مطعم القيد أو شهاب...خضار وادي الذئاب...جزار الاسقلال...بففف ثقافة الشعارات تاعنا

قال إنسانة ما:

وعليكم السلام ورحمة الله

صح كاين منها
هنا عندنا واحد فاتح محل فاست فود كاتب عليه: دجاج بلندي .. زعما هو بارع في الدجاج
هذا من باب لفت الإنتباه فقط.
أنا خويا مرة فتح مطعم سماه مطعم أم القرى :cra_zy: وش دخل مكة في الماكلة الله أعلم
+
شكرًا على المعلومة الخاصة بالقبضاي
+
الحمد لله لي الأنوثة مازالت مستقرة
+
رومارك: الإستقلال 5 جويلية مش 1 نوفمبر​

إضغط للتوسيع...

ههههه مليحة تاع جاج بلندي ....يعني وش حاب يقول هذا
الناس جاية تاكل ولا جاية تحارب
المرة الجاية دجاج اونتيبااال i-o:
وخوك قوليلو قالك لاجودان راك درت برك بحكاية أم القرى تاعك
+
الانوثة راهي محتاجة دم o نيgاتيف
+
رومارك: حنا في الأوراس الاستقلا تاعنا في أول نوفمبرi-o:
مشكوووورة
:re_gards:​

قال بيّاع الورد:

اهلا حضارات

هههههههههه ما تتخلعش راهي مودة كباقي المودات اللي اعتدنا عليها

ربي يعطينا العقل

الف ششكر

إضغط للتوسيع...

قال جمــآنــة:

هههههه ،، ​

والله صح تحييييييييييييير فيييهم 0_o​

انــآ شففت وحد البازآآر مساميينو بـآزار دبي هههههه يعني وش دخل دبي في بـآزآآر تاع الحـآجة بألفييين تدووخ صح ،،​

عجبتني الرومارك بالماركور هاذيك الاخيرة هههههه ....​

إضغط للتوسيع...

قال لاجودان شاف:

الانوثة راهي محتاجة دم o نيgاتيف

:re_gards:​

إضغط للتوسيع...

قال *عبير الروح*:

السلام عليك ورحمة الله وبركاته

كلامك صحيح يا اخي
وشعبنا الجزائري -فتيات وشباب-لم يتاثروا بالاسماء فقط او بالمطاعم بل تاثروا ايضا بطريقة اللباس والكلام
واسماء البلوتوث واسماء المواليد الجدد
كل ما يطلع فيلم جديد واسم بطل جديد لازم يسموا على اسمه
طلعت نور ومهند سمو كيفهم
طلعت سمر سماو عليها..
طلع ادم سماو عليهم...
ممممممممممممم يقولوا ثقافة ولكن الثقافة لا تقتصر على التقليد للاشياء التافهة
انا عن نفسي لحد الان ماشفتش شعارات واسماء مطاعم مثل الي انت حكيت عليهم
انا الي شفتوا
اسماء البلوتوث
اسماء الفايس بوك اسماء المسن ...........وكل ماتعلق بالنات
اللباس واكثر شئ اللباس*ركز على الكتابة الي باللون الاحمر لانها لا فتة وتخرب العقل ............الله يهدينا كامل*
عقلية الجزائري قلد الي قبيح وماتقلدش الي فيه الفايدة
هاكذا حنايا واكيد احنا عارفين هذا الشئ مي واحد ماقال اواه نبرز شخصيتي وبعدين نقلد الي يفيدني​

اما
- أبضاي -
فهي تعني شهم وقوي وراجل بمعنى الكلمة
وكثير ما سمعتها
شكرا لك على الموضوع
الاكثر من رائع
تقبل ردي
دمت بالف خير​

إضغط للتوسيع...

قال جزائرية كوول:

انت مسمعتش بحلاق لذيذ ههههههههههههه

إضغط للتوسيع...

قال إنسانة ما:

مليح .. ماشي مشكل موجود هذا الفصيلة من الدم
صحيح هي نادرة لكن فصيلة دمي o-
إذا محتاجين دم للأنوثة خبروني، مش خسارة نتبرعو في سبيل إنقاض الأنوثة ..​

إضغط للتوسيع...

مليييح على حسب وش نعرف نتي تقدري تمدي للفصائل كامل
لكن هوما ما يقدروش يمدولك
يعني دمك راهو غالي بزااااف
علاه ماتخدميش بيه
100 الف لليترة وجري يا كمال
​

قال كلي امال:

كاين بيزيريا في و لايتنا اسمها : دقت ساعة الاكل الى الامام الى الامام كي قاتلي عليها اختي مت بالضحك و حرت في ناسنا الهوا اللي جا يديهم ​

إضغط للتوسيع...

قال ماكانش:

أهلا بيك يا الشيخ

واش راح يسمسه يا الشيخ مطعم علي لابوانت، ولا مطعم الشلعلع ...

ولا يقتلونا بمطعم الأوراس ههههههه​

إضغط للتوسيع...

ههههه مطعم بن بولعيد
ولا نقووووولك مطعم ماصالي الحاج هههههههه
على الأقل خير من حلاق سعيدi-o:​

قال إيمان قلب:

السلام عليكم​

الحمد لله كي راهي الانوثة حالتها مستقرة فرحنا نهار تخرج من الكوما ولا اخلعنا نهار تتدهور الحالة
الوغ ماجاتنيش بيزار هاذ العفسة , كون لاوقفت على ابوشهاب وباب الحارة
كاينة واحد المخبزة في ولايتنا , سموها مخبزة عبد القادر كايتا ... " نورمالمو تعرفو ؟؟؟"وجيت راح نكتب عليها بالصح ماوالاتش كيما قلت انت ايا معليه راك كتبت انت , واش تحب ياك احنا قاعدين غي نطبعو منعرف شاراح يضيف اسم ابوشهاب ولا باب الحارة على الماكلة ولا الحفافة ولا القهوة​

هيا خلطها تصفى , يعطيك الصحة خويا لاجودان على الموضوع الهايل +

إضغط للتوسيع...

قال نجاة40:

حنا عندنا كفيتيريا زنقة زنقة

ومقهي ام درمان وبزاف بزاف كيما قلت انت​

إضغط للتوسيع...

قال لاجودان شاف:

اهلا بيك اخت ايمان
هههههههه الانوثة راهي قربت مسكينة
+
واااااعرة تاع عبد القادر كايتا هاذي بصح وعلاه سموها هكا
وش نندبو حنا بكايتا ..وش دخلة في الجزاير
ممكن مولاها يكون يشبه لكايتا
يعطيييك الصحة
:re_gards:​

هههه مليحة تاع زنقة زنقة
تاع أم درمان انا ثاني شفتها هنا في باتنة
مشكوووورة
:re_gards:
[/CENTER]

إضغط للتوسيع...

قال إيمان قلب:

هذيييك اللي دوختني خويا لاجودان , ماعلباليش واش دخلو عبد القادر كايتا​

صدقني غي نهار شفتها قلت بلاك انا اللي غالطة وجيت نحوس نتأكد منو عبد القادر كايتا شكون قلت بلاك كاش شهيد ولا جزائري قديم ومانعرفوهش ,مي لقيتو لاعب الكوديفوار برك , لمشكل انه ماهوش كيما وين نسكن , وغير كي نجي جاية وين نسكن ونكون راكبة فاللوطو ولا البيس نفوت عليها , وإلا نروح نشوف سبب التسمية ولا ندير سبر أراء
هيا يعطيك الصحة بور لا دوزيام فوا , واذا خصكم الدم o positive خبروني نقدملكم يد المساعدة

سلاام​

إضغط للتوسيع...

ملييييح ديري سبر أراء وشوفي وقوليلنا
ولا ما فادتش نروحو نسقسيو كاش بسيكولوg
وما تدري لعودش نسابو من كوديفورا هههه
+
وشبيكم دمكم كامل o
علاه ما تبدلوهش A خير وخير_o:​

قال لاجودان شاف:

مليييح على حسب وش نعرف نتي تقدري تمدي للفصائل كامل
لكن هوما ما يقدروش يمدولك
يعني دمك راهو غالي بزااااف
علاه ماتخدميش بيه
100 الف لليترة وجري يا كمال
​

إضغط للتوسيع...

قال لاجودان شاف:

ملييييح ديري سبر أراء وشوفي وقوليلنا
ولا ما فادتش نروحو نسقسيو كاش بسيكولوg
وما تدري لعودش نسابو من كوديفورا هههه
+
وشبيكم دمكم كامل o
علاه ما تبدلوهش A خير وخير_o:​

إضغط للتوسيع...

قال إيمان قلب:

:scared: :scared:
وواش بيه الــ O

إضغط للتوسيع...

قالك o
ما يحكمش فيه مرض العشق i-o:
تهنيتو​

قال إنسانة ما:

هيه، حنا جماعة o- من الذين يؤثرون على أنفسهم ولو كانت بهم خصاصة.​

إضغط للتوسيع...

قال بنـ MaPa ـت:

وعليكم السلآم​

هههههه
اهلا عمو لاجودان
كاين العجب المعجب في الدزاير الحبيبة ^^
تلقى اسم شرق ومعناه غرب
من جيهتنا مازال ماعجبوش ههه بالاك منا وجاي نكتاشفو كاش خلايع _o:
ربي يجيب الخير برك​

مرسي خيو​

:re_gards:​

إضغط للتوسيع...