والله قلب اللوز حقيقي لي حاب يصنعو فالبيت وبطريقة سهلة جداوبالصورا

the summer

:: عضو مُشارك ::
إنضم
8 أوت 2009
المشاركات
298
نقاط التفاعل
17
النقاط
12
السلام عليكم ورحمة الله وبركاته
كيفكم حبيباتي واخواتي ماحلى لمتكم وجمعتكم الحلوة صحا كامل فطوركم وصحا سحوركم :sheer::sheer::sheer:

انا كنت نتصفح فالنت ولقيت وجرت بزاف مرات طريقة صنع قلب اللوز بكل الخطوات بصح منجحش :sadwalk::sadwalk::sadwalk:
لكن في احد المنتديات الجزائرية قيت طريقة مولاتها تحلف وتعاود بلي جاها هايل ولقيت بزاف اللي دارو تطبيقاتهم ونجحلهم 100/100
وانا وحدة منهم لذا قررت مانبخلش على خواتاتي وحتى لي جون اللي راهم حابين يبيعو قلب اللوز نعطيكم الطريقة والله ولا فالاحلام:shiny::shiny:
اليكم المقادير : 3 كيلات سميد خشن (انا مولفة ندير عبر كاس الماء)
2 كيلات سكر
1 كيلة ماء زهر (احسن نوعية لي كاين مارك واسمو نونورس او الزاينة ارجوكم ركزو على نوعية ماء الزهر هي الاساس)
قرصة بين الاصابع ملح (هاذي اضافة من عندي باه ماتجيش سامطة )
الشربات :2.1/2كيلات ماء 1/2 كيلة ماء الزهر 1 كيلة سكر
العجينة :نخلط كل مقادير العجينة مع بعض بدون عجن خلطي بصباعك برك قد ما تشمخي كامل السميد في هادي اللحظة حضري صينية ماتكونش كبيرة وماتكونش صغيرة بزاف متوسطة بايدك ادهنيها بالزبدة مالازمش تكون ذائبة ثم فرغي المحتوى اللي خلطتيه في الصينية وحاولي تسوي الصينية بلا ماتضغطي بيدك على العجينة هي بروحها تمشي لانها رح تكون جارية شوية غطيها بمنديل وتركيها على راحتها باه السميد يتشرب الماء والمازهر
اما تخلطي الخليط فالليل وتطيبيه فالصباح واما تخلطيه الصباح وتطيبيه فالليل من الاحسن تديريه فالليل وتطيبيه الصباح علابالي مش رح تصبرو عليه باه تذوقوه وماتنسايش بلي راكي كي تديريلو اشاربات الصباح رح تخليه تاني يرتاح باه يشرب اشربات
فالصباح كي تنوضي اشعلي الفور انتاعك حتى يسخن وفداك الوقت قطعي قلب اللوز على شكل مربعات وزينيه باللوز ولا كوكاو
اذيبي 2 ملاعق اكل زبدة وسقيه بيها باه تعطيلو اللون الاحمر (هاذي صورة قبل مايدخل الفرن)
attachment.php

دخلي قلب اللوز الفور وطفي الفوقاني لما يحمار من الجوانب طفي التحتاني اشعلي عليه من الفوق باه يتحمر مليح لازم يكون لون انتاعو كامل بني اخرجيه من الفور مباشرة سقيه بالشاربات اللي تكون باردة :eek:_o: كيفاش تكون باردة وهو حامي اتركيه يتشرب الشربات شي ساعة ونص اواكثر كيما حبيتي

فيما يخص الشربات :
ضعي المقادير على النار ومن لما يبدى يغلي احسبي 5 دقائق :eek:_o:ركزي:eek:_o: قلت 5 دقائق :eek:_o: وطفي عليه اتركيه يبر د ومن بعد سقي بيه لما طلعي الصينية من الفرن
وهادي بعد ماطاب وتشرب اشربات
attachment.php


تبعو خطواتي واللي تنجحلها تدعيلي والله انا جربتها والله حاتا اداوسنا عليه والسنيوة كملت في نهارها
عذرا على الشرح المفصل بصح هادا هو طبعي استاذة لازم نفهم مليح ونبسط المعلومة ههههههههه
شهية طيبة وردولي الخبر
عفاف الجزائرية نتمنى ختي كون غير تسييه وترديلي الخبر هاد رجائي عندك
 

المرفقات

  • DSC00014.JPG
    DSC00014.JPG
    639.4 KB · المشاهدات: 735
  • DSC00015.JPG
    DSC00015.JPG
    633.6 KB · المشاهدات: 760
مممممم يشهي
يعطيك الصحة ختي
بارك الله فيك
 
اممممممممممممممممممممممم
جاري التجريب
 
اخت حبيت نسقسيك مافيهش زبدة فلعجين
شكرا
 
نجربها الا كتب ربي ان شاء الله
يعطيك الصحة
 
راه ايبان اشباب والله اعلم المهم يعطيك الصحة على المجهود انتاعك
 
تسلم اديك أختي
ونجربها ان شاء الله
 
السلام عليكم
نسقسيك اختي. مانسيتيش السمن؟
انا ما ظنيتش قلب اللوز يندار بلا سمن؟
انا مالفة نديرو بصح ندير فيه 8 مغارف كبار سمن ويجيني مليح بالبزاف
 
سلام ختي بارك الله فيك وربي يجازيك
بصح حبيت نسقسيك كيلة مثلا غرفية نتاع شربة

وزيد في الشاربات 1/2 كيلة تيكلي بلي كيلتي بهم السميد
ولا نص كأس ماء زهر
الشربات :2.1/2كيلات ماء 1/2 كيلة ماء الزهر 1 كيلة سكر
فهميني في هذي 2 كيلات ماء ولا 1/2
ااااه زوج كيلات ونص ياك ؟
بصح كيلتي بنفس اللي كيلتي بهم السميد ياك

شكرا مرة اخرى حنونة
 
امممم باينة بنينة تشهي
لازم نجربوها... شكرا ليك
 
اممممممممم غدوا ان شاء الله نديرها ضرك فات الوقت باش ترتاح
ونردلك
وشكرا استاذة نقصد ختي ههههههه

 
ychahi khti jamais njaht fih nchallah njarbou w nradlak lakhbar
 
شكرا لك باينة عليها بنينة بص انا راح نجربو و نستعمل فيه السمن بدل الزبدة لانو حسب راي بالسمن يجي احسن من الزبدة شكرا لك.
 
الله يحلي أيامك حبيبتي
هذه دعوة من عندي قبل ما نجربو،
وكي نجربو إن شاء الله راني نزيد ندعيلك
 
merciiiii beacoup
 
شكرا اختي على الوصفة ربي يجازيك كل خير ان شاء الله نجربها باذن الله
 
قلب الوز

اممممممممممممممممممممممم
جاري التجريب
شكرا عالمرور منورة يا الزينة جاري التجريب :sheer::showoff::showoff::showoff::showoff:شدي اهمة وردينا اخبر برك احذري الخطوات مليح
ربي يعاونك
 
قلب اللوز

اخت حبيت نسقسيك مافيهش زبدة فلعجين
شكرا
لالا يا الشاطرة مافيهش الزبدة العجين فيه برك وين درتي فالسنيوة ولا كي تسقيه شوية من الفوق :sheer::sheer::sheer: هدا مكان
شكرا على امرور
 
آخر تعديل:
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top