وسـآخة الإيمو عبدة الشياطين ! قصتي الحقيقية مع الـ Emo Style

الحالة
مغلق ولا يسمح بالمزيد من الردود.

الجندية

:: عضو بارز ::
أحباب اللمة
إنضم
19 جانفي 2010
المشاركات
2,574
نقاط التفاعل
125
النقاط
159
basmala2.png


بدون إطالة ..

هذه قصة واقعية حدثت معي شخصيا واردت ان اجعلها عبره لمن يعتبر

كل الاحداث حقيقية ..

ملاحظة : انا نحكيلكم القصة وراكم تعرفوا رايي منها مانحبش واحد يديرلي فتاوى على الهوى ما نقصدش عضو معين لكن ارجوا التفهم وعدم التجريح !

انا طفلة من عائلة وسط اي ميسورة الحال والحمد لله كنت نقرى في السيام وهادا عامي اللول في الليسي ... عندي 3أو اكثر بقليل وانا نحب ستيل إيمو Emo Style
اللي الكثيـــــــر يعشقوه ويموتو عليه و متبعة لامود نتاع الإيمو في كل شي غيـر المكياج لأني مانحطش ميك آب أبدا ...

قبل ستة أشهر تقريبا من الآن ... كنت نورمال في الدار حتى عيطولي في البورتابل
آلو وي شكون ؟

قاتلي انا *** الإيمو عرفتيني ؟

لا أختي ماعرفتكش شكون

نقرى في الليسي الفلاني وسمني كذا كذا نسكن كذا كذا تفكرتيني ؟
أهــــآ عرفتك كيراكي ؟ ............. إلخ

سقسيتها مين جاها النيميرو نتاعي قاتلي دبرته على وحده صحبتك .. صح معليش
قاتلي نعرفك نتي تاني روكوز Rockeuse انا تاني بغيت نآجوتيك للقروب نتاعنا
قلتلها مكانش مشكل اختي ...

خطرة اخرى عاودت عيطتلي احكينا نورمال ومبعد قاتلي اليوم راكي معروضة معانا جيبي صحبتك **** و**** ارواحي في الحي الفلاني راني نسكن
ايا اتفاهمنا ورحتلها على 15.30 هكدا مع صحاباتي تاني دي روكوز ستيل إيمو
زعما صاي عرفتها الطفلة بنت من ومن عائلة محترمة والحمد لله لاباس بيها

دق دق دق دق ... شكون ؟ حلت علينا امها قالتلنا اتفضلوا للصالون راهم تماك لبنات
ادخلنا رحبت بينا امها عرفت شحال من طفلة إيمو كنا في هداك الصالون 7 نتاع لبنات مام ستيل مع مولات الدار 8 .

ضيفتنا امها وريحنا وهدرنا ومبعد ماماها راحت وخلاتنا وحدنا البنات هادوك صحاباتها كل وحدة راحت هي وصحبتها ريحو في coin ومتحاكيين نورمال
سقساتني هادي اللي عيطتلنا زعما ..قاتلي راني نشوف فيك جايبة الGـيتار و..
خلي نسمعك وحد المورسو ايا انا استاليت ورخيت ودنيا زعما باغية نسمعلها
كان عزفها مليح شوية قعدنا نهدرو على البانك روك والمغني الفلاني والفلانية و...
حتى جاتني وحده اخرى قاتلي نتي فاتي لاروكاز اللي دايره الفوطو الفلانية في الفايس بوك ؟ إيـــه أنا هي ...

تلفتت نهدر مع صحبتي حتى نشوف في وحده منهم والعياذ بالله حاكمة موس وتقطع في يدها زعما توشم ولا ماعلاباليش و تضحك مع صحبتها و مسحتلها بالدم على وجهها آآآآآآآآآآآآآآآآآآآآع على مشهد كي دآيـــر تقول فيلم نتاع ليفومبير
من الدهشة من الخلعة والله ماقدرت نحكي تشوكيت حتى
دورت عيني آدروات
قعدت تضحك الطفلة مولات الدار ... قالتلنا نورمال واش فيها رانا إيمو زعما ونفهموا بعضانا وما فيها حتى عيب لا حسينا ببعضانا شوية هادي هي الحياة وكل واحد عنده دي سونتيمو لازم يبينهم
أختي مراكيش نيشان ؟ هدي قلة حيا وقلة تربية ماشي إحساس كيما راكي تقولي
نفضتها بوحد الكلمات وزادوها البنات اللي معايا دوك البنات كاملين بهدلتهم ووحدة ضربتها بـgـيتار وسبيتهم ماخليت ماقلت ... ومبعد قلتلهم بينكم بين مولاكم بصح شاراكم اديرو انتوما ؟ زعما حاجة مليحه هادي ؟
وجينا خارجين ... قلتلها ماشقاش تزيدي تحوسي عليا فهمتي ؟؟ قعدت تضحك
جاتني وحده صاحبتها واش قاتلي ؟ تبغي لافيريتي انا راكي في شحال عاجبتني وحكمتني من يدي ووو..... دمرتها بعدتها وتفيييييت عليها وجيت خارجة
كي وصلنا عند البااب هوما يحاولوفينا باش نرجعو وامها جات خارجة من البيت كي سمعت العياط قاتلي واش كاين بنتي ؟ قلتلها ياميمتي انتي ماراكي عارفه والو شوفي بنتك واش راها دير الما يمشي تحتك وانتي لا خبر .....

الحمد لله سلكنا كي الشعره من العجين ماصراتلناش مشاكل كانت واردة كانهم يهددونا بالمواس اللي كانو عندهم


أنا شفت العجب ومشاهد أبشع من هادي في ظرف دقايق برك
هدا علاه كرهت الإيمو وكرهت لبستهم وحياتهم قاااااع
عفت روحي كي نشوف تصاويري كي كنت ... نحس بروحي كنت إنسانه ووليت وحدخره .... بعدت على روحي الشبهة نهائيا وتجنبت هاد الإيمو

انا راني عارفه بلي كاين بنات وولاد يبغو موضة نتاع الايمو اي اللبس والشعر وووو وماعندهمش درايه بأمور أخرى هادا علاه مالازمش تتشبه بناس حتىتعرفهم كي دايرين شايديرو في حياتهم ؟؟؟؟؟؟؟؟؟

هدي قصتي وإن شآء الله تعرفو وتفهموني علاش حطيت الموضوع
أنا مابغيت حتى واحد من خوتي يطيح في الخطأ اللي أنا طحت فيه

وإليكم إضآفة عن الإيمو هذو عبدة الشياطين
اللهم عافينا وإيـــــــــــــــــــــــآكم

fasil2.png


من هم عبدة الشيطان؟

فئة تعبد الشيطان وتتقرب له بكل معصية والعياذ بالله

واستغفر الله يقولون بأن إبليس هو خالق الكون بالأسااس"استغفر الله"

ما هي شروط الانضمام لهذه الفئة؟

تنفيذ شروط الجماعة

و من هذه الشروط غسل اليدين بالدماء و وضع الوشم و إعلان طاعة الشيطان

ما هي طقوسهم؟

يبدأون طقوسهم في الغالب بعد الساعة 12 في منتصف الليل

و يختارون مكان مهجور أو في الصحراء و يستخدمون الموسيقى الصاخبة و الرقص طوال الليل

حتى يقوم قائد الجماعة بإصدار التعليمات

وعادة ما يذهبون نهاراً إلى المقابر ويقومون بالنبش والبحث عن جثث الموتى

ويتراقص كبيرهم فوق الجثة التي يعثرون عليها ، وغالباً ما يفضلون الجثث حديثة الوفاة

ويذبحون القطط باعتبار نفوسها من الشيطان ، ويشربون من دمائها ويلطخون أجسادهم ووجوههم بها

ثم يذهبون إلى الصحراء ليعيشوا فيها أياما لا يضيئون شمعة وإنما يحيون في الظلام ، وعلامتهم بينهم رفع إصبعين رمز الشيطان ، وتلك الإشارة هي السلام فيما بينهم

من المستهدفين للانضمام لهذه الجماعات؟

الشباب إلى الشيوخ رجال وسيدات

كيف يتم جذبهم؟

أولا : تقدم لهؤلاء الشباب دعاوى لحضور حفلات عامة أو خاصة وبالطبع لا تظهر كل أشكال ومظاهر العبادة الشيطانية في هذه الحفلات.

ثانيا : يتم تقييم الأفراد الجدد وفرزهم وانتقاء المناسب منهم، ثم يتم التعارف عليهم وتعريفهم بالجماعة تدريجياً ، حتى يصبح العضو الجديد جاهزاً تماماً للانضمام الكلي للجماعة .

ثالثا : بعد طقوس الانضمام تكشف الجماعة عن كل ممارساتها الشيطانية للعضو الجديد ، الذي يجد نفسه متورطاً تماماً مع الجماعة فلا يستطيع أن ينسلخ منها بعد ذلك .

كيف يكون الإشتراك في هذه الفئة؟

يطلب منه وضع وشم ليسهل التعرف عليه

ثم يدخل غرفة التطهير

كيف يكون التطهير؟

الدفن لساعات

أو ربط الجسد بشاش

أو الجلد

او الضرب

وفي كثير من الاحيان يحدث وفاة لبعضهم"نسأل الله العافية مما ابلاهم به"

ما هي الإشارات والرموز التي تميز عبدة الشيطان منها؟

1- رموز وإيماءات جسدية باليد أو بأجزاء أُخرى في الجسم فمثلا يقوم عبدة الشيطان بتجميع اصابع يدهم لتبدو بشكلها كقرون الشيطان

2- الوشم ويوجد منه أشكال عديدة تُرسم على مختلف أجزاء الجسم وتكون على أشكال الشياطين ولهم أشكال معينة وعلى الرقبة نجمة وعلى الرأس رقم 666 وهم كما يدعون رقم الشيطان

3- فصوص وأقراط وسلاسل ذات أشكال معينة يرتدونها

4- رسوم جنسية أو رسمة الجمجمة والعظمتان علامة خطر الموت

1227188346.jpg
5- أساور وقلادات وخلاخيل ذات تصميمات معينة تشير إلى أُمور خاصة بعبادتهم

مانوع الموسيقى الخاصة بهم والتي يحبون سماعها ؟

موسيقى الهافي ميتل ( البلاك ميتال ) وهي صنف صاخب ومثير للجدل من موسيقى الروك

وكذلك موسيقى الهارد روك

وهم مع حرصهم على اختيار نوع من الموسيقى ذات الصخب العالي التي تصم الآذان

يحرصون على خلطها بأغانٍ تنشر أفكارهم وتدعوا إليها

واسمع إلى بعض ما يرددونه في أغانيهم لتعلم حجم الضلال الذي يمكن أن يصل إلى الناس من وراء هذا البلاء

" أيها الشيطان ..... خذ روحي .... ويا غضب الإله دنسها بالخطيئة وباركها بالنار ... لا بد أن أموت ..... الانتحار ..... الانتحار .... لابد أن أموت "

هذه كلمات بعض الأغاني التي تغنى في حفل عام، وأمام عشرات الألوف من الشباب أكثرهم من المراهقين .

والموسيقى عند عبدة الشيطان وسيلة لتعطيل الحواس البشرية، ونوع من أنواع التخدير العقلي، حتى تُقبل أفكارهم دون تمعن أو تفكر

ومع الأسف أن بعض شبابنا يستمع للأغاني الغربية ويرددها وهو فرح بها دون أن يدرك كلمة واحده مما تدعو إليه

كما أن مواصلة الإستماع لهذا النوع من الموسيقى سيكون بمثابة استدعاء للشياطين وتلبس المستمع

مانوع ملابسهم ؟ ومامدى إرتباط اللون الأسود بهم ؟

هم من ثقبوا اذانهم وشفاههم وحواجبهم واسرتهم والسنتهم ووضعو فيها الاقراط

ومن علامات الإناث عابدات الشيطان طلاء الأظافر والشفاه باللون الأسود

وارتداء الملابس المطبوع عليها نقوش الشيطان والمقابر والموت

والتزين بالحلي الفضية ذات الأشكال غير المألوفة التي تعبر عن أفكارهم

مثل الجماجم ورؤوس الكباش ويخزن شرائط كاسيت مسجلاً عليها أغان فيها ازدراء للدين . أعوذ بالله ..

وهذه بعضا من ملابسهم

أين ينتشرون عبدة الشيطان ؟

1- قديما : الحضارة المصرية القديمة، الحضارة الهندية، الغنوصية، وهي كلمة يونانية الأصل "غنوسيس" بمعنى المعرفة، القرون الوسطى ظهرت في أوروبا فرنسا

2- حديثا : مصر * الأردن * لبنان * البحرين * الكويت * المغرب * الجزائر * تركيا * ماليزيا

ما هو حكم الاسلام على هذه الفئة؟

عابد الشيطان هو مرتد عن الدين مشرك

فإنه يستتاب وان لم يتب وجب عليه حد الموت

"أَلَمْ أَعْهَدْ إِلَيْكُمْ يَا بَنِي آدَمَ أَنْ لا تَعْبُدُوا الشَّيْطَانَ إِنَّهُ لَكُمْ عَدُوٌّ مُبِينٌ"

"إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاءُ وَمَن يُشْرِكْ بِاللّهِ فَقَدْ ضَلَّ ضَلاَلاً بَعِيداً"

لن أطيل أكثر .. وإنما أترك بين يديكم هذه التساؤلات

لماذا هرع أبنائنا إلى هذه الأفعال الشاذه أهوالتقليد الأعمى..أم غياب الوعي..أم الإضهاد ألأُسري

لماذا لايكون هناك مشروع وطني يستثمر حماس الشباب والفراغ الشديد اللذي يعانون منه

مادورنا نحن في التوجيه الإرشادي لمثل هذه الفئات

اليس لهم حق علينا

أترك هذا الاسطر بين يديكم هنا ..آمل ..أن نجد مايحول بين أبنائنا وتلك المعتقدات

الله ينصرنا عليهم وينور بصائرنا ويكفينا من شرورهم

fasil2.png


من هم الإيمو ؟


إذا نظرنا إلى تاريخ ثقافة "الإيمو" ، فقد أتت كلمة Emo اختصاراً لـEmotion الانكليزية

والتي تعني الانفعال والإحساس. بدأت كتيار موسيقي في موسيقى الهارد روك في أوائل الثمانينات

لتتحول في بداية الألفية الثالثة إلى Life Style لجماعات معينة. بدأت تظهر هذه الجماعات في واشنطن

ويعتبر علماء الاجتماع أنهم تطور طبيعي لجماعات البانكس punk الشبه منقرضة

تتميز جماعة الإيمو أولاً بأن معظم أفرادها من المراهقين الذين لا يتجاوز عمرهم الـ17 سنة

لهم طريقة معيشة خاصة بهم، ولباس معين وموسيقى يتميزون بها

ماهي موسيقى الايمو ؟

نوع من أنواع الموسيقى، الذي ينتمي إلى الروك والميتال

و تتحدث حول الألم والحزن وكلماتها الحساسه

و قد لاقى العديد من الإنتقاد نظرا لإفتقاره إلى اللحن الغنائي

ماذا يلبـسون ؟

الجينز الضيّق والقميص الضيّق يحمل علامة الإيمو أو أحد شعارات فرق الروك-إيمو

غالباً ما يكون أسوداً ذو مربعات بيضاء وعلامات زهرية, وكذلك الجواكيت ذات الزر السفلي الوحيد المزرور

الحلق في كافة أعضاء الجسد, الكثير من الأساور. والنظارة ذات الأطراف العريضة السوداء


fasil2.png


اللههم عافينا وإياكم قولوا آميـــــــــــــــــن
وادعوا بالهداية للمسلمين الشباب الذين وقعوا في فخ الإيمو ؟
ولاتنسوني من دعائكم

fasil2.png


 
آخر تعديل بواسطة المشرف:
الحمد الله على سلامتك
درس ليك المرة الجاية يكون عندك دراية بهاد الستيل لي راهو كونتر الدين تاعنا
مي نت بالاك شفتي الامور السطحية برك

و نأكدلك بلي اغلب الشباب ماعلابالهومش حقيقة الايمو لي صدروهالنا الغرب
يتبعو و خلاص

موفقة اختي
شكرا

 
وعليكم السلام ورحمة الله
أهلا بيك أختي
والله ألف الحمد لله لي ورالك هاذ الفئة على حقيقتها ومليح لي حطيتي الموضوع باه تنبهي بيه غيرك بما أنك عشتي وعرفتي حقيقتهم. ياريت غيرك ثاني يعرف حقيقة هاذ الجماعة الشاذة الفاجرة.
والحمد لله أنك خرجتي من هذاك البيت سالمة غانمة معافاة بلا مشاكل، لأنو كان قادر يصرالك مشكل وتحصلي.
في رأيي اللوم على الوالدين، يعني هاذيك الأم تسمح لبنات يدخلو بيتها وتغلق عليهم بلا ما تشوف وش راهم يديرو وبلا مراقبة. هذا هو المشكل.
مسؤوليتنا كامل أننا نحاولو نوعيو البنات والأولاد قد ما نقدرو ونبهوهم لخطر هاذ النِحلة الفاجرة.
ربي يحفظك أختي ويحفظ جميع بنات المسلمين وشباب المسلمين.
ونرجع نقولك أحمدي ربي في كل وقت .. الحمد لله

 

و نأكدلك بلي اغلب الشباب ماعلابالهومش حقيقة الايمو لي صدروهالنا الغرب
يتبعو و خلاص


عندك حق أختي .. وهذا لي قلتو لبارح ..
الأغلب راهم يتبعو برك بلا ما علابالهم .. يشوفو في الإيمو لبسة برك ..


 
الحمد لله على سلامة راسك اختي والحمد لله لبعدك على هادو الناس وربي يوفقك لما يحبه ويرضاه،بارك الله فيك
 
اختي بارك الله فيك ولكن حتى الصورة الرمزية اللي راكي مدايرتها تعبر عن عبد الشيطان

الحاجة اللي تحير انو اوليائهم كيف يسمحولهم يلبسو هاذ اللبسة ستيل ولا مش ستيل نورمالمو راهم بالحجاب

ربي يهديهم

 
ااااه الحمد لله كي سلكتي حنونتي
منعتي بشعرة من هاذ المستنقع
ربي يعافينا من هاذ الناس
انا ديجا كي نشوفهم هكاك كيفاه مدايرين شعورهم
و عينيهم مسبوغين بالكحل سوا طفلة ولا طفلة
نعفهم صح .. فففففف
ربي يستر على مجتمعنا من انتشار هاذ الفئة
مارسي بزاااف على موضوعك اختي
الي تناول تجربة شخصية
و معلومات اظافية
ربي يجازيك و ربي يحفظك
سلااام
 
سلام...
في لول نقولك ألف ألف ألف حمد لله على سلامتك يا الغالية،تعيشي ياماتك للي جاية بالخير
تتفكريها وما تتعاود إن شاء الله،والله يا قلبي سحقتيني بكلامك وقصتك والله سترك ربي والحمد لله.
حتى انا كيفك من معجبات الإيمو جدا,,,,وجد إستفدت من تجربتك هذي ومشكوورة على المعلومات حول هذي الوساخة
********
****
دمتي في رعاية الله
**تقبلي مروري**
*تحيآآآآآآآآآآآآتي*
 
الحمد لله اختي كي سلكتي منهم كانو قادرين يضروك لاقدر الله
ربي يبعدهم علينا ان شاء الله
شكرا على صراحتك ومشاركتنا بتجربتك
ربي يوفقك
 
شكـــرآ على مروركم وردودكم بآرك الله فيكم
ربي يحفظكم خاوتي
 
أهلا بيك فاتي
الحمد لله ألي نجاك ربي منهم وشفتي بعينيك وحكيتي واش راهو صاري
بزاف أعضاء ماعلابالهمش وماشافوش ألي شفتيه في دقايق كيما قلتي
يعطيك الصحة على موضوعك الباهي بزاااااااااااااف
تمنيت لو انو يثبت لشهور وشهور ...
تستاهلي تقييييييييم
 
تم حذف بعض الاسطر من الموضوع رغم انه هو المهم حبيت الناس تعرف الإيمو هادو واش يخدمو تحاتي ....
 
أهلا بيك فاتي

الحمد لله ألي نجاك ربي منهم وشفتي بعينيك وحكيتي واش راهو صاري
بزاف أعضاء ماعلابالهمش وماشافوش ألي شفتيه في دقايق كيما قلتي
يعطيك الصحة على موضوعك الباهي بزاااااااااااااف
تمنيت لو انو يثبت لشهور وشهور ...

تستاهلي تقييييييييم

صحيت ـ الله يحفظك خويا :shay:
مرسي ..
 
شُكرًا للإدارة على اهتمامها بالموضوع وبإرساله للجميع
جزاكم الله خيرًا

 
YAHIA S، تم حظره "حظر دائم". السبب: مخالفة القوانين
على سلامنك اختي

شكرا لكي
 
الحمد لله على سلامتك هذه ثقافة الغرب واحنا التقليد الاعمى
 
حقًـآ اقشعرّ بـدنـي و انــا اقرأ المـوضوع ،،

خاصّة و ان لي قريبـة من هذآ النـوع ، ولكــن لا جدوى من نصحهــآ ،،

الحمـد لله انّك اقتنعت انّهم مجرّد عبدة شياطيـن لا غـير ،،

شكرًآ ع المـوضوع
 
الحمد لله على سلامتك اختي الاليساوية

خليك مع اليسسا و خطينا من الايمو ههه

الف ششكر على نعمة العقل و الف حمد لله على سلامتك اختيْ
 
اممممممم يا يماااا على هاذييييييييك لي تجرح روحها بالموس

بفففففففف

حاسبا روحها دير في فيلم

انا نحب ايمو علابالك

شكرا قريت غير القصة نتاعك

مي شي لاخر ماقريتوش

لي غودة لاكمال الموضوع شكرا لك اختي و الحمد لله على السلامة حنونة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top