عـــــــــــــــــــلآش كل شي ولى صـــــــــآمط ؟؟

الجندية

:: عضو بارز ::
أحباب اللمة
إنضم
19 جانفي 2010
المشاركات
2,574
نقاط التفاعل
125
النقاط
159
السلام عليــــــــــــــــــــــكم
وآش رآكم ؟ إن شآء الله b1

كل وآحد وواش قاله رآسه على الموضوع نتاع اليوم :shiny:
رآني عآرفه كآين اللي رآه يقول وآه سي فري كل شي اصماط
ملاحظة صغيـرونه : صـــآمط = مسوس = أي pas 2 sel
وصـــآمط في السوجي نتاعنا = لاطعم له ولا gout
هههههه هذاك مجرد توضيح بآش قاع تكونو معايا في الصورة خاطرش موالفة نقول كلمات هكا ومبعد يسقسوني عليهم هههه

الميضوع ومافيه ... هاذ الاعوام الاخيـــره رآني نشوف بلي كرهت كلشي كل حاجة ولات تبانلي نورمال ماكانش حاجة تفرح والفنا كل يوم كيما اللي قبله
فوتو كوبي والروتين ووو............. تعرفو لو Rــآست

بصح بكري مانبعدووووش بزاف غيـر قبل 6 سنين هكدا كآنت الناس مليحه تضحك تسقسيه كيراك لاباس ؟ يقوولك الحمد لله بخيــــــــــر .... الدنيا هانية

وضروك كي تسقسي واحد تلقاه مشنف و مقلوب )) راهم قاع كيماهاك
يقولك .. يآودي شتاراني
ولا يقولك : ندمرو برك ... ، نـــــــــآشفة ، ديـGوتــآج !
مــــــــآلقري احنا راه عندنا التكنولوجيا وراك عارف كل شي كآين ديفولي تغير جو شوية وقاع هكاك وديقوتااااااااج

ناس بكري كانو مهنيين ريسانهم وحامدين ربي وعايشين سلامات
احنا علاه وقتنا كيما هاك الناس قاع تشتكي مننا :eek:i-o:
يقولك هاااااد الجيل والله واعر بزاااااف هاااااد الجيل الله يحفظ ويسترك برك
هاد الجيل وهااد ......... :scared:

مافهمتش علاه احنا دايرين كيما هااااك وباغية نفهم ..... هــآيـآ :cra_zy:

ضروك نحكي على روحي ...
هدي نتفكرها دايمن : كنت صغيره نقرى في الابتدائي لول كان كي يقوللنا المعلم اشرو كراس جديد نطيرو بالفرحه ههههه وانا غير نروح للدار نقول لبابا راه قاللنا المعلم جيبو كراس وفرحانه بيه وغدوة نروح طاااايره بالفرحه تقول ماننيش عارقة شاباغي نديرو بهداك الكايي

وضروك هادو الصغار اللي راهم في البريمار داخل عامه الاول وهو كاره القرايه والهدره كي دايره وانا كرهت القرايه هادي وماشي غايه وووو سمعت بوذني هادي

احنا فينا أوبسيون مليحه كي كنا كيفهم كنا غايا كومام

علاش ناس بكري والدينا وو.. عاشو غايا بوالو وفرحانين واحنايا قاع الامكانيات كلشي كاين كلشي متوفر والحمد لله وماراناش قانعين ومراناش راضيين وتوجور مشنفين علااااااه ؟

كاين امثلة بزاف بغيت نقولها بصح خليها مع الردود نتاعكم إن شاء الله نشوف تفاعلكم واحكولنا كل واحد كي راه باينتله وبرايك صراحة .. لأنو انا راني نشوف بلي الموند راه مقلوب بين 5 سنين فاتت وضروك كل شي تبدل ... +5 سنين وحدخره مانيش عارفة الحال كيفاش رح يكون

في إنتظآركم !
 
آخر تعديل بواسطة المشرف:
ايه عندك الحق كلشي سامط ....من سلبيات التكنولوجيا هي السماطة ...الروتين اليومي...وقت الفراغ يطول .....مكانش لا حركة لاحيوية لانشاط لافرحة تفرحعها من قلب لا ناس يفرحولك من القلب تلقى غير لي يحسدك كل واحد يستنى في خوه واش يقول الناس نتاع بكري نية ولي في القلب يقولوها بصح ضرك باش يقلك كلمة يخمم ليها 5 ليالي ....يا حصراه واش نحكيلك ياختي الوقت تبدل والعقليات تبدلت والحومات تبدلت كلش تبدل يالطيف ومايدوم غير صالح الأعمال....اسمحيلي خرجت على الموضوع شوية بصح راني حتى ضرك مليت مالقيتش اش ندير نورمالمو راني ريفيزي على روحي ههههههههههه مش مسمرة هنا
 
ايه نسيت ماقلتلكش شكرا على الميضوع وشرف ليا ندشن الموضوع
 
صح .. كيما قلتي كل شي صمات
و ولات الكآبة دايرة حالة فالعالم
هاذو إحصائيات لي تقول هكا
ربما من طريقة الحياة الجديدة new lifestyle
و ممكن من التغذية " المعدلة جينيا و و و .... "
و ممكن من تسارع عجلة الحياة
المهم .. ربي يرزقنا القناعة و خلاص
مارسي ختي على موضوعك
سلامي
 
صح ما بقاتش الدنيا حلوة كما بكري ، مالـgـري كلشي متوفر مي ولات الناس كامل كارهة و لي تسقسيه يقلك راني مديـgـوتي ، بالاك رانا مديـgـوتيين من الحياة الروتينية اللي رانا عايشينها .
ربي يصلح الأحوال​
 
ماشي السماطة في كلش كاين و كاين
في بالي ماشي السماطة هي المشكل
المهم يعطيك الصحة عالموضوع الرائع
 
موضوع مميز جاء في وقته
سي فري اختي كيما قلتي رجع كلش سامط السبب هو كيما قالت هدهد هو the new life styles جميعا بدون استثناء لانو الواحد رجع يعيش كانو ميت
ياكل من برا يلبس من برا .......مي بكري الواحد كل شىء طبيعي من مأكولات وملابس منسوجة ياحسرا انا في نظري بلي هاد الشىء هو الي يسبب فالسماطة مالقري كلش مليح
+ الابتعاد عن قراءة القران وسماع الاغاني
+بكري كي يتقلق الواحد يروح للطبيعة لانو مجرد النظر اليها تحس بروحك كأنك في عالم اخر بلا ماننساو لحكايات تاع جحا ههه
بالمقابل درك مين تتقلق aller vite au net !
كيما قلتي كلشي كاين كلشي متوفر الحمد لله
لكن الواحد لا يقنط رحمة الله
الله يهدينا
بوركت على الموضوع القيم
**
 
نعيب زمـاننا والعيـب فيــنا وما لِزماننا عيب سِوانا
سبب هذا البعد عن ربي سبحانه

والغزو الثقافي
 
اول شئ نقولك يعطيك الصحة على الموضوع هدا
وثاني شي كارهين من وقت الفراغ الي كاين بسبب هدي الاختراعات
ههههههه
تقبلي مروري
مع السلامة
 
مشكوريـــــــــن على المرور العطر
 
نعيب زمـاننا والعيـب فيــنا وما لِزماننا عيب سِوانا
سبب هذا البعد عن ربي سبحانه

والغزو الثقافي

ومالزماننا عيب سوانا ... صحيح ولكني تطرقت بأن العيب عيبنا كما قلت احنا جيل ليس كسابق الاجيال
والحمد لله مش بعاد على ربي سبحانو ولكن دائما دائما مشكل الروتين
وكيما قالو الاخوات في ردودهن نمط حياة جديــــد !
شكرا
 
وي عندك الحق بورتو انا وحدة من الناس على العام نضحك بصح و الله بلا قو حاجة جيني نورمال مام الزعاف مانيش نزعف ماشي غي مانيش نفرح بزاف كل شي ولا نورمال هههههههههههه
 
صح كلش ولا سامط.هادا عصر عجب وخلاص مي حنا الي خليناه هاكدا علىب الك ...رانا حايرين في كلش ..ربي يكون معانا هادا ماكان
 
آميــــــن يآرب
شكـرأأأ​
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top