عصير الجزر من مطبخي

ألاء الرحمـــن

:: عضو بارز ::
أحباب اللمة
إنضم
19 جانفي 2010
المشاركات
1,347
نقاط التفاعل
1,084
النقاط
71


السلام عليكم


اليوم جبتلكم عصير الجزر (الزرودية) البعض يقول هل الجزر يتعمل على شكل عصير؟

انا كنت غير متقبلة للمذاق نتاعو ولكن بعد ما جربتو وباضافة نكهات اخرى أكيد يتغير الذوق
ومراح تفرق الا فيه الجزر اترككم مع كيفية التحضير

بعد ما انقي الجزر ونغسلو مليح نقطعو على شكل دوائر ونوضعو داخل قدر ونطيبو مليح


542450686.jpg


وهذا بعد الطياب نحتفض بالماء ديالو


683717437.jpg


بعدها نوجد حبة موز وحبة تفاح وحبة ليمون نغسلهم مليح وانقيهم ونقطعهم ونضيفلهم باطة ياهورت تكون فرويتي باه يتغير المذاق


972691623.jpg


نوضع الجزر بالماء ديالو في خلاك كهربائي ونريح مليح


878004751.jpg


وبعدها نضيف الموز+ التفاح + الليمون + علبة الياهورت + سكر (حطي على حساب الحلاوة الي تحبي)


نتحصل على هذا فالنهاية


203974130.jpg
765572064.jpg


ملاحظة الا صبتيه عاقد وخاتر ضفيلو شوية ماء
وبصحتكم

642104882.jpg


ان شاء الله يعجبكم



 
وعليكم السلام
يعطيك الصحة يمممممممممم
 
تبارك الله عليك
شكرااا علي الوصفة
 
يعطيك الصحة مها فعلا عصير الجزر يجي بنين روعة طريقتي تختلف على طريقتك ممكن نجرب طريقتك في القريب
 


شاكرة لكن المرور
فوفة جربيه وان شاء الله يعجبك انا مع الاول كنت رافضة نشربو مي نهار ذقتو مممم ميتشبع سورتو بارد

 
يعطيك الصحة أنا تاني مكنتش متقبلة الذوق دقتو عند بزاف ناس ومديتلوش وجربتو مي صراحتا طعم الجزر كان غالب عليه
راح نجرب وصفتك ونردلك الخبر
تحياتي
 
يم يم يعطيك الصحة اختي
عصير طبيعي وصحي
بارك الله فيك​
 
اممممممممممم راه منعش ويشهى يعطيك الصحة
 
يبآن لذيذ ومنعش ,,
يعطيك آلصحهـ’’
وَ | مشكووورهـ آختي مهـآ ع آلوصفهـ
 
شكرااا علي الوصفة
عصيير منعش
 
انا ما نحبش الجزر
مي يعطيك الصحة ختي​
 
يعطيك الصحة رووووعة اممممممم
 
بارك الله فيك اختي عصير لذيذ ومفيد
 
يعطيك الصحة ختيتو
يبان بنين يسلموا الايادي

 

و عليكم السلام أختي
في الحقيقة أنا نديرو دايما بنفس الطريقة و لكن بدون الموز و التفاح
و هو قبل ما يكون بنين , مشروب صحي
مشكورة أختي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top