الجزائرين وفن لريسيبسيون

homework

:: عضو بارز ::
أحباب اللمة
إنضم
30 ماي 2008
المشاركات
1,332
نقاط التفاعل
160
النقاط
39
سلام الله عليكم الكل فرد فرد وجماعة جماعة وجزائري جزائري لخطرش وحدنا وحدنا:sadwalk:
اليوم حبيت نعرجوا شوية على موضوع (LES RESEPTION عندنا حنا
اي وحد النهار ترسمت وحدة المخلوقة تخدم معنا و لصقوا فيه الزملاء باش ديرلهم عرضة كيما نقولوا حنا في الدارجة الفال :sheer:
المخلوقة حشمت وقررت باش دير الفال نهار الثلاثاء لعشية منخدموش و ماديرش مشاكل لعمرها
كتبت اعلان لصقاتوا في قاعة الاساتذة انوا كاين عزيمة نهار الثلاثاء لعشية شكيت الجماعة بدات تصوم من نهار الاعلان باش توفر بلاصة تعمر فيها الماكلة نتاع العرضة
ويجي الثلاثاء العبد يحشم مايروحش تقول تتكبر و تحسب روح قررت انا وحبيبتي نروحوا
بمجرد درنا دورة نتاع ليكول لحنا عينا صف نتاع الاساتذ و اولادهم اكثر من الصف نتاع التلاميذ نهار لقراية و كل وحدة هازا صاك كابا باش تعمر فيه
دخلنا و قعدنا و بدأت المأكولات و المشروبات وووووو هي تحط والناس تهز تاكل خرجوا تعادل
دخلنا لشوط الأضافي شوط نتاع الحلويات و الطارطة يخاوتي الطايح كثر من النايض الرجال والنساء و لولاد أختلاط الحابل بنابل زادت نسبة اكسيد الكربون ونقص الاكسجين احمرة الوجه
سبحان الله قولشي خرجوا من عصر المجاعة وماشافوش الماكلة من دهر
واشي هذا واش صرا تسمع غير الصوت القضم يخرج بين الثغرات
وانتهت العرضة و انتهى كل شيئ ومابقي في القاعة غير ليكيسات و جوطابل تتلاوح الكل أكلى وشرب ومسح فموا غير عمي العساس كان يعس علينا ونسينها هذا رد الجميل نتاعنا ليه
على امل اللقاء في عرضة وحدة اخري انشاء الله :re_gards:
 
هههههههههه على بيها يقولوا الاساتذة مشحاحين غير تاع كروشهم ماغلطوش
مرة صرات حنا تلاميد في اخر السنة زعما درنا حفلة كل تلميذ واش جاب والله غير شبعنا ضحك على الاساتذة
ماخلاو والوا هزو كلش في ساشيات هوما وولادهم والناظر لالا زعما شويا فايق عيط لهادوك نتاع الغيبات وقلهم هزو كلش للبيرو نتاعي
 
ههههههههههههههههههههه وي كاينة الحمد الله صرا مام كا في السيام اللي نخدم فيه بصح الناس عندنا الله يبارك اللي يخدمو معانا صح هبلو وحدة ترسمت ديري عرضة بصح كي دارت كل شي رجع و لاو يزعفو عليها علاه عليك دال الخسارة بصح اللي يخدمو معاك كيما اللي يخدمو مع بابا نفس العينة
 
هههههههههه على بيها يقولوا الاساتذة مشحاحين غير تاع كروشهم ماغلطوش
مرة صرات حنا تلاميد في اخر السنة زعما درنا حفلة كل تلميذ واش جاب والله غير شبعنا ضحك على الاساتذة
ماخلاو والوا هزو كلش في ساشيات هوما وولادهم والناظر لالا زعما شويا فايق عيط لهادوك نتاع الغيبات وقلهم هزو كلش للبيرو نتاعي
ههههههههه حوجي علاه دايين علينا هاد النظرة قاع يقولوهالي انا و الله غي كيما يقولو كفي مقعور علابالكي وليت قاع نتشومر و ما نهدرش وليت نخاف لاخاطر يقولولي مشحاحة و انا ماشي قاع هكاك
 
ههههههههههه
الله غالب عقلية dz
حنا تاني عندنا هكدا في الخدمة الحاجة لي يسمعو بيها يقولو الفال
ايا مع الفال لازم كل شي يكون شباب ويهبل
خطرات تكون الماكلة والقاطو يهبلو ياكلو ويدو معاهم ويزيدو يهدرو ايه هديك كيدايرا وهديك الكاطو ماشي شباب وزيد وزيد
شكرا لك
 
أهلا بيك هوم ورك
هههه فكرتيني بوقت بكري ألي كانو كامل يجيبو ولادهم ولا خاوتهم الصغار
هذي كي ماتكونش الحشمة ...
ألي يحشم أصلا مايجيش، وإذا جا كيما قلتي وخاف يقولو متكبر ياكل قيس قيس ويذوق برك
اما التخلاط والزيادة ومانعرف واش والله عيب وقلة الحشمة ...
يعطيك الصحة هوم ورك في انتظار عرضة اخرى هههه
 
سلام اختي شكرا على الموضوع..
درتيلي موضوع على قوسطويا ربي يسترك...
احنا اديها عبرة اذا اي استاذة ولا استاذ تترسم بطبيعة الحال وحاجة واقعية ادير الحفلة للاساتذة هدا ماكان ،اما التلاميذ فلا داعي للخسارة بصح كي المفتش لازم عليها تعرف كيفاه تلعبها مع التلاميذ باه يشاركوا...
هذه استاذة قراتني العام الليفات تع الفرنسية جاء المفتش بعدا عاودتنا الدرس تع الحصة الليفاتت باه نقدروا نشاركوا وكي المفتش مهبط راسه كانت تقولنا الاجابة...
ولحسن الحظ عنها شهرين باه ترسمت وعرفنا ان المرة الماضية جاء زيارة برك ايا المرة هادي ترسمت ودارت حفلة للاساتذة بالطبع والشان كلاو حتى شبعوا....والتلاميذ تع السنة 1 يشوفوا بعينيهم برك مساكن ههههههه.....
واستاذة اخرى تع الرياضيات ترسمت دارت حفلة للتلاميذ اديالها مالقري حفلة بسيطة بصح المهم منساتهمش...
ممبعد قلت بالاك وسور الاساتذة تع الفرنسي مشحاحين ههههههههههه..
بارك الله فيك اختي على الموضوع+ربي يسترك...
واذا ترسمتي متنسايش التلاميذ اديالك....
واذا مرسمة انشاء الله منسيتيهومش...
 
صورة سوداء لواقع يدمي الفؤاد
كارثة
لا اكاد اصدق ان السيناريو حدث في مدرسة وفي حضور مربين
لكن شهد شاهد


 
ههههههههه حوجي علاه دايين علينا هاد النظرة قاع يقولوهالي انا و الله غي كيما يقولو كفي مقعور علابالكي وليت قاع نتشومر و ما نهدرش وليت نخاف لاخاطر يقولولي مشحاحة و انا ماشي قاع هكاك
ههههههههه يتسمى كون جاو مايقولوش الاساتذة مشحاحين مش راح تزيدي تصدقي
راني نهدر على جماعة باينين ^ــ* ماشي كامل الاساتذة
 
وووووو هي تحط والناس تهز تاكل خرجوا تعادل.
روعة هذي بزاف يا بنت الشرق الجزائري.
الله غالب كلش يهون في إطار تكريس التعليم المجاني (تعليم البطون فن التخمة)

 
هههههههههه على بيها يقولوا الاساتذة مشحاحين غير تاع كروشهم ماغلطوش
مرة صرات حنا تلاميد في اخر السنة زعما درنا حفلة كل تلميذ واش جاب والله غير شبعنا ضحك على الاساتذة
ماخلاو والوا هزو كلش في ساشيات هوما وولادهم والناظر لالا زعما شويا فايق عيط لهادوك نتاع الغيبات وقلهم هزو كلش للبيرو نتاعي
ههههههههه احنا في حنا والبرني يسامحنا مشكورة على المرور
 
ههههههههههههههههههههه وي كاينة الحمد الله صرا مام كا في السيام اللي نخدم فيه بصح الناس عندنا الله يبارك اللي يخدمو معانا صح هبلو وحدة ترسمت ديري عرضة بصح كي دارت كل شي رجع و لاو يزعفو عليها علاه عليك دال الخسارة بصح اللي يخدمو معاك كيما اللي يخدمو مع بابا نفس العينة
هههههه هذوا هما الجزائرين
انا كي درت لريسيبسيون نتاعي كل واحد بحقوا كيفاش واحد ياكل الدوبل واحد يتفرج
مشكورة حبيبتي
 
ههههههههههه

الله غالب عقلية dz
حنا تاني عندنا هكدا في الخدمة الحاجة لي يسمعو بيها يقولو الفال
ايا مع الفال لازم كل شي يكون شباب ويهبل
خطرات تكون الماكلة والقاطو يهبلو ياكلو ويدو معاهم ويزيدو يهدرو ايه هديك كيدايرا وهديك الكاطو ماشي شباب وزيد وزيد
شكرا لك​
لي يحكي وحدوا مادام الهدرة باطل الغيرة تهدر وكي عاد ماعجبهمش علاه كلاوه
مشكورة اختي
 
أهلا بيك هوم ورك

هههه فكرتيني بوقت بكري ألي كانو كامل يجيبو ولادهم ولا خاوتهم الصغار
هذي كي ماتكونش الحشمة ...
ألي يحشم أصلا مايجيش، وإذا جا كيما قلتي وخاف يقولو متكبر ياكل قيس قيس ويذوق برك
اما التخلاط والزيادة ومانعرف واش والله عيب وقلة الحشمة ...

يعطيك الصحة هوم ورك في انتظار عرضة اخرى هههه
العرضة الجاية عندي ولناس اللمة و كل شيئ سبيسيال في خاطرهم مشكور خويا مكانش نشاء الله ناكلوا في عرسك
 
سلام اختي شكرا على الموضوع..
درتيلي موضوع على قوسطويا ربي يسترك...
احنا اديها عبرة اذا اي استاذة ولا استاذ تترسم بطبيعة الحال وحاجة واقعية ادير الحفلة للاساتذة هدا ماكان ،اما التلاميذ فلا داعي للخسارة بصح كي المفتش لازم عليها تعرف كيفاه تلعبها مع التلاميذ باه يشاركوا...
هذه استاذة قراتني العام الليفات تع الفرنسية جاء المفتش بعدا عاودتنا الدرس تع الحصة الليفاتت باه نقدروا نشاركوا وكي المفتش مهبط راسه كانت تقولنا الاجابة...
ولحسن الحظ عنها شهرين باه ترسمت وعرفنا ان المرة الماضية جاء زيارة برك ايا المرة هادي ترسمت ودارت حفلة للاساتذة بالطبع والشان كلاو حتى شبعوا....والتلاميذ تع السنة 1 يشوفوا بعينيهم برك مساكن ههههههه.....
واستاذة اخرى تع الرياضيات ترسمت دارت حفلة للتلاميذ اديالها مالقري حفلة بسيطة بصح المهم منساتهمش...
ممبعد قلت بالاك وسور الاساتذة تع الفرنسي مشحاحين ههههههههههه..
بارك الله فيك اختي على الموضوع+ربي يسترك...
واذا ترسمتي متنسايش التلاميذ اديالك....
واذا مرسمة انشاء الله منسيتيهومش...
بلا ماتوسي حبيبتي تلاميذ هما أخوتي وهما الاولين اموا فيهم الخير اذا مرضت يساعفوني واذا شافوني برك سهيت يبداوا يسكتوا في بعضهم ويقولوا الاستاذة تعبانة وانا نزيد من عندي في خاطرهم و انا بديت بيهم اقبل الأساتذة بطبع راهم سبب في الترسيم نتاعي مي ماعودتش الدرس لخطرش جاء مفاجئة و شاركوا وداروا حالة حتي وليت نقولهم بزايد مشاركة
 
صورة سوداء لواقع يدمي الفؤاد

كارثة
لا اكاد اصدق ان السيناريو حدث في مدرسة وفي حضور مربين
لكن شهد شاهد
المهم تتعمر الكرش لا مربي ولا مدرب الكل أصبح تلميذ بحضور الاكل
مشكورة اختي
 
وووووو هي تحط والناس تهز تاكل خرجوا تعادل.
روعة هذي بزاف يا بنت الشرق الجزائري.
الله غالب كلش يهون في إطار تكريس التعليم المجاني (تعليم البطون فن التخمة)
الناس لي ماتشبعش و الناس الي كرشها كبيرة والقناعة مكانش
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top