شــخشـــوخة الظفر المشهورة بالشرق الجزائري بطريـــقة واضحــة مفصلة و بالصور.... من مطبخي

الحالة
مغلق ولا يسمح بالمزيد من الردود.

برنســ اللمة ـيسة

:: عضو بارز ::
أحباب اللمة
إنضم
3 ديسمبر 2009
المشاركات
3,000
نقاط التفاعل
94
النقاط
157
العمر
30
السلام عليكم و رحمة الله تعالى و بركاته

خطرتلي أني نعمـــل شخشوخة الظفر في المنتدى لأنو صرا نقاش بين العضوات و كل وحدة تقول شخشوخة منطقتنا مش هكدا حبيــــت نقدملك ظريقة تحضيرها بالصور لأنو هاد الشخشوخة مشهورة عندنا بزاف في الشرق الجزائري و اللي يقولولها ناس أخرين شخشوخة الظفر


709ec34cc8.gif

للعجيـــــــــــــــــــــــــنة
دقيـــــق + ماء +ملــــــــح

للــــــــــــــــمرق

500غ شخشوخة
لحــــــم خروف أو دجاج
2حبات طماطم مفرومة
حبة بصل مفرومة
ملح
فلفل اسود
ثوم
2 ملاعق زبدة
100غ زبدة
حمص
2ملاعق كبيرة طماطم مصبـــرة
فلفل أحمر

قرعــــــة



85634ef28a.gif


-العجيـــــــــــــنة :
نخلــــــــط الدقيق و الملح و الماء و نعجن مليــــح و مبعــد نقسم العجينة الى هاذ الشكل
173676314.jpg



كايـــــــن اللي يحب يقنــط الشخشوخوة في الماشيتة مي أنا حبيت نديرها بالطريقة القديمة تاع بكري يعني باليـــــــــــــــــــــــد
102330102.jpg



ومبـــــــــــــعد نحطــــــــــها تطيــــب في الطاجين تاع الحديـــد

307356048.jpg


كي تطيــــب هكدا
720179747.jpg


نقطعوها بظفــــــــــــــــــــــارتيــــــــــــــــــــــــنا في الأخير تجي هكـــــــــدا

316375864.jpg


و حطيها تشيـــــح


- المرق :
- ضعي البصل و الطماطم و البهارات و الحمص و اللحم و ثم أضيفي ملعقتي الزبدة و نصف كوب من الماء واتركيها تتقلى على نار هادية حتى يدبل الخليط وبعدها أضيفي 1.5 لتر من الماء .
- عندما تغلي المرق أضيفي ملعقتي طماطم معلبة و أتركيها حتى ينضج اللحم .

و بعدها أظيفي القرعة حتى تطهو جيـــدا.

- كيفة طهو الشخشوخة :
- أضيفي الى كمية الشخشوخة مقدار من الزيت و ضعيها لتطهي على البخار و ثم كرري العملية باضافة كمية من الماء حتي تنضج .
- بعد الطهو على البخار أضيفي لها كمية الزبدة و بعدها أضيفي المرق الى الشخشوخة و ضعيها على النار حتي تتشرب الشخشوخة المرق و تقدم .

و في الأخيـــر اليــــكم النتيــــــــــجة

310018333.jpg


شهيــــــــة طيبــــــة
نتمنا تعجبكم طريقة شرحي
في أمــــان الله
:re_gards:

 
آآآه صار هكا تتعمل الشخشوخة يعطيك الصحة خيتو
حنا فالغرب مانديروهاش
ممكن نجربهـا (في رمضان ههه التفنين راه قاتلني)
مرسييي يا الفحلة

 
آآآه صار هكا تتعمل الشخشوخة يعطيك الصحة خيتو

حنا فالغرب مانديروهاش
ممكن نجربهـا (في رمضان ههه التفنين راه قاتلني)
مرسييي يا الفحلة

الله يسلمك خيــــــــتو
ايه علابالي نتوما ماتديرواهاش هكدا باسكو كاينين بزاف اللي قالولي الشخشوخة مش هكدا عرفت بلي راها مبدلة من بلاصة لأخرى
مرسي خيتو نوريتي و ديما منورة مواضيعي
:re_gards:
 
يعطيك الصحة وفاء هآيلة حنا عندنا مانعرفوهاش بصح معليش نجربها كاش نهار (غير نهدر برك ههه)
يسلموا ايدي خالتي علابالي ماشي نتي لي درتيها هههه
+ تقييم

 
و الله غير يعطيك الصح أنا تاني كنت حابة نجرب نخدمها في الدار و ما نعرفش نديرها
و حبيت نسقسيك est ce que هي بعد شخشوخة السيار و إلا لا و لكان ماهيش هي يا ريت تزيدي تحطيلنا طريقة عمل شخشوخة السيار
 
و الله غير يعطيك الصح أنا تاني كنت حابة نجرب نخدمها في الدار و ما نعرفش نديرها

و حبيت نسقسيك est ce que هي بعد شخشوخة السيار و إلا لا و لكان ماهيش هي يا ريت تزيدي تحطيلنا طريقة عمل شخشوخة السيار

هي نفس العجيـــــــنة بصح شخشوخة السيار عندها سيار سبيسيال يتباع برا
أنا جامي عملتها نسمع بيها برك
بصح قالولي نفس الذوق تاع شخشوخة الظفر
:re_gards:
 
يعطيك الصحة وفاء هآيلة حنا عندنا مانعرفوهاش بصح معليش نجربها كاش نهار (غير نهدر برك ههه)

يسلموا ايدي خالتي علابالي ماشي نتي لي درتيها هههه
+ تقييم

الله يسلمك خيتو
شوفي العجانة عجنت و ماما قرصت و أنا طيبت و قطعتها أنا و ماما و الطياب طيبتها أنا
في أيامات المسابقة
مرسي على التقييم
+تقييم راني نسيتك البارح
:re_gards:
 
مرسي برنساس تعرفيس كون حابة نتعلمها هههههههههه
الحمد لله ربي يعطيك الخير حبيبتي
بصحتكم احنا نسموها شخشوخة الضفر
انجربها انشاء الله تشوفي تطبيقي
 
مرسي برنساس تعرفيس كون حابة نتعلمها هههههههههه
الحمد لله ربي يعطيك الخير حبيبتي
بصحتكم احنا نسموها شخشوخة الضفر
انجربها انشاء الله تشوفي تطبيقي

العفو أختي و ربي يخليك خيــــتو
و الله ساهلة و في نفس الوقت بنينة بزااااااااااااف
كون نديرو استفتاء نلقاو الشعب الجزائري كامل يحبها
:re_gards:
 
قتلونا بالشريـ

جامي شفت وحدة فلافامي تديرها بففـ
هههههـ جاري التجريب قريب ان شاء الله


يعطيك الصحة
 
قتلونا بالشريـ

جامي شفت وحدة فلافامي تديرها بففـ
هههههـ جاري التجريب قريب ان شاء الله


يعطيك الصحة

انت من أم البواقي نورمالمون تديروها و لا راني غالطة؟؟
:re_gards:​
 
يعطيك الصحة تشهي
 

صحيتي يالشاطــرة ...

هكذا احنا نديروها مي مانقطوهاش بظفارينــا ...كيما قلتلك نحكوهــا فالسيــار ...

ماكاش الفرق تقريبــا ..

يااو أنا في صراع مع ظفاريا ...ليوووم نقصهم غدوا يولوا ...ههههه

هذي مالا تصلح ليــا ندخل فيها روس ماريكان اخخخخ

رمضــان كريم



 
تشهى يا برنسيسة يعطيك الصحة
 
شكرااااااااااا
 
صحيتي يالشاطــرة ...

هكذا احنا نديروها مي مانقطوهاش بظفارينــا ...كيما قلتلك نحكوهــا فالسيــار ...

ماكاش الفرق تقريبــا ..

يااو أنا في صراع مع ظفاريا ...ليوووم نقصهم غدوا يولوا ...ههههه

هذي مالا تصلح ليــا ندخل فيها روس ماريكان اخخخخ

رمضــان كريم

الله يسلمك حبوبة
و ايه كاينين اللي يحكوها في السيار مي حنا ديما نديروها هكدا
رمضان كريم ينعاد عليكم بالصحة و الهنا
:re_gards:​
 
ممممممممممممم يعطيك الصحة يا وفاء سخفتيني فيها
و الله احنا ثاني نديروها كيما هاكة بعد و تعلمتها من عند ماما بهاذ الطريقة
يعطيك الصحة
+ تقييم
@m!m
 
باينة فاها بنينة مرسي
 
ممممممممممممم يعطيك الصحة يا وفاء سخفتيني فيها

و الله احنا ثاني نديروها كيما هاكة بعد و تعلمتها من عند ماما بهاذ الطريقة
يعطيك الصحة
+ تقييم

@m!m

و أخيـــــــــــــــــرا لقيت وحدة تقول نديروها كيما هكدا
مرسي أختي ربي يخليك على التقييم الباهي
نرجعهلوك درك+ تقييم خيتو
:re_gards:​
 
يعطيك الصحة برانسس الله يبارك اعليك يا شاطرة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top