منتدى اللمة الجزائرية - تعرف على الجزائر من أهلها  
ناس ملاح
العودة   منتدى اللمة الجزائرية - تعرف على الجزائر من أهلها > الأقسام الإداريـة > أرشيف المواضيع المكررة والمخالفة

الملاحظات

أرشيف المواضيع المكررة والمخالفة خاص بكل المواضيع المخالفه لقوانين المنتدى والأقسام أو المكرره , بحيث يتم نقلها الى هنا مع إيضاح سبب النقل من قبل المشرف . لذا نتمنى أن يتم الاطلاع على القوانين وإستخدام البحث حتى لايكون موضوعك في هذا الأرشيف بلا جدوى وفائده .

بوقالات جزائرية شعبية

  #1   
قديم 22-10-2011, 10:53
الصورة الرمزية الإفتراضية
:: عضو مشارك ::
loula1 غير متواجد حالياً  
بوقالات جزائرية شعبية


صباح الخير و صباح الورد والفل و الياسمين *******************hay:
واش راكم يا اهل اللمة نتمنى تكونوا بخير*******************hiny:
اليوم جبتلكم مجموعة من البوقالات الجزائرية لي نتمنى انها تعجبكم*******************heer::
قبل ما تهبطوا خيروا رقم من 11-100
.
.
.
.
.11- نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا


12-طليت على البحر وشتكيتلو همي أنطق ليا البحروقالي فرج ربي وبحبك سالم غانم والتكلان على ربي ايلا أنت بحرأنـا حوتـة فيك ويلا أنت جنان أنا وردة فيك وايلا أنت تحبني أنا نموت عليك


13-حنة ياحنة يامعطرة بروايح الجنة جيني في السيرة والسنــة لـي هـبل

14-خرجت فـي نصـاف الـيالـي وطلـبت معبودي قلت يـاربـي اجمع شملي مع شمل محبوبي

15-جاء المعلم اللي والفتو وخياله بين عينيـا ذوك 100مـايجوش كـيف سيرتـو فـي العقليــة


16-حارجة من الحمام وخدودهـا يحمـاروا اللـي وريلـي دارها يعمرولوا داروا

17-غـالـي غالـي والـغـالـي ربـي مهمـا أتروح وتغيـب معزتـك فـي قلبـي

18-طلعت للسطح قلت لحبيبي بلاك تنساتـي ياخلبلي محبتك في قلبي كالجوهر الحقانـــي


19-هبطت لقاع البحر وحنيت يديهاوقلت ربي كملي متراني متمنية

20-نمت والله والمنام رؤيـة من عندي ربـي حمامـة بيضاء جات حطت عليا

21-مشيت الليل وحـدي وأنـا نبكي وأناأنـادي ياربي لعزيز سقملي سعدي

22-المنجل عمرو مايسوى القلب مايحب غير اللي يهوى

23-عينيك تـوت وحواجـبك يـاقـوت أنـا نديـك واللـي يبغـي يموت يموت

24-غرست ياسمينة فـي وسـط الـدار كـبرت ومـدت لزهار مابـيـا والو غير غدر الجار

25-عيني عي عين لحبيب ولسانـي حـاشـم تمنيت ندير الحنة ونزيد الخاتم

26-يـدى فـي يد خويا ويد خويا بالحنة واليوم سعدو هو وغدو ة أنا نتهـى

27-سفينة تجري توصيكم يابنات لاتاخذوا لبحري يرمي قلوب الشبكة بلا شفقة ويخلي دموع تجري وتجري

28-سفينة تجري توصيكم يابنات لاتاخذوا لبحري يرمي قلوب الشبكة بلا شفقة ويخلي دموع تجري وتجري

29-فمي فمك في الكاس وسري وسرك واش وصلوا للناس سري زجاج اذا تكسر خلاص

30-حبطت لقاع جنان صبت لملاح الرقود تقسمت الدالية واتنهد العنقود غالي والغالي مها تروح وتغيب

31-حبك فـي قلبـي وعليـك ياحبيبـي أنـا قـاقبلــة نقبل ونتوفــى

32-أرفت أبريقـي وترضيــت وربـي أعطــانـي ماتمنــيت

33-كـي تلقـا المليح مع المليح يتوادو البنينة وكـي تلاقا المليح مع الدوني يشبعو الغبينة وكي تلاقا الدوني مع الدوني يغرقوا السفينـة

34-حبطت لقاع البحر لقيت البحر يغلي خرجت لي جنية قالت لي واش بيك ياسعدية حبيبك جاي وجايبلك هديـة

35-السمرة ياسمرة يالـي حلـوة كــي الـتمـرة عـيونـك شهلـة ولسانك جمرة

36-كنت كي الوردة المذبالة جاء حبيبي وغير الحالة ياخويا الحب راه كواني ودواه راه شفاني

37-وفي زمـاني ولهانـه يالوكان تجي وتجيني وتديني معاك وماتخايني راني في الحب عشقانـة

38-الدموع من العيون سيالة والقلوب دايرة وجوالة وانا نتعذب ونفاسي ونقول وين حبابي وين ناسي ونقول ياليل ياعين

39-نديك ونعيشو هانين ونطلعوا للقمر ونقول ياليل ياعين

40-قال والله نديك باه نولي هــاني هربت من جاني هربت ملهية جاني

41-نوضو يانايمين بنات السلطان جايـيـن فيهـم واحـدة زينـة الزيين تعشق الحواحب والعيــن

42-يابـع المحـاحب ويامقرون الحواجـب ويـن الحبيـب وين الـصـاحب ويـن القلب راه ذاهب


43-الدنيا ولات صعيبـة وماالصعب تلقـي حبيبـة جنبـك مع جنبهـا ولي طيح فيها تلقها ذيبـة

44-وينك ياغزالي وينك ياعزالي عودلي واشفق علىحالي غيابك عذاب وشوقك ناروالحياة بلابيك ماتحلالي

45-عذبني وحـرق لـي قلبـي والشكوى لمـن يانـاس الشكـوى لمن ياناس الشكوى غير لربـي

46-دايظ علي باب كارنا يرمي في حب الملوك قالك ياللة مايشريني بوك قلتيلو الحر مايتباع طم الذهب على الذهب وماتكون طماع قالي

نخدم عليك ونصرف الغالي وعلى بنت الرجال نخسر رأس المال

47-بخط يدو معلم قالي راني بعيد بصح من قلبك راني قريب وان شاء الله مانعود بعيـد سلامـي للحبيب بعثتـو فـي ورق ذهـب كتبتو وبحروف فضـة رشمـت رد عي السلام مسلم

48-الناس بلحبيــب والناس على الفرحة أتهني وأنـا الغرام الـي ملكنـي

49-ياقايدن الشموع هاكو ا شمعة قيدوها بالاك الغايب يعود والفرحة نعاودها


50-ماتعجبك ورقة الدفلة فالغابة دير الضلايل ومايعجبك زين الطفلة حـتـى تشوف الفعايل

51-ياعلي علي يالي أسمك غالي رجع روحك طبيب ونجي وأجي تشوف حالي نفرشلك فراش حريرونغطيك

52-عمتي ياعمتي واشبيك غضبانة اذا بيك علي الطعام راني شبعانة واذا بيك على الماء راني رويانة واذابيك على كحل العين مانديه غير أنــا
53-جازو علي 3 بنات يغرس فالزهر قلت لهم كي ينبت خلولي حقي قالت الولى هذا الزهلر منسوب وقالت الثانية الزهر مكسوب وقالت الثالثة نشوف المكتوب وأنا عقلي مشا مع المكتوب

54-ضحكو وضحكت معاهم وكليت ملحهم وبعد يمات كذبوني شربولي لمرارندمت علي عرفتهم

55-قلبي مهموم ملقيت لمن نحكيه حكيتوا لبنات عايروني بيه

56-مشيت مشيت حتى عيت جربت مع مليح والدون بصح مازال مالقيت اللي يولمني يحمل طبايعي ويديرني امرة في البيت فرج ياربي وابعث لي الراجل لي تمنيتوا

57-أنا شابة ومهري غالي واللي يبغني يديني يحسب النجوم ويسهر الليالي ويبنيلي قصور العلالي وايلا بغا الغالي نجبلوا بنات والدراري

58-جيتكم يالوالدين بجاه النبيلا تخلو يطول عذابي أنـا نبغيها وزينها هـو سبابـي

59-اللي جرحلي قلبي ودواه واش مالعين تلقاه نطلب من ربي الفتاح يخلوني نرتاح ونحل بابي نرتاح

60-رديت دفة على دفة وطويت فراشي لفة على لفة انتا سعدي شمعت لا تطفى

61-درنـا كبيرة وسورها عالي الخير ديما فيها دايم يارب ياكريم احفظ ذاك الخيروالنعايم

62-الناس كسبت الشطب والحطب وأنا كسبت الطير لمنقارو فضة وريشو ذهب

63-العقل سواها والدم في العروق دورها وفي الكبدة فورها وأدها للقلب رسمها وعلى اللسان خرج أسمها

64-ركبـت فوق السبـع ودليــت رجلــي لـي سـاجـي يدنـا ليــا

65-زوج سبوعـة متفاتنين عليـا قالولي مالكي يابنيةحاجتك بين الحد والاثنين مقضية

66-كوات قلبي بالجمر ثلاث بنات يغسلو بالصابون وحدة دايرة كالشمس والثانية دايرة كالقمر والثالثة نجمة

67-خرجت العروسة في يـد وردة الجوهر والمرجان حتي لوذنيها حتى بقا و مدهوشين فيها بصح غير اللي يعرف

68-زرعت قدام بابكم زريعة القصبر هذي على بنتكم اذا كانت تصير بنت الحسب والنسب الي فيها نشكر وكلامي عليها ديما كالعسل

69-البير بيرى ويشرب منو غير اللي يبغيني والي يعرف قيمتي هو الي يديني

70-سيدى الطالب ديرفيا مزيـا جبلي هذاك الشاب الي مابغاش يخزر فيا أناشابة وزينة بصح زهري دارهابي بيا

71-سلمت سلامي للزينة في ورق التشينة قلتلها مازالكي في القلب ديمة

72-أسمها مريم وسموها مريومة القلوب منها مهومة والله ماكان زين كيفها فالحومة أنا نحب مريم ونموت على مريومة

73-جعلولتي عالية في وسط الدالية والدالية بالعنب والساقية بالحوت أعطوني بنتكم ولانطيح نموت موت لابغيت تموت بنتا صدقها غالي 100 حبة لويز و100 حبة سلطاني

74-خردت يوم الجمعة في يدها شمعة قاصد الوالي نطقلي ملاك من السماء قالي روحي يابنتي حاجتك مقضية بربي والنبي العربي

75-حبطت لقاع البحر ولقيت الرمل يابس بديت نحفر واندير فالمحابس أنوصيكم يابنات ماتدو غير الريس

76-القارص مانكلوشنخاف يشيني وشيخ مانخذوش يالوكان يغنيني نأخذ الشاب





77-وردة فالكاس يتخاطفو عليها الناس

78-جزت باب رياض نسرين نادالي الوردة على الباب والزهر عنقني

79-جايز على باب درنا يفصل في العكرى قلتلو ياشاب فصلي على قدي قالي حتى اتجي عندي نفصلك قاط مذهب وزيدلك مالعندي

80-مشي في خاطركم في خاطر الشاب لي معاكم يالي طالعين للجبل أدوني معاكم

81-خرجت بدر البدور طلقت الشعور زادت في جناني تمنيتها تكون في دارىتدخل وتخرج قدام عدياني

82-جارتي ياجارتي قلبي عليك وعيني فيك واش نعمل واش نواسي اذابوك ماقبل بيا

83-قعدتنا زينة فيها لحباب والنساب والبراني يقعد زاه قدام الباب


84-بابا بغى لي ولد عمي ويما بغاتلي ولد خالي وأنا قلتلها مانحذشغير لي يوتيني

85-قاعدين في الجنان بين الفل والياسمين قالي أنا نوتتك حلال ليا يابنية قتلوا اذا كان هكذا روح شوف خاوتي والديا

86-يرحم الضعيف ويعاون الزوالي يستحق الشكر من كل الأهالي هذا مايكون غير ولد خالي

87-حدودها وردي وشفايفها عكري وشعرها كحل توت ياناس أحسنو عوني أنا وجهي صفر من مسبوغة لشفار

88-ساس الرملة لا تعاليه ولد الناس لاتربيه

89-بنتي سومتها غالية وميديها غير راجل ولد حلالي

90-قالي نروح للبلاد البعيد ونجيبلك هدية باش تحني عليا يابتية قتل قلبي مايحنش حتى يشوف بعينيا

91-ترجمان ياترجمان ياورد كل اللوان جازوا عليا 3بنات واحدة رافدة الكابة والثانية ررافدة الكابة ولخرى رافدة حزام وأنا ديت شوشة سيدي فلان

92-قولو قولو و القول سابق فيكم أنا ديت الخمري أ 10 في عينكم

93-سميت سميتو والكبش ضحيتو اذا بغا ربي نعيا في بيتوا

94-كان صندوق من ذهب تودرولي *****و كل مانتفكر يرفدوني رايحاوا

95-تـوت ـ تـوت نديك ولا نـمـوت

96-قاعد معاها في التصديرة هو شاب وهي صغيرة الله يحفظهم مالعين والغيرة

97-كجلي كحل التوت والليل الياقوت أنا نحبها والي يحب يموت يموت

98-لوكان نعرف السعود ينغرس بالعود نغرس ستين عود من عودي واذا السعد منك يامسعود ياسقام السعود سقملي سعدي

99-الشاب طالع يفطر والعاتق طالعة تنشر تلاقات العين فالعين والقلب تكسر

100- الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا

*******************
و كل واحد يقولنا واش من رقم خير


رد مع اقتباسإقتباس
قديم 25-10-2011, 17:49   #2   
:: عضو مشارك ::
الصورة الرمزية الإفتراضية
roudi92 غير متواجد حالياً
افتراضي


18-طلعت للسطح قلت لحبيبي بلاك تنساتـي ياخلبلي محبتك في قلبي كالجوهر الحقانـــي



  رد مع اقتباسإقتباس
قديم 26-10-2011, 05:33   #3   
:: عضو فعال ::
الصورة الرمزية عليلو 24
عليلو 24 غير متواجد حالياً
افتراضي


شكرااااااا


  رد مع اقتباسإقتباس
قديم 28-10-2011, 08:48   #4   
:: عضو مشارك ::
الصورة الرمزية الإفتراضية
loula1 غير متواجد حالياً
افتراضي


******************* اقتباس *******************
*******************
المشاركة الأصلية كتبت بواسطة roudi92 *******************
*******************
18-طلعت للسطح قلت لحبيبي بلاك تنساتـي ياخلبلي محبتك في قلبي كالجوهر الحقانـــي
******************* *******************
شكرا على المرور *******************heer:


  رد مع اقتباسإقتباس
قديم 28-10-2011, 08:49   #5   
:: عضو مشارك ::
الصورة الرمزية الإفتراضية
loula1 غير متواجد حالياً
افتراضي


******************* اقتباس *******************
*******************
المشاركة الأصلية كتبت بواسطة عليلو 24 والكحلة H3 *******************
*******************
شكرااااااا
******************* *******************
شكرا لك على مرورك العطر*******************heer:*******************hiny:


  رد مع اقتباسإقتباس
قديم 01-11-2011, 16:36   #6   
:: عضو مشارك ::
الصورة الرمزية asmasousou
asmasousou غير متواجد حالياً
افتراضي


30-حبطت لقاع جنان صبت لملاح الرقود تقسمت الدالية واتنهد العنقود غالي والغالي مها تروح
merciiiiiiiiiiiiiiiiiiiiii


[IMG]sdc13513[/IMG]
  رد مع اقتباسإقتباس
قديم 01-11-2011, 22:41   #7   
:: عضو مشارك ::
الصورة الرمزية الإفتراضية
loula1 غير متواجد حالياً
افتراضي


******************* اقتباس *******************
*******************
المشاركة الأصلية كتبت بواسطة asmasousou *******************
*******************
30-حبطت لقاع جنان صبت لملاح الرقود تقسمت الدالية واتنهد العنقود غالي والغالي مها تروح
merciiiiiiiiiiiiiiiiiiiiii
******************* *******************
2r1 mrc a toi*******************hay:


  رد مع اقتباسإقتباس
قديم 01-11-2011, 23:05   #8   
:: مراقبة عامة ::
الصورة الرمزية روز
روز غير متواجد حالياً
افتراضي





بوقالات هايلين جاتني هادي:


36-كنت كي الوردة المذبالة جاء حبيبي وغير الحالة ياخويا الحب راه كواني ودواه راه شفاني


يعطيك الصحة +تقييم
على احياءك لتراثنا الجزائري



إذا ارتقت العقول بِـ أفكارها طابت الألسُن بِـ حديثها
والأصابع بحروفها

شهادة تكريمة - مسابقة أجمل مائدة رمضانية
  رد مع اقتباسإقتباس
قديم 02-11-2011, 09:17   #9   
:: عضو مشارك ::
الصورة الرمزية الإفتراضية
loula1 غير متواجد حالياً
افتراضي


******************* اقتباس *******************
*******************
المشاركة الأصلية كتبت بواسطة روز22 *******************
*******************


بوقالات هايلين جاتني هادي:


36-كنت كي الوردة المذبالة جاء حبيبي وغير الحالة ياخويا الحب راه كواني ودواه راه شفاني


يعطيك الصحة +تقييم
على احياءك لتراثنا الجزائري
******************* *******************
شكرا على المرور العطر و لك جزيل الشكر على التقييم*******************heer:


  رد مع اقتباسإقتباس
قديم 02-11-2011, 21:42   #10   
:: عضو مشارك ::
الصورة الرمزية الإفتراضية
(maroua) غير متواجد حالياً
افتراضي


18-طلعت للسطح قلت لحبيبي بلاك تنساتـي ياخلبلي محبتك في قلبي كالجوهر الحقانـــي


  رد مع اقتباسإقتباس
إضافة ردإضافة رد جديد

العلامات المرجعية

بوقالات جزائرية شعبية


أدوات الموضوع
طريقة عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] : متاحة
كود HTML : معطلة
المراجع : معطلة
التنبيهات : متاحة
المصادر : متاحة

 


الساعة معتمدة بتوقيت جرينتش +1 . الساعة الآن : 00:27.
التعليقات المنشورة لا تعبر عن رأي منتدى اللمة الجزائرية ولا يتحمل أي مسؤولية حيال ذلك ، (ويتحمل كاتبها مسؤولية نشرها).

Powered by vBulletin® Version 3.8.8.
Copyright ©2000 - 2014, vBulletin Solutions, Inc.
SEO by vBSEO 3.6.1 ©2011, Crawlability, Inc.
جميع الحقوق محفوظة ©2005 - 2014, شبكة فور ألجيريا - منتدى اللمة الجزائرية
!-- / thread rate -->