شكون الغالطة لعجوزة ولى لعروسة

غلطة كبيرة يديروها كي يسكنوا الكنة مع عجوزتها يصراوا مشاكل كبار الا ادا كان ماشي قادرين على الخروج عن العائلة

هي صح شا قلتي مع اننا قادرين نلقاو الكنة غالطة لكن انا تبالي و مانيش في صح الكناين انو مهما الكنة حقرت العجوز العجوز مارايحاش تنحقر لاخاطر راها في دارها قدام وليداتها الحال يكون صعيب كي بنت الناس يحقروها هي اصلا واعرة كي تخلي دارهم و تزيد تنحقر ها تموت واقفة

مساء الخير عليكم بنسبة لعروسة الي تحدثت عليها وقلت دايرينها خديما وراجلها معاديها اليوم برك كنت نتحدث مع اختي عليها قالتلي راهي صابرة بلاك راجلها يعود كيما ازمان لخاطر كانت مابيناتهم محبة قوية ودار المحال باش ارضات عليه وقبلاتوا وفي الاخير كي تزوج بيها وسكنها عند اموا الي تدعى انها حضرية بنت القع والبع صار يكرها وخدعها مع شحال من وحدا واصلا ميرقدش معاها في غرفة وحدا والشي الاكثر الم وحكرة ان راجلها تخلى عليها محنتها لكبيرة *وليدها دو العامين مريض بمرض خطير منعوها من البقاء معاه في المستشفى وتكفلت عجوزتها بيه على اساس انو اخداتو منها وخلوها هيا في الدار تعمل على خديمة على طفلتها اي اخت زوجها المقعدة والتي تنهرها سبا وشتما اد تاخرت على تنفيد مطالبها رغم انا لها خياتها نورمالموا هوما يتكفلوا بيها * المهيم هدي القصة انا شاهدا عليها وهي في ضواحي الجزائر

ولي ماعندوش واش ايدير مايتزوجش اسمع نقولك الطفلة كي تحب واحد اتقولو ارواح تخطبني ايقوللها مزال ماعنديش الدار اتقولو معليش يماك نخدمها وكلامها فوق راسي وهيا كيما *ماما* يعني تبلعطو ومبعد كي يتفاهمو ويتزوجو في دار لعايلا رايحين يتغيروا المفاهيم ويبداو لمعاني ولكلام ال يقيس ولعروسة تتقلق وغير يوصل راجلها تقولو اكريلي دبر راسك والعجوزة اتقولو هيا يتسكم روحا يا تروحو انتما الزوج وهكا يبداو الغضبات وتتحول الحياة الى جحيم اخسارا ياريت كان قلب الانسان اكبير ويتحمل بزاف ولوكان نفرض بلي كل واحد يلزملو دار وحدوا باش يتزوج معضم الشباب رايحين يعنسو كي لمرا كي الراجل

لا لعجوزة و لا لعروسة
راهوا الراجل

اه يعني انت متحبش وحدا ادافع على حقوقها معناتها انت حكاااااااار بمعنى الكلمة وفكرتني بواحد الشخص قالي مرة انا كي نحب نتزوج انجيب وحدا ياتيما باش كي تغلط وندربها بكف مجيبلي حتى واحد الوغ انا عرفت دوركا بلي ماشي غر لعجوزة الي غالطا علا حساب الشوفا كل حاجة من تحت الراجل

ما كاش مرئ ماجوزتش مع لعجوزةو الراجل لان الراجل ايضا راهو بين نارين نار مرتو ونار امو الله يعينو

اليس كدالك الاخة نرجس

عفوا نو رجس

السلام عليكم موضوع شيق جدا ورئ انه الغلط من العروسة لانها تزوجة وتدري ان له ام ويجب معاملتها كما تعامل امها

ربي يحفضك على الموضوع الرائع يا اختى رانان هكاداك علاه العروسة كى تروحى تخطبيها تولى تتمسكن وتقول غير انا وانا نخدم ندير كلشي تولى تعرف كل شي فى داك الوقت مى كى تدخل رجلها من الدار متعرفيهاش تتبدل علاه مفهمتش انا رانى كارهة حياتى تجيب العشرة باه تنوض و انا ندير كلشي نسيق نخمل كلشي كون نلقى نهرب منقعدش متقولش نعاون ولا رانى فى الشهرين وحدى نسيق وهى خطرات تقول سيقيلى دارى نسيقلك داركم متفهمى والو هادى فى الاول ودكا ماما دراتلها كوزينتها تطيب وحدها كل حاجة وحداها مى متعاونش قالتلنا درتولى كوزينتى منعونكمش دبرو رواحكم انا قلتلها منستناكش من بكرى تاكلة على روحى كى انا كى ماما وزيد البروبلام الكبير دورت خويا علينا تبدل كامل .. انا مرات نجى نوريلها شي صوالح متعرفهمش تقولى منيش صغير وانت متوريليش مكان مدخلك انا قلقتلها روحى واله منزيد ندخل روحى راحت قالت لخويا قاتلو اختك تجى توزريلى واش ندير جا ليا خويا قالى متوريلهاش انا قتلو شفت الناس ضحكو عليها وريتلها ودك حلفت والله ونعرف يديرو حالة واله منشوف ليها وقلتهالها وهى كبيرة عليا بعامين هى 24 وانا 21 وكانت تقرى بكرى مع خويا وفى ليكول اللى قريت فيه صافى كانت مكليحة مى غير تزوجت رهى كى ستوت اسمحولى قلقتكم بحاكياتى بالحق قلبي راه معمر سمحولى اله غالب كرهت الدااار على جالها فيها صفات ماهمش ملاح كدابة لشي مرة دارت بينى وبنت عمى النميمة باه تبين روحها مليحة انا مامنتش ومبعد قلت لبنت عمى هادا كامل من مرت خويا ومبعد نسيت واش تديرى المهم اللى فيها خير ربي يجيبها انا نتمنى يعطولهم السكنة وتروح على خاطر خلاص نضرت ماما بزاف تخيلو ماما تهدر مع وليدها وهخى تدخل فالوسط يخى البامخ مع وليدها واش دخلك انتى اله غالب واش نديرو محكيتش كلشي مى المهم نحيت شويا على قلبي يعطبك الصحة اختى على الموضوع واسمحولى طولت وكسرتلكم ريسانكم اسفة ايا باااااي نخلييييييييييييييكم شكرا
ش *........ ك * . ر *........ ا