قلب اللوز و لا الشامية من مطبخي

الحالة
مغلق ولا يسمح بالمزيد من الردود.

merieme hassi

:: عضو بارز ::
أحباب اللمة
إنضم
25 جانفي 2009
المشاركات
2,897
نقاط التفاعل
72
النقاط
77


السلام عليكم
بعد غياب طويل اليوم جبتلكم طريقتي في عمل القلب اللوز
للامانة منقولة الوصفة و انا طبقتها
هذه الوصفة من اذاعة عين الدفلى للسيدة صليحة
و جربتها كانت الوصفة ناجحة 100/100 .
المقادير:
10 كيسان شاي سميد يكون خشين كيما تاع المقروط
5 كيسان شاي سكر عادي اي احرش
3 كيسان شاي ماء الزهر
قرصة ملح
ملاحظة:
راكي تلاحظي اختي انه كاس الي نشربو فيه الشاي هو مقدار التكيال عندنا .
الشاربات :
رطل سكر
1 لتر ماء
طريقة التحضير"
في قصعة حطي السميد + السكر خلطيهم مع بعض ثم ابداي تزيدي بالتدريج ماء الزهر رشي الكاس الاول و احبكي مليح بيديك لكن ماتعجنيش افركي بيديك برك و زيدي الكاس الثاني و ماتعجنيش رشي فقط و احبكي بيديك راكي رايحة اتلاحظي بلي السكر الي درتيه بدا يخرج في الماء و زيدي كملي الكاس الثالث حتى متحسييش بالسكر كي اتولي تحبكي في الخليط بلا ماننسى ديري شويه ملح. خليه يرتاح شويه مدة 10 دقائق و تكوني في هذه الاثناء حضرتي السنيوة اتاعك و ادهنتيها بالزيت بعثري الخليط في السنيوة بلا ما تخبزيه مسديه فقط من الفوق و ادهني الوجه بشويه سمن ثم قطعيه و زينيه بحبة لوز او كوكاو الشيء الي كاين
دخليه في الفور لازم ايكون اسخون بزاف و لما ايطيب خرجيه اتكوني وجدتي الشاربات بارده سقيه حتى ايعوم بعد ذلك غطيه بسنيوة و عاودي دخليه للفور و خليه يبرد عليه .
ملاحظة:
راهي رايحة تتشكل طبقة سميكة كي اتشربيه ماتخافيش منها السر كله لما تغطيه راه رايحه يطرى و الذوق اديالو ايجيك ايهبل.
و بصحتكم و كل عام و انتم بخير

















 
والله يا اختي ماعندي مانقول جاك يهبل راح نجربو ونردلك الخبر
 
يعطيك الصحة
جاك هايل
 
جاك رائع اختي مريم يعطيك الصحة نجربو انشاء الله خصوصا حنا ناس الغربة
 
امممممممممممممم
ربي يبارك قلب اللوز يشهي
 
12653013071411644944.gif
 
جا ماشاء الله اختي مريم يعطيك الصحة على الوصفة ان شاء الله نجربها
 
ممممم قلب اللوز هآآآيل يع ـطيك الصحة بالسآجية
تح ـيآتي ,, ~||
 
يعطيك الصحة
جاك هايل
 
يعطيك الصحة أختي جاك هااااااااااااااااااايل
وشكراا على الوصفة
 
مشكورة اختي مريم على الوصفة
تسمى مفيها لا زبدة ولا سمن
نجربها ان شاء الله
 
بارك الله فيك ..جاك رووووعة
بصح سؤال برك... العجينة مافيهاش ليدام؟؟؟ و الف شكر ليك
 
بارك الله فيك ..جاك رووووعة
بصح سؤال برك... العجينة مافيهاش ليدام؟؟؟ و الف شكر ليك
السلام عليكم
الله يحفظك حنونة
العجينو ما فيهاش ليدام مغير الي تدهني بيه في الاخير السر يكمن في السميد لازم يكون غليظ
 
الصينية الي عملت فيها هي تاع كويزينياغ حنونة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top