الرشتة بجميع المراحل من مطبخي

l'algeroise

:: عضو مُشارك ::
إنضم
20 ماي 2011
المشاركات
492
نقاط التفاعل
403
النقاط
23
مكونات العجينة:
دقيق
ملح
ماء
لعجينة جي ناشفة متكونش جارية
440763928.jpg

تحليها بالحلال

985511533.jpg

تحليها فالمشينة تاع الرشتة بالترتيب في رقم 1- 4- 6 -8 أو 9
517200022.jpg

تحطيها تنشف ماشي حتى تولي تتكسر
812397161.jpg

تحليها
88577594.jpg

تفوريها مرة هدا شكلها بعد التفويرة الأولى
955723124.jpg

تحليها بالزيت منبعد تفوريها مرة ثانية
تزيدي تفوريها مرتين كل مرة تشمخيها بلماء
ترشيها بالماء زهر و شوي قرفة ثم تفوريها للمرة الأخيرة
يعني كلش 5 تفويرات

مكونات المرقة:
بصلة مقطعة قطع صغيرة
سنة ثوم
ملح
فلفل أسود
عود قرفة
حمص
لحم أو دجاج أو في زوج
تقليهم في الزبدة و الزيت
قرعة (جريوات) + لفت

981407293.jpg

هذا شكلها النهائي
645715900.jpg

714660370.jpg

ملاحظة
تقدري توجديها يوم أو يومين من قبل بصح تفوريها مرة وحدة برك تحطيها في كيس بلاستيكي و تحطيها فالثلاجة كي تكوني رايحة طيبيها تكملي تفوريها 4 تفويرات لي بقاو

ملاحظة
كاين طريقة أخرى للتقديم تحطي الرشتة في صينية تفرغي فوقها المرقة و دخليها للفرن حتى تشرب المرقة (أنا شخصيا مجربتش هاد الطريقة بصح لي جربوها قالو جي بنينة)
 
آخر تعديل:
صح فطورك
أعطيك الصحة ويسلم هاذوك اليديوات


تبارك الله عليك
 
خموس اعليك اختي الجزائرية
اعجبتني الطريق والشرح واضح جدا
بارك الله فيك
 
يعطيك الصحة اختى لالجيغواز جاتك روعة ابدعتى
مي قوليلي بعد ما ا تحليها اسكو تخليها تنشف يعنى تيبس كيما الشخشوخة
 
يعطيك الصحة لالجيرواز رشتة وعليها الكلام
 
صح صح افدتيني بيها اختي لالجيرواز
ربي يعطيك ما تتمناي
ومنكم نستفيد
مشكورة على الشرح الوافي ولاكافي
ان شالله كي نطبقها نوريلك تطبيقي ليها
 
امممممممم هايلة يعطيك الصحة تشهيييييييي
 
شكرا على الرشتة يا الدزيرية
 
يعطيك الصحة على الشرح الوافي والكافي
بارك الله فيك
 
يعطيك الصحة اختى لالجيغواز جاتك روعة ابدعتى
مي قوليلي بعد ما ا تحليها اسكو تخليها تنشف يعنى تيبس كيما الشخشوخة

الله يسلمك أختي faloussa بلامزية
لالا ماتخيهاش تيبس تحلي و تفوري بشوي المرة الأولي ديري شوي في قاع الكسكاس حتي يخرج لففار باش تزيي تحطي شوي فوقها و هكدا حتى تخلاص يعني ما تفوريهاش كامل على مرة تتعجن
 
امممممم مشكورة على الوصفة الرائعة وطريقة الشرح الله يبارك لالجيرواز تشهي
 
أم إيناس عفاف الجزائرية رنيم الصمت روز أم ندى tassnim بلا مزية الله يسلمكم شكرا على المرور
 
خايلة للجرواز يعطيك الصحة
 
بارك الله فيك لالجرواز اممممممممم جاتك هايلة
مشينة عندي نجربها ان شاء الله
منبقاش نقلهم ابعتوهالي
 
كاين اللي يدير الفرينة مع الدقيق
اليوم ان شاء الله نديرها كثر خير
و يعطيك الصحة و جعلها الله في ميزان حسناتك
 
imane ibtessem الله يسلمكم
labed93 بلا مزية ختي لا لا أنا جامي درتلها الفرينة
 
سلمت يداااااااااااك وصح فطورك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top