :laugh: :lol:
معللليش حسابك بعدين:rolleyes:
اووووووو القالي انا الحل قريت عمري بكل علمية مبعد درت حاجة ادبية فالجامعة كيفاه راح يكون مخي ؟؟؟
+ تقييم
 
ههههههههههههه قتلتني بالضحك
موضوع رائع
الحمد لله انا علمية
وياسعد لي يديني نعيشو لابال فييي هههه
شكرا
+تقييم

 
ههههههههههههه

شكراااااااا على هدا التحليل الرائع

بصح انا
ندي وحدا تقني رياضي

 
هههههههههههههه
الله يبارك على العلميات
ههههههههه
و واش نخيرو حنا ادبي ولا علمي
شكرا جزيلا أخي على الموضوع
و تستاهل التقييم من وحدة علمية
 
radia yoyo، تم حظره "حظر دائم". السبب: مخالفة القوانين / إستخدام ألفاظ نابيه وخادشة للحياء.
:surrender: هههههههههههههه فووور + تقييم
 
هههههههههههه صافي راك خسرت سوق للادبيات حرمت عليهم مساكن دوك تزيد نسبة بايرات راك عارف دزاير نصها ادبيات هاربين من مات وفزيك انا عندي استفسار وبنات جيستيون صافي يقتلو رواحهم من دوك
يعطيك الصحة خو قتلتني بالضحك تستاهل تقييم
 
هههههههههههههههه والله جبتها يا خويا يعطيك الصحة زائد تقيم تستاهل
 
هههههههههههه
ايا جاب ربي نا علمية
و الله جيتها يا ميراكل
بارك الله فيك
 
هههههههههه والله غير موضوع قمّـــة و عجبني بزاف ، الحمد لله لي جيت علمية خخخخ

بصح هكذا الأدبيات ما يتزوجوش ولا كيفاش ؟؟؟ هههه
 
السلام ع ليكم
ههههههههه والله ياخويا جبتها يعطيك الصحة
بنت العلمية في كلش خير من الادبية
انا الحمد لله لعام لول علمية ومبعد قلبنا الشقفة
ولبنت تسيير واقتصاد كما حالتي هههههههههههه مخها كيفاش يعود!!!!!!!!!!!!!!!
يعطيك الصحة ع الموضوع

 
ههههههههههه
مليحة هذي
وحنا البنات واش نخيرو بين العلمي والادبي ؟؟؟؟



يعطيك الصحة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top