تكسير الماعن

*ليديا* · 23 جانفي 2012

السلام عليكم ورحمة الله وبركاته
واش راكم ناس اللمة؟ ان شاء الله راكم بخير وصحة
اليوم حبيت نحكي في موضوع يظهرلي كاين في أغلب بيوتنا
أمس جاتنا جارتنا في لاسيتي وطلبت الماء ، راح نمد ليها الماء كسرت الكاس:showoff

فحلة بزاااااااف)هههههه
قاتلي وكان جيتي قدام ماما تقتلك ، ياويلي فكرتني في ماما كي نكسر حاجة في الدار تقول ليا صحيتي ذرك صحيتي فحلة وتبقى اليوم كامل دايرة محاضرات :sadwalk:اوندري كسرتو قصد
نفس الكلام قالوه البنات يعني الي يحب يسمع محاضرات في الدار بلا ما يروح للجامعة :yaw:يكسر الماعن :shiny:
انا كي تشري ماما حاجة جديدة تاع ماعن وتبدا تحكي لينا في ميزاتها :luve_2:
نختصر انا كلامها ومن الاخر نقول لخاوتي الي يكسرها علابالو واش يجرالو:music_whistling:
بلا ما نطول عليكم : واش موقف الوالدات الكريمات كي تكسرو انتم الماعن

في أمان الله

ماكانش · 23 جانفي 2012

أهلا بيك يلديا
حنا في الدار كسر ولا حرج هههههه
تبالي ماكانش كاس يصلح كامل ماعندهمش القوس هذاك منين يتهزو
ههههههه
وكاشما يطيح كاس ويدير الحس، ألي يسقسي يقولولو طاح تكسر كاس برك هههههههه
يعطيك الصحة

nina bonoise · 23 جانفي 2012

ههههههههههههه
انا ماما كون يتكسر كاس برك تبقا نهار كامل و هي ترحي في الهدرة
انا نولي نقولها او كاس ا ماما تقولي شريتيه بصواردك هههههه
و الله ساعات مش بالدمة يطيحولي لحوايج ويتكسرو
ساعات كي نكون نغسل يزلقولي بالازيس

شجـ الروح ـون · 23 جانفي 2012

السلام عليكم
هههه جيتيني فاختصاصي
مانعرفش ندير حاجة خلاف تكسار الماعن ههه

i-o:
كي نكون مقلقة وندخل للكوزينة مانخرج حتى نكسر حاجة يالوكان فنيجيل ههه
الا ماتكسر ماش بالعاني نكسرو ذراع ههه:shiny:
مرة جيت نغسل فالماعن
خليت الصحون فالباسينة باش نشللهم
وانا نشلل في اخر طبسي طاحلى عالباقيين
ههه قريب 10 صحون كسرتهم في مرة

_o:
جات امي شافت شافت
قاتلي يييه جا يسعى ودر تسعة:cursing:
لوكان غير غسلت وحدي ههه:sneaky2:
قاتلي ظك بعد طيري قولي لباباك يشريهم
منها ولات تشوفني دخل للكوزينة تخبي عليا لي سارفيس الكل هههههههه:no_1::tears:
تخلى غير اللي فيهم عيوب

i-o::shiny:
شكرا حبوبة
موضوع باهي
++++

crazykhadija · 23 جانفي 2012

سهلا

يا حسراه اصلا انا بطبعي كي نتغشش تعطني يما اتوماتيكمو مواعن نكسرهم ههههههههههه

يا هكا كي نتغشش لياا مواعن مهبولة الله غالب

وكي نريح
نهبط للمرشي ونشري من جديد ههههههههههههههه

مرسي

AWDIESL · 23 جانفي 2012

ههه انا مامي العزيزة كي نكسر كاش حاجة تقولي صحيتي خخخ
و التي يكون معناها دائما الاستهزاء بقدراتي كأنثى قادرة على غسل الاواني ههه
تقولي تغسلي كاس تكسريلي 10 (بورتون ما نكسرش بزاف هه)
ممبعد يبداو المحاضرات تاعها و هادا سرفيس شريتو و غالي و دوك يبقا سرفيس بلا يدين خخخخخ
قلتلها منا على شهر نطيرلو رجليه ههه

صحيتي على الموضوع الحيوي ههه

ملكة جمال اللمة · 23 جانفي 2012

هههههههه و الله كامل نفس لبروبلام حتى انا ماما كامل نهار و هي تنقرش كترا كي يكون عاد جديد ههههههههههه امالا كي نكون منارفيا مانحبش نغسل لماعن باسكو كلشي نكسرو هههههههههه و خطرات ماتقولي والو

وردة الروح · 23 جانفي 2012

هههههههه:shiny:
شوفي حبيبتي
هذي الشيئ راه طبيعة في الأمهات الجزائريات ؟؟؟؟
تكسري ماعون يا ويلك و يا سواد ليلك ؟؟؟؟:scared:
لخاطرش إعزو بزاف الماعن و يقدسوهم
شوفي نخرجو نشريو حاجة نلبسوها انشوفو سارفيس شباب و لا طقم صحون ولا تاغمو شابة نشريوها :showoff:
يعني الله غالب ؟؟؟؟:shiny:
و أنا عمري 10 سنوات كسرت فنجان أديت العصى حتى تغاشيت ؟؟؟:scared:
املا حنونة جوسكا بريزون ما زدتش كسرت طبسي و لله الحمد ؟؟؟؟؟:sadwalk:
دايما أتذكر الموقف و نقول و داوها بالتي كانت هي الداء

و الله العصى ماشي مليحة بالصح دوا ء فعال ههههههه:re_gards:
حتى أنا ضد الفتاة اللي تكسر الماعن :cra_zy::cra_zy::cra_zy:
واش بيها حكمها الرعاش من ضركة ؟؟:schmoll:
أيا زيري يدك ؟؟؟ههههههههههه:cra_zy:
شكرا على الموضوع
ربي إجزيك حبيبتي
:sheer:

homework · 23 جانفي 2012

ههه تكسار لماعن لازم في كل بيت جزائري يعني الواحد بدون قصد طيحلوا الحاجة الله غالب
انا بكري كنت صح يتكسرولي دير ماما حالة تقولي تخيلي روحك في دار الناس واش يقولوا عليك
و كي نكسر حاجة تبقي شافية و كي نزيد نكسر حاجة بعد عام تقولي تشفاي نهار كسرتي..........

شجـ الروح ـون · 23 جانفي 2012

قال homework:
ههه تكسار لماعن لازم في كل بيت جزائري يعني الواحد بدون قصد طيحلوا الحاجة الله غالب
انا بكري كنت صح يتكسرولي دير ماما حالة تقولي تخيلي روحك في دار الناس واش يقولوا عليك
و كي نكسر حاجة تبقي شافية و كي نزيد نكسر حاجة بعد عام تقولي تشفاي نهار كسرتي..........

ههههه كي يلحقو للماعن تولي عندهم ذاكرة خارقة
عندي جداتي تمدلك عينيها وماتفرطش في فنجان هههه
نهار يكسرولها كاس القيامة تقوم
حتى ويعوضهولها بزوج سارفيسات ماتستعرفش
ماعنها عزاز هههه

adel-mz · 23 جانفي 2012

ماماتي ماشي كي ماماتكم هههههه
لوكانتكسر الدار كامل نورماااااااااال ،عندها كلمة وحدة شفت وليدي تكسر بحر فيه هههه
مارسي

هالة البريكية · 23 جانفي 2012

اوووووووووو مولاتو هذا الشي
بالصح منكسرش الحاجة حتى نعرف روحي مرفهة
ولا شاريتها انا من قبل
ولا تنوض الحرب في الدار
بالصح حابة نسقسيكم
الدراري كي يكسروا مايقولولهم والو
و لا امهاتنا كي يكسروا علاه منديرولهمش محاضرة؟؟؟؟؟؟؟؟

محـ أمين مد · 23 جانفي 2012

هاو خاطرش نتا راك تشريهم يا ..... ههه

nawal 88 · 23 جانفي 2012

تأكدي من حاجة قبل الا تكسر ماعون فالدار ديري في بالك يتكسرو وراه حوايج بزاف في يومين

اييييييييييه انا كي نكسر نلمو في صاشي و نرميه هههههههههه
علابالك كي نقول لأمي تكسر ورميتو مش كي تشوفو وتتحصر عليه ههه

simou11 · 23 جانفي 2012

ههههههههههه كامل كيما هكا
مي وش يعجبك كي نكسر انا كاس تقولي عمية و ماتشوفيش و معوقة و كلش ^^
العيوب السبعة تظهر فيا
و كي نقولها درك نشريلك اوخر تقولي نو هاداك تاع بكري صحيح تاع درك كامل راشيين
و تشبع فيا بخص
مي كي تكسر هي كاس تقولي : شكون لبهيم لي حاط هادا الكاس هنا
و حاطينو على الحآشية و منعولش عليكم الخ الخ ^^
مي سي خويا كي يكسر كاش حاجة تقولو تجي في الكاس و ماتجيش فيك !!
سلآآآآآآآآمو
Miss Simou

العاشقة لبلدها · 23 جانفي 2012

والله غير روعة موضوع شحال ليا باش نخرج واش في قلبي من كلام ماما على الماعن ولعلى الكيسان الي يتكرسرو
انا كل ما يتكسر كاس لازم نوجد روحي للمحاضرات والقوانين والعياطات ووو....الخ
من عند ماما وتبدا يا مكسورة اليدين يلي يديك مش خواتات ...وتبدا في الكلام انتي عمرك مادرتي حاجة مسقمة في حياتك وتنسى كاااااااامل واش درتلها وهذا كامل لوكان في كامل خواتاتي نورمال مي غير معايا انا منعرفش واش بيها بصح واش عليه ندور ندور ونرضى وحدي بويسك مهما دارتلي راها مامايا راح نرضى باي حاجة اديرهالي وبعد تقول واش عليه تكسر هو ولا تكسرنا حنا خير انشاء الله هههههههه

تحياتي و نتمنى راني قدمت جزء من الضغظ الي في قلبي

hiba14 · 23 جانفي 2012

ممممممممم انا جني ة تعرفريتي في اللي يكسرلي ماعيني عزاز عليا و الله غالب خاوتي عند كل 15 يوم طزينة تاع كيسان هادي في التابت اما الطباسا منين داك و انا ما نكسرش يلا خصك نيبلك بنت عمي تفرحك الحديد و يتكسر في يديها

*ليديا* · 23 جانفي 2012

قال ماكانش:
أهلا بيك يلديا
الله يسلمك خويا مرحبا بيك اكثر
حنا في الدار كسر ولا حرج هههههه
يا بختكم ويا سعدكم راني حاسدتكم
تبالي ماكانش كاس يصلح كامل ماعندهمش القوس هذاك منين يتهزو
ههههههه
راهي بارتو مش غير عندكم ههههههه
وكاشما يطيح كاس ويدير الحس، ألي يسقسي يقولولو طاح تكسر كاس برك هههههههه
احنا يقولو مكان والو يضربو النح ويجريو بيه وكل واحد يقول لخوه اششش تسمع ماما نموتو كامل
يعطيك الصحة

الله يسلمك نورت الموضوع

*ليديا* · 23 جانفي 2012

قال nina bonoise:
ههههههههههههه
انا ماما كون يتكسر كاس برك تبقا نهار كامل و هي ترحي في الهدرة
انا نولي نقولها او كاس ا ماما تقولي شريتيه بصواردك هههههه
و الله ساعات مش بالدمة يطيحولي لحوايج ويتكسرو
ساعات كي نكون نغسل يزلقولي بالازيس

ههههههه الامهات كامل فوطوكوبي
بلاك في المستقبل نوليو كيفهم
زعما هوما في الصغر ما كسروش ماعن؟
نورتي الموضوع حنونة
يعطيك الصحة

*ليديا* · 23 جانفي 2012

قال ═♥° شجـ الروح ـون °♥═:
السلام عليكم
هههه جيتيني فاختصاصي
مانعرفش ندير حاجة خلاف تكسار الماعن هههi-o:
كي نكون مقلقة وندخل للكوزينة مانخرج حتى نكسر حاجة يالوكان فنيجيل ههه
الا ماتكسر ماش بالعاني نكسرو ذراع ههه:shiny:
مرة جيت نغسل فالماعن
خليت الصحون فالباسينة باش نشللهم
وانا نشلل في اخر طبسي طاحلى عالباقيين
ههه قريب 10 صحون كسرتهم في مرة_o:
جات امي شافت شافت
قاتلي يييه جا يسعى ودر تسعة:cursing:
لوكان غير غسلت وحدي ههه:sneaky2:
قاتلي ظك بعد طيري قولي لباباك يشريهم
منها ولات تشوفني دخل للكوزينة تخبي عليا لي سارفيس الكل هههههههه:no_1::tears:
تخلى غير اللي فيهم عيوب i-o::shiny:
شكرا حبوبة
موضوع باهي
++++

وعليكم السلام ورحمة الله وبركاته
يا مرحبا يا مرحبا هههههههه
يقولو : ماخليتو والو ني سارفيس ني غيرو ههههه
نورتي الموضوع حنونة
باهي بوجودكم

تكسير الماعن

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

المواضيع المشابهة