راني بين و بين و ماعلاباليش رايهم يديني لوين

amoulita@mosta

:: عضو مُتميز ::
إنضم
9 أفريل 2010
المشاركات
629
نقاط التفاعل
8
النقاط
17
السلام عليكم و رحمة الله تعالى و بركاته
صحا عيدكم و كل عام و انتم بخير
كيراكم دايرين يا جماعة اللمة ان شاء الله تكونو كامل بخير.
مانطولش عليكم حابة نفرغلكم قلبي و حابتكم تنصحوني والله غير عييت
انا كيما علابالكم نخدم في مدرسة ابتدائية (مساعدة تربوية ) في الادارة
مدة 3سنين والله غير كرهت معايا تخدم وحدة كبيرة عليا في اللاج و متزوجة و مطلقة الله يهديها راني في 3سنين نعاني منها في الاول كانت معايا مليحة و هي خياطة اتعرفت عليها و وليت نخيط عندها من بعد كي شافت المدير يخدمني انا بزاف عليها و لا كل شي عليا انا بدات ديرلي في المشاكل
و واش هوما هاد المشاكل والله يا خاوتي انا مليحة مع كامل الناس نقادرهم نحتارمهم و مرانيش نشكر في روحي ولا حاشا مي هاد المرة وصلت بيها
الوقاحة سبتني و سبت عايلتي و قالت هادي واش خاصها باش راهي تخدم و جات وحد الخطرة لدارنا باش تخبر عليا بابا مانعرف واش راني دايرتلها مزيه ماكناش في الدار دخلت عند جارتنا و قالتها قوليلها تخرج علابالي بلي راهي هنا متخبية والله غير عجب و رايحة و تمشي وتهدر و تقولهم والله غير نبهدلها
علاه ماعلاباليش انا هدرت مع المدير قلتلو هاكيف و كيف قالي صوميها ماتهدريش معاها هاديك غيارة و من بكري نعرفها (قبل ماندخ انا نخدم هي ديجا خدمت مع المدير هذا 5سنوات)حبيت نبدل و درت طلب تغيير التعين
و المدير راهو يقولو ابقاي و بزااف ناس يعرفوها قالولو بعدي عليها و بزاف ناس تانيين راهم يقولولي ابقاي المدرسة مشي نتاعها باه تروحي .
وصلت بيها ضروك راهي تروح للمعلمين و المعلمات و تهدرلهم فيا هدرة انا ماهدرتهاش و مادرتهاش والله العظيم غير كرهت كرهت ....
أرجو التفاعل لكل من قرأ موضوعي هذا و شكرا
 
وين راااااااااااااااااااااااااااااااكم؟
 
ابقاي و ماتعانديهاش و خلاص هاذا رايي
 
سلام خيتو حطيها في الثقيل هدا ماكان وخليها مادام كامل الناس يعرفوها ماشي مليحة متغبنيش كامل روحك+كي يعرفوك انت مليحة ميديروش عليها..
ربي معاك+وربي يسترك خيتو..
 
ماديريش عليها اختي و وكلي عليها ربي و ماتبدليش خدمتك على جالها
ربي يحفظك و يسترك
 
سلام خيتو حطيها في الثقيل هدا ماكان وخليها مادام كامل الناس يعرفوها ماشي مليحة متغبنيش كامل روحك+كي يعرفوك انت مليحة ميديروش عليها..
ربي معاك+وربي يسترك خيتو..

و عليكم السلام و رحمة الله تعالى و بركاته
بارك الله فيك و مشكورة على المشاركة نتاعك
 
نت علابالك في روحك لاباس عليك
ماتشوفيش ليها ولا لكلام غيرها
كلام الناس يديك بعييييييييد
عيشي حياتك كيما تحبي نت
وهي خليها تعوم بحرها
وكلي عليها مولاها وخليها في حالها
ونت ربي يكثر من مثااااااااااااااااااااااااااااااااااالك
 
هادييييييييييييييييي وحدة مبعرة ههههههههههههههههه خليها ماتعنديش المهابل هههههههههه
 
بعديها و أقراي حدرك منها هذو الناس يخدموا غير التحت وراكي عارفة ضربة الظهر
 
والله غير حاجة تقنط شوفي حنونتي راكي تقولي بلي انت في حالك والناس كامل علابالهم بيك
املا اخطيها
يقولك
الباب الي يجيك منو الريح سدو وستريح
اذا قدرك ربي وصبتي مؤسسة اخرى تخدمي فيها اللهم بارك والا ابقاي وخليها في حالها
ربي يهديها برك وبالاكي من العباد هاذوما
نار من تحت التبن
تقبلي مروري
اخنك NinaDz
 
والله بروبلام

وكان تروحي هي تحلالها وهدوك لي حكاتلهم عليك حاجات كي يقاوك رحتي يامنوها
وكان تقعدي راحة زيدي تشوفي منها مالا يرضيك

انا نقولك ديري لي في راسك وماتسحقي لخير منعند حتى واحد مادامك نتي علابالك بحدودك
en+
ياك لمدير علابالو بخرايبها
ونتي شوفي لحاجة لي تساعدك نتيا مشي علاجال غيرك تقلقي روحك

تقبلي مروري
 
نت علابالك في روحك لاباس عليك
ماتشوفيش ليها ولا لكلام غيرها
كلام الناس يديك بعييييييييد
عيشي حياتك كيما تحبي نت
وهي خليها تعوم بحرها
وكلي عليها مولاها وخليها في حالها
ونت ربي يكثر من مثااااااااااااااااااااااااااااااااااالك


و يكثر من مثالك انت تاني
و بارك الله فيك على المشاركة الطيبة
 
وعليــكم الســلام
أختي اخطيكـ منها ، دريها فالثقيل وكي شغل مكانش خلاص
مادام الناس كامل علابالهم بيهــا ، وانتي الناس كامل علابالهم كفاه راكي دايرة
ربي يهديهــا ، ويبعدها عليك هدا ماكان
 
السلام عليكم
اختي نقلك حاجة مول النية الصافية توجور يسلك على خير
كامل صراو معانا دي بروبلام والحمد لله تجاوزناهم انتي الي يخدمو معاك كامل يعرفوك ما تخمميش خلاص
اون بلوس المليح يغلب القبيح اقتليها بالمليح pas plus
ربي يعاونك
 
يا اختي انا نقولك ماتخليش المدرسة
عابالك بلي صعيبة بزاف تلقاي خدمة في الوقت هذا و انتي معولة تخليها عاجال وحدة مصفارة ؟؟
مادام عندها 5 سنين تخدم ثم راهم sur المعلمين عابالهم بالي راهي غيارة
و ننصحك احكي لباباك و امك وتع لافامي تاعك كامل عليها
باه كون تجي تحكي معاهم يكونو عابالهم بيها
و ربي يوفقك ختيتو
( عرفت ضرك علاه هي مطلقة :shiny: )
 
والله غير حاجة تقنط شوفي حنونتي راكي تقولي بلي انت في حالك والناس كامل علابالهم بيك
املا اخطيها
يقولك
الباب الي يجيك منو الريح سدو وستريح
اذا قدرك ربي وصبتي مؤسسة اخرى تخدمي فيها اللهم بارك والا ابقاي وخليها في حالها
ربي يهديها برك وبالاكي من العباد هاذوما
نار من تحت التبن

تقبلي مروري
اخنك ninadz


و الله العظيم يا اختي غير البارح سمعت منها كلام جرحني
و قنطت و بكيت و كون نلقى بلاصة واحداخرى باينة نبعد عليها هادي اكييد
و مرورك مقبول ان شاء الله حنونة
 
يا اختي انا نقولك ماتخليش المدرسة
عابالك بلي صعيبة بزاف تلقاي خدمة في الوقت هذا و انتي معولة تخليها عاجال وحدة مصفارة ؟؟
مادام عندها 5 سنين تخدم ثم راهم sur المعلمين عابالهم بالي راهي غيارة
و ننصحك احكي لباباك و امك وتع لافامي تاعك كامل عليها
باه كون تجي تحكي معاهم يكونو عابالهم بيها
و ربي يوفقك ختيتو
( عرفت ضرك علاه هي مطلقة :shiny: )

ربي يحفظك و مشكور خويا العزيز على المشاركة الطيبة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top