هندسة معمارية ام معلم فرنسية فالابتدائية؟بليز

أختي العزيزة انتي الوحيدة إلي تنجمي تقرري إلي يساعدك
مي أنا نقدر نعطيك بعض النقاط إلي يمكن تفوتك :

بالنسبة للهندسة المعمارية :
ميدان رائع جدا (لن أشكره كثيراً لكي لاأثر عليك في اختيارك)
بس لازمو برشا صبر وبرش مصروف
معناتو لازمك تخصصي ميزانية كبيرة للأدوت الدراسية
و البحوث لأنها غالية برشا لكن إذا الله وفقك و خترتي هادي الشعبة
ما راح تندمي لأنها مطلوبة و الدخل فيها كبير جداً
يعني إذا توفقتي وخلصتي دراستك باش تلقي روحك
مرتاحة مادياً وتعوض خسارتها و أكثر
مع العلم انك إذا تحصلتي على "assistanat" بعد ما تكملي دراستك
راح تقدري تدرسي الطلاب بالجامعة بالموازاة مع شغلك إلي هو الهندسة
أنا حكيتلك بحسب النضام إلي جاري عندنا في تونس
و منتصورش كان نضام التعليم في دزاير يختلف برشا علينا

إليك الرتب العلمية في مجال الهندسة (نظام التعليم في تونس) :

المرحلة الأولى :
technicien superieur (تقني سامي )
bac + 3 ans
المرحلة الثانية :
ingenieur (مهندس )
bac + 6 ans

ملاحظة : بعد التحصل على شهادة الهندسة يمكنك التقديم لل : "assistanat"

المرحلة الثالثة :
تعتمد على عدد السنوات التي ستقررين اكملها :

+1 ans
master professionnel (ماجستير إختصاص )
+2 ans
master recherche (ماجستير علمي ) >>> تخولك إكمال رسالة الدكتوراه

المرحلة الرابعة :
رسالة الدكتوراه

المرحلة الأخيرة :
دكتوراه دولة


بالنسبة إلى معلم الفرنسية :
أما بالنسبة إلى معلم الفرنسية فليست عندي معلومات كتيرة لأقدمها
غير أني أعرف أنها تتطلب القدرة على الحفظ والنطق السليم
و أن تكوني تهوي هده اللغة قبل كل شيء
(و أعتقد إنو الفرنسية سهلة على ولاد المغرب العربي عموماً لأنها اللغة الثانية متاعهم)
وتتميز كدالك بأن اعوام الدراسة فيها قليلة نسبياً وإذا تم تعيينك
ستتمتعي بالعطل المدرسية و راتب شهري قار من الدولة .



أختي العزيزة ما تخلي حد يأثرلك على اختيارك إنت الوحيدة إلي تعرفي روحك
وتعرفي مويولاتك حاجة برك نقدر نقولهالك مهما كان اختيارك لازم تحبيه

"لو تعلقت همت المرء بما وراء العرش لناله"
(صدق رسول الله صلى الله عليه وسلم)

"Si tu veux tu peux"

هذه هي المعلومات التي يمكنني أن أساعدك بها وأرجو أن أكون قد أفدتك
ونشالله بالنجاح و التألق و نشوفوك مهندسة مزيانة أو معلمة تحفونة ^__^
القرار لصاحبة الشأن و الله الموفق .

​