من الأحسن ؟؟ الطب أم الصيدلة ؟؟ الرجاء الدخول

Houda Chaouienne DZ · 22 جوان 2011

السلام عليكم إخواني

أنا هاذ العام عقبت الباك .. و مازال ماخرجوش النتائج

ادعيولي نديه إن شاء الله و بتقدير لي يخليني ندير واش نحب

هو صح مازال الحال على هاذ الهدرة

مي لازم نقرر ذرك واش نقرا فالجامعة

بيسك يخي عمبالكم ماكانش وقت بزاف لي نخممو فيه بين النتائج و التسجيلات

و المشكل ذرك اني محتارة بين زوج

يا الطب يا الصيدلة

مع اني نميل للطب و لكن قالولي متعب بزاف

و الصيدلة قالولي مليحة اون+ حابة اذا قريتها نكمل médecin biologiste

حابة نسقسيكم واش يظهرلكم الأحسن و الأنسب فيهم

الطب أو الصيدلة ؟؟

و هل مازال كاين العفسة تاع نكمل médecin biologiste إذا قريت صيدلة ؟؟

أرجوكم أفيدوني أفادكم الله

قولولي وينها الأحسن ؟؟ و واشي هوما السلبيات و الايجابيات نتاع كل وحدة ؟؟

سلاااااام

عاشقة رجاص · 22 جوان 2011

السلآم عليكم ورحمة اللهـ وبركآته:
اولآ موفقة أختي هدى
إن شآء الله تكون نتآئجنا مرضية وتوصلنا لمبتغآنآ
ثآنيا يعطيك الصحة والله نفس الإنشغآل اللي عندي
إن شاء الله يجاوبونا أصحاب الخبرة
مع العلم أنو مام أنا قالولي الصيدلة خير
والنصيحة جات من عند اطباء وصيادلة من العائلة تاعي

روز · 22 جوان 2011

أنا رايي تقراي طب احسن
وش جاب لجاب اختي الطب متعب شوية لكن بقيمتو في المجتمع الصيدلة ماتظهرليش حاجة كبيرة
ديري صلاة الاستخارة وربي معاكم بنات

Houda Chaouienne DZ · 22 جوان 2011

قال عاشقة رجاص:
السلآم عليكم ورحمة اللهـ وبركآته:
و عليكم السلام أختي
اولآ موفقة أختي هدى
إن شآء الله تكون نتآئجنا مرضية وتوصلنا لمبتغآنآ
آمـــــــــــــين يا ربي
أجمعين
ثآنيا يعطيك الصحة والله نفس الإنشغآل اللي عندي
الله يسلمك
إن شاء الله يجاوبونا أصحاب الخبرة
إن شاء الله
مع العلم أنو مام أنا قالولي الصيدلة خير
والنصيحة جات من عند اطباء وصيادلة من العائلة تاعي
أنا ثاني قالولي هك

بصح انا نهار واحد يقولي انا قريت طب و واحد يقولي صيدلة
يعجبني الطب أحسن مانعرف علاه
شكرا جزيلا لكي أختي على الرد
و الاهتمام
و ربي ينجحنا إن شاء الله
بالمعدل لي نحبوه

sabrina24 · 22 جوان 2011

موفقة اختي انشاء الله وانا برايي الطب احسن من الصيدلة وهدا قرارك النهائي الطب ام الصيدلة وشكراااا.

Soumia_Sétifienne · 22 جوان 2011

pharmacie khir men tib ana nmout 3liha besah nti zidi khami mlih

Houda Chaouienne DZ · 22 جوان 2011

قال روز22:
أنا رايي تقراي طب احسن
وش جاب لجاب اختي الطب متعب شوية لكن بقيمتو في المجتمع الصيدلة ماتظهرليش حاجة كبيرة
ديري صلاة الاستخارة وربي معاكم بنات

و انا ثاني يعجبني الطب

و لكن قالولي بلي الطب متعبة

و الصيدلة أحسن

إن شاء الله أختي

شكرا جزييييييلا على النصيحة أختي

Nàf!ssaà · 22 جوان 2011

سلام عليكم
اختي اولا ربي يوفق الجميع و يجيب لي فيه الخير انا شخصيا نبغي صيدلة و فوت الباك هاد العام و ان شاء الله نديه بتقدير يخليني ندير صيدلة
وفي مايخص الطب و لا الصيدلة كل علم و بلاستو و بزيادة شوفي نتي لي يخرجك ماتقوليش هاديك الحاجة صعيبة ولا وقتها بزاف فالقراية هي اي حاجة عندها ممبعد فايدة مهما كانت المدة هي صح الطب طويل و متعب بصح فيه فايدة سيرتو عمل انساني قبل ما يكون حتى حاجة و صيدلة تاني عندها بلاصتها
شوفي اراء تاع الجماعة كامل بصح القرار يرجع ليك مكانش لي يقدر يقرر في بلاصتك
وننصحك نصيحة استخيري ربي هو خير مولى و خير نصير
ربي يوفقك و يوفقنا و يوفق جميع المؤمنين لما فيه الخير و الصلاح

Houda Chaouienne DZ · 22 جوان 2011

قال sabrina24:
موفقة اختي انشاء الله وانا برايي الطب احسن من الصيدلة وهدا قرارك النهائي الطب ام الصيدلة وشكراااا.

آمـيـــــــــــــــن أختي
الله يوفقك نتي ثاني
و تدي الـbem تاعك إن شاء الله
شكرا أختي على النصيحة
عفوا

Houda Chaouienne DZ · 22 جوان 2011

قال soumia_sétifienne:
pharmacie khir men tib ana nmout 3liha besah nti zidi khami mlih

بصح علاه صيدلة خير من الطب ؟؟
شكرا أختي على رأيك
و على مرورك العطر

βïģ βôşş · 22 جوان 2011

ساعة ربي ينجحنا كل
الصيدلة بزااااااااااااااف الي داروها
ديري طب خير
متعبة مي مباعد تحسي بالراحة التامة

Autumn leaves · 22 جوان 2011

^_^
الطب التخصص الذي ارغمت على تركه لما ذكرته..
ولكني وجدت نفسي في تخصصي الحالي وانا راضية تمام الرضا..
الخلاصة،، الشيء الي تقدري تعطي فيه اكثر وتحسي انك مياله له ،
وعندك قدرة عليه،، استخيري وتوكلي _^
والصعوبات صدقيني تختفي لما نقتنع بشي ونحبه..
موفقة اختي،،

malaki_aya · 22 جوان 2011

السلام عليكم ورحمة الله وبركاته
اولا نتمنالكم ان شاء الله نجاح في الباكالوريا و الحاجة للي فرحتني هي ما راكيش تخمي تديه و سايي ...عجبتيني الله يوفقك
....انا قبل ما نربح الباك كنت هابلة على pharmacie لكن كي ربحت الباك و داروني طب معجبنيش الحال لكن ختي والله بعد 4 سنوات طب راني نحمد ربي عاى لي خيرلي طب ...صح التعب .....لكن ديري في بالك قد ما تتعبي قد ما تكون المحصلة كبيرة ...........
صيدلي مليحة بصح ف بلادنا معظمهم يحلو محل و يبيعو فيه دوا و حتى specialté مافيهاش بزاف .........
بصح طب ...طويلة ...مليحة ...وتعلمك ف الانسانية بزاف حوايج ...و specialité عندك ما تخيري ............سمحيلي لا طولت بصح حبيت نساعدك بالتوفيييييييييييييييييييييييييق
والاختيار يولي ليك

عبدو28 · 23 جوان 2011

تفاءلوا خيرا تجدوه.
- الطب رسالة إنسانية كبيرة تخيلي أنكي طبيبة كبيرة وتعالجين أشخاصا يائسيين .
الصيدلة تجارة في بلادنا.
- الطب أحسن لأنك راح تعطي وتمنحي وتضيفي

Houda Chaouienne DZ · 23 جوان 2011

قال nafissa37:
سلام عليكم

و عليكم السلام

اختي اولا ربي يوفق الجميع و يجيب لي فيه الخير انا شخصيا نبغي صيدلة و فوت الباك هاد العام و ان شاء الله نديه بتقدير يخليني ندير صيدلة

آمـــــــــــــــين يا ربي .. إن شاء الله اللي يتعب كامل يدي

وفي مايخص الطب و لا الصيدلة كل علم و بلاستو و بزيادة شوفي نتي لي يخرجك ماتقوليش هاديك الحاجة صعيبة ولا وقتها بزاف فالقراية هي اي حاجة عندها ممبعد فايدة مهما كانت المدة هي صح الطب طويل و متعب بصح فيه فايدة سيرتو عمل انساني قبل ما يكون حتى حاجة و صيدلة تاني عندها بلاصتها

و أنا ثامي هكاك .. يعجبني الطب أحسن

شوفي اراء تاع الجماعة كامل بصح القرار يرجع ليك مكانش لي يقدر يقرر في بلاصتك
وننصحك نصيحة استخيري ربي هو خير مولى و خير نصير

وي صح .. عندك الحق

ربي يوفقك و يوفقنا و يوفق جميع المؤمنين لما فيه الخير و الصلاح

آميــــــــــــــين يا ربي
شكرا ليك أختي جزيل الشكر
على المرور و النصيحة

{مُدَلَّلَتُهُ} · 23 جوان 2011

مشكورة اختي على الموضوع ربي ينجحك في الباك بمعدل مليح

انا برايي الطب خير و ملي كنت صغيرة نتمنى نكون طبيبة ان شاء الله صح فيه تعب و شقا بصح هو خير من الصيدلة

هادا هو رايي

تحياتي

nada242008 · 23 جوان 2011

علاه راكم كامل تذموا في الصيدلة:scared:
طيحوتلي المورال:schmoll:
انا الحمد لله صيدلانية وعندي 4 سنين ملي تخرجت
المهم تكوني مقتنعة بالحاجة اللي تخيريها وتنجحي فيها
حتى اللي يخير الطب ويقعد يتكركر فيها ومن بعد يتخرج طبيب عام ماعندو حتى مستقبل في بلادنا
وحتى الصيدلة مش ساهلة والله تعبت فيها بصح الحند لله نجحت كل عام بعاموا
عموما ربي يوفقك اختي

Houda Chaouienne DZ · 23 جوان 2011

قال خيرالدين19:
ساعة ربي ينجحنا كل
الصيدلة بزااااااااااااااف الي داروها
ديري طب خير
متعبة مي مباعد تحسي بالراحة التامة

آميـــــــــن يا ربي
إن شاء الله
شكرا جزيلا على المرور

Houda Chaouienne DZ · 23 جوان 2011

قال مهاجرة:
^_^
الطب التخصص الذي ارغمت على تركه لما ذكرته..
ولكني وجدت نفسي في تخصصي الحالي وانا راضية تمام الرضا..
الخلاصة،، الشيء الي تقدري تعطي فيه اكثر وتحسي انك مياله له ،
وعندك قدرة عليه،، استخيري وتوكلي _^
والصعوبات صدقيني تختفي لما نقتنع بشي ونحبه..
موفقة اختي،،

انا نميل أكثر للطب
و لكن بزاف نصحوني بالصيدلة
إن شاء الله يا ربي
شكرا جزيــــــــــــــــــلا أختي
على المرور و النصيحة

redpearl · 23 جوان 2011

أولا اختي نقولك ان شاء الله تدي الباك وبتقدير جيد
بين الطب والصيدلة
نحكيلك على حساب تجربتي
أنا الطب كنت كارهتو خاطرش طويل ويعيي بزاف وحبيت ندير صيدلة خاطرش 5سنوات برك,بصح كيما يقولوها الدنيا مكاتيب وأنا كتبلي ربي نقرا الطب ورغم أني ما كنتش حابتو بزاف مع الوقت اقتنعت بيه وقلت الحمد لله اللي درتو هو وما درتش صيدلة لأني بعد ما شفت وقريت فهمت صح واش الفرق بين الصيدلة و الطب
وفي ما يخص اكمال الدراسة في الصيدلة لتصبحي دكتور في البيولوجي ماهيش ساهلة وماشي كامل يديروها لازم مسابقة والناجحين اللي عادة يكون عددهم في حدود العشرة يتقسموعلى الاختصاصات الموجودة هادي وحدة وزيد مشكل الخدمة الصيادلة باش يخدمو لازم يمدلهوم تصريح ويعينولهم المكان على حساب احتياجات المنطقة وفي الأعوام الأخير صرا شبه تشبع ولاو يبعتوهم للمناطق البعيدة وللأسف هادوك المناطق ما فيهمش الاطباء بزاف يعني الناس ما يشريوش الدواء من عندهم,نعرف ناس خلصو وراهم يعانيو من هاد المشكل

فيما يخص الطب يا ختي لقراية فيه تعيي بزاف بزاف ولازم تكون عندك قوة وارادة باش تقدري تكملي وزيدي حطي في بالك باللي ماهمش 7سنين برك لوكان تحبي تكملي الاختصاص تزيدي على الاقل 4سنوات
مارانيش نخوف فيك بصح نقولك برك تخممي مع روحك مليح وصلي صلاة استخارة واللي يجيبو ربي مليح
في الاخير نقولك ختي الطب رغم كل التعب والحقرة اللي راهم مدايرينها على الطبيب في بلادنا يبقى الطب رسالة نبيلة والله كي تعاوني الناس تحسي باللي راكي درتي حاجة في دنيتك باللي راكي عندك معنى
اذا حابتيها ديريها واذا شايفة روحك ماشي قادرة على التعب ما تحتميهاش على روحك ديري اللي يساعدك ويخرج عليك

سلام

من الأحسن ؟؟ الطب أم الصيدلة ؟؟ الرجاء الدخول

:: طبيبة ::

:: عضو بارز ::

:: عضو بارز ::

:: طبيبة ::

:: عضو منتسِب ::

:: عضو مُتميز ::

:: طبيبة ::

:: عضو بارز ::

:: طبيبة ::

:: طبيبة ::

:: عضو بارز ::

:: عضو بارز ::

:: عضو مُشارك ::

:: عضو مُشارك ::

:: طبيبة ::

:: أستاذة ::

:: عضو بارز ::

:: طبيبة ::

:: طبيبة ::

:: عضو مُتميز ::

المواضيع المشابهة