فطائر الفلفل الحار من مطبخ أم دودو

أم دودو

:: عضو مُشارك ::
إنضم
4 جوان 2011
المشاركات
453
نقاط التفاعل
6
النقاط
7


902670453.gif


واش راكم يا بنات اللمة
اليوم جايبة ليكم وصفة شهية و هشة و حااااااااااارة و إن شاء الله تنال إعجابكم و هي فطائر الفلفل الحار
أترككم مع المقادير

60433669.gif


- كوبين فرينة
- ملعقة كبيرة حليب غبرة ( لحظة )
-ملعقة كبيرة خميرة فورية
- ملعقة كبيرة و مملوءة **دة غير مذابة
-ملعقة صغيرة سكر
- بيضة
- ماء دافئ

618899200.gif


- نخلط جميع المكونات ماعدا البيضة و الماء و نقوم بإدخال كمية ال**دة في الفرينة جيدا ثم نضيف البيضة و الماء بالتدريج حتى نتحصل على عجينة متماسكة نغطيها بPلاستيك غذائي و نتركها تتخمر

453824346.jpg


- و الآن نحضر كمية الفلفل نقوم بتنضيفة و نشقه بسكين عالجنب و بملعقة صغيرة نقوم بإخراج كل البذور الموجودة و نملحه و نقليه نص قليان

685423176.jpg


564313661.jpg


و الآن نتركه يبرد و نبدأ في تجهيز الحشوة
في مقلاة نقلي 250 غ لحم مفروم في شوي زيت زيتون و ملح و فلفل أسود و نتركه يبرد و نضيف عليه معدنوس مقطع رقيق و حبة طماطم كبيرة مقطعة رقيقة و 5 حبات بيض مسلوقين و مقطعين مكعبات و زيتون أخضر أو أسود أو كليهما حسب الرغبة و قرن فلفل حار مقطع رقيق هذا اللي يحبه حار بزاف و ثوم و ملح و نترك الحشو جانبا
و نرجع للعجين و يكون تخمر و تضاعف حجمه

143672384.jpg


- نرش الطاولة بالفرينة و نبسط العجينة بالحلال رقيقة و نقصها شرائط طويلة بعرض من 2 إلى 3 سم

371158831.jpg


و نجيب قرن الفلفل و نحشيه بالحشوة اللي مجهزينها

330771780.jpg


و نلويه بالعجنة كيف ما نديروا مع الكورني

891031794.jpg


501632914.jpg


و ندهنهم بصفار بيضة و ندخلهم للفرن و هذا شكلهم في الأخير

6357203.jpg


إن شاء الله تعجبكم وصفة اليوم
إذا عجبتكم يا ريت ما تحرمونيش من ردودكم و تقييماتكم
إلى اللقاء مع وصفة جديدة

223725821.gif


 
اممممممممممم الله يبارك ام دودو هايلين يعطيك الصحة
فكرة جديدة عليا مرسي
 
اممممممممممممممم ام دودو عجبتني بزاف
لا تتجرب ان شاء الله
سلمت يمناك ام دودو
 
يعطيك الصحة ام دودو هايلين بصح أنا ماناكلش الفلفل الحار ما نقدرلوش نديرهم بالفلفل الحلو:shay:
 
امممممممممم هايلين والفكرة نتاع الفلفل عجبتني
يعطيك الصحة حبيبتي
جاري التطبيق في اقرب فرصة ان شاء الله
واحلى تقيم لاحلى ام ندى
 
يعطيك الصحة ام دودو هايلين بصح أنا ماناكلش الفلفل الحار ما نقدرلوش نديرهم بالفلفل الحلو:shay:

الله يسلمك آسيا
تقدري تديريه طبعا بالفلف الحلو لوكان لاحظتي الصورة أنا دايرة الحار و الحلو لخاطر أولادي ما ياكلوش الحار و تجي بنينة بالحلو
 
امممممممممم هايلين والفكرة نتاع الفلفل عجبتني
يعطيك الصحة حبيبتي
جاري التطبيق في اقرب فرصة ان شاء الله
واحلى تقيم لاحلى ام ندى

الله عليك يا أم منصف الله لا يحرمني من تقييمك و إن شاء الله تجربيها و تعجبك و تعجب العائلة
 
يعطيك الصحة ام دودو شكلهم يشهى
 
شكرآ ليك آم دودو على آلوصفة تشهي
وآآصلي
 
اممممممممممممممممم مشاء الله ام دودو فعلا هايلين وممتازة الله يبارك عليك نجربهم انشاء الله مشكورة على الوصفة عزيزتي
 
اممممممممممممممممم مشاء الله ام دودو فعلا هايلين وممتازة الله يبارك عليك نجربهم انشاء الله مشكورة على الوصفة عزيزتي

فرحتيني تسنيم بردك إن شاء الله تجربيهم و يعجبوك
 
اممممممممممممممممممممم
باينة بنية
غدوة ان شاء الله نجربها
+++++++++++
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top