باغي نطرق الباب ***** ياللي قدك قد شباب
ملي شفتك تلفلي الحساب *** راني جايك بالحلال
معاك أنا واش ذنبي **** راكي ملكتي عقلي
زينك شحال يسبي **** يا درا يكسبو قلبي ؟؟
زينك زين جذاب **** و العقل عقل جلاب
نتي بعد ربي و والديه *** و نتي حياتي في هاذي الدنيا
معاك الوفا و النيه **** يا ساكنة روحي و عينية
شعوركْ مخبل كي الحرير *** و النور ضاوي فالجبين
و العيون سود مذبلين *** و الحواجب نونين مسطرين
و الخدود حمر موردين *** و الشفايف كي الخاتم فالصبعين
تلف أمري و حبس التفكير *** قلبي سال عقلي واش التدبير
نديك و اللّي يصير يصير *** معاك مانطيح في بير
أنتي في الدنيا كسبي *** و العالم سيدنا ربي
سمير شعباني المداني