عجينة مورقة على طريقتي + **تطبيق لكوكا الاخت imane27**

الحالة
مغلق ولا يسمح بالمزيد من الردود.

اميرة الساحل

:: عضو مُتميز ::
إنضم
4 جويلية 2010
المشاركات
687
نقاط التفاعل
164
النقاط
19
السلام على الجميع


اليكم طريقة لعمل العجينة المورقة على طريقتي لان هناك عدة طرق لعملها و هذه من بين الطرق اللي اعتمد عليها + تطبيق لكوكا الاخت imane27 نشكرها بزاف على الشكل الرائع طلعت رووعة في منظرهاو حتى في مذاق حشوها


اليكم مقادير العجينة المورقة + الخطوات لعملها مرفوقة بالشرح المصور

المقادير

250 g فرينة
200 g زبدة للتوراق ( انا استعملت صالحة نوعية جيدة)
125 ملل او غ ماء بارد جدا
ملعقة صغيرة ماشي معمرة خل
راس ملعقة صغيرة ملح
ملعقة صغيرة سكر
ملعقة كبيرة زيت

الطريقة
- ندير السكر+ ملح في الماء و نخلط الكل حتى يذوبوو ينحلوفي الماء ثم ندخلوه الثلاجة و نخليه يبرد جيدا
- في ليان ندير الفرينة و نضيف زيت و نخلط من بعد نضيف الخل و الماء بعدما برد مليح و نخلط الكل حتى تتتلم العجينة ( ملاحظة الا شفتي بلي الماء اللي درتيه ماجمعش العجينة قبل ماتلميها مليح زيدي رشة ماء ماتكثريش باش ماتنطلقش العجينة ) نوضع العجينة في كيس بلاستيكي و نخليها ترتاح مدة ½ ساعة في الثلاجة عادي
1321996208653.jpg

- نبدا مرحلة التوريق و هنا نتبع 3 مراحل في كل مرحلة نطويها على 3 ثم 4 و بين كل مرحلة و اخرى تترك العجينة تراتاح في الثلاجة ½ ساعة بمعنى اخر
- المرحلة الاولى نطوي العجينة على 3 و نطلقوها ثم مباشرة نطويها على 4 و نطلقوها من بعد نطويها على3 لكن هنا منحلوهاش هنا مباشرة ندخلها الثلاجة ترتاح 1/2سا
- المرحلة 2 كي تمر المدة نخرج العجينة من الثلاجة تكون مطوية على 3 نحلها ثم نطويهاعلى 4 و هكذا نفس خطوات المرحلة 1 حتى نكمل المرحلة 3
ماتنسايش ترشي الفرينة على طاولة العمل باش ماتلسقش العجينة على الطاولة:eek:i-o:
عملية الطي على 3
اول شيء الزبدة تعمليها بهذا الشكل باش تساعدك في عملية الطي
1321996208691.jpg

بواسطة حلال ابسيطيها بهذا الشكل
1321996208782.jpg

1321996208504.jpg

1321996208805.jpg

1321996208856.jpg

1321996208297.jpg

1321996208408.jpg

عملية الطي على 4
132199620889.jpg

13219962084510.jpg

1321999041201.jpg

- من بعد كي ننتهي من المراحل نديرها في كيس بلاستيكي من الاحسن ماتستعمليهاش في اليوم اللي عملتيها فيه على الاقل تبات يوم في الثلاجة و تحديدا في المجمد هكدا باش جي خفيفة و هشيشة و تتورق مليح
و هذاتطبيقي للكوكا الاخت imane27 بالعجينة اللي عملتها
1321999041882.jpg


1321999041653.jpg


1321999041644.jpg

رابط الوصفة الاصلي

https://www.4algeria.com/vb/showthread.php?t=314000

ملاحظة مقادير العجينة استعملتها كامل و خرجتلي 10 حبات كوكا

اي سؤال انا في الخدمة تحياتي للجميع :rolleyes:
 
اممممممممممممم يعطيك الصحة اختى اميرة جاتك روعة
بما انى اول واحدة ترد على الموضوع ندي زوج
1321999041653.jpg
هادوم
 
و أنا ثاني وحدة ترد ندي 2
بارك الله فيك على الوصفة ...عندي بزاف مادرتهاش شهيتيني فيها
 
تبارك الله عليك اميرة الساحل
 
ya3tik sahaaaaaaaaaaaaaaa
 
يعطيك الصحة اميرة جاتك كوكا تحفة بارك الله فيك
 
هايلة اختي اميرة خرجتلك تهبل العجينة و الكوكا ميميم بعتيلي شويا
مشاء الله عليك اختي راكي فحلة و ساجية الله يبارك
 
يعطيك الصحة أختي أميرة روعة وشكرا على الجهد المبذول في الشّرح
 
مشكووووووووورين كلكم على تشجيعكم لي نورتو بمروركم
اختي فايزة ننصحك جربيها و متخافيش و اكيد راكي رايحة تنجحي
تحياتي لكم جميعا
 
ربي يسترك راني جربتها وصلحتلي نحيتيلي الهيبة ننصح الاخوات يجربوها
كانت عندي عقدة منها وتنحات
 
ربي يسترك راني جربتها وصلحتلي نحيتيلي الهيبة ننصح الاخوات يجربوها
كانت عندي عقدة منها وتنحات
امين اختي فايزة ربي يخليك:shay: و الحمد لله اللي نجحتي فيها و نوعدك و نوعد الاخوات ان هناك طريقة اخرى لعمل العجينة المورقة بطريقة اسهل و ناجحة ايضا
عن قريب نحط الوصفة
تحياتي لكم جميعا :re_gards:
 
يعطيك الصحة يالفحلة خرجتلك هايلة والف شكر ربي يباركلك على المراحل الموضحة وباينة خطوة خطوة +تقيم لعيونك اختي
 
تشهي اميرة يعطيك الصحة دمتي متالقة
 
ما شاء الله عليك اختي تطبيق جيد خرجتلك تشهي
 
بارك الله فيك على الوصفة
 
يعطيك الصحة حبيبتي
 
يعطيك الصحة اختي جاتك هايلة شهيتني
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top