اغيثوني سريعـــــــا...أنــا وصديقتي وشرفي...........؟

نتــــــــــاشا

:: عضو منتسِب ::
إنضم
11 سبتمبر 2009
المشاركات
55
نقاط التفاعل
1
النقاط
3

السلام عليكـمـ ورحمـة الله وبركاته


يا جمـــــــاعة اللمة جيتكمـ اليوم باش تعاونوني في المشكــل ديالي اللي راني شايفاتو عويص ، والحل ديالو مالقيتوش.
أنـــــا نقرا في الليســي وهاذ العام باذن الله الباك ، الحمد لله أنــا معروفة في حومتي وبين الجيران و الأصدقاء وحتى في الليسي بأخلاقي العالية والانضباط والحمد لله يارب، والمشكلة ديالي بدات من العام اللي فات في بداية السنــة، وللعلمـ أنــا عندي صاحبتي من اولى ثانوي واحنا نقعدو كيفكيف وهي صاحبتي لانتيـم وهي مربية واخلاق ماشاء الله ، وأنـا وهي دايما الأوائل في قسمنـا ، لكن المشكلة هنا هي في أول العام الدراسي تاع السنة ثانية ثانوي ، كي دخنا نقراو دخلو معانا زوج بنات جدد معيدات ، المهمـ كانو دايما جابدين روحهم ومايدسروش ، وخطرة قاللهمـ الأستاذ ديالنا لازم تتأقلمو مع لبنات تاع القسمـ وتقسرو معاهمـ ، المهم هاذ الزوج بنات بداو يتقربو منا انا وصاحبتي وهنـا بداية القصة، كانت وحدة منهم قريبة من صاحبتي ولوخرا قريبة مني بزاف ، وخطرة على خطرة كنا نتبادلو لبلايص هي تقعد معايا وصاحبتها تقعد مع صاحبتي ، حتى ولينا مداصرين بزاف ، المهمـ انا في الفترة بين 12-1.30 مانوليش للدار نقعد في الليسي نفطر وهي تقعد معايـا ، ومبعد اكتشفت بلي طريقها كي نولي للدار هو نفس الطريق اللي نجوز منو وولينا نطلعو كيفكيف للدار ، وصاحبتها تطلع مع صاحبتي، ومع اليومين اللولين كي كنا نروحو كيفكيف بديت نكتشف بزاف أمور ، أولا هي تماكيي بزاف وحوايجها مزيرين وتلبس طالون، وهذا اللي خلى الشباب كي نمشو فالطرق يقولولها كلام صراحة انا جامي سمعتو في حياتي كلام بذىء ، ومعاكسات غير متناهية ، صح انا يعاكسوني بزاف ماننكرش بصح جامي واحد قالي كلمة طايحة كيما هي ، ثانيـــا والطامة الكبرى ، كان واحد الشاب يتبع فيها وهي مدتلو النميرو ديالها والأسوء من هذا ولات تركب معاه في الطوموبيل.............. أنــــــا صراحة هنا حبس راسي ماوليتش قادرة نستوعب واش راه يصرا ، وزيد بالزيادة تركب معاه من حومتي معنتها ولاد حومتي يكونو شافوهـا وراح يقولو عليــا بلي انا كيما هي ، والمثل يقولو قولي شكون صاحبكـ نقولك شكون انت.
علمـــــا أنــا والله العلي العضيمـ جامي في حياتي مشيت ولا كونت علاقة مع اي واحد الا في حدود الزمالة والحمد لله ، وهي عمرها ما اثرت عليا ، المشكل انا كي حكيت لصحاباتي ولخياتي قالولي اجبدي روحك منها وماتزيديش تدصريها ، مثلا قالولي قوليلها بابا يجي يديني ولا اهربيلها ، مي أنــا والله غير نحشم نحرقها فلوجه ، زيد هي طفلة بزاف مليحة معايا ونية بزاااااف نحسها بلي بهلولة واللي يجي يتمسخر بيها خاطر هي نيـة ، على هاذي غاضتني باش نديرلها هكدا ، مي راني خايفة على الشرف ديالي اللي راهو في اللعب ، خفت لوكان يجي يخطبني كاش واحد ويسقسي عليا يقولول الطفلة هادي صحبتها تركب مع الرجال ويدي عليا فكرة مشي مليحة .
المهمـ أنــا هدرت معاها وقلتلها ماتزيديش تركبي معاه من حومتي فهمتها مليح وقالتلي داكور نولي نركب معاه من الفوق باش مايشوفوهاش ولاد حومتي ، يعني المشكلة هاذي انحلت مي في الطريق والله غير السمير كامل ليجان يديرونجيو فينــا حتى هبلت ، وزيد بالزيادة صاحب صاحبها هبلني قالي من قبل وقلتلو لالا انـا مانمشيش غير هني روحك ، مي هي عندها نيميرو ديالي خفت تمدهولو خاطر قلتلكم بلي هي نية .
المهمــ تعيشوا عاونوني راني ماشي مليحة نفسيــا وهاذ المشكل اثر فيا بزاف ، وقلولي واش هي النظرة ديالكم للطفلة اللي عندها صاحبتها كيما هاذي؟؟
اسكو راح تقولو عليها كيما هي ولا لا؟؟
تعيشوا عاونوني في اقرب وقت ممكن راني نستنى ردودكمــ على نار


تحيــــــــــاتي ليكم...
 
السلام عليكم
اختي ماتقلقش روحك
انت ماغلطتش غير كي داسرتها يااسر وطلعت ومشيت معاها
لو العلاقة داخل الليسي كان خير
ولدركا ماكان ان شاء الله والو
انا من رايي تسحبي روحك منها شوية بالشوي وتحاولي تخلي علاقتك بيهخا غير داخل الليسي
وتحاولي تنصحيها تشد في روحك وبالاك هذا الي مخليها تعاود لاني
حكاية النيميروتاعك ماوش مشكل الا مداتهولو خلي واحد من لافامي يرد عليه

اختي انت مقبلة على الباك ماينفعش تقلق روحك بهاد الصوالح
اخطيك منها وارجعي لصاحبتك الانتيم
الجيران والناس الي تعرفك صح ماراحش تقول حاجة ماوش متاكدة منها
الناس الباقيين ماتهتمش بيهم
خلاصة كلامي
اقطعي علاقتك بها وهذا مايعنيش تتخلاي عن النصيحة
مي بلاما داصريها او تخرج معها
ربي يوفقك وينجحك ويكتبلك السلامة والسعادة
 
السلام عليكم ورحمة الله تعالى وبركاته
اهلا اختي شوفي اول شيء لماذا تقربت منك أنت بالذات وصديقتك
والله ربما ربي بعثهم ليكما انتما بالذات لنه يعرف اخلاقكم
ومثلما ذكرت اخلاقكم طيبة
أذن فلماذا لايكون العكس حــــــــولي اول شيء تحدثيها في هذا المجال بأسلوب جميل
بعيدا عن التعنيف والقســـــــــوة
ومثلما ذكرت واضح انها طيبة يعني ربما لم تجد في حياتها من يأخذ بيدها الى بر الأمان
وهنا مشكلة أصدقاء كثر تخلوا عن زميلاتهم وكان مصيرهم الهلال
اول خطوة حاولي أن تتقربي منها وتحديثها انه طريق غير صحيح ولن يدوم
فالطريق الصحيح ماذا يقول
ونحن مقبلين على شهادة البكالوريا
والأهل والعائلة ينتظرون منا النجاح
فهل نكافئهم بالفساد
وبعدها ان لم تتبع خطواتك فأبتعدي عنها قليلا لكن دائما أبقي سند لها
خاصة انها تدرس معك وأكيد سوف تأخذ كثير من صفاتك بأذن الله
ومن حقك القلق لأنها في الأصل اختك وأنت أولى بنصيحتها
بالتوفيق أختي
وربي يحميكم

 
سلام
تعرفي ختي على عنوانك انا والله غير قلت مشكل عويص صح.... نقرا ونزرب
ايا الحمد لله سي با gـــراv
شوفي اختي الانسان لي ماشي مليح مافيهاش عيب تلارgـــيها وتهجرها وتجبدي روحك منها بكل بساطة
لانو العقليات ماشي متناسبة بيناتكم وهي طبعا رايحة تعرف السبب ياما تريقل روحها واما لا لا واما هي تحس وتجبد روحها
بالنسبة لنظرة الناس ليك هنا متنسايش بلي ربي راهو يمد على حساب القلوب ،مادام قلبك طيب وتخافي ربي ،رايح يعمي قلب اي انسان رايح يهدر فيك
+
ناس بكري يقولو،، لي مافي كرشو التبن مايخاف من النار،،
ماعليك غير تتبراي منها بطريقة عادية كي قتلك هي رايحة تقتانع بالشي لي رايح يجيها خاطر علابالها بلي راهي في الطريق الاعوج.
ومن حقك تحافظي على سمعتك واخلاقك .
ربي يسترك ويوفقك .
 
سلام
ديري السبايب واجبدي روحك هاو نعلموك كيفاه تليكيدي ثاني واحكي ليماك نظن بلي راح تنصحك كثر منا كامل ...........ربي يكون في العون وغير صحبتك ماتفرطيش فيها وديري كيما انا
وتاني اذا حبيتي تليكيدي العبيها معقدة مندوبة عقلية بريمي عقلية تاع الحضانة ليسونسيال تخطي راسك .......ربي يوفقك في الباك
 
ياختي مدام قلتي نية وناس ملاح وزيد هي صديقة
يعني من واجبك تنصحيها وتنعتيلها الطريق
مرضاتش اجبدي روحك عليها من غير متحس مثلا قوليلها شافك بابا طالعة في الطوموبيل مع الراجل
قابضني و قالي منزيدش نلقاك معاها
وحكايات كيما هك
وربي يوفك ياختي

 
وعليكم السلام ورحمة الله وبركاته ومغفرته

أخيتي الكريمة :

بداية :

اقطعي صلتك بها نهائياً وفورياً ولا مانع من إسداء النصيحة لها من بعيد دونما أن تتقربي منها

الأمر الثاني :

خذي احتياطك وغيري رقم هاتفك وهذا لن يضرك بشيء وخلال فترة قصير سيتعرف من تريدينهم أنت على رقمك

الأمر الثالث :

حصني نفسك بنفسك فبلباس شرعي ونقاب تستطيعين قطع الالسن عنك والمعاكسات وهذه نصيحتي لأخواتي كامل

أخيراً أخيتي عليك إخبار أهلها في بداية الأمر خشية تفاقمه ولكن بطريقة ذكية ولطيفة

والتفتي لدروسك ودعكِ من هذه وهذه
 
حنونا خلعتيني كي قلتي مشكل عويص مي المشكلة راهي في يدك انت طوليها تطوال قصريها تقصار
شوفي اختي اما تنصحيها او بعدي عليها المتل الجزائري يقول الباب لي يجي منو الريح سدو واستريح
خليها خير ماتتعودي عادات سيئة منها وكيما راني نشوف بلي انت ناس ملاح غير اخطي المشاكل وانت تسلكي ان شاء الله
 
أهلا بيك ناتشا
يا قصتك هذي انا مانسميهاش مشكل، امر ساهل بزااف والحل تاعو أسهل وبيدك
نقلك الحاجة ألي ضرت بزاف من الناس هيا الحشمة الزايدة، انك تحشمي تقوليلها وتحشمي ووو
هذي مايسميوهاش حشمة هذي يسميوها خجل والخجل مذموم
راكي قلتي المثل قلي شكون صاحبك نقلك شكون نتا وهذي النظرة تاع الناس كامل تمشي معاها راكي كيفها لنو ماكانش منها هيا بمدأ ونتي بمبدأ ونتوما صحابات
وحتى نتي واثقة من نفسك راح تكركرك معاها لامحال ولا تمد النيميرو تاعك المهم راح تضرك
وإذا ماضراتكش مباشرة راح تشوفي وتسمعي وتسخفي ؟؟؟ ....
الحل تاعك فوتيها وصارحيها وفرغي قلبك وأجبدي روحك
عندك فرد حل وهذا هوا
ماديريهش راح تحرقي روحك
والطفلة ألي تركب في السيارات ماشي مليحة بزااااااااااااااف ....
ثبتي روحك وحلي عينيك
 
ياختي مدام قلتي نية وناس ملاح وزيد هي صديقة

يعني من واجبك تنصحيها وتنعتيلها الطريق

هذي هدرة باهية والتفاتة مليح
تقييم
 
انصحيها مادام هي نية والا ماجبدتش روحها اجبدي انت باي طريقة
 
انتي قلتي عليها ناس ملاح ونية مالا حاولي تعاونيها وترديها للطريق
واذا محبتش في رأيي تبعدي عليها وتتهناي
ياخي يقولك ابعد عن الشر وغنيلو
وبالاكي تأثر عليك الطفلة هذي
السمعة تعك راهي اولى من الصداقة
وربي ينجحك في الباك
 
والله شوكيتيني اختي ... مي انا نظن راكي في مرحلة مهمة جدا جدا وراكي خدمت 15 سنة باه توصلي ليها , ماشي في الاخير تجي وحدة كيما هاديك بهلولة تفسدلك واش بنيتي
اذا ما عليك غييير انصحيها وقولها بلي واش راكي تديري فيه راه غلط وانا ماعيشش هكذا اذا قالتلك ايه كملي معاها بالعكس مادامك تعرفي تقراي تقدري تعاونيها وتديري في بدل الخير خيرين ولا ثلاثة
الاولى تبطل عوايدها وتفييقيها
والثاني تنجح هذا العام
والثالث انت تنجي وماتلقايهاش في شرفك

وهذا مجرد راي تقبليه بقبل مفتووح ^^
 
اختي مانطول عليك ما نقصر الي يكثر الصحاب يقعد بلا صاحب مدام راكي اتقولي عندك حبيبتك ماللول اخطيك من هادي الطفلة اذا كانت هي نية حنا كامل نية ما تامني حتى واحد اختي خوذي نصيحتي بحسب تجريبتي عرفت بزاف ناس و مزاف نعرف بزاف بنات مالي كنت فالليسي و حتى درك كي راني في 4 سنين فالجامعة لكن عندي حبيبة وحدة ماشي عشرة يقولك كثر المعارف و متكثر مالصحاب و الفاهم يفهم
انتي بعدي عليها عندك الباك هاذ العام التهاي بيه و خليك م الناس
 
choufi hanouna golihala felwejh lakhater hado lebnat mayfahmouch rir belmouajaha
wnzid ngolek nti li niya pcq l3abd li ykoun niya maydirch elmdayer
golihala 9ebel matbasik
bayna bli mahich ta3 9raya
ida raki haba tdi lbac wajehiha wmatkhafich marah tdirlek walo okhzri fi 3ayniha wgolilha matzidech tdor bik......etfakri rir waldik koun tbasik bhaja wya3arfo darkom.....ejri sarhiha wekhtiiiiiiiiha golilha had el3am bac whaba nenjah....
yak wmatkhafich wmatehchmich pcq esom3a ta3k rahi fla3b
yethal had elmoshkil bi idn allah
bonne courage nchalah tdi lbac
 
السلام عليكم ورحمة الله تعالى وبركاته
اهلا اختي شوفي اول شيء لماذا تقربت منك أنت بالذات وصديقتك
والله ربما ربي بعثهم ليكما انتما بالذات لنه يعرف اخلاقكم
ومثلما ذكرت اخلاقكم طيبة
أذن فلماذا لايكون العكس حــــــــولي اول شيء تحدثيها في هذا المجال بأسلوب جميل
بعيدا عن التعنيف والقســـــــــوة
ومثلما ذكرت واضح انها طيبة يعني ربما لم تجد في حياتها من يأخذ بيدها الى بر الأمان
وهنا مشكلة أصدقاء كثر تخلوا عن زميلاتهم وكان مصيرهم الهلال
اول خطوة حاولي أن تتقربي منها وتحديثها انه طريق غير صحيح ولن يدوم
فالطريق الصحيح ماذا يقول
ونحن مقبلين على شهادة البكالوريا
والأهل والعائلة ينتظرون منا النجاح
فهل نكافئهم بالفساد
وبعدها ان لم تتبع خطواتك فأبتعدي عنها قليلا لكن دائما أبقي سند لها
خاصة انها تدرس معك وأكيد سوف تأخذ كثير من صفاتك بأذن الله
ومن حقك القلق لأنها في الأصل اختك وأنت أولى بنصيحتها
بالتوفيق أختي
وربي يحميكم

كلام صحيح وأقرب للصواب
والعلم لله
 
يعطيكم الصحة يا خاوتــــــــــــــي ، راني فرحانة بزاف بالنصائح ديالكم اللي
راح نعمل بيهــا انشالله.
انا قررت غدوة باذن الله ولا بعدو نواجهها ونقوللها بلي الطريق اللي راكي ماشية فيه غالط حتى اذا زعفت مني معليش انا راني حابتلها صلاحهـا، وانشالله تسمع مني وخلاص

ربي يحفظكم كامل

تحياتي........
 
كاين ناس من هدا النوع هوما نية بصح عاجبهم الحال هكاك

مالا انتى انصحيها لوجه ربى او مام تو اجبدى عليها

جربى ديريها ماشى صعيبة

 
السلام عليكم
شوفي انا نهدر على وجهة نظر شخصية بغيت طبقيها على روحك بغيت تشوفي مخروجك بالنسبة ليك كونك هانية بلي مادام يعرفوك تاع حومتك بلي يشوفوك معاها ماشي معنهاها راكي كيفها بكري كانو هاك اما دروك يا حبيبة الناس راها تعرف الداسة و المدسوسة و علابالهم بكل شي انا نقولك و نزيدك صحاباتي كيما دارو ماشي عقليتي هوما في طريق و انا خاطيتهم و كنت مصاحبة ما اكتر من هاداي اللي راكي تحكي عليها بصح بنات الفاميلا بجو باينات و كيما قتلك الناس دروك ماهيش غافلة علابالهم بكل شي
و نزيدك كي تخالطي هاد الشيرة ماغاديش تولي كيفهم العكس تعيفيهم و تعيف الطريقة الللي عايشين بيها لاخاطر تولي تعرفي وحد الصوالح اللي واحد اخرى ما تعرفهمش و تبانلها بلي نورمال بصح انت لا علابالك بلي الطريق هادي ماشي دايمة
ربي يسترك و السماح على اللي طولت
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top