هدا على واش انت راك حاب
الفرع الثاني ليست لدي اي معلومه عليه
علوم المادة بما اني نقراها نقدر نقولك عليها شوي
ادا كنت بيان في المات و الفيزيك علوم المادة راح تكون شوا مليح ( او علوم و تكنولوجيا )
فيها فروع و تخصصات مليحة في كل ما يخص الفيزياء النظرية بالتحديد و الكيمياء التجريبية اضافة الى فروع الجيوفيزياء
بالرغم من انو كاين بزااف الي راهم يقراوها مي عدد المتخرجين قليل بسبب كثرة فروعها في الماستر
و صعوبتها نوعا ما بعد التخصص
من سلبياتها هي ان معظم تفرعاتها هي نظرية ( فرص عمل منعدمة بعد التخرج ) كلها تخص مجال البحث العلمي ، او التدريس هذا في الفيزياء
الكيمياء ايضا لا بأس بها خاصة فرع كيمياء الادوية بماستر تقدر تخدم في مصانع انتاج الادوية
و راك علابالك كاين صيدال برك
الجيوفيزياء احسنهم من ناحية المستقبل حسب ما اعلمه
اما ادا كنت تحوس تخصصات غير نظرية علوم و تكنولوجيا احسن من علوم المادة في هدا المجال